| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
6. д̇худ̇ан̇г̇аваг̇г̇о
6. Dhutaṅgavaggo
443. ‘‘гад̇и ну ко, бханд̇з, ааран̃н̃игаа’’д̇и? ‘‘бан̃жимз, убаали, ааран̃н̃игаа 1. гад̇амз бан̃жа? манд̣̇ад̇д̇аа момуухад̇д̇аа ааран̃н̃иго ход̇и, баабижчо ижчаабагад̇о ааран̃н̃иго ход̇и, уммаад̣̇аа жид̇д̇агкзбаа ааран̃н̃иго ход̇и, ван̣н̣ид̇ам̣ б̣уд̣̇д̇хзхи б̣уд̣̇д̇хасаавагзхийд̇и ааран̃н̃иго ход̇и, аби жа аббижчан̃н̃зва ниссааяа санд̇удтин̃н̃зва ниссааяа – саллзкан̃н̃зва ниссааяа бавивзган̃н̃зва ниссааяа ид̣̇амад̇т̇ид̇ан̃н̃зва ниссааяа ааран̃н̃иго ход̇и – имз ко, убаали, бан̃жа ааран̃н̃игаа’’д̇и.
443. ‘‘Kati nu kho, bhante, āraññikā’’ti? ‘‘Pañcime, upāli, āraññikā 2. Katame pañca? Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṃ buddhehi buddhasāvakehīti āraññiko hoti, api ca appicchaññeva nissāya santuṭṭhiññeva nissāya – sallekhaññeva nissāya pavivekaññeva nissāya idamatthitaññeva nissāya āraññiko hoti – ime kho, upāli, pañca āraññikā’’ti.
‘‘гад̇и ну ко, бханд̇з, бин̣д̣абаад̇игаад̇и…бз… гад̇и ну ко, бханд̇з, бам̣сугуулигаад̇и…бз… гад̇и ну ко, бханд̇з, ругкамуулигаад̇и…бз… гад̇и ну ко, бханд̇з, сосаанигаад̇и…бз… гад̇и ну ко, бханд̇з, аб̣бхогаасигаад̇и…бз… гад̇и ну ко, бханд̇з, д̇зжийваригаад̇и…бз… гад̇и ну ко, бханд̇з, сабад̣̇аанажааригаад̇и…бз… гад̇и ну ко, бханд̇з, нзсаж̇ж̇игаад̇и…бз… гад̇и ну ко, бханд̇з, яат̇аасант̇ад̇игаад̇и…бз… гад̇и ну ко, бханд̇з, згаасанигаад̇и…бз… гад̇и ну ко, бханд̇з, калубажчаабхад̇д̇игаад̇и…бз… гад̇и ну ко, бханд̇з, бад̇д̇абин̣д̣игаад̇и? бан̃жимз, убаали, бад̇д̇абин̣д̣игаа. гад̇амз бан̃жа? манд̣̇ад̇д̇аа момуухад̇д̇аа бад̇д̇абин̣д̣иго ход̇и, баабижчо ижчаабагад̇о бад̇д̇абин̣д̣иго ход̇и, уммаад̣̇аа жид̇д̇агкзбаа бад̇д̇абин̣д̣иго ход̇и, ван̣н̣ид̇ам̣ б̣уд̣̇д̇хзхи б̣уд̣̇д̇хасаавагзхийд̇и бад̇д̇абин̣д̣иго ход̇и, аби жа аббижчан̃н̃зва ниссааяа санд̇удтин̃н̃зва ниссааяа саллзкан̃н̃зва ниссааяа бавивзган̃н̃зва ниссааяа ид̣̇амад̇т̇ид̇ан̃н̃зва ниссааяа бад̇д̇абин̣д̣иго ход̇и – имз ко, убаали, бан̃жа бад̇д̇абин̣д̣игаа’’д̇и.
‘‘Kati nu kho, bhante, piṇḍapātikāti…pe… kati nu kho, bhante, paṃsukūlikāti…pe… kati nu kho, bhante, rukkhamūlikāti…pe… kati nu kho, bhante, sosānikāti…pe… kati nu kho, bhante, abbhokāsikāti…pe… kati nu kho, bhante, tecīvarikāti…pe… kati nu kho, bhante, sapadānacārikāti…pe… kati nu kho, bhante, nesajjikāti…pe… kati nu kho, bhante, yathāsanthatikāti…pe… kati nu kho, bhante, ekāsanikāti…pe… kati nu kho, bhante, khalupacchābhattikāti…pe… kati nu kho, bhante, pattapiṇḍikāti? Pañcime, upāli, pattapiṇḍikā. Katame pañca? Mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, vaṇṇitaṃ buddhehi buddhasāvakehīti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti – ime kho, upāli, pañca pattapiṇḍikā’’ti.
д̇худ̇ан̇г̇аваг̇г̇о нидтид̇о чадто.
Dhutaṅgavaggo niṭṭhito chaṭṭho.
д̇ассуд̣̇д̣̇аанам̣ –
Tassuddānaṃ –
ааран̃н̃иго бин̣д̣ибам̣су, ругкасусаанабан̃жамам̣;
Āraññiko piṇḍipaṃsu, rukkhasusānapañcamaṃ;
аб̣бхо д̇зжийваран̃жзва, сабад̣̇аананзсаж̇ж̇игаа;
Abbho tecīvarañceva, sapadānanesajjikā;
сант̇ад̇згаасанан̃жзва, калубажчаа бад̇д̇абин̣д̣игаад̇и.
Santhatekāsanañceva, khalupacchā pattapiṇḍikāti.
Footnotes:
