| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
๖. ธุตงฺควโคฺค
6. Dhutaṅgavaggo
๔๔๓. ‘‘กติ นุ โข, ภเนฺต, อารญฺญิกา’’ติ? ‘‘ปญฺจิเม, อุปาลิ, อารญฺญิกา 1ฯ กตเม ปญฺจ? มนฺทตฺตา โมมูหตฺตา อารญฺญิโก โหติ, ปาปิโจฺฉ อิจฺฉาปกโต อารญฺญิโก โหติ, อุมฺมาทา จิตฺตเกฺขปา อารญฺญิโก โหติ, วณฺณิตํ พุเทฺธหิ พุทฺธสาวเกหีติ อารญฺญิโก โหติ, อปิ จ อปฺปิจฺฉเญฺญว นิสฺสาย สนฺตุฎฺฐิเญฺญว นิสฺสาย – สเลฺลขเญฺญว นิสฺสาย ปวิเวกเญฺญว นิสฺสาย อิทมตฺถิตเญฺญว นิสฺสาย อารญฺญิโก โหติ – อิเม โข, อุปาลิ, ปญฺจ อารญฺญิกา’’ติฯ
443. ‘‘Kati nu kho, bhante, āraññikā’’ti? ‘‘Pañcime, upāli, āraññikā 2. Katame pañca? Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṃ buddhehi buddhasāvakehīti āraññiko hoti, api ca appicchaññeva nissāya santuṭṭhiññeva nissāya – sallekhaññeva nissāya pavivekaññeva nissāya idamatthitaññeva nissāya āraññiko hoti – ime kho, upāli, pañca āraññikā’’ti.
‘‘กติ นุ โข, ภเนฺต, ปิณฺฑปาติกาติ…เป.… กติ นุ โข, ภเนฺต, ปํสุกูลิกาติ…เป.… กติ นุ โข, ภเนฺต, รุกฺขมูลิกาติ…เป.… กติ นุ โข, ภเนฺต, โสสานิกาติ…เป.… กติ นุ โข, ภเนฺต, อโพฺภกาสิกาติ…เป.… กติ นุ โข, ภเนฺต, เตจีวริกาติ…เป.… กติ นุ โข, ภเนฺต, สปทานจาริกาติ…เป.… กติ นุ โข, ภเนฺต, เนสชฺชิกาติ…เป.… กติ นุ โข, ภเนฺต, ยถาสนฺถติกาติ…เป.… กติ นุ โข, ภเนฺต, เอกาสนิกาติ…เป.… กติ นุ โข, ภเนฺต, ขลุปจฺฉาภตฺติกาติ…เป.… กติ นุ โข, ภเนฺต, ปตฺตปิณฺฑิกาติ? ปญฺจิเม, อุปาลิ, ปตฺตปิณฺฑิกาฯ กตเม ปญฺจ? มนฺทตฺตา โมมูหตฺตา ปตฺตปิณฺฑิโก โหติ, ปาปิโจฺฉ อิจฺฉาปกโต ปตฺตปิณฺฑิโก โหติ, อุมฺมาทา จิตฺตเกฺขปา ปตฺตปิณฺฑิโก โหติ, วณฺณิตํ พุเทฺธหิ พุทฺธสาวเกหีติ ปตฺตปิณฺฑิโก โหติ, อปิ จ อปฺปิจฺฉเญฺญว นิสฺสาย สนฺตุฎฺฐิเญฺญว นิสฺสาย สเลฺลขเญฺญว นิสฺสาย ปวิเวกเญฺญว นิสฺสาย อิทมตฺถิตเญฺญว นิสฺสาย ปตฺตปิณฺฑิโก โหติ – อิเม โข, อุปาลิ, ปญฺจ ปตฺตปิณฺฑิกา’’ติฯ
‘‘Kati nu kho, bhante, piṇḍapātikāti…pe… kati nu kho, bhante, paṃsukūlikāti…pe… kati nu kho, bhante, rukkhamūlikāti…pe… kati nu kho, bhante, sosānikāti…pe… kati nu kho, bhante, abbhokāsikāti…pe… kati nu kho, bhante, tecīvarikāti…pe… kati nu kho, bhante, sapadānacārikāti…pe… kati nu kho, bhante, nesajjikāti…pe… kati nu kho, bhante, yathāsanthatikāti…pe… kati nu kho, bhante, ekāsanikāti…pe… kati nu kho, bhante, khalupacchābhattikāti…pe… kati nu kho, bhante, pattapiṇḍikāti? Pañcime, upāli, pattapiṇḍikā. Katame pañca? Mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, vaṇṇitaṃ buddhehi buddhasāvakehīti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti – ime kho, upāli, pañca pattapiṇḍikā’’ti.
ธุตงฺควโคฺค นิฎฺฐิโต ฉโฎฺฐฯ
Dhutaṅgavaggo niṭṭhito chaṭṭho.
ตสฺสุทฺทานํ –
Tassuddānaṃ –
อารญฺญิโก ปิณฺฑิปํสุ, รุกฺขสุสานปญฺจมํ;
Āraññiko piṇḍipaṃsu, rukkhasusānapañcamaṃ;
อโพฺภ เตจีวรเญฺจว, สปทานเนสชฺชิกา;
Abbho tecīvarañceva, sapadānanesajjikā;
สนฺถเตกาสนเญฺจว, ขลุปจฺฉา ปตฺตปิณฺฑิกาติฯ
Santhatekāsanañceva, khalupacchā pattapiṇḍikāti.
Footnotes:
