| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੬. ਧੁਤਙ੍ਗવਗ੍ਗੋ
6. Dhutaṅgavaggo
੪੪੩. ‘‘ਕਤਿ ਨੁ ਖੋ, ਭਨ੍ਤੇ, ਆਰਞ੍ਞਿਕਾ’’ਤਿ? ‘‘ਪਞ੍ਚਿਮੇ, ਉਪਾਲਿ, ਆਰਞ੍ਞਿਕਾ 1। ਕਤਮੇ ਪਞ੍ਚ? ਮਨ੍ਦਤ੍ਤਾ ਮੋਮੂਹਤ੍ਤਾ ਆਰਞ੍ਞਿਕੋ ਹੋਤਿ, ਪਾਪਿਚ੍ਛੋ ਇਚ੍ਛਾਪਕਤੋ ਆਰਞ੍ਞਿਕੋ ਹੋਤਿ, ਉਮ੍ਮਾਦਾ ਚਿਤ੍ਤਕ੍ਖੇਪਾ ਆਰਞ੍ਞਿਕੋ ਹੋਤਿ, વਣ੍ਣਿਤਂ ਬੁਦ੍ਧੇਹਿ ਬੁਦ੍ਧਸਾવਕੇਹੀਤਿ ਆਰਞ੍ਞਿਕੋ ਹੋਤਿ, ਅਪਿ ਚ ਅਪ੍ਪਿਚ੍ਛਞ੍ਞੇવ ਨਿਸ੍ਸਾਯ ਸਨ੍ਤੁਟ੍ਠਿਞ੍ਞੇવ ਨਿਸ੍ਸਾਯ – ਸਲ੍ਲੇਖਞ੍ਞੇવ ਨਿਸ੍ਸਾਯ ਪવਿવੇਕਞ੍ਞੇવ ਨਿਸ੍ਸਾਯ ਇਦਮਤ੍ਥਿਤਞ੍ਞੇવ ਨਿਸ੍ਸਾਯ ਆਰਞ੍ਞਿਕੋ ਹੋਤਿ – ਇਮੇ ਖੋ, ਉਪਾਲਿ, ਪਞ੍ਚ ਆਰਞ੍ਞਿਕਾ’’ਤਿ।
443. ‘‘Kati nu kho, bhante, āraññikā’’ti? ‘‘Pañcime, upāli, āraññikā 2. Katame pañca? Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṃ buddhehi buddhasāvakehīti āraññiko hoti, api ca appicchaññeva nissāya santuṭṭhiññeva nissāya – sallekhaññeva nissāya pavivekaññeva nissāya idamatthitaññeva nissāya āraññiko hoti – ime kho, upāli, pañca āraññikā’’ti.
‘‘ਕਤਿ ਨੁ ਖੋ, ਭਨ੍ਤੇ, ਪਿਣ੍ਡਪਾਤਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਪਂਸੁਕੂਲਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਰੁਕ੍ਖਮੂਲਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਸੋਸਾਨਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਅਬ੍ਭੋਕਾਸਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਤੇਚੀવਰਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਸਪਦਾਨਚਾਰਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਨੇਸਜ੍ਜਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਯਥਾਸਨ੍ਥਤਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਏਕਾਸਨਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਖਲੁਪਚ੍ਛਾਭਤ੍ਤਿਕਾਤਿ…ਪੇ॰… ਕਤਿ ਨੁ ਖੋ, ਭਨ੍ਤੇ, ਪਤ੍ਤਪਿਣ੍ਡਿਕਾਤਿ? ਪਞ੍ਚਿਮੇ, ਉਪਾਲਿ, ਪਤ੍ਤਪਿਣ੍ਡਿਕਾ। ਕਤਮੇ ਪਞ੍ਚ? ਮਨ੍ਦਤ੍ਤਾ ਮੋਮੂਹਤ੍ਤਾ ਪਤ੍ਤਪਿਣ੍ਡਿਕੋ ਹੋਤਿ, ਪਾਪਿਚ੍ਛੋ ਇਚ੍ਛਾਪਕਤੋ ਪਤ੍ਤਪਿਣ੍ਡਿਕੋ ਹੋਤਿ, ਉਮ੍ਮਾਦਾ ਚਿਤ੍ਤਕ੍ਖੇਪਾ ਪਤ੍ਤਪਿਣ੍ਡਿਕੋ ਹੋਤਿ, વਣ੍ਣਿਤਂ ਬੁਦ੍ਧੇਹਿ ਬੁਦ੍ਧਸਾવਕੇਹੀਤਿ ਪਤ੍ਤਪਿਣ੍ਡਿਕੋ ਹੋਤਿ, ਅਪਿ ਚ ਅਪ੍ਪਿਚ੍ਛਞ੍ਞੇવ ਨਿਸ੍ਸਾਯ ਸਨ੍ਤੁਟ੍ਠਿਞ੍ਞੇવ ਨਿਸ੍ਸਾਯ ਸਲ੍ਲੇਖਞ੍ਞੇવ ਨਿਸ੍ਸਾਯ ਪવਿવੇਕਞ੍ਞੇવ ਨਿਸ੍ਸਾਯ ਇਦਮਤ੍ਥਿਤਞ੍ਞੇવ ਨਿਸ੍ਸਾਯ ਪਤ੍ਤਪਿਣ੍ਡਿਕੋ ਹੋਤਿ – ਇਮੇ ਖੋ, ਉਪਾਲਿ, ਪਞ੍ਚ ਪਤ੍ਤਪਿਣ੍ਡਿਕਾ’’ਤਿ।
‘‘Kati nu kho, bhante, piṇḍapātikāti…pe… kati nu kho, bhante, paṃsukūlikāti…pe… kati nu kho, bhante, rukkhamūlikāti…pe… kati nu kho, bhante, sosānikāti…pe… kati nu kho, bhante, abbhokāsikāti…pe… kati nu kho, bhante, tecīvarikāti…pe… kati nu kho, bhante, sapadānacārikāti…pe… kati nu kho, bhante, nesajjikāti…pe… kati nu kho, bhante, yathāsanthatikāti…pe… kati nu kho, bhante, ekāsanikāti…pe… kati nu kho, bhante, khalupacchābhattikāti…pe… kati nu kho, bhante, pattapiṇḍikāti? Pañcime, upāli, pattapiṇḍikā. Katame pañca? Mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, vaṇṇitaṃ buddhehi buddhasāvakehīti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti – ime kho, upāli, pañca pattapiṇḍikā’’ti.
ਧੁਤਙ੍ਗવਗ੍ਗੋ ਨਿਟ੍ਠਿਤੋ ਛਟ੍ਠੋ।
Dhutaṅgavaggo niṭṭhito chaṭṭho.
ਤਸ੍ਸੁਦ੍ਦਾਨਂ –
Tassuddānaṃ –
ਆਰਞ੍ਞਿਕੋ ਪਿਣ੍ਡਿਪਂਸੁ, ਰੁਕ੍ਖਸੁਸਾਨਪਞ੍ਚਮਂ।
Āraññiko piṇḍipaṃsu, rukkhasusānapañcamaṃ;
ਅਬ੍ਭੋ ਤੇਚੀવਰਞ੍ਚੇવ, ਸਪਦਾਨਨੇਸਜ੍ਜਿਕਾ।
Abbho tecīvarañceva, sapadānanesajjikā;
ਸਨ੍ਥਤੇਕਾਸਨਞ੍ਚੇવ, ਖਲੁਪਚ੍ਛਾ ਪਤ੍ਤਪਿਣ੍ਡਿਕਾਤਿ॥
Santhatekāsanañceva, khalupacchā pattapiṇḍikāti.
Footnotes:
