| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. д̣̇иб̣б̣ажагкугат̇ааван̣н̣анаа
7. Dibbacakkhukathāvaṇṇanā
373. ид̣̇аани д̣̇иб̣б̣ажагкугат̇аа наама ход̇и. д̇ад̇т̇а язсам̣ жад̇уд̇т̇аж̇жхаанад̇хаммуубад̇т̇ад̣̇д̇хам̣ мам̣сажагкумзва д̣̇иб̣б̣ажагку наама ход̇ийд̇и лад̣̇д̇хи, сзяяат̇ааби зд̇арахи анд̇хагаанан̃жзва саммид̇ияаанан̃жа; д̇з санд̇хааяа мам̣сажагкунд̇и бужчаа сагаваад̣̇исса, бадин̃н̃аа ид̇арасса.
373. Idāni dibbacakkhukathā nāma hoti. Tattha yesaṃ catutthajjhānadhammūpatthaddhaṃ maṃsacakkhumeva dibbacakkhu nāma hotīti laddhi, seyyathāpi etarahi andhakānañceva sammitiyānañca; te sandhāya maṃsacakkhunti pucchā sakavādissa, paṭiññā itarassa.
буна ‘‘мам̣сажагку д̣̇иб̣б̣ажагку, д̣̇иб̣б̣ажагку мам̣сажагкуу’’д̇и будто д̇ам̣ мад̇д̇амзва д̇ам̣ на ход̇ийд̇и бадигкибад̇и. яаад̣̇исанд̇иаад̣̇ибужчаасуби убхиннам̣ згасабхааваабхаавзнзва бадигкибад̇и.
Puna ‘‘maṃsacakkhu dibbacakkhu, dibbacakkhu maṃsacakkhū’’ti puṭṭho taṃ mattameva taṃ na hotīti paṭikkhipati. Yādisantiādipucchāsupi ubhinnaṃ ekasabhāvābhāveneva paṭikkhipati.
висаяод̇иаад̣̇ийсу убхиннамби руубааяад̇анамзва висаяо. мам̣сажагку бана аабаат̇аг̇ад̇амзва бассад̇и. ид̇арам̣ анаабаат̇аг̇ад̇ам̣ д̇иробаб̣б̣ад̇аад̣̇иг̇ад̇амби. д̣̇иб̣б̣ажагкусса жа ад̇исукумамби руубам̣ г̇ожаро, на д̇аад̣̇исам̣ ид̇арассаад̇и звамзд̇зсам̣ аанубхааваг̇ожараа асад̣̇исаа.
Visayotiādīsu ubhinnampi rūpāyatanameva visayo. Maṃsacakkhu pana āpāthagatameva passati. Itaraṃ anāpāthagataṃ tiropabbatādigatampi. Dibbacakkhussa ca atisukhumampi rūpaṃ gocaro, na tādisaṃ itarassāti evametesaṃ ānubhāvagocarā asadisā.
убаад̣̇ин̣н̣ам̣ худ̇ваа анубаад̣̇ин̣н̣ам̣ ход̇ийд̇и будто яасмаа мам̣сажагку убаад̣̇ин̣н̣ам̣, д̣̇иб̣б̣ажагку анубаад̣̇ин̣н̣ам̣, на жа мам̣сажагкумзва д̣̇иб̣б̣ажагкууд̇и ижчад̇и, д̇асмаа бадигкибад̇и. д̣̇уд̇ияам̣ будто яасмаа ‘‘мам̣сажагкусса уббаад̣̇о, маг̇г̇о д̣̇иб̣б̣асса жагкуно’’д̇и важанам̣ ниссааяа мам̣сажагкубажжаяаа д̣̇иб̣б̣ажагку уббаж̇ж̇ад̇и, д̇ан̃жа руубааважаригаанам̣ жад̇уннам̣ махаабхууд̇аанам̣ басаад̣̇од̇и ижчад̇и, д̇асмаа бадиж̇аанаад̇и. гаамааважарам̣ худ̇ваад̇и будтоби яасмаа на мам̣сажагкумзва д̣̇иб̣б̣ажагкууд̇и ижчад̇и, д̇асмаа бадигкибад̇и. д̣̇уд̇ияам̣ будто руубааважараж̇жхаанабажжаязна уббаннад̇д̇аа руубааважарам̣ наама ж̇аад̇анд̇и бадиж̇аанаад̇и.
Upādiṇṇaṃ hutvā anupādiṇṇaṃ hotīti puṭṭho yasmā maṃsacakkhu upādiṇṇaṃ, dibbacakkhu anupādiṇṇaṃ, na ca maṃsacakkhumeva dibbacakkhūti icchati, tasmā paṭikkhipati. Dutiyaṃ puṭṭho yasmā ‘‘maṃsacakkhussa uppādo, maggo dibbassa cakkhuno’’ti vacanaṃ nissāya maṃsacakkhupaccayā dibbacakkhu uppajjati, tañca rūpāvacarikānaṃ catunnaṃ mahābhūtānaṃ pasādoti icchati, tasmā paṭijānāti. Kāmāvacaraṃ hutvāti puṭṭhopi yasmā na maṃsacakkhumeva dibbacakkhūti icchati, tasmā paṭikkhipati. Dutiyaṃ puṭṭho rūpāvacarajjhānapaccayena uppannattā rūpāvacaraṃ nāma jātanti paṭijānāti.
руубааважарам̣ худ̇ваа аруубааважаранд̇и будтоби д̇ад̇о барам̣ бхааванааяа аруубааважарагкан̣з руубааважаражид̇д̇асса абхааваа бадигкибад̇и. д̣̇уд̇ияам̣ будто аруубааважаригаанам̣ жад̇уннам̣ махаабхууд̇аанам̣ басаад̣̇о худ̇ваа уббаж̇ж̇ад̇ийд̇и лад̣̇д̇хияаа бадиж̇аанаад̇и. абарияаабаннабхаавам̣ банасса на ижчад̇и, д̇асмаа бадигкибад̇иязва.
Rūpāvacaraṃ hutvā arūpāvacaranti puṭṭhopi tato paraṃ bhāvanāya arūpāvacarakkhaṇe rūpāvacaracittassa abhāvā paṭikkhipati. Dutiyaṃ puṭṭho arūpāvacarikānaṃ catunnaṃ mahābhūtānaṃ pasādo hutvā uppajjatīti laddhiyā paṭijānāti. Apariyāpannabhāvaṃ panassa na icchati, tasmā paṭikkhipatiyeva.
374. д̣̇иб̣б̣ажагкум̣ д̇хаммубад̇т̇ад̣̇д̇ханд̇и гаамааважарад̇хаммзна убад̇т̇амбхид̇ам̣ худ̇ваа. буна д̇хаммубад̇т̇ад̣̇д̇ханд̇и логуд̇д̇арад̇хаммзна убад̇т̇ад̣̇д̇хам̣. д̣̇взва жагкуунийд̇и будто гин̃жааби д̣̇иб̣б̣ажагкуно д̇хаммубад̇т̇ад̣̇д̇хасса бан̃н̃аажагкубхаавам̣ на ижчад̇и, бан̃н̃аажагкусса бана ад̇т̇ид̇ааяа бадигкибад̇и. буна будто мам̣сажагку д̇хаммубад̇т̇ад̣̇д̇хам̣ д̣̇иб̣б̣ажагку ход̇ийд̇и лад̣̇д̇хивасзна бадиж̇аанаад̇и. сзсамзд̇т̇а уд̇д̇аанад̇т̇амзваад̇и.
374. Dibbacakkhuṃ dhammupatthaddhanti kāmāvacaradhammena upatthambhitaṃ hutvā. Puna dhammupatthaddhanti lokuttaradhammena upatthaddhaṃ. Dveva cakkhūnīti puṭṭho kiñcāpi dibbacakkhuno dhammupatthaddhassa paññācakkhubhāvaṃ na icchati, paññācakkhussa pana atthitāya paṭikkhipati. Puna puṭṭho maṃsacakkhu dhammupatthaddhaṃ dibbacakkhu hotīti laddhivasena paṭijānāti. Sesamettha uttānatthamevāti.
д̣̇иб̣б̣ажагкугат̇ааван̣н̣анаа.
Dibbacakkhukathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (27) 7. д̣̇иб̣б̣ажагкугат̇аа • (27) 7. Dibbacakkhukathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. д̣̇иб̣б̣ажагкугат̇ааван̣н̣анаа • 7. Dibbacakkhukathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. д̣̇иб̣б̣ажагкугат̇ааван̣н̣анаа • 7. Dibbacakkhukathāvaṇṇanā
