| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༧. དིབྦཙཀྑུཀཐཱཝཎྞནཱ
7. Dibbacakkhukathāvaṇṇanā
༣༧༣. ཨུཔཏྠདྡྷནྟི ཡཐཱ ཝིསཡཱནུབྷཱཝགོཙརེཧི ཝིསིཊྛཾ ཧོཏི, ཏཐཱ པཙྩཡབྷཱུཏེན ཀཏབལཱདྷཱནནྟི ཨཏྠོ། ཏཾམཏྟམེཝཱཏི པུརིམཾ མཾསཙཀྑུམཏྟམེཝ དྷམྨུཔཏྠདྡྷཾ ན ཧོཏཱིཏི ཨཏྠོ། ཨནཱཔཱཐགཏནྟི མཾསཙཀྑུནཱ གཧེཏབྦཊྛཱནཾ ཨཱཔཱཐཾ ནཱགཏཾ། ཨེཏྠ ཙ ཝིསཡསྶ དཱིཔཀཾ ཨཱནུབྷཱཝགོཙརཱནམེཝ ཨསདིསཏཾ ཝདནྟོ ཡཱདིསོ མཾསཙཀྑུསྶ ཝིསཡོཏི ཝིསཡགྒཧཎཾ ན ཝིསཡཝིསེསདསྶནཏྠཾ, ཨཐ ཁོ ཡཱདིསེ ཝིསཡེ ཨཱནུབྷཱཝགོཙརཝིསེསཱ ཧོནྟི, ཏཱདིསསྶ རཱུཔཝིསཡསྶ དསྶནཏྠནྟི དཱིཔེཏི, སདིསསྶ ཝཱ ཝིསཡསྶ ཨཱནུབྷཱཝགོཙརཝིསེསོཝ ཝིསེསཾ།
373. Upatthaddhanti yathā visayānubhāvagocarehi visiṭṭhaṃ hoti, tathā paccayabhūtena katabalādhānanti attho. Taṃmattamevāti purimaṃ maṃsacakkhumattameva dhammupatthaddhaṃ na hotīti attho. Anāpāthagatanti maṃsacakkhunā gahetabbaṭṭhānaṃ āpāthaṃ nāgataṃ. Ettha ca visayassa dīpakaṃ ānubhāvagocarānameva asadisataṃ vadanto yādiso maṃsacakkhussa visayoti visayaggahaṇaṃ na visayavisesadassanatthaṃ, atha kho yādise visaye ānubhāvagocaravisesā honti, tādisassa rūpavisayassa dassanatthanti dīpeti, sadisassa vā visayassa ānubhāvagocaravisesova visesaṃ.
ན ཙ མཾསཙཀྑུམེཝ དིབྦཙཀྑཱུཏི ཨིཙྪཏཱིཏི དྷམྨུཔཏྠདྡྷཀཱལེ པུརིམཾ མཾསཙཀྑུམེཝཱཏི ན ཨིཙྪཏཱིཏི ཨདྷིཔྤཱཡོ། མཾསཙཀྑུསྶ ཨུཔྤཱདོ མགྒོཏི མཾསཙཀྑུཔཙྩཡཏཱདསྶནཏྠམེཝ ཝུཏྟཾ, ན ཏེན ཨནུཔཱདིནྣཏཱསཱདྷནཏྠཾ། རཱུཔཱཝཙརིཀཱནནྟི རཱུཔཱཝཙརཛ྄ཛྷཱནཔཙྩཡེན ཨུཔྤནྣཱནི མཧཱབྷཱུཏཱནི རཱུཔཱཝཙརིཀཱནཱིཏི སོ ཨིཙྪཏཱིཏི ཨདྷིཔྤཱཡོ། ཨེས ནཡོ ‘‘ཨརཱུཔཱཝཙརིཀཱན’’ནྟི ཨེཏྠཱཔི། ཨརཱུཔཱཝཙརཀྑཎེ རཱུཔཱཝཙརཙིཏྟསྶ ཨབྷཱཝཱ པཊིཀྑིཔཏཱིཏི ཏསྨིཾཡེཝ ཁཎེ རཱུཔཱཝཙརཾ ཧུཏྭཱ ཨརཱུཔཱཝཙརཾ ན ཛཱཏནྟི པཊིཀྑིཔཏཱིཏི ཨདྷིཔྤཱཡོ།
Na ca maṃsacakkhumeva dibbacakkhūti icchatīti dhammupatthaddhakāle purimaṃ maṃsacakkhumevāti na icchatīti adhippāyo. Maṃsacakkhussa uppādo maggoti maṃsacakkhupaccayatādassanatthameva vuttaṃ, na tena anupādinnatāsādhanatthaṃ. Rūpāvacarikānanti rūpāvacarajjhānapaccayena uppannāni mahābhūtāni rūpāvacarikānīti so icchatīti adhippāyo. Esa nayo ‘‘arūpāvacarikāna’’nti etthāpi. Arūpāvacarakkhaṇe rūpāvacaracittassa abhāvā paṭikkhipatīti tasmiṃyeva khaṇe rūpāvacaraṃ hutvā arūpāvacaraṃ na jātanti paṭikkhipatīti adhippāyo.
༣༧༤. ཀིཉྩཱཔི དིབྦཙཀྑུནོ དྷམྨུཔཏྠདྡྷསྶ པཉྙཱཙཀྑུབྷཱཝཾ ན ཨིཙྪཏི, ཡེན ཏཱིཎི ཙཀྑཱུནི དྷམྨུཔཏྠམྦྷེན ཙཀྑུནྟརབྷཱཝཾ ཝདཏོ བྷཝེཡྻུནྟི ཨདྷིཔྤཱཡོ།
374. Kiñcāpi dibbacakkhuno dhammupatthaddhassa paññācakkhubhāvaṃ na icchati, yena tīṇi cakkhūni dhammupatthambhena cakkhuntarabhāvaṃ vadato bhaveyyunti adhippāyo.
དིབྦཙཀྑུཀཐཱཝཎྞནཱ ནིཊྛིཏཱ།
Dibbacakkhukathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༧) ༧. དིབྦཙཀྑུཀཐཱ • (27) 7. Dibbacakkhukathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༧. དིབྦཙཀྑུཀཐཱཝཎྞནཱ • 7. Dibbacakkhukathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༧. དིབྦཙཀྑུཀཐཱཝཎྞནཱ • 7. Dibbacakkhukathāvaṇṇanā
