| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
д̣̇иб̣б̣ажагкун̃аан̣агат̇ааван̣н̣анаа
Dibbacakkhuñāṇakathāvaṇṇanā
13. ‘‘жуд̇уубабаад̇ан̃аан̣ааяаа’’д̇и палуубажаарзна вуд̇д̇ам̣. ид̣̇ан̃хи д̣̇иб̣б̣ажагкун̃аан̣ам̣ руубаарамман̣ад̇д̇аа барид̇д̇абажжуббаннааж̇жхад̇д̇аб̣ахид̣̇д̇хаарамман̣ам̣ ход̇и. на жуд̇им̣ ваа бадисанд̇хим̣ ваа аарамман̣ам̣ гарод̇и. д̇асмаа ‘‘яат̇аагаммуубаг̇з сад̇д̇з баж̇аанаамий’’д̇и (баараа. 13) важанам̣ вияа палуубажаарзнзва вуд̇д̇амид̣̇анд̇и взд̣̇ид̇аб̣б̣ам̣. д̣̇иб̣б̣авихаарасанниссид̇ад̇д̇аа гааран̣обажаарзна д̣̇иб̣б̣ам̣. иминаа бана гзжи аажарияаа ‘‘гусалаагусалаа жагкуу д̣̇иб̣б̣ажагку гаамааважара’’нд̇и вад̣̇анд̇и, д̇з бадисзд̇хид̇аа хонд̇и. жад̇уд̇т̇аж̇жхаанабан̃н̃аа хи зд̇т̇а ад̇хиббзд̇аа. махааж̇уд̇игад̇д̇аа махааг̇ад̇игад̇д̇аад̇и зд̇зсу ‘‘сад̣̇д̣̇асад̇т̇аанусаарзнаа’’д̇и вуд̇д̇ам̣. згаад̣̇асаннам̣ убаггилзсаанам̣ звам̣ уббад̇д̇иггамо убаггилзсабхааво жа взд̣̇ид̇аб̣б̣о, махаасад̇д̇асса аалогам̣ вад̣дхзд̇ваа д̣̇иб̣б̣ажагкунаа наанаавид̇хаани руубаани д̣̇исваа ‘‘ид̣̇ам̣ ну ко ги’’нд̇и вижигижчаа уд̣̇абаад̣̇и, со убаггилзсо убаггилзсасуд̇д̇з (ма. ни. 3.236 аад̣̇аяо) ‘‘вижигижчаад̇хигаран̣ан̃жа бана мз самаад̇химхи жави, самаад̇химхи жуд̇з обхаасо анд̇арад̇хааяад̇и д̣̇ассанан̃жа руубаана’’нд̇и важанад̇о. д̇ад̇о ‘‘руубаани мз бассад̇о вижигижчаа уббаж̇ж̇ад̇и, ид̣̇аани на гин̃жи манаси гариссаамий’’д̇и жинд̇аяад̇о аманасигааро, д̇ад̇о гин̃жи аманасигаронд̇асса т̇инамид̣̇д̇хам̣ уд̣̇абаад̣̇и, д̇ад̇о д̇асса бахаанад̇т̇ам̣ аалогам̣ вад̣дхзд̇ваа руубаани бассад̇о химаванд̇аад̣̇ийсу д̣̇аанаварагкасаад̣̇аяо бассанд̇асса чамбхид̇ад̇д̇ам̣ уд̣̇абаад̣̇и, д̇ад̇о д̇асса бахаанад̇т̇ам̣ ‘‘маяаа д̣̇идтабхаяам̣ багад̇ияаа ологияамаанам̣ над̇т̇и, ад̣̇идтз гим̣ наама бхаяа’’нд̇и жинд̇аяад̇о уббилаавид̇ад̇д̇ам̣ уд̣̇абаад̣̇и. г̇ан̣тибад̣̇з бана ‘‘уббилам̣ д̣̇иб̣б̣аруубад̣̇ассзнзнаа’’д̇и вуд̇д̇ам̣, ‘‘д̇ам̣ д̣̇увуд̇д̇ам̣ барад̇о абхиж̇аббааважанзна д̇ад̣̇ад̇т̇асид̣̇д̇хид̇о’’д̇и аажарияо вад̣̇ад̇и. д̇ад̇о чамбхид̇ад̇д̇аббахаанад̇т̇ам̣ ‘‘маяаа вийрияам̣ д̣̇ал̣хам̣ баг̇г̇ахид̇ам̣, д̇зна мз ид̣̇ам̣ уббилам̣ уббанна’’нд̇и вийрияам̣ сит̇илам̣ гаронд̇асса гааяад̣̇удтуллам̣ гааяад̣̇арат̇о гааяааласияам̣ уд̣̇абаад̣̇и, д̇ад̇о д̇ам̣ жаж̇анд̇асса ажжаарад̣̇д̇хавийрияам̣ уд̣̇абаад̣̇и, д̇ад̇т̇а д̣̇осам̣ бассад̇о ад̇илийнавийрияам̣ убад̣̇аад̣̇и, д̇ад̇о д̇ам̣ бахааяа самаббавад̇д̇зна вийриязна чамбхид̇ад̇д̇абхаяаа химаванд̇аад̣̇идтаанам̣ бахааяа д̣̇звалогаабхимукам̣ аалогам̣ вад̣дхзд̇ваа д̣̇звасан̇гхам̣ бассад̇о д̇ан̣хаасан̇каад̇аа абхиж̇аббаа уд̣̇абаад̣̇и, д̇ад̇о ‘‘маяхам̣ згаж̇аад̇игаруубам̣ манаси гаронд̇асса абхиж̇аббаа уббаннаа, д̇асмаа д̣̇аани наанаавид̇хам̣ руубам̣ манаси гариссаамий’’д̇и гаалзна д̣̇звалогаабхимукам̣, гаалзна мануссалогаабхимукам̣ аалогам̣ вад̣дхзд̇ваа наанаавид̇хаани руубаани манаси гарод̇о наанад̇д̇асан̃н̃аа уд̣̇абаад̣̇и, д̇ад̇о ‘‘наанаавид̇харуубаани мз манаси гаронд̇асса наанад̇д̇асан̃н̃аа уд̣̇абаад̣̇и, д̇асмаа д̣̇аани абхиж̇аббаад̣̇ибхаяаа идтаад̣̇инимид̇д̇аг̇г̇аахам̣ бахааяа згаж̇аад̇игамзва руубам̣ манаси гариссаамий’’д̇и д̇ат̇аа гарод̇о абхиниж̇жхааяид̇ад̇д̇ам̣ руубаанам̣ уд̣̇абаад̣̇и звам̣ бахийнаубаггилзсассааби анад̇хидтид̇ад̇д̇аа. обхаасан̃хи ко ж̇аанаами, на жа руубаани бассаамийд̇иаад̣̇и ж̇аад̇ам̣.
13.‘‘Cutūpapātañāṇāyā’’ti phalūpacārena vuttaṃ. Idañhi dibbacakkhuñāṇaṃ rūpārammaṇattā parittapaccuppannaajjhattabahiddhārammaṇaṃ hoti. Na cutiṃ vā paṭisandhiṃ vā ārammaṇaṃ karoti. Tasmā ‘‘yathākammūpage satte pajānāmī’’ti (pārā. 13) vacanaṃ viya phalūpacāreneva vuttamidanti veditabbaṃ. Dibbavihārasannissitattā kāraṇopacārena dibbaṃ. Iminā pana keci ācariyā ‘‘kusalākusalā cakkhū dibbacakkhu kāmāvacara’’nti vadanti, te paṭisedhitā honti. Catutthajjhānapaññā hi ettha adhippetā. Mahājutikattā mahāgatikattāti etesu ‘‘saddasatthānusārenā’’ti vuttaṃ. Ekādasannaṃ upakkilesānaṃ evaṃ uppattikkamo upakkilesabhāvo ca veditabbo, mahāsattassa ālokaṃ vaḍḍhetvā dibbacakkhunā nānāvidhāni rūpāni disvā ‘‘idaṃ nu kho ki’’nti vicikicchā udapādi, so upakkileso upakkilesasutte (ma. ni. 3.236 ādayo) ‘‘vicikicchādhikaraṇañca pana me samādhimhi cavi, samādhimhi cute obhāso antaradhāyati dassanañca rūpāna’’nti vacanato. Tato ‘‘rūpāni me passato vicikicchā uppajjati, idāni na kiñci manasi karissāmī’’ti cintayato amanasikāro, tato kiñci amanasikarontassa thinamiddhaṃ udapādi, tato tassa pahānatthaṃ ālokaṃ vaḍḍhetvā rūpāni passato himavantādīsu dānavarakkhasādayo passantassa chambhitattaṃ udapādi, tato tassa pahānatthaṃ ‘‘mayā diṭṭhabhayaṃ pakatiyā olokiyamānaṃ natthi, adiṭṭhe kiṃ nāma bhaya’’nti cintayato uppilāvitattaṃ udapādi. Gaṇṭhipade pana ‘‘uppilaṃ dibbarūpadassenenā’’ti vuttaṃ, ‘‘taṃ duvuttaṃ parato abhijappāvacanena tadatthasiddhito’’ti ācariyo vadati. Tato chambhitattappahānatthaṃ ‘‘mayā vīriyaṃ daḷhaṃ paggahitaṃ, tena me idaṃ uppilaṃ uppanna’’nti vīriyaṃ sithilaṃ karontassa kāyaduṭṭhullaṃ kāyadaratho kāyālasiyaṃ udapādi, tato taṃ cajantassa accāraddhavīriyaṃ udapādi, tattha dosaṃ passato atilīnavīriyaṃ upadādi, tato taṃ pahāya samappavattena vīriyena chambhitattabhayā himavantādiṭṭhānaṃ pahāya devalokābhimukhaṃ ālokaṃ vaḍḍhetvā devasaṅghaṃ passato taṇhāsaṅkhātā abhijappā udapādi, tato ‘‘mayhaṃ ekajātikarūpaṃ manasi karontassa abhijappā uppannā, tasmā dāni nānāvidhaṃ rūpaṃ manasi karissāmī’’ti kālena devalokābhimukhaṃ, kālena manussalokābhimukhaṃ ālokaṃ vaḍḍhetvā nānāvidhāni rūpāni manasi karoto nānattasaññā udapādi, tato ‘‘nānāvidharūpāni me manasi karontassa nānattasaññā udapādi, tasmā dāni abhijappādibhayā iṭṭhādinimittaggāhaṃ pahāya ekajātikameva rūpaṃ manasi karissāmī’’ti tathā karoto abhinijjhāyitattaṃ rūpānaṃ udapādi evaṃ pahīnaupakkilesassāpi anadhiṭṭhitattā. Obhāsañhi kho jānāmi, na ca rūpāni passāmītiādi jātaṃ.
д̇ассад̇т̇о – яад̣̇аа баригаммобхаасамзва манаси гароми, д̇ад̣̇аа обхаасам̣ сан̃ж̇аанаами, д̣̇иб̣б̣зна жагкунаа руубаани на жа бассаами, руубад̣̇ассанагаалз жа обхаасам̣ на ж̇аанаамийд̇и. гимад̇т̇амид̣̇ам̣ вуд̇д̇ам̣, на хи зд̇ам̣ убаггисзсаг̇ад̇анд̇и? на гзвалам̣ убаггилзсаббаж̇аханамзвзд̇т̇а гад̇д̇аб̣б̣ам̣, язна ид̣̇ам̣ висуд̣̇д̇хам̣ ход̇и, ан̃н̃амби д̇ад̣̇уд̇д̇ари гад̇д̇аб̣б̣ам̣ ад̇т̇ийд̇и д̣̇ассанад̇т̇ам̣. вижигижчаа жид̇д̇асса убаггилзсод̇иаад̣̇ийсу ‘‘имз д̇хаммаа убаггилзсаад̇и аад̣̇ийнавад̣̇ассанзна баж̇ахим̣, на маяхам̣ д̇ад̣̇аа уббаннад̇д̇аа’’д̇и гзжи вад̣̇анд̇и. маанусагам̣ ваад̇и иминаа сабхааваад̇иггамам̣ д̣̇ассзд̇и. мам̣сажагкунаа вияаад̇и иминаа барияад̇д̇иг̇г̇ахан̣ам̣, ван̣н̣амад̇д̇аарамман̣ад̇ан̃жа убамзд̇и. ван̣н̣амад̇д̇з хзд̇т̇а сад̇д̇а-сад̣̇д̣̇о, на ‘‘саб̣б̣з сад̇д̇аа аахаарадтид̇игаа’’д̇и (а. ни. 10.27) зд̇т̇а вияа саб̣б̣асан̇кад̇зсу, хийнаж̇аад̇иаад̣̇аяо мохасса ниссанд̣̇о вибааго. гааяад̣̇ужжарид̇зна саманнааг̇ад̇аа буб̣б̣з ад̇ийд̇абхавз ахзсум̣, самбад̇и нираяам̣ убабаннаад̇и звам̣ баатасзсзна самб̣анд̇хо взд̣̇ид̇аб̣б̣о. ‘‘яат̇аагаммуубаг̇ан̃аан̣ан̃хи зганд̇амад̇ийд̇аарамман̣ам̣, д̣̇иб̣б̣ажагку бажжуббаннаарамман̣а’’нд̇и убхиннам̣ гижжавасзна вуд̇д̇ам̣. махаллагод̇и саман̣аанам̣ сааруббамасааруббам̣, логаажаарам̣ ваа на ж̇аанаад̇ийд̇и ад̇хиббааязна вуд̇д̇ад̇д̇аа г̇ун̣абарид̇хам̣санзна г̇арахад̇ийд̇и взд̣̇ид̇аб̣б̣ам̣. ‘‘нияад̇о самб̣од̇хибарааяано’’д̇и (сам̣. ни. 2.41; 5.998, 1004) вуд̇д̇о арияабуг̇г̇ало маг̇г̇ааваран̣ам̣ гаад̇ум̣ самад̇т̇ам̣ парусаважанам̣ яад̣̇и гат̇зяяа, абааяаг̇аманийяамби гарзяяа, д̇зна со абааяубаг̇оби бхавзяяа, д̇асмаа убабаригкид̇аб̣б̣анд̇и згз. ‘‘вааяаамам̣ маа агаасийд̇и т̇зрзна вуд̇д̇ад̇д̇аа маг̇г̇ааваран̣ам̣ гарод̇ий’’д̇и вад̣̇анд̇и. буб̣б̣зва сод̇аабаннзна абааяад̣̇вааро бихид̇о, д̇асмаасса саг̇г̇ааваран̣ам̣ над̇т̇и. ‘‘баагад̇иганд̇и бавад̇д̇ивибаагам̣ ахосий’’д̇и вад̣̇анд̇и. ‘‘вуд̣̇д̇хи хзсаа, бхигкавз, арияасса винаяз, яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇ий’’д̇и (ма. ни. 3.370; д̣̇ий. ни. 1.251) важанад̇о баагад̇игам̣ ахосийд̇и згз. сажз со на камад̇ийд̇и сод̇аабаннаад̣̇ийнам̣ канд̇иг̇ун̣асса манд̣̇ад̇ааяа ваа ааяад̇им̣ д̇асса судту сам̣варад̇т̇ааяа ваа агкаманам̣ санд̇хааяа вуд̇д̇ам̣. сукаанам̣ ваа ааяасса аарамман̣аад̣̇ино абхааваа гаалаган̃жигаа асураа хонд̇и. ‘‘ид̇о бхо суг̇ад̇им̣ г̇ажчаа’’д̇и (ид̇иву. 83) важанад̇о мануссаг̇ад̇иби. д̣̇иб̣б̣ажагкун̃аан̣авиж̇ж̇аад̇и д̣̇иб̣б̣ажагкумзва д̣̇ассанадтзна н̃аан̣ам̣, д̇асса д̇асса ад̇т̇асса винд̣̇анадтзна виж̇ж̇аад̇и ад̇т̇о.
Tassattho – yadā parikammobhāsameva manasi karomi, tadā obhāsaṃ sañjānāmi, dibbena cakkhunā rūpāni na ca passāmi, rūpadassanakāle ca obhāsaṃ na jānāmīti. Kimatthamidaṃ vuttaṃ, na hi etaṃ upakkisesagatanti? Na kevalaṃ upakkilesappajahanamevettha kattabbaṃ, yena idaṃ visuddhaṃ hoti, aññampi taduttari kattabbaṃ atthīti dassanatthaṃ. Vicikicchā cittassa upakkilesotiādīsu ‘‘ime dhammā upakkilesāti ādīnavadassanena pajahiṃ, na mayhaṃ tadā uppannattā’’ti keci vadanti. Mānusakaṃ vāti iminā sabhāvātikkamaṃ dasseti. Maṃsacakkhunāviyāti iminā pariyattiggahaṇaṃ, vaṇṇamattārammaṇatañca upameti. Vaṇṇamatte hettha satta-saddo, na ‘‘sabbe sattā āhāraṭṭhitikā’’ti (a. ni. 10.27) ettha viya sabbasaṅkhatesu, hīnajātiādayo mohassa nissando vipāko. Kāyaduccaritena samannāgatā pubbe atītabhave ahesuṃ, sampati nirayaṃ upapannāti evaṃ pāṭhasesena sambandho veditabbo. ‘‘Yathākammūpagañāṇañhi ekantamatītārammaṇaṃ, dibbacakkhu paccuppannārammaṇa’’nti ubhinnaṃ kiccavasena vuttaṃ. Mahallakoti samaṇānaṃ sāruppamasāruppaṃ, lokācāraṃ vā na jānātīti adhippāyena vuttattā guṇaparidhaṃsanena garahatīti veditabbaṃ. ‘‘Niyato sambodhiparāyano’’ti (saṃ. ni. 2.41; 5.998, 1004) vutto ariyapuggalo maggāvaraṇaṃ kātuṃ samatthaṃ pharusavacanaṃ yadi katheyya, apāyagamanīyampi kareyya, tena so apāyupagopi bhaveyya, tasmā upaparikkhitabbanti eke. ‘‘Vāyāmaṃ mā akāsīti therena vuttattā maggāvaraṇaṃ karotī’’ti vadanti. Pubbeva sotāpannena apāyadvāro pihito, tasmāssa saggāvaraṇaṃ natthi. ‘‘Pākatikanti pavattivipākaṃ ahosī’’ti vadanti. ‘‘Vuddhi hesā, bhikkhave, ariyassa vinaye, yo accayaṃ accayato disvā yathādhammaṃ paṭikarotī’’ti (ma. ni. 3.370; dī. ni. 1.251) vacanato pākatikaṃ ahosīti eke. Sace so na khamatīti sotāpannādīnaṃ khantiguṇassa mandatāya vā āyatiṃ tassa suṭṭhu saṃvaratthāya vā akkhamanaṃ sandhāya vuttaṃ. Sukhānaṃ vā āyassa ārammaṇādino abhāvā kālakañcikā asurā honti. ‘‘Ito bho sugatiṃ gacchā’’ti (itivu. 83) vacanato manussagatipi. Dibbacakkhuñāṇavijjāti dibbacakkhumeva dassanaṭṭhena ñāṇaṃ, tassa tassa atthassa vindanaṭṭhena vijjāti attho.
д̣̇иб̣б̣ажагкун̃аан̣агат̇ааван̣н̣анаа нидтид̇аа.
Dibbacakkhuñāṇakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / д̣̇иб̣б̣ажагкун̃аан̣агат̇аа • Dibbacakkhuñāṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇иб̣б̣ажагкун̃аан̣агат̇аа • Dibbacakkhuñāṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇иб̣б̣ажагкун̃аан̣агат̇ааван̣н̣анаа • Dibbacakkhuñāṇakathāvaṇṇanā
