| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4-5. தீ³க⁴ஜாணுஸுத்தாதி³வண்ணனா
4-5. Dīghajāṇusuttādivaṇṇanā
54-55. சதுத்தே² (தீ³॰ நி॰ அட்ட²॰ 3.265) ஏகேன போ⁴கே³ பு⁴ஞ்ஜெய்யாதி ஏகேன கொட்டா²ஸேன போ⁴கே³ பு⁴ஞ்ஜெய்ய, வினிபு⁴ஞ்ஜெய்ய வாதி அத்தோ². த்³வீஹி கம்மந்தி த்³வீஹி கொட்டா²ஸேஹி கஸிவணிஜ்ஜாதி³கம்மங் பயோஜெய்ய. நிதா⁴பெய்யாதி சதுத்த²கொட்டா²ஸங் நிதெ⁴த்வா ட²பெய்ய, நித³ஹித்வா பூ⁴மிக³தங் கத்வா ட²பெய்யாதி அத்தோ². ஆபதா³ஸு ப⁴விஸ்ஸதீதி குலானஞ்ஹி ந ஸப்³ப³காலங் ஏகஸதி³ஸங் வத்ததி, கதா³சி ராஜஅக்³கி³சோரது³ப்³பி⁴க்கா²தி³வஸேன ஆபதா³ உப்பஜ்ஜந்தி, தஸ்மா ஏவங் ஆபதா³ஸு உப்பன்னாஸு ப⁴விஸ்ஸதீதி ஏகங் கொட்டா²ஸங் நிதா⁴பெய்யாதி வுத்தங். இமேஸு பன சதூஸு கொட்டா²ஸேஸு கதரங் கொட்டா²ஸங் க³ஹெத்வா குஸலங் காதப்³ப³ந்தி? ‘‘போ⁴கே³ பு⁴ஞ்ஜெய்யா’’தி வுத்தகொட்டா²ஸங். ததோ க³ண்ஹித்வா ஹி பி⁴க்கூ²னம்பி கபணத்³தி⁴கானம்பி தா³னங் தா³தப்³ப³ங், பேஸகாரன்ஹாபிதாதீ³னம்பி வேதனங் தா³தப்³ப³ங். ஸமணப்³ராஹ்மணகபணத்³தி⁴காதீ³னங் தா³னவஸேன சேவ, அதி⁴வத்த²தே³வதாதீ³னங் பேதப³லிவஸேன, ந்ஹாபிதாதீ³னங் வேதனவஸேன ச வினியோகோ³பி உபயோகோ³ ஏவ.
54-55. Catutthe (dī. ni. aṭṭha. 3.265) ekena bhoge bhuñjeyyāti ekena koṭṭhāsena bhoge bhuñjeyya, vinibhuñjeyya vāti attho. Dvīhi kammanti dvīhi koṭṭhāsehi kasivaṇijjādikammaṃ payojeyya. Nidhāpeyyāti catutthakoṭṭhāsaṃ nidhetvā ṭhapeyya, nidahitvā bhūmigataṃ katvā ṭhapeyyāti attho. Āpadāsu bhavissatīti kulānañhi na sabbakālaṃ ekasadisaṃ vattati, kadāci rājaaggicoradubbhikkhādivasena āpadā uppajjanti, tasmā evaṃ āpadāsu uppannāsu bhavissatīti ekaṃ koṭṭhāsaṃ nidhāpeyyāti vuttaṃ. Imesu pana catūsu koṭṭhāsesu kataraṃ koṭṭhāsaṃ gahetvā kusalaṃ kātabbanti? ‘‘Bhoge bhuñjeyyā’’ti vuttakoṭṭhāsaṃ. Tato gaṇhitvā hi bhikkhūnampi kapaṇaddhikānampi dānaṃ dātabbaṃ, pesakāranhāpitādīnampi vetanaṃ dātabbaṃ. Samaṇabrāhmaṇakapaṇaddhikādīnaṃ dānavasena ceva, adhivatthadevatādīnaṃ petabalivasena, nhāpitādīnaṃ vetanavasena ca viniyogopi upayogo eva.
அபெந்தி க³ச்ச²ந்தி, அபெந்தா வா ஏதேஹீதி அபாயா, அபாயா ஏவ முகா²னி த்³வாரானீதி அபாயமுகா²னி. வினாஸத்³வாரானீதி எத்தா²பி ஏஸேவ நயோ. பஞ்சமே நத்தி² வத்தப்³ப³ங்.
Apenti gacchanti, apentā vā etehīti apāyā, apāyā eva mukhāni dvārānīti apāyamukhāni. Vināsadvārānīti etthāpi eseva nayo. Pañcame natthi vattabbaṃ.
தீ³க⁴ஜாணுஸுத்தாதி³வண்ணனா நிட்டி²தா.
Dīghajāṇusuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
4. தீ³க⁴ஜாணுஸுத்தங் • 4. Dīghajāṇusuttaṃ
5. உஜ்ஜயஸுத்தங் • 5. Ujjayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. தீ³க⁴ஜாணுஸுத்தவண்ணனா • 4. Dīghajāṇusuttavaṇṇanā
