| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4-5. д̣̇ийгхаж̇аан̣усуд̇д̇аад̣̇иван̣н̣анаа
4-5. Dīghajāṇusuttādivaṇṇanā
54-55. жад̇уд̇т̇з (д̣̇ий. ни. адта. 3.265) згзна бхог̇з бхун̃ж̇зяяаад̇и згзна годтаасзна бхог̇з бхун̃ж̇зяяа, винибхун̃ж̇зяяа ваад̇и ад̇т̇о. д̣̇вийхи гамманд̇и д̣̇вийхи годтаасзхи гасиван̣иж̇ж̇аад̣̇игаммам̣ баяож̇зяяа. нид̇хаабзяяаад̇и жад̇уд̇т̇агодтаасам̣ нид̇хзд̇ваа табзяяа, нид̣̇ахид̇ваа бхуумиг̇ад̇ам̣ гад̇ваа табзяяаад̇и ад̇т̇о. аабад̣̇аасу бхависсад̇ийд̇и гулаанан̃хи на саб̣б̣агаалам̣ згасад̣̇исам̣ вад̇д̇ад̇и, гад̣̇аажи рааж̇ааг̇г̇ижорад̣̇уб̣бхигкаад̣̇ивасзна аабад̣̇аа уббаж̇ж̇анд̇и, д̇асмаа звам̣ аабад̣̇аасу уббаннаасу бхависсад̇ийд̇и згам̣ годтаасам̣ нид̇хаабзяяаад̇и вуд̇д̇ам̣. имзсу бана жад̇уусу годтаасзсу гад̇арам̣ годтаасам̣ г̇ахзд̇ваа гусалам̣ гаад̇аб̣б̣анд̇и? ‘‘бхог̇з бхун̃ж̇зяяаа’’д̇и вуд̇д̇агодтаасам̣. д̇ад̇о г̇ан̣хид̇ваа хи бхигкуунамби габан̣ад̣̇д̇хигаанамби д̣̇аанам̣ д̣̇аад̇аб̣б̣ам̣, бзсагааранхаабид̇аад̣̇ийнамби взд̇анам̣ д̣̇аад̇аб̣б̣ам̣. саман̣аб̣раахман̣агабан̣ад̣̇д̇хигаад̣̇ийнам̣ д̣̇аанавасзна жзва, ад̇хивад̇т̇ад̣̇звад̇аад̣̇ийнам̣ бзд̇аб̣аливасзна, нхаабид̇аад̣̇ийнам̣ взд̇анавасзна жа винияог̇оби убаяог̇о зва.
54-55. Catutthe (dī. ni. aṭṭha. 3.265) ekena bhoge bhuñjeyyāti ekena koṭṭhāsena bhoge bhuñjeyya, vinibhuñjeyya vāti attho. Dvīhi kammanti dvīhi koṭṭhāsehi kasivaṇijjādikammaṃ payojeyya. Nidhāpeyyāti catutthakoṭṭhāsaṃ nidhetvā ṭhapeyya, nidahitvā bhūmigataṃ katvā ṭhapeyyāti attho. Āpadāsu bhavissatīti kulānañhi na sabbakālaṃ ekasadisaṃ vattati, kadāci rājaaggicoradubbhikkhādivasena āpadā uppajjanti, tasmā evaṃ āpadāsu uppannāsu bhavissatīti ekaṃ koṭṭhāsaṃ nidhāpeyyāti vuttaṃ. Imesu pana catūsu koṭṭhāsesu kataraṃ koṭṭhāsaṃ gahetvā kusalaṃ kātabbanti? ‘‘Bhoge bhuñjeyyā’’ti vuttakoṭṭhāsaṃ. Tato gaṇhitvā hi bhikkhūnampi kapaṇaddhikānampi dānaṃ dātabbaṃ, pesakāranhāpitādīnampi vetanaṃ dātabbaṃ. Samaṇabrāhmaṇakapaṇaddhikādīnaṃ dānavasena ceva, adhivatthadevatādīnaṃ petabalivasena, nhāpitādīnaṃ vetanavasena ca viniyogopi upayogo eva.
абзнд̇и г̇ажчанд̇и, абзнд̇аа ваа зд̇зхийд̇и абааяаа, абааяаа зва мукаани д̣̇ваараанийд̇и абааяамукаани. винаасад̣̇ваараанийд̇и зд̇т̇ааби зсзва наяо. бан̃жамз над̇т̇и вад̇д̇аб̣б̣ам̣.
Apenti gacchanti, apentā vā etehīti apāyā, apāyā eva mukhāni dvārānīti apāyamukhāni. Vināsadvārānīti etthāpi eseva nayo. Pañcame natthi vattabbaṃ.
д̣̇ийгхаж̇аан̣усуд̇д̇аад̣̇иван̣н̣анаа нидтид̇аа.
Dīghajāṇusuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
4. д̣̇ийгхаж̇аан̣усуд̇д̇ам̣ • 4. Dīghajāṇusuttaṃ
5. уж̇ж̇аяасуд̇д̇ам̣ • 5. Ujjayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. д̣̇ийгхаж̇аан̣усуд̇д̇аван̣н̣анаа • 4. Dīghajāṇusuttavaṇṇanā
