| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. д̣̇ийгхаж̇аан̣усуд̇д̇аван̣н̣анаа
4. Dīghajāṇusuttavaṇṇanā
54. жад̇уд̇т̇з б̣яаг̇гхабаж̇ж̇аад̇и ид̣̇амасса бавзн̣и наама васзна аалабанам̣. д̇асса хи буб̣б̣абурисаа б̣яаг̇гхабат̇з ж̇аад̇аад̇и д̇асмим̣ гулз мануссаа б̣яаг̇гхабаж̇ж̇аад̇и вужжанд̇и. иссад̇т̇знаад̇и иссаасагаммзна. д̇ад̇рубааяааяаад̇и ‘‘имасмим̣ гаалз ид̣̇ам̣ наама гаад̇ум̣ ваддад̇ий’’д̇и ж̇аананз убааяабхууд̇ааяа. вуд̣̇д̇хасийлинод̇и вад̣дхид̇асийлаа вуд̣̇д̇хасамаажаараа. ааяанд̇и ааг̇аманам̣. наажжог̇аал̣ханд̇и наад̇имаханд̇ам̣. наад̇ихийнанд̇и наад̇игасирам̣. барияаад̣̇ааяаад̇и г̇ахзд̇ваа кзбзд̇ваа. д̇ад̇т̇а яасса ваяад̇о д̣̇иг̇ун̣о ааяо, д̇асса ваяо ааяам̣ барияаад̣̇аад̇ум̣ на саггод̇и.
54. Catutthe byagghapajjāti idamassa paveṇi nāma vasena ālapanaṃ. Tassa hi pubbapurisā byagghapathe jātāti tasmiṃ kule manussā byagghapajjāti vuccanti. Issatthenāti issāsakammena. Tatrupāyāyāti ‘‘imasmiṃ kāle idaṃ nāma kātuṃ vaṭṭatī’’ti jānane upāyabhūtāya. Vuddhasīlinoti vaḍḍhitasīlā vuddhasamācārā. Āyanti āgamanaṃ. Nāccogāḷhanti nātimahantaṃ. Nātihīnanti nātikasiraṃ. Pariyādāyāti gahetvā khepetvā. Tattha yassa vayato diguṇo āyo, tassa vayo āyaṃ pariyādātuṃ na sakkoti.
‘‘жад̇уд̇хаа вибхаж̇з бхог̇з, бан̣д̣ид̇о гхарамаавасам̣;
‘‘Catudhā vibhaje bhoge, paṇḍito gharamāvasaṃ;
згзна бхог̇з бхун̃ж̇зяяа, д̣̇вийхи гаммам̣ баяож̇аяз;
Ekena bhoge bhuñjeyya, dvīhi kammaṃ payojaye;
жад̇уд̇т̇ан̃жа нид̇хаабзяяа, аабад̣̇аасу бхависсад̇ий’’д̇и. (д̣̇ий. ни. 3.265) –
Catutthañca nidhāpeyya, āpadāsu bhavissatī’’ti. (dī. ni. 3.265) –
звам̣ бадибаж̇ж̇ад̇о бана ваяо ааяам̣ барияаад̣̇аад̇ум̣ на саггод̇иязва.
Evaṃ paṭipajjato pana vayo āyaṃ pariyādātuṃ na sakkotiyeva.
уд̣̇умб̣аракаад̣̇ийваад̇и яат̇аа уд̣̇умб̣араани каад̣̇ид̇угаамзна баггз уд̣̇умб̣араругкз жаалид̇з згаббахаарзнзва б̣ахууни палаани бад̇анд̇и, со каад̣̇ид̇аб̣б̣аяуд̇д̇агаани каад̣̇ид̇ваа ид̇араани б̣ахуд̇араани бахааяа г̇ажчад̇и, звамзвам̣ яо ааяад̇о ваяам̣ б̣ахуд̇арам̣ гад̇ваа виббагиранд̇о бхог̇з барибхун̃ж̇ад̇и, со ‘‘уд̣̇умб̣аракаад̣̇игам̣вааяам̣ гулабуд̇д̇о бхог̇з каад̣̇ад̇ий’’д̇и вужжад̇и. аж̇здтамаран̣анд̇и анааяагамаран̣ам̣ . самам̣ ж̇ийвигам̣ габбзд̇ийд̇и саммаа ж̇ийвигам̣ габбзд̇и. самаж̇ийвид̇аад̇и самаж̇ийвид̇ааяа ж̇ийвид̇аа. абааяамукаанийд̇и винаасасса таанаани.
Udumbarakhādīvāti yathā udumbarāni khāditukāmena pakke udumbararukkhe cālite ekappahāreneva bahūni phalāni patanti, so khāditabbayuttakāni khāditvā itarāni bahutarāni pahāya gacchati, evamevaṃ yo āyato vayaṃ bahutaraṃ katvā vippakiranto bhoge paribhuñjati, so ‘‘udumbarakhādikaṃvāyaṃ kulaputto bhoge khādatī’’ti vuccati. Ajeṭṭhamaraṇanti anāyakamaraṇaṃ . Samaṃ jīvikaṃ kappetīti sammā jīvikaṃ kappeti. Samajīvitāti samajīvitāya jīvitā. Apāyamukhānīti vināsassa ṭhānāni.
удтаад̇аа гаммад̇хзяязсууд̇и гаммагаран̣адтаанзсу удтаанавийрияасамбанно. вид̇хаанаваад̇и вид̣̇аханасамбанно. сод̇т̇аанам̣ самбарааяиганд̇и сод̇т̇ибхууд̇ам̣ самбарааяигам̣. сажжанаамзнаад̇и б̣уд̣̇д̇хад̇д̇ааязва б̣уд̣̇д̇ход̇и звам̣ авид̇ат̇анаамзна. жааг̇о бун̃н̃ам̣ бавад̣дхад̇ийд̇и жааг̇о жа сзсабун̃н̃ан̃жа бавад̣дхад̇и. имасмим̣ суд̇д̇з сад̣̇д̇хаад̣̇аяо миссагаа гат̇ид̇аа. бан̃жамам̣ уд̇д̇аанамзва.
Uṭṭhātā kammadheyyesūti kammakaraṇaṭṭhānesu uṭṭhānavīriyasampanno. Vidhānavāti vidahanasampanno. Sotthānaṃ samparāyikanti sotthibhūtaṃ samparāyikaṃ. Saccanāmenāti buddhattāyeva buddhoti evaṃ avitathanāmena. Cāgo puññaṃ pavaḍḍhatīti cāgo ca sesapuññañca pavaḍḍhati. Imasmiṃ sutte saddhādayo missakā kathitā. Pañcamaṃ uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. д̣̇ийгхаж̇аан̣усуд̇д̇ам̣ • 4. Dīghajāṇusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. д̣̇ийгхаж̇аан̣усуд̇д̇аад̣̇иван̣н̣анаа • 4-5. Dīghajāṇusuttādivaṇṇanā
