| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. දීඝලට්‌ඨිසුත්‌තං
3. Dīghalaṭṭhisuttaṃ
94. එවං මෙ සුතං – එකං සමයං භගවා රාජගහෙ විහරති වෙළුවනෙ කලන්‌දකනිවාපෙ. අථ ඛො දීඝලට්‌ඨි දෙවපුත්‌තො අභික්‌කන්‌තාය රත්‌තියා අභික්‌කන්‌තවණ්‌ණො කෙවලකප්‌පං වෙළුවනං ඔභාසෙත්‌වා යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං අට්‌ඨාසි. එකමන්‌තං ඨිතො ඛො දීඝලට්‌ඨි දෙවපුත්‌තො භගවතො සන්‌තිකෙ ඉමං ගාථං අභාසි –
94. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho dīghalaṭṭhi devaputto abhikkantāya rattiyā abhikkantavaṇṇo kevalakappaṃ veḷuvanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho dīghalaṭṭhi devaputto bhagavato santike imaṃ gāthaṃ abhāsi –
‘‘භික්‌ඛු සියා ඣායී විමුත්‌තචිත්‌තො,
‘‘Bhikkhu siyā jhāyī vimuttacitto,
ආකඞ්‌ඛෙ චෙ හදයස්‌සානුපත්‌තිං;
Ākaṅkhe ce hadayassānupattiṃ;
ලොකස්‌ස ඤත්‌වා උදයබ්‌බයඤ්‌ච,
Lokassa ñatvā udayabbayañca,
සුචෙතසො අනිස්‌සිතො තදානිසංසො’’ති.
Sucetaso anissito tadānisaṃso’’ti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. දීඝලට්‌ඨිසුත්‌තවණ්‌ණනා • 3. Dīghalaṭṭhisuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. දීඝලට්‌ඨිසුත්‌තවණ්‌ණනා • 3. Dīghalaṭṭhisuttavaṇṇanā
