| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౪. దీఘలోమికసుత్తం
4. Dīghalomikasuttaṃ
౧౬౦. సావత్థియం విహరతి…పే॰… ‘‘దారుణో, భిక్ఖవే, లాభసక్కారసిలోకో…పే॰… అధిగమాయ. సేయ్యథాపి, భిక్ఖవే, దీఘలోమికా ఏళకా కణ్టకగహనం పవిసేయ్య. సా తత్ర తత్ర సజ్జేయ్య, తత్ర తత్ర గయ్హేయ్య 1, తత్ర తత్ర బజ్ఝేయ్య, తత్ర తత్ర అనయబ్యసనం ఆపజ్జేయ్య. ‘ఏవమేవ ఖో, భిక్ఖవే, ఇధేకచ్చో భిక్ఖు లాభసక్కారసిలోకేన అభిభూతో పరియాదిణ్ణచిత్తో పుబ్బణ్హసమయం నివాసేత్వా పత్తచీవరమాదాయ గామం వా నిగమం వా పిణ్డాయ పవిసతి. సో తత్ర తత్ర సజ్జతి, తత్ర తత్ర గయ్హతి, తత్ర తత్ర బజ్ఝతి, తత్ర తత్ర అనయబ్యసనం ఆపజ్జతి. ఏవం దారుణో ఖో, భిక్ఖవే, లాభసక్కారసిలోకో…పే॰… ఏవఞ్హి వో, భిక్ఖవే, సిక్ఖితబ్బ’’’న్తి. చతుత్థం.
160. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Seyyathāpi, bhikkhave, dīghalomikā eḷakā kaṇṭakagahanaṃ paviseyya. Sā tatra tatra sajjeyya, tatra tatra gayheyya 2, tatra tatra bajjheyya, tatra tatra anayabyasanaṃ āpajjeyya. ‘Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati. So tatra tatra sajjati, tatra tatra gayhati, tatra tatra bajjhati, tatra tatra anayabyasanaṃ āpajjati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’’nti. Catutthaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౩-౪. కుమ్మసుత్తాదివణ్ణనా • 3-4. Kummasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩-౪. కుమ్మసుత్తాదివణ్ణనా • 3-4. Kummasuttādivaṇṇanā
