| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၁၀. ဒီဃဋ္ဌိပဉ္ဟော
10. Dīghaṭṭhipañho
၁၀. ရာဇာ အာဟ ‘‘ဘန္တေ နာဂသေန, တုမ္ဟေ ဧဝံ ဘဏထ ‘အဋ္ဌိကာနိ ဒီဃာနိ ယောဇနသတိကာနိပီ’တိ, ရုက္ခောပိ တာဝ နတ္ထိ ယောဇနသတိကော, ကုတော ပန အဋ္ဌိကာနိ ဒီဃာနိ ယောဇနသတိကာနိ ဘဝိသ္သန္တီ’’တိ?
10. Rājā āha ‘‘bhante nāgasena, tumhe evaṃ bhaṇatha ‘aṭṭhikāni dīghāni yojanasatikānipī’ti, rukkhopi tāva natthi yojanasatiko, kuto pana aṭṭhikāni dīghāni yojanasatikāni bhavissantī’’ti?
‘‘တံ ကိံ မညသိ, မဟာရာဇ, သုတံ တေ ‘မဟာသမုဒ္ဒေ ပဉ္စယောဇနသတိကာပိ မစ္ဆာ အတ္ထီ’’’တိ? ‘‘အာမ, ဘန္တေ, သုတ’’န္တိ။ ‘‘နနု မဟာရာဇ, ပဉ္စယောဇနသတိကသ္သ မစ္ဆသ္သ အဋ္ဌိကာနိ ဒီဃာနိ ဘဝိသ္သန္တိ ယောဇနသတိကာနိပီ’’တိ?
‘‘Taṃ kiṃ maññasi, mahārāja, sutaṃ te ‘mahāsamudde pañcayojanasatikāpi macchā atthī’’’ti? ‘‘Āma, bhante, suta’’nti. ‘‘Nanu mahārāja, pañcayojanasatikassa macchassa aṭṭhikāni dīghāni bhavissanti yojanasatikānipī’’ti?
‘‘ကလ္လောသိ , ဘန္တေ နာဂသေနာ’’တိ။
‘‘Kallosi , bhante nāgasenā’’ti.
ဒီဃဋ္ဌိပဉ္ဟော ဒသမော။
Dīghaṭṭhipañho dasamo.
