| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൧൦. ദീഘട്ഠിപഞ്ഹോ
10. Dīghaṭṭhipañho
൧൦. രാജാ ആഹ ‘‘ഭന്തേ നാഗസേന, തുമ്ഹേ ഏവം ഭണഥ ‘അട്ഠികാനി ദീഘാനി യോജനസതികാനിപീ’തി, രുക്ഖോപി താവ നത്ഥി യോജനസതികോ, കുതോ പന അട്ഠികാനി ദീഘാനി യോജനസതികാനി ഭവിസ്സന്തീ’’തി?
10. Rājā āha ‘‘bhante nāgasena, tumhe evaṃ bhaṇatha ‘aṭṭhikāni dīghāni yojanasatikānipī’ti, rukkhopi tāva natthi yojanasatiko, kuto pana aṭṭhikāni dīghāni yojanasatikāni bhavissantī’’ti?
‘‘തം കിം മഞ്ഞസി, മഹാരാജ, സുതം തേ ‘മഹാസമുദ്ദേ പഞ്ചയോജനസതികാപി മച്ഛാ അത്ഥീ’’’തി? ‘‘ആമ, ഭന്തേ, സുത’’ന്തി. ‘‘നനു മഹാരാജ, പഞ്ചയോജനസതികസ്സ മച്ഛസ്സ അട്ഠികാനി ദീഘാനി ഭവിസ്സന്തി യോജനസതികാനിപീ’’തി?
‘‘Taṃ kiṃ maññasi, mahārāja, sutaṃ te ‘mahāsamudde pañcayojanasatikāpi macchā atthī’’’ti? ‘‘Āma, bhante, suta’’nti. ‘‘Nanu mahārāja, pañcayojanasatikassa macchassa aṭṭhikāni dīghāni bhavissanti yojanasatikānipī’’ti?
‘‘കല്ലോസി , ഭന്തേ നാഗസേനാ’’തി.
‘‘Kallosi , bhante nāgasenā’’ti.
ദീഘട്ഠിപഞ്ഹോ ദസമോ.
Dīghaṭṭhipañho dasamo.
