| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. д̣̇ийгхаавуубаасагасуд̇д̇ам̣
3. Dīghāvuupāsakasuttaṃ
999. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна д̣̇ийгхааву убаасаго ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко д̣̇ийгхааву убаасаго бид̇арам̣ ж̇од̇игам̣ г̇ахабад̇им̣ ааманд̇зси – ‘‘зхи д̇вам̣, г̇ахабад̇и, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇а – ‘д̣̇ийгхааву, бханд̇з , убаасаго ааб̣аад̇хиго ход̇и д̣̇угкид̇о б̣аал̣хаг̇илаано. со бхаг̇авад̇о баад̣̇з сирасаа ванд̣̇ад̇ий’д̇и. зван̃жа вад̣̇зхи – ‘саад̇ху гира, бханд̇з, бхаг̇аваа язна д̣̇ийгхаавусса убаасагасса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. ‘‘звам̣, д̇аад̇аа’’д̇и ко ж̇од̇иго г̇ахабад̇и д̣̇ийгхаавусса убаасагасса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ж̇од̇иго г̇ахабад̇и бхаг̇аванд̇ам̣ зд̇ад̣̇авожа – ‘‘д̣̇ийгхааву, бханд̇з, убаасаго ааб̣аад̇хиго ход̇и д̣̇угкид̇о б̣аал̣хаг̇илаано . со бхаг̇авад̇о баад̣̇з сирасаа ванд̣̇ад̇и. зван̃жа вад̣̇зд̇и – ‘саад̇ху гира, бханд̇з, бхаг̇аваа язна д̣̇ийгхаавусса убаасагасса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. ад̇хиваасзси бхаг̇аваа д̇ун̣хийбхаавзна.
999. Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena dīghāvu upāsako ābādhiko hoti dukkhito bāḷhagilāno. Atha kho dīghāvu upāsako pitaraṃ jotikaṃ gahapatiṃ āmantesi – ‘‘ehi tvaṃ, gahapati, yena bhagavā tenupasaṅkama; upasaṅkamitvā mama vacanena bhagavato pāde sirasā vanda – ‘dīghāvu, bhante , upāsako ābādhiko hoti dukkhito bāḷhagilāno. So bhagavato pāde sirasā vandatī’ti. Evañca vadehi – ‘sādhu kira, bhante, bhagavā yena dīghāvussa upāsakassa nivesanaṃ tenupasaṅkamatu anukampaṃ upādāyā’’’ti. ‘‘Evaṃ, tātā’’ti kho jotiko gahapati dīghāvussa upāsakassa paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho jotiko gahapati bhagavantaṃ etadavoca – ‘‘dīghāvu, bhante, upāsako ābādhiko hoti dukkhito bāḷhagilāno . So bhagavato pāde sirasā vandati. Evañca vadeti – ‘sādhu kira, bhante, bhagavā yena dīghāvussa upāsakassa nivesanaṃ tenupasaṅkamatu anukampaṃ upādāyā’’’ti. Adhivāsesi bhagavā tuṇhībhāvena.
ат̇а ко бхаг̇аваа ниваасзд̇ваа бад̇д̇ажийварамаад̣̇ааяа язна д̣̇ийгхаавусса убаасагасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа д̣̇ийгхаавум̣ убаасагам̣ зд̇ад̣̇авожа – ‘‘гажжи д̇з, д̣̇ийгхааву, каманийяам̣, гажжи яаабанийяам̣? гажжи д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и? ‘‘на мз, бханд̇з, каманийяам̣, на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо’’д̇и. ‘‘д̇асмаад̇иха д̇з, д̣̇ийгхааву, звам̣ сигкид̇аб̣б̣ам̣ – ‘б̣уд̣̇д̇хз авзжжаббасаад̣̇зна саманнааг̇ад̇о бхависсаами – ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о бхависсаами акан̣д̣зхи…бз… самаад̇хисам̣вад̇д̇анигзхи’. зван̃хи д̇з, д̣̇ийгхааву, сигкид̇аб̣б̣а’’нд̇и.
Atha kho bhagavā nivāsetvā pattacīvaramādāya yena dīghāvussa upāsakassa nivesanaṃ tenupasaṅkami; upasaṅkamitvā paññatte āsane nisīdi. Nisajja kho bhagavā dīghāvuṃ upāsakaṃ etadavoca – ‘‘kacci te, dīghāvu, khamanīyaṃ, kacci yāpanīyaṃ? Kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti? ‘‘Na me, bhante, khamanīyaṃ, na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo’’ti. ‘‘Tasmātiha te, dīghāvu, evaṃ sikkhitabbaṃ – ‘buddhe aveccappasādena samannāgato bhavissāmi – itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato bhavissāmi akhaṇḍehi…pe… samādhisaṃvattanikehi’. Evañhi te, dīghāvu, sikkhitabba’’nti.
‘‘яаанимаани, бханд̇з, бхаг̇авад̇аа жад̇д̇аари сод̇аабад̇д̇ияан̇г̇аани д̣̇зсид̇аани, сам̣виж̇ж̇анд̇з д̇з д̇хаммаа маяи, ахан̃жа д̇зсу д̇хаммзсу санд̣̇иссаами. ахан̃хи, бханд̇з, б̣уд̣̇д̇хз авзжжаббасаад̣̇зна саманнааг̇ад̇о – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о акан̣д̣зхи…бз… самаад̇хисам̣вад̇д̇анигзхий’’д̇и . ‘‘д̇асмаад̇иха д̇вам̣, д̣̇ийгхааву, имзсу жад̇уусу сод̇аабад̇д̇ияан̇г̇зсу бад̇идтааяа ча виж̇ж̇аабхааг̇ияз д̇хаммз уд̇д̇ари бхаавзяяааси. ид̇ха д̇вам̣, д̣̇ийгхааву, саб̣б̣асан̇каарзсу анижжаанубассий вихараахи, анижжз д̣̇угкасан̃н̃ий, д̣̇угкз анад̇д̇асан̃н̃ий бахаанасан̃н̃ий вирааг̇асан̃н̃ий нирод̇хасан̃н̃ийд̇и. зван̃хи д̇з, д̣̇ийгхааву, сигкид̇аб̣б̣а’’нд̇и.
‘‘Yānimāni, bhante, bhagavatā cattāri sotāpattiyaṅgāni desitāni, saṃvijjante te dhammā mayi, ahañca tesu dhammesu sandissāmi. Ahañhi, bhante, buddhe aveccappasādena samannāgato – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato akhaṇḍehi…pe… samādhisaṃvattanikehī’’ti . ‘‘Tasmātiha tvaṃ, dīghāvu, imesu catūsu sotāpattiyaṅgesu patiṭṭhāya cha vijjābhāgiye dhamme uttari bhāveyyāsi. Idha tvaṃ, dīghāvu, sabbasaṅkhāresu aniccānupassī viharāhi, anicce dukkhasaññī, dukkhe anattasaññī pahānasaññī virāgasaññī nirodhasaññīti. Evañhi te, dīghāvu, sikkhitabba’’nti.
‘‘язмз, бханд̇з, бхаг̇авад̇аа ча виж̇ж̇аабхааг̇ияаа д̇хаммаа д̣̇зсид̇аа, сам̣виж̇ж̇анд̇з д̇з д̇хаммаа маяи, ахан̃жа д̇зсу д̇хаммзсу санд̣̇иссаами. ахан̃хи, бханд̇з, саб̣б̣асан̇каарзсу анижжаанубассий вихараами, анижжз д̣̇угкасан̃н̃ий, д̣̇угкз анад̇д̇асан̃н̃ий бахаанасан̃н̃ий вирааг̇асан̃н̃ий нирод̇хасан̃н̃ий. аби жа мз, бханд̇з, звам̣ ход̇и – ‘маа хзвааяам̣ ж̇од̇иго г̇ахабад̇и мамажжаязна вигхаад̇ам̣ аабаж̇ж̇ий’’’д̇и 1. ‘‘маа д̇вам̣, д̇аад̇а д̣̇ийгхааву, звам̣ манасаагааси. ин̇гха д̇вам̣, д̇аад̇а д̣̇ийгхааву, яад̣̇зва д̇з бхаг̇аваа ааха, д̇ад̣̇зва д̇вам̣ саад̇хугам̣ манаси гарохий’’д̇и.
‘‘Yeme, bhante, bhagavatā cha vijjābhāgiyā dhammā desitā, saṃvijjante te dhammā mayi, ahañca tesu dhammesu sandissāmi. Ahañhi, bhante, sabbasaṅkhāresu aniccānupassī viharāmi, anicce dukkhasaññī, dukkhe anattasaññī pahānasaññī virāgasaññī nirodhasaññī. Api ca me, bhante, evaṃ hoti – ‘mā hevāyaṃ jotiko gahapati mamaccayena vighātaṃ āpajjī’’’ti 2. ‘‘Mā tvaṃ, tāta dīghāvu, evaṃ manasākāsi. Iṅgha tvaṃ, tāta dīghāvu, yadeva te bhagavā āha, tadeva tvaṃ sādhukaṃ manasi karohī’’ti.
ат̇а ко бхаг̇аваа д̣̇ийгхаавум̣ убаасагам̣ иминаа оваад̣̇зна овад̣̇ид̇ваа удтааяаасанаа баггаами. ат̇а ко д̣̇ийгхааву убаасаго ажирабагганд̇асса бхаг̇авад̇о гааламагааси. ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘яо со, бханд̇з, д̣̇ийгхааву наама убаасаго бхаг̇авад̇аа сам̣кид̇д̇зна оваад̣̇зна овад̣̇ид̇о со гаалан̇гад̇о. д̇асса гаа г̇ад̇и, го абхисамбарааяо’’д̇и? ‘‘бан̣д̣ид̇о, бхигкавз, д̣̇ийгхааву убаасаго, бажжабаад̣̇и 3 д̇хаммассаануд̇хаммам̣, на жа мам̣ д̇хаммаад̇хигаран̣ам̣ 4 вихзсзси 5. д̣̇ийгхааву, бхигкавз, убаасаго бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа’’д̇и. д̇ад̇ияам̣.
Atha kho bhagavā dīghāvuṃ upāsakaṃ iminā ovādena ovaditvā uṭṭhāyāsanā pakkāmi. Atha kho dīghāvu upāsako acirapakkantassa bhagavato kālamakāsi. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘yo so, bhante, dīghāvu nāma upāsako bhagavatā saṃkhittena ovādena ovadito so kālaṅkato. Tassa kā gati, ko abhisamparāyo’’ti? ‘‘Paṇḍito, bhikkhave, dīghāvu upāsako, paccapādi 6 dhammassānudhammaṃ, na ca maṃ dhammādhikaraṇaṃ 7 vihesesi 8. Dīghāvu, bhikkhave, upāsako pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̣̇ийгхаавуубаасагасуд̇д̇аван̣н̣анаа • 3. Dīghāvuupāsakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̣̇ийгхаавуубаасагасуд̇д̇аван̣н̣анаа • 3. Dīghāvuupāsakasuttavaṇṇanā
