| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
272. д̣̇ийгхаавувад̇т̇у
272. Dīghāvuvatthu
458. ат̇а ко бхаг̇аваа бхигкуу ааманд̇зси – ‘‘бхууд̇абуб̣б̣ам̣, бхигкавз, б̣аараан̣асияам̣ 1 б̣рахмад̣̇ад̇д̇о наама гаасирааж̇аа ахоси ад̣дхо махад̣̇д̇хано махаабхог̇о махаб̣б̣ало махааваахано махаавиж̇ид̇о барибун̣н̣агосагодтааг̇ааро. д̣̇ийгхийд̇и наама госаларааж̇аа ахоси д̣̇алид̣̇д̣̇о аббад̇хано аббабхог̇о аббаб̣ало аббаваахано аббавиж̇ид̇о абарибун̣н̣агосагодтааг̇ааро. ат̇а ко, бхигкавз, б̣рахмад̣̇ад̇д̇о гаасирааж̇аа жад̇уран̇г̇иним̣ сзнам̣ саннаяхид̇ваа д̣̇ийгхийд̇им̣ госаларааж̇аанам̣ аб̣бхуяяааси. ассоси ко, бхигкавз, д̣̇ийгхийд̇и госаларааж̇аа – ‘‘б̣рахмад̣̇ад̇д̇о гира гаасирааж̇аа жад̇уран̇г̇иним̣ сзнам̣ саннаяхид̇ваа мамам̣ аб̣бхуяяаад̇о’’д̇и. ат̇а ко, бхигкавз, д̣̇ийгхийд̇исса госаларан̃н̃о зд̇ад̣̇ахоси – ‘‘б̣рахмад̣̇ад̇д̇о ко гаасирааж̇аа ад̣дхо махад̣̇д̇хано махаабхог̇о махаб̣б̣ало махааваахано махаавиж̇ид̇о барибун̣н̣агосагодтааг̇ааро, ахам̣ банамхи д̣̇алид̣̇д̣̇о аббад̇хано аббабхог̇о аббаб̣ало аббаваахано аббавиж̇ид̇о абарибун̣н̣агосагодтааг̇ааро, наахам̣ бадиб̣ало б̣рахмад̣̇ад̇д̇зна гаасиран̃н̃аа згасан̇гхаад̇амби сахид̇ум̣. яам̣нуунаахам̣ бадигажжзва наг̇арамхаа ниббад̇зяяа’’нд̇и.
458. Atha kho bhagavā bhikkhū āmantesi – ‘‘bhūtapubbaṃ, bhikkhave, bārāṇasiyaṃ 2 brahmadatto nāma kāsirājā ahosi aḍḍho mahaddhano mahābhogo mahabbalo mahāvāhano mahāvijito paripuṇṇakosakoṭṭhāgāro. Dīghīti nāma kosalarājā ahosi daliddo appadhano appabhogo appabalo appavāhano appavijito aparipuṇṇakosakoṭṭhāgāro. Atha kho, bhikkhave, brahmadatto kāsirājā caturaṅginiṃ senaṃ sannayhitvā dīghītiṃ kosalarājānaṃ abbhuyyāsi. Assosi kho, bhikkhave, dīghīti kosalarājā – ‘‘brahmadatto kira kāsirājā caturaṅginiṃ senaṃ sannayhitvā mamaṃ abbhuyyāto’’ti. Atha kho, bhikkhave, dīghītissa kosalarañño etadahosi – ‘‘brahmadatto kho kāsirājā aḍḍho mahaddhano mahābhogo mahabbalo mahāvāhano mahāvijito paripuṇṇakosakoṭṭhāgāro, ahaṃ panamhi daliddo appadhano appabhogo appabalo appavāhano appavijito aparipuṇṇakosakoṭṭhāgāro, nāhaṃ paṭibalo brahmadattena kāsiraññā ekasaṅghātampi sahituṃ. Yaṃnūnāhaṃ paṭikacceva nagaramhā nippateyya’’nti.
ат̇а ко, бхигкавз, д̣̇ийгхийд̇и госаларааж̇аа махзсим̣ аад̣̇ааяа бадигажжзва наг̇арамхаа ниббад̇и. ат̇а ко, бхигкавз, б̣рахмад̣̇ад̇д̇о гаасирааж̇аа д̣̇ийгхийд̇исса госаларан̃н̃о б̣алан̃жа вааханан̃жа ж̇анабад̣̇ан̃жа госан̃жа годтааг̇ааран̃жа абхивиж̇ияа аж̇жхаавасад̇и. ат̇а ко, бхигкавз, д̣̇ийгхийд̇и госаларааж̇аа сабаж̇аабад̇иго язна ваараан̣асий д̇зна баггаами. анубуб̣б̣зна язна б̣аараан̣асий д̇ад̣̇авасари. д̇ад̇ра суд̣̇ам̣, бхигкавз, д̣̇ийгхийд̇и госаларааж̇аа сабаж̇аабад̇иго б̣аараан̣асияам̣ ан̃н̃ад̇арасмим̣ бажжанд̇имз огаасз гумбхагааранивзсанз ан̃н̃аад̇агавзсзна бариб̣б̣ааж̇агажчаннзна бадивасад̇и. ат̇а ко, бхигкавз, д̣̇ийгхийд̇исса госаларан̃н̃о махзсий нажирассзва г̇аб̣бхиний ахоси. д̇ассаа зваруубо д̣̇охал̣о уббанно ход̇и – ‘‘ижчад̇и суурияасса уг̇г̇аманагаалз жад̇уран̇г̇иним̣ сзнам̣ саннад̣̇д̇хам̣ ваммигам̣ субхуумз тид̇ам̣ бассид̇ум̣ , каг̇г̇аанан̃жа д̇хованам̣ баад̇ум̣’’. ат̇а ко, бхигкавз, д̣̇ийгхийд̇исса госаларан̃н̃о махзсий д̣̇ийгхийд̇им̣ госаларааж̇аанам̣ зд̇ад̣̇авожа – ‘‘г̇аб̣бхиниймхи, д̣̇зва. д̇ассаа мз зваруубо д̣̇охал̣о уббанно – ижчаами суурияасса уг̇г̇аманагаалз жад̇уран̇г̇иним̣ сзнам̣ саннад̣̇д̇хам̣ ваммигам̣ 3 субхуумз тид̇ам̣ бассид̇ум̣, каг̇г̇аанан̃жа д̇хованам̣ баад̇у’’нд̇и. ‘‘гуд̇о, д̣̇зви, амхаагам̣ д̣̇уг̇г̇ад̇аанам̣ жад̇уран̇г̇иний сзнаа саннад̣̇д̇хаа ваммигаа субхуумз тид̇аа, каг̇г̇аанан̃жа д̇хованам̣ баад̇у’’нд̇и 4 ‘‘сажаахам̣, д̣̇зва, на лабхиссаами, мариссаамий’’д̇и.
Atha kho, bhikkhave, dīghīti kosalarājā mahesiṃ ādāya paṭikacceva nagaramhā nippati. Atha kho, bhikkhave, brahmadatto kāsirājā dīghītissa kosalarañño balañca vāhanañca janapadañca kosañca koṭṭhāgārañca abhivijiya ajjhāvasati. Atha kho, bhikkhave, dīghīti kosalarājā sapajāpatiko yena vārāṇasī tena pakkāmi. Anupubbena yena bārāṇasī tadavasari. Tatra sudaṃ, bhikkhave, dīghīti kosalarājā sapajāpatiko bārāṇasiyaṃ aññatarasmiṃ paccantime okāse kumbhakāranivesane aññātakavesena paribbājakacchannena paṭivasati. Atha kho, bhikkhave, dīghītissa kosalarañño mahesī nacirasseva gabbhinī ahosi. Tassā evarūpo dohaḷo uppanno hoti – ‘‘icchati sūriyassa uggamanakāle caturaṅginiṃ senaṃ sannaddhaṃ vammikaṃ subhūme ṭhitaṃ passituṃ , khaggānañca dhovanaṃ pātuṃ’’. Atha kho, bhikkhave, dīghītissa kosalarañño mahesī dīghītiṃ kosalarājānaṃ etadavoca – ‘‘gabbhinīmhi, deva. Tassā me evarūpo dohaḷo uppanno – icchāmi sūriyassa uggamanakāle caturaṅginiṃ senaṃ sannaddhaṃ vammikaṃ 5 subhūme ṭhitaṃ passituṃ, khaggānañca dhovanaṃ pātu’’nti. ‘‘Kuto, devi, amhākaṃ duggatānaṃ caturaṅginī senā sannaddhā vammikā subhūme ṭhitā, khaggānañca dhovanaṃ pātu’’nti 6 ‘‘sacāhaṃ, deva, na labhissāmi, marissāmī’’ti.
459. д̇зна ко бана самаязна, б̣рахмад̣̇ад̇д̇асса гаасиран̃н̃о бурохид̇о б̣раахман̣о д̣̇ийгхийд̇исса госаларан̃н̃о сахааяо ход̇и . ат̇а ко, бхигкавз, д̣̇ийгхийд̇и госаларааж̇аа язна б̣рахмад̣̇ад̇д̇асса гаасиран̃н̃о бурохид̇о б̣раахман̣о д̇знубасан̇гами, убасан̇гамид̇ваа б̣рахмад̣̇ад̇д̇асса гаасиран̃н̃о бурохид̇ам̣ б̣раахман̣ам̣ зд̇ад̣̇авожа – ‘‘сакий д̇з, самма, г̇аб̣бхиний. д̇ассаа зваруубо д̣̇охал̣о уббанно – ижчад̇и суурияасса уг̇г̇аманагаалз жад̇уран̇г̇иним̣ сзнам̣ саннад̣̇д̇хам̣ ваммигам̣ субхуумз тид̇ам̣ бассид̇ум̣, каг̇г̇аанан̃жа д̇хованам̣ баад̇у’’нд̇и. ‘‘д̇зна хи, д̣̇зва, маяамби д̣̇звим̣ бассаамаа’’д̇и. ат̇а ко, бхигкавз, д̣̇ийгхийд̇исса госаларан̃н̃о махзсий язна б̣рахмад̣̇ад̇д̇асса гаасиран̃н̃о бурохид̇о б̣раахман̣о д̇знубасан̇гами. ад̣̇д̣̇асаа ко, бхигкавз, б̣рахмад̣̇ад̇д̇асса гаасиран̃н̃о бурохид̇о б̣раахман̣о д̣̇ийгхийд̇исса госаларан̃н̃о махзсим̣ д̣̇уурад̇ова ааг̇ажчанд̇им̣, д̣̇исваана удтааяаасанаа згам̣сам̣ уд̇д̇араасан̇г̇ам̣ гарид̇ваа язна д̣̇ийгхийд̇исса госаларан̃н̃о махзсий д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзси – ‘‘госаларааж̇аа вад̇а бхо гужчиг̇ад̇о, госаларааж̇аа вад̇а бхо гужчиг̇ад̇о’’д̇и. ад̇д̇аманаа 7, д̣̇зви, хохи. лажчаси суурияасса уг̇г̇аманагаалз жад̇уран̇г̇иним̣ сзнам̣ саннад̣̇д̇хам̣ ваммигам̣ субхуумз тид̇ам̣ бассид̇ум̣, каг̇г̇аанан̃жа д̇хованам̣ баад̇унд̇и.
459. Tena kho pana samayena, brahmadattassa kāsirañño purohito brāhmaṇo dīghītissa kosalarañño sahāyo hoti . Atha kho, bhikkhave, dīghīti kosalarājā yena brahmadattassa kāsirañño purohito brāhmaṇo tenupasaṅkami, upasaṅkamitvā brahmadattassa kāsirañño purohitaṃ brāhmaṇaṃ etadavoca – ‘‘sakhī te, samma, gabbhinī. Tassā evarūpo dohaḷo uppanno – icchati sūriyassa uggamanakāle caturaṅginiṃ senaṃ sannaddhaṃ vammikaṃ subhūme ṭhitaṃ passituṃ, khaggānañca dhovanaṃ pātu’’nti. ‘‘Tena hi, deva, mayampi deviṃ passāmā’’ti. Atha kho, bhikkhave, dīghītissa kosalarañño mahesī yena brahmadattassa kāsirañño purohito brāhmaṇo tenupasaṅkami. Addasā kho, bhikkhave, brahmadattassa kāsirañño purohito brāhmaṇo dīghītissa kosalarañño mahesiṃ dūratova āgacchantiṃ, disvāna uṭṭhāyāsanā ekaṃsaṃ uttarāsaṅgaṃ karitvā yena dīghītissa kosalarañño mahesī tenañjaliṃ paṇāmetvā tikkhattuṃ udānaṃ udānesi – ‘‘kosalarājā vata bho kucchigato, kosalarājā vata bho kucchigato’’ti. Attamanā 8, devi, hohi. Lacchasi sūriyassa uggamanakāle caturaṅginiṃ senaṃ sannaddhaṃ vammikaṃ subhūme ṭhitaṃ passituṃ, khaggānañca dhovanaṃ pātunti.
ат̇а ко, бхигкавз, б̣рахмад̣̇ад̇д̇асса гаасиран̃н̃о бурохид̇о б̣раахман̣о язна б̣рахмад̣̇ад̇д̇о гаасирааж̇аа д̇знубасан̇гами, убасан̇гамид̇ваа б̣рахмад̣̇ад̇д̇ам̣ гаасирааж̇аанам̣ зд̇ад̣̇авожа – ‘‘д̇ат̇аа, д̣̇зва, нимид̇д̇аани д̣̇иссанд̇и, свз суурияуг̇г̇аманагаалз жад̇уран̇г̇иний сзнаа саннад̣̇д̇хаа ваммигаа субхуумз д̇идтад̇у, каг̇г̇аа жа д̇ховияанд̇уу’’д̇и. ат̇а ко, бхигкавз, б̣рахмад̣̇ад̇д̇о гаасирааж̇аа мануссз аан̣аабзси – ‘‘яат̇аа, бхан̣з, бурохид̇о б̣раахман̣о ааха д̇ат̇аа гарот̇аа’’д̇и. алабхи ко, бхигкавз, д̣̇ийгхийд̇исса госаларан̃н̃о махзсий суурияасса уг̇г̇аманагаалз жад̇уран̇г̇иним̣ сзнам̣ саннад̣̇д̇хам̣ ваммигам̣ субхуумз тид̇ам̣ бассид̇ум̣, каг̇г̇аанан̃жа д̇хованам̣ баад̇ум̣. ат̇а ко, бхигкавз, д̣̇ийгхийд̇исса госаларан̃н̃о махзсий д̇асса г̇аб̣бхасса барибаагаманвааяа буд̇д̇ам̣ виж̇ааяи. д̇асса д̣̇ийгхаавууд̇и наамам̣ агам̣су. ат̇а ко, бхигкавз, д̣̇ийгхааву гумааро нажирассзва вин̃н̃уд̇ам̣ баабун̣и. ат̇а ко, бхигкавз, д̣̇ийгхийд̇исса госаларан̃н̃о зд̇ад̣̇ахоси – ‘‘аяам̣ ко б̣рахмад̣̇ад̇д̇о гаасирааж̇аа б̣ахуно амхаагам̣ анад̇т̇асса гаараго, иминаа амхаагам̣ б̣алан̃жа вааханан̃жа ж̇анабад̣̇о жа госо жа годтааг̇ааран̃жа ажчиннам̣, сажааяам̣ амхз ж̇ааниссад̇и, саб̣б̣зва д̇аяо гхаад̇аабзссад̇и, яам̣нуунаахам̣ д̣̇ийгхаавум̣ гумаарам̣ б̣ахинаг̇арз ваасзяяа’’нд̇и. ат̇а ко бхигкавз д̣̇ийгхийд̇и госаларааж̇аа д̣̇ийгхаавум̣ гумаарам̣ б̣ахинаг̇арз ваасзси. ат̇а ко бхигкавз д̣̇ийгхааву гумааро б̣ахинаг̇арз бадивасанд̇о нажирассзва саб̣б̣асиббаани сигки.
Atha kho, bhikkhave, brahmadattassa kāsirañño purohito brāhmaṇo yena brahmadatto kāsirājā tenupasaṅkami, upasaṅkamitvā brahmadattaṃ kāsirājānaṃ etadavoca – ‘‘tathā, deva, nimittāni dissanti, sve sūriyuggamanakāle caturaṅginī senā sannaddhā vammikā subhūme tiṭṭhatu, khaggā ca dhoviyantū’’ti. Atha kho, bhikkhave, brahmadatto kāsirājā manusse āṇāpesi – ‘‘yathā, bhaṇe, purohito brāhmaṇo āha tathā karothā’’ti. Alabhi kho, bhikkhave, dīghītissa kosalarañño mahesī sūriyassa uggamanakāle caturaṅginiṃ senaṃ sannaddhaṃ vammikaṃ subhūme ṭhitaṃ passituṃ, khaggānañca dhovanaṃ pātuṃ. Atha kho, bhikkhave, dīghītissa kosalarañño mahesī tassa gabbhassa paripākamanvāya puttaṃ vijāyi. Tassa dīghāvūti nāmaṃ akaṃsu. Atha kho, bhikkhave, dīghāvu kumāro nacirasseva viññutaṃ pāpuṇi. Atha kho, bhikkhave, dīghītissa kosalarañño etadahosi – ‘‘ayaṃ kho brahmadatto kāsirājā bahuno amhākaṃ anatthassa kārako, iminā amhākaṃ balañca vāhanañca janapado ca koso ca koṭṭhāgārañca acchinnaṃ, sacāyaṃ amhe jānissati, sabbeva tayo ghātāpessati, yaṃnūnāhaṃ dīghāvuṃ kumāraṃ bahinagare vāseyya’’nti. Atha kho bhikkhave dīghīti kosalarājā dīghāvuṃ kumāraṃ bahinagare vāsesi. Atha kho bhikkhave dīghāvu kumāro bahinagare paṭivasanto nacirasseva sabbasippāni sikkhi.
460. д̇зна ко бана самаязна д̣̇ийгхийд̇исса госаларан̃н̃о габбаго б̣рахмад̣̇ад̇д̇з гаасиран̃н̃з бадивасад̇и. ад̣̇д̣̇асаа ко, бхигкавз, д̣̇ийгхийд̇исса госаларан̃н̃о габбаго д̣̇ийгхийд̇им̣ госаларааж̇аанам̣ сабаж̇аабад̇игам̣ б̣аараан̣асияам̣ ан̃н̃ад̇арасмим̣ бажжанд̇имз огаасз гумбхагааранивзсанз ан̃н̃аад̇агавзсзна бариб̣б̣ааж̇агажчаннзна бадивасанд̇ам̣, д̣̇исваана язна б̣рахмад̣̇ад̇д̇о гаасирааж̇аа д̇знубасан̇гами, убасан̇гамид̇ваа б̣рахмад̣̇ад̇д̇ам̣ гаасирааж̇аанам̣ зд̇ад̣̇авожа – ‘‘д̣̇ийгхийд̇и, д̣̇зва, госаларааж̇аа сабаж̇аабад̇иго б̣аараан̣асияам̣ ан̃н̃ад̇арасмим̣ бажжанд̇имз огаасз гумбхагааранивзсанз ан̃н̃аад̇агавзсзна бариб̣б̣ааж̇агажчаннзна бадивасад̇ий’’д̇и. ат̇а ко, бхигкавз, б̣рахмад̣̇ад̇д̇о гаасирааж̇аа мануссз аан̣аабзси – ‘‘д̇зна хи, бхан̣з, д̣̇ийгхийд̇им̣ госаларааж̇аанам̣ сабаж̇аабад̇игам̣ аанзт̇аа’’д̇и. ‘‘звам̣, д̣̇зваа’’д̇и ко, бхигкавз, д̇з мануссаа б̣рахмад̣̇ад̇д̇асса гаасиран̃н̃о бадиссуд̇ваа д̣̇ийгхийд̇им̣ госаларааж̇аанам̣ сабаж̇аабад̇игам̣ аанзсум̣. ат̇а ко, бхигкавз, б̣рахмад̣̇ад̇д̇о гаасирааж̇аа мануссз аан̣аабзси – ‘‘д̇зна хи, бхан̣з, д̣̇ийгхийд̇им̣ госаларааж̇аанам̣ сабаж̇аабад̇игам̣ д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇игааяа рат̇игам̣ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкаамзд̇ваа д̣̇агкин̣ад̇о наг̇арасса жад̇уд̇хаа чинд̣̇ид̇ваа жад̇уд̣̇д̣̇исаа б̣илаани нигкибат̇аа’’д̇и. ‘‘звам̣, д̣̇зваа’’д̇и ко, бхигкавз, д̇з мануссаа б̣рахмад̣̇ад̇д̇асса гаасиран̃н̃о бадиссуд̇ваа д̣̇ийгхийд̇им̣ госаларааж̇аанам̣ сабаж̇аабад̇игам̣ д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇игааяа рат̇игам̣ син̇гхаадагзна син̇гхаадагам̣ баринзнд̇и.
460. Tena kho pana samayena dīghītissa kosalarañño kappako brahmadatte kāsiraññe paṭivasati. Addasā kho, bhikkhave, dīghītissa kosalarañño kappako dīghītiṃ kosalarājānaṃ sapajāpatikaṃ bārāṇasiyaṃ aññatarasmiṃ paccantime okāse kumbhakāranivesane aññātakavesena paribbājakacchannena paṭivasantaṃ, disvāna yena brahmadatto kāsirājā tenupasaṅkami, upasaṅkamitvā brahmadattaṃ kāsirājānaṃ etadavoca – ‘‘dīghīti, deva, kosalarājā sapajāpatiko bārāṇasiyaṃ aññatarasmiṃ paccantime okāse kumbhakāranivesane aññātakavesena paribbājakacchannena paṭivasatī’’ti. Atha kho, bhikkhave, brahmadatto kāsirājā manusse āṇāpesi – ‘‘tena hi, bhaṇe, dīghītiṃ kosalarājānaṃ sapajāpatikaṃ ānethā’’ti. ‘‘Evaṃ, devā’’ti kho, bhikkhave, te manussā brahmadattassa kāsirañño paṭissutvā dīghītiṃ kosalarājānaṃ sapajāpatikaṃ ānesuṃ. Atha kho, bhikkhave, brahmadatto kāsirājā manusse āṇāpesi – ‘‘tena hi, bhaṇe, dīghītiṃ kosalarājānaṃ sapajāpatikaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhāmetvā dakkhiṇato nagarassa catudhā chinditvā catuddisā bilāni nikkhipathā’’ti. ‘‘Evaṃ, devā’’ti kho, bhikkhave, te manussā brahmadattassa kāsirañño paṭissutvā dīghītiṃ kosalarājānaṃ sapajāpatikaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinenti.
ат̇а ко, бхигкавз, д̣̇ийгхаавусса гумаарасса зд̇ад̣̇ахоси – ‘‘жирам̣д̣̇идтаа ко мз маад̇аабид̇аро. яам̣нуунаахам̣ маад̇аабид̇аро бассзяяа’’нд̇и. ат̇а ко, бхигкавз, д̣̇ийгхааву гумааро б̣аараан̣асим̣ бависид̇ваа ад̣̇д̣̇аса маад̇аабид̇аро д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇игааяа рат̇игам̣ син̇гхаадагзна син̇гхаадагам̣ баринзнд̇з, д̣̇исваана язна маад̇аабид̇аро д̇знубасан̇гами. ад̣̇д̣̇асаа ко, бхигкавз, д̣̇ийгхийд̇и госаларааж̇аа д̣̇ийгхаавум̣ гумаарам̣ д̣̇уурад̇ова ааг̇ажчанд̇ам̣; д̣̇исваана д̣̇ийгхаавум̣ гумаарам̣ зд̇ад̣̇авожа – ‘‘маа ко д̇вам̣, д̇аад̇а д̣̇ийгхааву, д̣̇ийгхам̣ басса, маа рассам̣. на хи, д̇аад̇а д̣̇ийгхааву, взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’’д̇и. звам̣ вуд̇д̇з, бхигкавз, д̇з мануссаа д̣̇ийгхийд̇им̣ госаларааж̇аанам̣ зд̇ад̣̇авожум̣ – ‘‘уммад̇д̇аго аяам̣ д̣̇ийгхийд̇и госаларааж̇аа виббалабад̇и. го имасса д̣̇ийгхааву? гам̣ аяам̣ звамааха – ‘маа ко д̇вам̣, д̇аад̇а д̣̇ийгхааву, д̣̇ийгхам̣ басса, маа рассам̣. на хи, д̇аад̇а д̣̇ийгхааву, взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’’д̇и. ‘‘наахам̣, бхан̣з, уммад̇д̇аго виббалабаами, аби жа яо вин̃н̃уу со вибхаавзссад̇ий’’д̇и. д̣̇уд̇ияамби ко, бхигкавз…бз… д̇ад̇ияамби ко, бхигкавз, д̣̇ийгхийд̇и госаларааж̇аа д̣̇ийгхаавум̣ гумаарам̣ зд̇ад̣̇авожа – ‘‘маа ко д̇вам̣, д̇аад̇а д̣̇ийгхааву, д̣̇ийгхам̣ басса, маа рассам̣. на хи, д̇аад̇а д̣̇ийгхааву, взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’’д̇и. д̇ад̇ияамби ко, бхигкавз, д̇з мануссаа д̣̇ийгхийд̇им̣ госаларааж̇аанам̣ зд̇ад̣̇авожум̣ – ‘‘уммад̇д̇аго аяам̣ д̣̇ийгхийд̇и госаларааж̇аа виббалабад̇и. го имасса д̣̇ийгхааву ? гам̣ аяам̣ звамааха – маа ко д̇вам̣, д̇аад̇а д̣̇ийгхааву, д̣̇ийгхам̣ басса, маа рассам̣. на хи, д̇аад̇а д̣̇ийгхааву, взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’’д̇и. ‘‘наахам̣, бхан̣з, уммад̇д̇аго виббалабаами, аби жа яо вин̃н̃уу со вибхаавзссад̇ий’’д̇и. ат̇а ко, бхигкавз, д̇з мануссаа д̣̇ийгхийд̇им̣ госаларааж̇аанам̣ сабаж̇аабад̇игам̣ рат̇игааяа рат̇игам̣ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкаамзд̇ваа д̣̇агкин̣ад̇о наг̇арасса жад̇уд̇хаа чинд̣̇ид̇ваа жад̇уд̣̇д̣̇исаа б̣илаани нигкибид̇ваа г̇умб̣ам̣ табзд̇ваа баггамим̣су. ат̇а ко, бхигкавз, д̣̇ийгхааву гумааро б̣аараан̣асим̣ бависид̇ваа сурам̣ нийхарид̇ваа г̇умб̣ияз бааязси. яад̣̇аа д̇з мад̇д̇аа ахзсум̣ бад̇ид̇аа, ат̇а гадтаани сам̣гад̣дхид̇ваа жид̇агам̣ гарид̇ваа маад̇аабид̇уунам̣ сарийрам̣ жид̇агам̣ ааробзд̇ваа аг̇г̇им̣ д̣̇ад̇ваа бан̃ж̇алиго д̇игкад̇д̇ум̣ жид̇агам̣ бад̣̇агкин̣ам̣ агааси.
Atha kho, bhikkhave, dīghāvussa kumārassa etadahosi – ‘‘ciraṃdiṭṭhā kho me mātāpitaro. Yaṃnūnāhaṃ mātāpitaro passeyya’’nti. Atha kho, bhikkhave, dīghāvu kumāro bārāṇasiṃ pavisitvā addasa mātāpitaro daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinente, disvāna yena mātāpitaro tenupasaṅkami. Addasā kho, bhikkhave, dīghīti kosalarājā dīghāvuṃ kumāraṃ dūratova āgacchantaṃ; disvāna dīghāvuṃ kumāraṃ etadavoca – ‘‘mā kho tvaṃ, tāta dīghāvu, dīghaṃ passa, mā rassaṃ. Na hi, tāta dīghāvu, verena verā sammanti; averena hi, tāta dīghāvu, verā sammantī’’ti. Evaṃ vutte, bhikkhave, te manussā dīghītiṃ kosalarājānaṃ etadavocuṃ – ‘‘ummattako ayaṃ dīghīti kosalarājā vippalapati. Ko imassa dīghāvu? Kaṃ ayaṃ evamāha – ‘mā kho tvaṃ, tāta dīghāvu, dīghaṃ passa, mā rassaṃ. Na hi, tāta dīghāvu, verena verā sammanti; averena hi, tāta dīghāvu, verā sammantī’’ti. ‘‘Nāhaṃ, bhaṇe, ummattako vippalapāmi, api ca yo viññū so vibhāvessatī’’ti. Dutiyampi kho, bhikkhave…pe… tatiyampi kho, bhikkhave, dīghīti kosalarājā dīghāvuṃ kumāraṃ etadavoca – ‘‘mā kho tvaṃ, tāta dīghāvu, dīghaṃ passa, mā rassaṃ. Na hi, tāta dīghāvu, verena verā sammanti; averena hi, tāta dīghāvu, verā sammantī’’ti. Tatiyampi kho, bhikkhave, te manussā dīghītiṃ kosalarājānaṃ etadavocuṃ – ‘‘ummattako ayaṃ dīghīti kosalarājā vippalapati. Ko imassa dīghāvu ? Kaṃ ayaṃ evamāha – mā kho tvaṃ, tāta dīghāvu, dīghaṃ passa, mā rassaṃ. Na hi, tāta dīghāvu, verena verā sammanti; averena hi, tāta dīghāvu, verā sammantī’’ti. ‘‘Nāhaṃ, bhaṇe, ummattako vippalapāmi, api ca yo viññū so vibhāvessatī’’ti. Atha kho, bhikkhave, te manussā dīghītiṃ kosalarājānaṃ sapajāpatikaṃ rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhāmetvā dakkhiṇato nagarassa catudhā chinditvā catuddisā bilāni nikkhipitvā gumbaṃ ṭhapetvā pakkamiṃsu. Atha kho, bhikkhave, dīghāvu kumāro bārāṇasiṃ pavisitvā suraṃ nīharitvā gumbiye pāyesi. Yadā te mattā ahesuṃ patitā, atha kaṭṭhāni saṃkaḍḍhitvā citakaṃ karitvā mātāpitūnaṃ sarīraṃ citakaṃ āropetvā aggiṃ datvā pañjaliko tikkhattuṃ citakaṃ padakkhiṇaṃ akāsi.
461. д̇зна ко бана самаязна б̣рахмад̣̇ад̇д̇о гаасирааж̇аа убарибаасаад̣̇авараг̇ад̇о ход̇и. ад̣̇д̣̇асаа ко, бхигкавз, б̣рахмад̣̇ад̇д̇о гаасирааж̇аа д̣̇ийгхаавум̣ гумаарам̣ бан̃ж̇алигам̣ д̇игкад̇д̇ум̣ жид̇агам̣ бад̣̇агкин̣ам̣ гаронд̇ам̣, д̣̇исваанасса зд̇ад̣̇ахоси – ‘‘ниссам̣саяам̣ ко со мануссо д̣̇ийгхийд̇исса госаларан̃н̃о н̃аад̇и ваа саалохид̇о ваа, ахо мз анад̇т̇ад̇о, на хи наама мз гожи аарожзссад̇ий’’д̇и. ат̇а ко, бхигкавз, д̣̇ийгхааву гумааро аран̃н̃ам̣ г̇анд̇ваа яаавад̣̇ад̇т̇ам̣ ганд̣̇ид̇ваа род̣̇ид̇ваа каббам̣ 9 бун̃чид̇ваа б̣аараан̣асим̣ бависид̇ваа анд̇збурасса сааманд̇аа хад̇т̇исаалам̣ г̇анд̇ваа хад̇т̇аажарияам̣ зд̇ад̣̇авожа – ‘‘ижчаамахам̣, аажарияа, сиббам̣ сигкид̇у’’нд̇и. ‘‘д̇зна хи, бхан̣з маан̣авага, сигкассуу’’д̇и. ат̇а ко, бхигкавз, д̣̇ийгхааву гумааро рад̇д̇ияаа бажжуусасамаяам̣ бажжудтааяа хад̇т̇исаалааяам̣ ман̃ж̇унаа сарзна г̇ааяи, вийн̣ан̃жа ваад̣̇зси. ассоси ко, бхигкавз, б̣рахмад̣̇ад̇д̇о гаасирааж̇аа рад̇д̇ияаа бажжуусасамаяам̣ бажжудтааяа хад̇т̇исаалааяам̣ ман̃ж̇унаа сарзна г̇ийд̇ам̣ вийн̣ан̃жа ваад̣̇ид̇ам̣, суд̇ваана мануссз бужчи – ‘‘го, бхан̣з, рад̇д̇ияаа бажжуусасамаяам̣ бажжудтааяа хад̇т̇исаалааяам̣ ман̃ж̇унаа сарзна г̇ааяи, вийн̣ан̃жа ваад̣̇зсий’’д̇и? ‘‘амугасса, д̣̇зва, хад̇т̇аажарияасса анд̇зваасий маан̣аваго рад̇д̇ияаа бажжуусасамаяам̣ бажжудтааяа хад̇т̇исаалааяам̣ ман̃ж̇унаа сарзна г̇ааяи, вийн̣ан̃жа ваад̣̇зсий’’д̇и. ‘‘д̇зна хи, бхан̣з, д̇ам̣ маан̣авагам̣ аанзт̇аа’’д̇и. ‘‘звам̣, д̣̇зваа’’д̇и ко, бхигкавз, д̇з мануссаа б̣рахмад̣̇ад̇д̇асса гаасиран̃н̃о бадиссуд̇ваа д̣̇ийгхаавум̣ гумаарам̣ аанзсум̣. ‘‘д̇вам̣ бхан̣з маан̣авага, рад̇д̇ияаа бажжуусасамаяам̣ бажжудтааяа хад̇т̇исаалааяам̣ ман̃ж̇унаа сарзна г̇ааяи, вийн̣ан̃жа ваад̣̇зсий’’д̇и? ‘‘звам̣, д̣̇зваа’’д̇и. ‘‘д̇зна хи д̇вам̣, бхан̣з маан̣авага, г̇ааяассу, вийн̣ан̃жа ваад̣̇зхий’’д̇и. ‘‘звам̣, д̣̇зваа’’д̇и ко, бхигкавз, д̣̇ийгхааву гумааро б̣рахмад̣̇ад̇д̇асса гаасиран̃н̃о бадиссуд̇ваа аараад̇хаабзгко ман̃ж̇унаа сарзна г̇ааяи , вийн̣ан̃жа ваад̣̇зси. ‘‘д̇вам̣, бхан̣з маан̣авага, мам̣ убадтахаа’’д̇и. ‘‘звам̣, д̣̇зваа’’д̇и ко, бхигкавз, д̣̇ийгхааву гумааро б̣рахмад̣̇ад̇д̇асса гаасиран̃н̃о бажжассоси. ат̇а ко, бхигкавз, д̣̇ийгхааву гумааро б̣рахмад̣̇ад̇д̇асса гаасиран̃н̃о буб̣б̣удтааяий ахоси бажчаанибаад̇ий гин̇гаарабадиссаавий манаабажаарий бияаваад̣̇ий. ат̇а ко, бхигкавз, б̣рахмад̣̇ад̇д̇о гаасирааж̇аа д̣̇ийгхаавум̣ гумаарам̣ нажирассзва аб̣бханд̇аримз виссаасигадтаанз табзси.
461. Tena kho pana samayena brahmadatto kāsirājā uparipāsādavaragato hoti. Addasā kho, bhikkhave, brahmadatto kāsirājā dīghāvuṃ kumāraṃ pañjalikaṃ tikkhattuṃ citakaṃ padakkhiṇaṃ karontaṃ, disvānassa etadahosi – ‘‘nissaṃsayaṃ kho so manusso dīghītissa kosalarañño ñāti vā sālohito vā, aho me anatthato, na hi nāma me koci ārocessatī’’ti. Atha kho, bhikkhave, dīghāvu kumāro araññaṃ gantvā yāvadatthaṃ kanditvā roditvā khappaṃ 10 puñchitvā bārāṇasiṃ pavisitvā antepurassa sāmantā hatthisālaṃ gantvā hatthācariyaṃ etadavoca – ‘‘icchāmahaṃ, ācariya, sippaṃ sikkhitu’’nti. ‘‘Tena hi, bhaṇe māṇavaka, sikkhassū’’ti. Atha kho, bhikkhave, dīghāvu kumāro rattiyā paccūsasamayaṃ paccuṭṭhāya hatthisālāyaṃ mañjunā sarena gāyi, vīṇañca vādesi. Assosi kho, bhikkhave, brahmadatto kāsirājā rattiyā paccūsasamayaṃ paccuṭṭhāya hatthisālāyaṃ mañjunā sarena gītaṃ vīṇañca vāditaṃ, sutvāna manusse pucchi – ‘‘ko, bhaṇe, rattiyā paccūsasamayaṃ paccuṭṭhāya hatthisālāyaṃ mañjunā sarena gāyi, vīṇañca vādesī’’ti? ‘‘Amukassa, deva, hatthācariyassa antevāsī māṇavako rattiyā paccūsasamayaṃ paccuṭṭhāya hatthisālāyaṃ mañjunā sarena gāyi, vīṇañca vādesī’’ti. ‘‘Tena hi, bhaṇe, taṃ māṇavakaṃ ānethā’’ti. ‘‘Evaṃ, devā’’ti kho, bhikkhave, te manussā brahmadattassa kāsirañño paṭissutvā dīghāvuṃ kumāraṃ ānesuṃ. ‘‘Tvaṃ bhaṇe māṇavaka, rattiyā paccūsasamayaṃ paccuṭṭhāya hatthisālāyaṃ mañjunā sarena gāyi, vīṇañca vādesī’’ti? ‘‘Evaṃ, devā’’ti. ‘‘Tena hi tvaṃ, bhaṇe māṇavaka, gāyassu, vīṇañca vādehī’’ti. ‘‘Evaṃ, devā’’ti kho, bhikkhave, dīghāvu kumāro brahmadattassa kāsirañño paṭissutvā ārādhāpekkho mañjunā sarena gāyi , vīṇañca vādesi. ‘‘Tvaṃ, bhaṇe māṇavaka, maṃ upaṭṭhahā’’ti. ‘‘Evaṃ, devā’’ti kho, bhikkhave, dīghāvu kumāro brahmadattassa kāsirañño paccassosi. Atha kho, bhikkhave, dīghāvu kumāro brahmadattassa kāsirañño pubbuṭṭhāyī ahosi pacchānipātī kiṅkārapaṭissāvī manāpacārī piyavādī. Atha kho, bhikkhave, brahmadatto kāsirājā dīghāvuṃ kumāraṃ nacirasseva abbhantarime vissāsikaṭṭhāne ṭhapesi.
462. ат̇а ко, бхигкавз, б̣рахмад̣̇ад̇д̇о гаасирааж̇аа д̣̇ийгхаавум̣ гумаарам̣ зд̇ад̣̇авожа – ‘‘д̇зна хи, бхан̣з маан̣авага, рат̇ам̣ яож̇зхи, миг̇авам̣ г̇амиссаамаа’’д̇и. ‘‘звам̣, д̣̇зваа’’д̇и ко, бхигкавз, д̣̇ийгхааву гумааро б̣рахмад̣̇ад̇д̇асса гаасиран̃н̃о бадиссуд̇ваа рат̇ам̣ яож̇зд̇ваа б̣рахмад̣̇ад̇д̇ам̣ гаасирааж̇аанам̣ зд̇ад̣̇авожа – ‘‘яуд̇д̇о ко д̇з, д̣̇зва, рат̇о, яасса д̣̇аани гаалам̣ ман̃н̃асий’’д̇и. ат̇а ко, бхигкавз, б̣рахмад̣̇ад̇д̇о гаасирааж̇аа рат̇ам̣ абхирухи. д̣̇ийгхааву гумааро рат̇ам̣ бзсзси. д̇ат̇аа д̇ат̇аа рат̇ам̣ бзсзси яат̇аа яат̇аа ан̃н̃знзва сзнаа аг̇амааси ан̃н̃знзва рат̇о. ат̇а ко, бхигкавз, б̣рахмад̣̇ад̇д̇о гаасирааж̇аа д̣̇уурам̣ г̇анд̇ваа д̣̇ийгхаавум̣ гумаарам̣ зд̇ад̣̇авожа – ‘‘д̇зна хи, бхан̣з маан̣авага, рат̇ам̣ мун̃жассу, гиланд̇омхи, нибаж̇ж̇иссаамий’’д̇и. ‘‘звам̣, д̣̇зваа’’д̇и ко, бхигкавз, д̣̇ийгхааву гумааро б̣рахмад̣̇ад̇д̇асса гаасиран̃н̃о бадиссуд̇ваа рат̇ам̣ мун̃жид̇ваа бат̇авияам̣ баллан̇гзна нисийд̣̇и. ат̇а ко, бхигкавз, б̣рахмад̣̇ад̇д̇о гаасирааж̇аа д̣̇ийгхаавусса гумаарасса ужчан̇г̇з сийсам̣ гад̇ваа сзяяам̣ габбзси. д̇асса гиланд̇асса мухуд̇д̇агзнзва нид̣̇д̣̇аа оггами. ат̇а ко, бхигкавз, д̣̇ийгхаавусса гумаарасса зд̇ад̣̇ахоси – ‘‘аяам̣ ко б̣рахмад̣̇ад̇д̇о гаасирааж̇аа б̣ахуно амхаагам̣ анад̇т̇асса гаараго. иминаа амхаагам̣ б̣алан̃жа вааханан̃жа ж̇анабад̣̇о жа госо жа годтааг̇ааран̃жа ажчиннам̣. иминаа жа мз маад̇аабид̇аро хад̇аа. аяам̣ квасса гаало яохам̣ взрам̣ аббзяяа’’нд̇и госияаа каг̇г̇ам̣ ниб̣б̣аахи. ат̇а ко, бхигкавз, д̣̇ийгхаавусса гумаарасса зд̇ад̣̇ахоси – ‘‘бид̇аа ко мам̣ маран̣агаалз аважа ‘маа ко д̇вам̣, д̇аад̇а д̣̇ийгхааву, д̣̇ийгхам̣ басса, маа рассам̣. на хи, д̇аад̇а д̣̇ийгхааву, взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’д̇и. на ко мзд̇ам̣ бад̇ируубам̣ , яваахам̣ бид̇уважанам̣ ад̇иггамзяяа’’нд̇и госияаа каг̇г̇ам̣ бавзсзси. д̣̇уд̇ияамби ко, бхигкавз, д̣̇ийгхаавусса гумаарасса зд̇ад̣̇ахоси – ‘‘аяам̣ ко б̣рахмад̣̇ад̇д̇о гаасирааж̇аа б̣ахуно амхаагам̣ анад̇т̇асса гаараго, имино амхаагам̣ б̣алан̃жа вааханан̃жа ж̇анабад̣̇о жа госо жа годтааг̇ааран̃жа ажчиннам̣, иминаа жа мз маад̇аабид̇аро хад̇аа, аяам̣ квасса гаало яохам̣ взрам̣ аббзяяа’’нд̇и госияаа каг̇г̇ам̣ ниб̣б̣аахи. д̣̇уд̇ияамби ко, бхигкавз, д̣̇ийгхаавусса гумаарасса зд̇ад̣̇ахоси – ‘‘бид̇аа ко мам̣ маран̣агаалз аважа ‘маа ко д̇вам̣ д̇аад̇а д̣̇ийгхааву, д̣̇ийгхам̣ басса, маа рассам̣, на хи д̇аад̇а д̣̇ийгхааву взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’д̇и. на ко мзд̇ам̣ бад̇ируубам̣, яваахам̣ бид̇уважанам̣ ад̇иггамзяяа’’нд̇и. бунад̣̇зва госияаа каг̇г̇ам̣ бавзсзси. д̇ад̇ияамби ко, бхигкавз, д̣̇ийгхаавусса гумаарасса зд̇ад̣̇ахоси – ‘‘аяам̣ ко б̣рахмад̣̇ад̇д̇о гаасирааж̇аа б̣ахуно амхаагам̣ анад̇т̇асса гаараго. иминаа амхаагам̣ б̣алан̃жа вааханан̃жа ж̇анабад̣̇о жа госо жа годтааг̇ааран̃жа ажчиннам̣. иминаа жа мз маад̇аабид̇аро хад̇аа. аяам̣ квасса гаало яохам̣ взрам̣ аббзяяа’’нд̇и госияаа каг̇г̇ам̣ ниб̣б̣аахи. д̇ад̇ияамби ко, бхигкавз, д̣̇ийгхаавусса гумаарасса зд̇ад̣̇ахоси – ‘‘бид̇аа ко мам̣ маран̣агаалз аважа ‘маа ко д̇вам̣, д̇аад̇а д̣̇ийгхааву, д̣̇ийгхам̣ басса, маа рассам̣. на хи, д̇аад̇а д̣̇ийгхааву, взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’д̇и. на ко мзд̇ам̣ бад̇ируубам̣, яваахам̣ бид̇уважанам̣ ад̇иггамзяяа’’’нд̇и бунад̣̇зва госияаа каг̇г̇ам̣ бавзсзси. ат̇а ко, бхигкавз, б̣рахмад̣̇ад̇д̇о гаасирааж̇аа бхийд̇о уб̣б̣иг̇г̇о уссан̇гий уд̇расд̇о сахасаа вудтааси. ат̇а ко, бхигкавз, д̣̇ийгхааву гумааро б̣рахмад̣̇ад̇д̇ам̣ гаасирааж̇аанам̣ зд̇ад̣̇авожа – ‘‘гисса д̇вам̣ , д̣̇зва, бхийд̇о уб̣б̣иг̇г̇о уссан̇гий уд̇расд̇о сахасаа вудтаасий’’д̇и? ид̇ха мам̣, бхан̣з маан̣авага, д̣̇ийгхийд̇исса госаларан̃н̃о буд̇д̇о д̣̇ийгхааву гумааро субинанд̇зна каг̇г̇зна барибаад̇зси. д̇знаахам̣ бхийд̇о уб̣б̣иг̇г̇о уссан̇гий уд̇расд̇о сахасаа вудтаасинд̇и. ат̇а ко, бхигкавз, д̣̇ийгхааву гумааро ваамзна хад̇т̇зна б̣рахмад̣̇ад̇д̇асса гаасиран̃н̃о сийсам̣ бараамасид̇ваа д̣̇агкин̣зна хад̇т̇зна каг̇г̇ам̣ ниб̣б̣аахзд̇ваа б̣рахмад̣̇ад̇д̇ам̣ гаасирааж̇аанам̣ зд̇ад̣̇авожа – ‘‘ахам̣ ко со, д̣̇зва, д̣̇ийгхийд̇исса госаларан̃н̃о буд̇д̇о д̣̇ийгхааву гумааро. б̣ахуно д̇вам̣ амхаагам̣ анад̇т̇асса гаараго. д̇аяаа амхаагам̣ б̣алан̃жа вааханан̃жа ж̇анабад̣̇о жа госо жа годтааг̇ааран̃жа ажчиннам̣. д̇аяаа жа мз маад̇аабид̇аро хад̇аа. аяам̣ квасса гаало яваахам̣ взрам̣ аббзяяа’’нд̇и. ат̇а ко, бхигкавз, б̣рахмад̣̇ад̇д̇о гаасирааж̇аа д̣̇ийгхаавусса гумаарасса баад̣̇зсу сирасаа нибад̇ид̇ваа д̣̇ийгхаавум̣ гумаарам̣ зд̇ад̣̇авожа – ‘‘ж̇ийвид̇ам̣ мз, д̇аад̇а д̣̇ийгхааву, д̣̇зхи. ж̇ийвид̇ам̣ мз, д̇аад̇а д̣̇ийгхааву, д̣̇зхий’’д̇и. ‘‘гяаахам̣ уссахаами д̣̇звасса ж̇ийвид̇ам̣ д̣̇аад̇ум̣ ? д̣̇зво ко мз ж̇ийвид̇ам̣ д̣̇ад̣̇зяяаа’’д̇и. ‘‘д̇зна хи, д̇аад̇а д̣̇ийгхааву, д̇ван̃жзва мз ж̇ийвид̇ам̣ д̣̇зхи, ахан̃жа д̇з ж̇ийвид̇ам̣ д̣̇аммий’’д̇и. ат̇а ко, бхигкавз, б̣рахмад̣̇ад̇д̇о жа гаасирааж̇аа д̣̇ийгхааву жа гумааро ан̃н̃аман̃н̃асса ж̇ийвид̇ам̣ ад̣̇ам̣су, баан̣ин̃жа аг̇г̇ахзсум̣, сабат̇ан̃жа агам̣су ад̣̇д̣̇уубхааяа 11.
462. Atha kho, bhikkhave, brahmadatto kāsirājā dīghāvuṃ kumāraṃ etadavoca – ‘‘tena hi, bhaṇe māṇavaka, rathaṃ yojehi, migavaṃ gamissāmā’’ti. ‘‘Evaṃ, devā’’ti kho, bhikkhave, dīghāvu kumāro brahmadattassa kāsirañño paṭissutvā rathaṃ yojetvā brahmadattaṃ kāsirājānaṃ etadavoca – ‘‘yutto kho te, deva, ratho, yassa dāni kālaṃ maññasī’’ti. Atha kho, bhikkhave, brahmadatto kāsirājā rathaṃ abhiruhi. Dīghāvu kumāro rathaṃ pesesi. Tathā tathā rathaṃ pesesi yathā yathā aññeneva senā agamāsi aññeneva ratho. Atha kho, bhikkhave, brahmadatto kāsirājā dūraṃ gantvā dīghāvuṃ kumāraṃ etadavoca – ‘‘tena hi, bhaṇe māṇavaka, rathaṃ muñcassu, kilantomhi, nipajjissāmī’’ti. ‘‘Evaṃ, devā’’ti kho, bhikkhave, dīghāvu kumāro brahmadattassa kāsirañño paṭissutvā rathaṃ muñcitvā pathaviyaṃ pallaṅkena nisīdi. Atha kho, bhikkhave, brahmadatto kāsirājā dīghāvussa kumārassa ucchaṅge sīsaṃ katvā seyyaṃ kappesi. Tassa kilantassa muhuttakeneva niddā okkami. Atha kho, bhikkhave, dīghāvussa kumārassa etadahosi – ‘‘ayaṃ kho brahmadatto kāsirājā bahuno amhākaṃ anatthassa kārako. Iminā amhākaṃ balañca vāhanañca janapado ca koso ca koṭṭhāgārañca acchinnaṃ. Iminā ca me mātāpitaro hatā. Ayaṃ khvassa kālo yohaṃ veraṃ appeyya’’nti kosiyā khaggaṃ nibbāhi. Atha kho, bhikkhave, dīghāvussa kumārassa etadahosi – ‘‘pitā kho maṃ maraṇakāle avaca ‘mā kho tvaṃ, tāta dīghāvu, dīghaṃ passa, mā rassaṃ. Na hi, tāta dīghāvu, verena verā sammanti; averena hi, tāta dīghāvu, verā sammantī’ti. Na kho metaṃ patirūpaṃ , yvāhaṃ pituvacanaṃ atikkameyya’’nti kosiyā khaggaṃ pavesesi. Dutiyampi kho, bhikkhave, dīghāvussa kumārassa etadahosi – ‘‘ayaṃ kho brahmadatto kāsirājā bahuno amhākaṃ anatthassa kārako, imino amhākaṃ balañca vāhanañca janapado ca koso ca koṭṭhāgārañca acchinnaṃ, iminā ca me mātāpitaro hatā, ayaṃ khvassa kālo yohaṃ veraṃ appeyya’’nti kosiyā khaggaṃ nibbāhi. Dutiyampi kho, bhikkhave, dīghāvussa kumārassa etadahosi – ‘‘pitā kho maṃ maraṇakāle avaca ‘mā kho tvaṃ tāta dīghāvu, dīghaṃ passa, mā rassaṃ, na hi tāta dīghāvu verena verā sammanti; averena hi, tāta dīghāvu, verā sammantī’ti. Na kho metaṃ patirūpaṃ, yvāhaṃ pituvacanaṃ atikkameyya’’nti. Punadeva kosiyā khaggaṃ pavesesi. Tatiyampi kho, bhikkhave, dīghāvussa kumārassa etadahosi – ‘‘ayaṃ kho brahmadatto kāsirājā bahuno amhākaṃ anatthassa kārako. Iminā amhākaṃ balañca vāhanañca janapado ca koso ca koṭṭhāgārañca acchinnaṃ. Iminā ca me mātāpitaro hatā. Ayaṃ khvassa kālo yohaṃ veraṃ appeyya’’nti kosiyā khaggaṃ nibbāhi. Tatiyampi kho, bhikkhave, dīghāvussa kumārassa etadahosi – ‘‘pitā kho maṃ maraṇakāle avaca ‘mā kho tvaṃ, tāta dīghāvu, dīghaṃ passa, mā rassaṃ. Na hi, tāta dīghāvu, verena verā sammanti; averena hi, tāta dīghāvu, verā sammantī’ti. Na kho metaṃ patirūpaṃ, yvāhaṃ pituvacanaṃ atikkameyya’’’nti punadeva kosiyā khaggaṃ pavesesi. Atha kho, bhikkhave, brahmadatto kāsirājā bhīto ubbiggo ussaṅkī utrasto sahasā vuṭṭhāsi. Atha kho, bhikkhave, dīghāvu kumāro brahmadattaṃ kāsirājānaṃ etadavoca – ‘‘kissa tvaṃ , deva, bhīto ubbiggo ussaṅkī utrasto sahasā vuṭṭhāsī’’ti? Idha maṃ, bhaṇe māṇavaka, dīghītissa kosalarañño putto dīghāvu kumāro supinantena khaggena paripātesi. Tenāhaṃ bhīto ubbiggo ussaṅkī utrasto sahasā vuṭṭhāsinti. Atha kho, bhikkhave, dīghāvu kumāro vāmena hatthena brahmadattassa kāsirañño sīsaṃ parāmasitvā dakkhiṇena hatthena khaggaṃ nibbāhetvā brahmadattaṃ kāsirājānaṃ etadavoca – ‘‘ahaṃ kho so, deva, dīghītissa kosalarañño putto dīghāvu kumāro. Bahuno tvaṃ amhākaṃ anatthassa kārako. Tayā amhākaṃ balañca vāhanañca janapado ca koso ca koṭṭhāgārañca acchinnaṃ. Tayā ca me mātāpitaro hatā. Ayaṃ khvassa kālo yvāhaṃ veraṃ appeyya’’nti. Atha kho, bhikkhave, brahmadatto kāsirājā dīghāvussa kumārassa pādesu sirasā nipatitvā dīghāvuṃ kumāraṃ etadavoca – ‘‘jīvitaṃ me, tāta dīghāvu, dehi. Jīvitaṃ me, tāta dīghāvu, dehī’’ti. ‘‘Kyāhaṃ ussahāmi devassa jīvitaṃ dātuṃ ? Devo kho me jīvitaṃ dadeyyā’’ti. ‘‘Tena hi, tāta dīghāvu, tvañceva me jīvitaṃ dehi, ahañca te jīvitaṃ dammī’’ti. Atha kho, bhikkhave, brahmadatto ca kāsirājā dīghāvu ca kumāro aññamaññassa jīvitaṃ adaṃsu, pāṇiñca aggahesuṃ, sapathañca akaṃsu addūbhāya 12.
ат̇а ко, бхигкавз, б̣рахмад̣̇ад̇д̇о гаасирааж̇аа д̣̇ийгхаавум̣ гумаарам̣ зд̇ад̣̇авожа – ‘‘д̇зна хи, д̇аад̇а д̣̇ийгхааву, рат̇ам̣ яож̇зхи , г̇амиссаамаа’’д̇и. ‘‘звам̣, д̣̇зваа’’д̇и ко, бхигкавз, д̣̇ийгхааву гумааро б̣рахмад̣̇ад̇д̇асса гаасиран̃н̃о бадиссуд̇ваа рат̇ам̣ яож̇зд̇ваа б̣рахмад̣̇ад̇д̇ам̣ гаасирааж̇аанам̣ зд̇ад̣̇авожа – ‘‘яуд̇д̇о ко д̇з, д̣̇зва, рат̇о, яасса д̣̇аани гаалам̣ ман̃н̃асий’’д̇и. ат̇а ко, бхигкавз, б̣рахмад̣̇ад̇д̇о гаасирааж̇аа рат̇ам̣ абхирухи. д̣̇ийгхааву гумааро рат̇ам̣ бзсзси. д̇ат̇аа д̇ат̇аа рат̇ам̣ бзсзси яат̇аа яат̇аа нажирассзва сзнааяа самааг̇ан̃чи. ат̇а ко, бхигкавз, б̣рахмад̣̇ад̇д̇о гаасирааж̇аа б̣аараан̣асим̣ бависид̇ваа амажжз баарисаж̇ж̇з саннибаад̇аабзд̇ваа зд̇ад̣̇авожа – ‘‘сажз, бхан̣з, д̣̇ийгхийд̇исса госаларан̃н̃о буд̇д̇ам̣ д̣̇ийгхаавум̣ гумаарам̣ бассзяяаат̇а, гинд̇и нам̣ гарзяяаат̇аа’’д̇и? згажжз звамаахам̣су – ‘‘маяам̣, д̣̇зва, хад̇т̇з чинд̣̇зяяаама. маяам̣, д̣̇зва, баад̣̇з чинд̣̇зяяаама. маяам̣, д̣̇зва, хад̇т̇абаад̣̇з чинд̣̇зяяаама. маяам̣, д̣̇зва, ган̣н̣з чинд̣̇зяяаама. маяам̣, д̣̇зва, наасам̣ чинд̣̇зяяаама. маяам̣, д̣̇зва, ган̣н̣анаасам̣ чинд̣̇зяяаама. маяам̣, д̣̇зва, сийсам̣ чинд̣̇зяяаамаа’’д̇и. ‘‘аяам̣ ко, бхан̣з, д̣̇ийгхийд̇исса госаларан̃н̃о буд̇д̇о д̣̇ийгхааву гумааро. нааяам̣ лаб̣бхаа гин̃жи гаад̇ум̣. иминаа жа мз ж̇ийвид̇ам̣ д̣̇иннам̣, маяаа жа имасса ж̇ийвид̇ам̣ д̣̇инна’’нд̇и.
Atha kho, bhikkhave, brahmadatto kāsirājā dīghāvuṃ kumāraṃ etadavoca – ‘‘tena hi, tāta dīghāvu, rathaṃ yojehi , gamissāmā’’ti. ‘‘Evaṃ, devā’’ti kho, bhikkhave, dīghāvu kumāro brahmadattassa kāsirañño paṭissutvā rathaṃ yojetvā brahmadattaṃ kāsirājānaṃ etadavoca – ‘‘yutto kho te, deva, ratho, yassa dāni kālaṃ maññasī’’ti. Atha kho, bhikkhave, brahmadatto kāsirājā rathaṃ abhiruhi. Dīghāvu kumāro rathaṃ pesesi. Tathā tathā rathaṃ pesesi yathā yathā nacirasseva senāya samāgañchi. Atha kho, bhikkhave, brahmadatto kāsirājā bārāṇasiṃ pavisitvā amacce pārisajje sannipātāpetvā etadavoca – ‘‘sace, bhaṇe, dīghītissa kosalarañño puttaṃ dīghāvuṃ kumāraṃ passeyyātha, kinti naṃ kareyyāthā’’ti? Ekacce evamāhaṃsu – ‘‘mayaṃ, deva, hatthe chindeyyāma. Mayaṃ, deva, pāde chindeyyāma. Mayaṃ, deva, hatthapāde chindeyyāma. Mayaṃ, deva, kaṇṇe chindeyyāma. Mayaṃ, deva, nāsaṃ chindeyyāma. Mayaṃ, deva, kaṇṇanāsaṃ chindeyyāma. Mayaṃ, deva, sīsaṃ chindeyyāmā’’ti. ‘‘Ayaṃ kho, bhaṇe, dīghītissa kosalarañño putto dīghāvu kumāro. Nāyaṃ labbhā kiñci kātuṃ. Iminā ca me jīvitaṃ dinnaṃ, mayā ca imassa jīvitaṃ dinna’’nti.
463. ат̇а ко, бхигкавз, б̣рахмад̣̇ад̇д̇о гаасирааж̇аа д̣̇ийгхаавум̣ гумаарам̣ зд̇ад̣̇авожа – ‘‘яам̣ ко д̇з, д̇аад̇а д̣̇ийгхааву, бид̇аа маран̣агаалз аважа ‘маа ко д̇вам̣, д̇аад̇а д̣̇ийгхааву, д̣̇ийгхам̣ басса, маа рассам̣. на хи, д̇аад̇а д̣̇ийгхааву, взрзна взраа самманд̇и; авзрзна хи, д̇аад̇а д̣̇ийгхааву, взраа самманд̇ий’д̇и, гим̣ д̇з бид̇аа санд̇хааяа аважаа’’д̇и? ‘‘яам̣ ко мз , д̣̇зва, бид̇аа маран̣агаалз аважа ‘маа д̣̇ийгха’нд̇и маа жирам̣ взрам̣ агаасийд̇и. имам̣ ко мз, д̣̇зва, бид̇аа маран̣агаалз аважа маа д̣̇ийгханд̇и. яам̣ ко мз, д̣̇зва, бид̇аа маран̣агаалз аважа ‘маа расса’нд̇и маа киббам̣ мид̇д̇зхи бхиж̇ж̇ид̇т̇аа’’д̇и. имам̣ ко мз, д̣̇зва, бид̇аа маран̣агаалз аважа маа рассанд̇и. яам̣ ко мз, д̣̇зва, бид̇аа маран̣агаалз аважа ‘‘на хи, д̇аад̇а д̣̇ийгхааву, взрзна взраа самманд̇и, авзрзна хи, д̇аад̇а д̣̇ийгхааву, взраа самманд̇ий’’д̇и д̣̇звзна мз маад̇аабид̇аро хад̇аад̇и. сажаахам̣ д̣̇звам̣ ж̇ийвид̇аа воробзяяам̣, яз д̣̇звасса ад̇т̇агаамаа д̇з мам̣ ж̇ийвид̇аа воробзяяум̣, яз мз ад̇т̇агаамаа д̇з д̇з ж̇ийвид̇аа воробзяяум̣ – звам̣ д̇ам̣ взрам̣ взрзна на вуубасамзяяа. ид̣̇аани жа бана мз д̣̇звзна ж̇ийвид̇ам̣ д̣̇иннам̣, маяаа жа д̣̇звасса ж̇ийвид̇ам̣ д̣̇иннам̣. звам̣ д̇ам̣ взрам̣ авзрзна вуубасанд̇ам̣. имам̣ ко мз, д̣̇зва, бид̇аа маран̣агаалз аважа – на хи, д̇аад̇а д̣̇ийгхааву, взрзна взраа самманд̇и; авзрзна хи , д̇аад̇а д̣̇ийгхааву, взраа самманд̇ий’’д̇и. ат̇а ко, бхигкавз, б̣рахмад̣̇ад̇д̇о гаасирааж̇аа – ‘‘ажчарияам̣ вад̇а бхо! аб̣бхуд̇ам̣ вад̇а бхо! яаава бан̣д̣ид̇о аяам̣ д̣̇ийгхааву гумааро, яад̇ра хи наама бид̇уно сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇ааниссад̇ий’’д̇и бзд̇д̇игам̣ б̣алан̃жа вааханан̃жа ж̇анабад̣̇ан̃жа госан̃жа годтааг̇ааран̃жа бадибаад̣̇зси, д̇хийд̇аран̃жа ад̣̇ааси. д̇зсан̃хи наама, бхигкавз, рааж̇уунам̣ аад̣̇иннад̣̇ан̣д̣аанам̣ аад̣̇иннасад̇т̇аанам̣ зваруубам̣ канд̇исоражжам̣ бхависсад̇и. ид̇ха ко бана д̇ам̣, бхигкавз , собхзт̇а яам̣ д̇умхз звам̣ сваагкаад̇з д̇хаммавинаяз баб̣б̣аж̇ид̇аа самаанаа камаа жа бхавзяяаат̇а сорад̇аа жаад̇и? д̇ад̇ияамби ко бхаг̇аваа д̇з бхигкуу зд̇ад̣̇авожа – ‘‘алам̣, бхигкавз, маа бхан̣д̣анам̣ маа галахам̣ маа виг̇г̇ахам̣ маа виваад̣̇а’’нд̇и. д̇ад̇ияамби ко со ад̇хаммаваад̣̇ий бхигку бхаг̇аванд̇ам̣ зд̇ад̣̇авожа – ‘‘ааг̇амзд̇у, бханд̇з, бхаг̇аваа д̇хаммассаамий; аббоссугго, бханд̇з, бхаг̇аваа д̣̇идтад̇хаммасукавихаарамануяуд̇д̇о вихарад̇у. маяамзд̇зна бхан̣д̣анзна галахзна виг̇г̇ахзна виваад̣̇зна бан̃н̃ааяиссаамаа’’д̇и. ат̇а ко бхаг̇аваа – барияаад̣̇иннаруубаа ко имз могхабурисаа, наяимз сугараа сан̃н̃аабзд̇унд̇и – удтааяаасанаа баггаами.
463. Atha kho, bhikkhave, brahmadatto kāsirājā dīghāvuṃ kumāraṃ etadavoca – ‘‘yaṃ kho te, tāta dīghāvu, pitā maraṇakāle avaca ‘mā kho tvaṃ, tāta dīghāvu, dīghaṃ passa, mā rassaṃ. Na hi, tāta dīghāvu, verena verā sammanti; averena hi, tāta dīghāvu, verā sammantī’ti, kiṃ te pitā sandhāya avacā’’ti? ‘‘Yaṃ kho me , deva, pitā maraṇakāle avaca ‘mā dīgha’nti mā ciraṃ veraṃ akāsīti. Imaṃ kho me, deva, pitā maraṇakāle avaca mā dīghanti. Yaṃ kho me, deva, pitā maraṇakāle avaca ‘mā rassa’nti mā khippaṃ mittehi bhijjitthā’’ti. Imaṃ kho me, deva, pitā maraṇakāle avaca mā rassanti. Yaṃ kho me, deva, pitā maraṇakāle avaca ‘‘na hi, tāta dīghāvu, verena verā sammanti, averena hi, tāta dīghāvu, verā sammantī’’ti devena me mātāpitaro hatāti. Sacāhaṃ devaṃ jīvitā voropeyyaṃ, ye devassa atthakāmā te maṃ jīvitā voropeyyuṃ, ye me atthakāmā te te jīvitā voropeyyuṃ – evaṃ taṃ veraṃ verena na vūpasameyya. Idāni ca pana me devena jīvitaṃ dinnaṃ, mayā ca devassa jīvitaṃ dinnaṃ. Evaṃ taṃ veraṃ averena vūpasantaṃ. Imaṃ kho me, deva, pitā maraṇakāle avaca – na hi, tāta dīghāvu, verena verā sammanti; averena hi , tāta dīghāvu, verā sammantī’’ti. Atha kho, bhikkhave, brahmadatto kāsirājā – ‘‘acchariyaṃ vata bho! Abbhutaṃ vata bho! Yāva paṇḍito ayaṃ dīghāvu kumāro, yatra hi nāma pituno saṃkhittena bhāsitassa vitthārena atthaṃ ājānissatī’’ti pettikaṃ balañca vāhanañca janapadañca kosañca koṭṭhāgārañca paṭipādesi, dhītarañca adāsi. Tesañhi nāma, bhikkhave, rājūnaṃ ādinnadaṇḍānaṃ ādinnasatthānaṃ evarūpaṃ khantisoraccaṃ bhavissati. Idha kho pana taṃ, bhikkhave , sobhetha yaṃ tumhe evaṃ svākkhāte dhammavinaye pabbajitā samānā khamā ca bhaveyyātha soratā cāti? Tatiyampi kho bhagavā te bhikkhū etadavoca – ‘‘alaṃ, bhikkhave, mā bhaṇḍanaṃ mā kalahaṃ mā viggahaṃ mā vivāda’’nti. Tatiyampi kho so adhammavādī bhikkhu bhagavantaṃ etadavoca – ‘‘āgametu, bhante, bhagavā dhammassāmī; appossukko, bhante, bhagavā diṭṭhadhammasukhavihāramanuyutto viharatu. Mayametena bhaṇḍanena kalahena viggahena vivādena paññāyissāmā’’ti. Atha kho bhagavā – pariyādinnarūpā kho ime moghapurisā, nayime sukarā saññāpetunti – uṭṭhāyāsanā pakkāmi.
д̣̇ийгхаавубхаан̣авааро нидтид̇о батамо.
Dīghāvubhāṇavāro niṭṭhito paṭhamo.
464. 13 ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа госамб̣им̣ бин̣д̣ааяа баависи. госамб̣ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о сзнаасанам̣ сам̣саамзд̇ваа бад̇д̇ажийварамаад̣̇ааяа сан̇гхамаж̇жхз тид̇агова имаа г̇аат̇ааяо абхааси –
464.14 Atha kho bhagavā pubbaṇhasamayaṃ nivāsetvā pattacīvaramādāya kosambiṃ piṇḍāya pāvisi. Kosambiyaṃ piṇḍāya caritvā pacchābhattaṃ piṇḍapātapaṭikkanto senāsanaṃ saṃsāmetvā pattacīvaramādāya saṅghamajjhe ṭhitakova imā gāthāyo abhāsi –
15 ‘‘бут̇усад̣̇д̣̇о самаж̇ано, на б̣аало гожи ман̃н̃ат̇а;
16 ‘‘Puthusaddo samajano, na bālo koci maññatha;
сан̇гхасмим̣ бхиж̇ж̇амаанасмим̣, наан̃н̃ам̣ бхияяо аман̃н̃арум̣.
Saṅghasmiṃ bhijjamānasmiṃ, nāññaṃ bhiyyo amaññaruṃ.
17 ‘‘баримудтаа бан̣д̣ид̇аабхаасаа, ваажааг̇ожарабхаан̣ино;
18 ‘‘Parimuṭṭhā paṇḍitābhāsā, vācāgocarabhāṇino;
яаавижчанд̇и мукааяаамам̣, язна нийд̇аа на д̇ам̣ вид̣̇уу.
Yāvicchanti mukhāyāmaṃ, yena nītā na taṃ vidū.
19 ‘‘аггожчи мам̣ авад̇хи мам̣, аж̇ини мам̣ ахааси мз;
20 ‘‘Akkocchi maṃ avadhi maṃ, ajini maṃ ahāsi me;
яз жа д̇ам̣ убанаяханд̇и, взрам̣ д̇зсам̣ на саммад̇и.
Ye ca taṃ upanayhanti, veraṃ tesaṃ na sammati.
21 ‘‘аггожчи мам̣ авад̇хи мам̣, аж̇ини мам̣ ахааси мз;
22 ‘‘Akkocchi maṃ avadhi maṃ, ajini maṃ ahāsi me;
яз жа д̇ам̣ нубанаяханд̇и, взрам̣ д̇зсуубасаммад̇и.
Ye ca taṃ nupanayhanti, veraṃ tesūpasammati.
23 ‘‘на хи взрзна взраани, самманд̇ийд̇ха гуд̣̇аажанам̣;
24 ‘‘Na hi verena verāni, sammantīdha kudācanaṃ;
авзрзна жа самманд̇и, зсад̇хаммо сананд̇ано.
Averena ca sammanti, esadhammo sanantano.
25 ‘‘барз жа на виж̇аананд̇и, маяамзд̇т̇а яамаамасз;
26 ‘‘Pare ca na vijānanti, mayamettha yamāmase;
яз жа д̇ад̇т̇а виж̇аананд̇и, д̇ад̇о самманд̇и мзд̇хаг̇аа.
Ye ca tattha vijānanti, tato sammanti medhagā.
27 ‘‘адтижчиннаа баан̣ахараа, г̇аваассад̇ханахаарино;
28 ‘‘Aṭṭhicchinnā pāṇaharā, gavāssadhanahārino;
радтам̣ вилумбамаанаанам̣, д̇зсамби ход̇и сан̇г̇ад̇и.
Raṭṭhaṃ vilumpamānānaṃ, tesampi hoti saṅgati.
‘‘гасмаа д̇умхаага но сияаа;
‘‘Kasmā tumhāka no siyā;
сад̣̇д̇хим̣жарам̣ саад̇хувихаари д̇хийрам̣;
Saddhiṃcaraṃ sādhuvihāri dhīraṃ;
абхибхуяяа саб̣б̣аани бариссаяаани;
Abhibhuyya sabbāni parissayāni;
жарзяяа д̇знад̇д̇амано сад̇иймаа.
Careyya tenattamano satīmā.
сад̣̇д̇хим̣ жарам̣ саад̇хувихаари д̇хийрам̣;
Saddhiṃ caraṃ sādhuvihāri dhīraṃ;
рааж̇аава радтам̣ виж̇ид̇ам̣ бахааяа;
Rājāva raṭṭhaṃ vijitaṃ pahāya;
зго жарз маад̇ан̇г̇аран̃н̃зва нааг̇о.
Eko care mātaṅgaraññeva nāgo.
над̇т̇и б̣аалз сахааяад̇аа;
Natthi bāle sahāyatā;
зго жарз на жа баабаани гаяираа;
Eko care na ca pāpāni kayirā;
аббоссугго маад̇ан̇г̇аран̃н̃зва нааг̇о’’д̇и.
Appossukko mātaṅgaraññeva nāgo’’ti.
д̣̇ийгхаавувад̇т̇у нидтид̇ам̣.
Dīghāvuvatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / госамб̣агавиваад̣̇агат̇аа • Kosambakavivādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 271. госамб̣агавиваад̣̇агат̇аа • 271. Kosambakavivādakathā
