| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
д̣̇ийгхаавувад̇т̇угат̇ааван̣н̣анаа
Dīghāvuvatthukathāvaṇṇanā
458. ат̇а ко бхаг̇аваа бхигкуу ааманд̇зсийд̇иаад̣̇ийсу бхууд̇абуб̣б̣анд̇и ид̣̇ам̣ бхаг̇аваа бат̇авийг̇ад̇ам̣ нид̇хим̣ уд̣̇д̇харид̇ваа бурад̇о раасим̣ гаронд̇о вияа бхавабадижчаннам̣ бураавуд̇т̇ам̣ д̣̇ассзнд̇о ааха. ад̣дход̇и иссаро. яо гожи ад̇д̇ано санд̇агзна вибхавзна ад̣дхо ход̇и, аяам̣ бана на гзвалам̣ ад̣дхоязва, махад̣̇д̇хано махад̇аа абаримаан̣асан̇кзна д̇ханзна саманнааг̇ад̇од̇и ааха ‘‘махад̣̇д̇хано’’д̇и. бхун̃ж̇ид̇аб̣б̣ад̇о барибхун̃ж̇ид̇аб̣б̣ад̇о висзсад̇о гаамаа бхог̇аа наама, д̇асмаа бан̃жагаамаг̇ун̣авасзна маханд̇аа ул̣аараа бхог̇аа ассаад̇и махаабхог̇о. маханд̇ам̣ сзнааб̣алан̃жзва т̇аамаб̣алан̃жа зд̇ассаад̇и махаб̣б̣ало. маханд̇о хад̇т̇иассаад̣̇иваахано зд̇ассаад̇и махааваахано. маханд̇ам̣ виж̇ид̇ам̣ радтам̣ зд̇ассаад̇и махаавиж̇ид̇о. барибун̣н̣агосагодтааг̇аарод̇и госо вужжад̇и бхан̣д̣ааг̇аарасаараг̇аб̣бхо, годтам̣ вужжад̇и д̇хан̃н̃асса аатабанадтаанам̣, годтабхууд̇ам̣ аг̇аарам̣ годтааг̇аарам̣, нид̣̇ахид̇ваа табид̇зна д̇ханзна барибун̣н̣агосо д̇хан̃н̃аанан̃жа барибун̣н̣агодтааг̇аарод̇и ад̇т̇о.
458.Atha kho bhagavā bhikkhū āmantesītiādīsu bhūtapubbanti idaṃ bhagavā pathavīgataṃ nidhiṃ uddharitvā purato rāsiṃ karonto viya bhavapaṭicchannaṃ purāvutthaṃ dassento āha. Aḍḍhoti issaro. Yo koci attano santakena vibhavena aḍḍho hoti, ayaṃ pana na kevalaṃ aḍḍhoyeva, mahaddhano mahatā aparimāṇasaṅkhena dhanena samannāgatoti āha ‘‘mahaddhano’’ti. Bhuñjitabbato paribhuñjitabbato visesato kāmā bhogā nāma, tasmā pañcakāmaguṇavasena mahantā uḷārā bhogā assāti mahābhogo. Mahantaṃ senābalañceva thāmabalañca etassāti mahabbalo. Mahanto hatthiassādivāhano etassāti mahāvāhano. Mahantaṃ vijitaṃ raṭṭhaṃ etassāti mahāvijito. Paripuṇṇakosakoṭṭhāgāroti koso vuccati bhaṇḍāgārasāragabbho, koṭṭhaṃ vuccati dhaññassa āṭhapanaṭṭhānaṃ, koṭṭhabhūtaṃ agāraṃ koṭṭhāgāraṃ, nidahitvā ṭhapitena dhanena paripuṇṇakoso dhaññānañca paripuṇṇakoṭṭhāgāroti attho.
ат̇а ваа жад̇уб̣б̣ид̇хо госо хад̇т̇ий ассаа рат̇аа бад̇д̇ийд̇и. яат̇аа хи асино д̇игкабхаавабарибаалаго барижчад̣̇о ‘‘госо’’д̇и вужжад̇и, звам̣ ран̃н̃о д̇игкабхаавабарибаалагад̇д̇аа жад̇уран̇г̇иний сзнаа ‘‘госо’’д̇и вужжад̇и. д̇ивид̇хам̣ годтааг̇аарам̣ д̇ханагодтааг̇аарам̣ д̇хан̃н̃агодтааг̇аарам̣ вад̇т̇агодтааг̇ааранд̇и. д̇ам̣ саб̣б̣амби барибун̣н̣амассаад̇и барибун̣н̣агосагодтааг̇ааро. жад̇уран̇г̇иним̣ сзнанд̇и хад̇т̇иассарат̇абад̇д̇исан̇каад̇зхи жад̇уухи ан̇г̇зхи саманнааг̇ад̇ам̣ сзнам̣. саннаяхид̇ваад̇и жаммабадимун̃жанаад̣̇ийхи саннаахам̣ гаарзд̇ваа. аб̣бхуяяаасийд̇и абхиуяяааси, абхимуко худ̇ваа нигкамийд̇и ад̇т̇о. згасан̇гхаад̇амбийд̇и згаббахаарамби. д̇ховананд̇и д̇ховануд̣̇агам̣. баринзд̇ваад̇и нийхарид̇ваа. ‘‘анад̇т̇ад̣̇о’’д̇и вад̇д̇аб̣б̣з д̣̇а-гаарасса д̇а-гаарам̣ гад̇ваа ‘‘анад̇т̇ад̇о’’д̇и вуд̇д̇анд̇и ааха ‘‘ат̇а ваа’’д̇иаад̣̇и.
Atha vā catubbidho koso hatthī assā rathā pattīti. Yathā hi asino tikkhabhāvaparipālako paricchado ‘‘koso’’ti vuccati, evaṃ rañño tikkhabhāvaparipālakattā caturaṅginī senā ‘‘koso’’ti vuccati. Tividhaṃ koṭṭhāgāraṃ dhanakoṭṭhāgāraṃ dhaññakoṭṭhāgāraṃ vatthakoṭṭhāgāranti. Taṃ sabbampi paripuṇṇamassāti paripuṇṇakosakoṭṭhāgāro. Caturaṅginiṃ senanti hatthiassarathapattisaṅkhātehi catūhi aṅgehi samannāgataṃ senaṃ. Sannayhitvāti cammapaṭimuñcanādīhi sannāhaṃ kāretvā. Abbhuyyāsīti abhiuyyāsi, abhimukho hutvā nikkhamīti attho. Ekasaṅghātampīti ekappahārampi. Dhovananti dhovanudakaṃ. Parinetvāti nīharitvā. ‘‘Anatthado’’ti vattabbe da-kārassa ta-kāraṃ katvā ‘‘anatthato’’ti vuttanti āha ‘‘atha vā’’tiādi.
464. ваг̇г̇абхаавзна ваа бут̇у наанаа сад̣̇д̣̇о ассаад̇и бут̇усад̣̇д̣̇о. самаж̇анод̇и бхан̣д̣анз самаж̇жхаасаяо ж̇ано. д̇ад̇т̇аад̇и д̇асмим̣ ж̇анагааяз. ахам̣ б̣аалод̇и на ман̃н̃ид̇т̇аад̇и б̣аалалагкан̣з тид̇оби ‘‘ахам̣ б̣аало’’д̇и на ман̃н̃и. бхияяо жаад̇и ад̇д̇ано б̣аалабхаавасса аж̇аананад̇о бхияяо жа бхан̣д̣анасса убариподо вияа сан̇гхабхзд̣̇асса ад̇д̇ано гааран̣абхаавамби уббаж̇ж̇амаанам̣ на ман̃н̃ид̇т̇а наан̃н̃ааси.
464. Vaggabhāvena vā puthu nānā saddo assāti puthusaddo. Samajanoti bhaṇḍane samajjhāsayo jano. Tatthāti tasmiṃ janakāye. Ahaṃ bāloti na maññitthāti bālalakkhaṇe ṭhitopi ‘‘ahaṃ bālo’’ti na maññi. Bhiyyo cāti attano bālabhāvassa ajānanato bhiyyo ca bhaṇḍanassa upariphoṭo viya saṅghabhedassa attano kāraṇabhāvampi uppajjamānaṃ na maññittha nāññāsi.
галахавасзна бавад̇д̇аваажааязва г̇ожараа зд̇зсанд̇и ваажааг̇ожараа. мукааяааманд̇и вивад̣̇анавасзна мукам̣ ааяаамзд̇ваа бхаан̣ино. на д̇ам̣ ж̇аананд̇ийд̇и д̇ам̣ галахам̣ на ж̇аананд̇и. галахам̣ гаронд̇о жа д̇ам̣ на ж̇аананд̇о наама над̇т̇и. яат̇аа бана на ж̇аананд̇и, д̇ам̣ д̣̇ассзд̇ум̣ ааха ‘‘звам̣ саад̣̇ийнаво аяа’’нд̇и, аяам̣ галахо наама ад̇д̇ано барзсан̃жа ад̇т̇ахаабанад̇о анад̇т̇уббаад̣̇анад̇о д̣̇идтзва д̇хаммз самбарааяз жа саад̣̇ийнаво сад̣̇осод̇и ад̇т̇о. д̇ам̣ на ж̇аананд̇ийд̇и д̇ам̣ галахам̣ на ж̇аананд̇и. гат̇ам̣ на ж̇аананд̇ийд̇и ааха ‘‘звам̣ саад̣̇ийнаво аяа’’нд̇и, ‘‘звам̣ саад̣̇ийнаво аяам̣ галахо’’д̇и звам̣ д̇ам̣ галахам̣ на ж̇аананд̇ийд̇и ад̇т̇о.
Kalahavasena pavattavācāyeva gocarā etesanti vācāgocarā. Mukhāyāmanti vivadanavasena mukhaṃ āyāmetvā bhāṇino. Na taṃ jānantīti taṃ kalahaṃ na jānanti. Kalahaṃ karonto ca taṃ na jānanto nāma natthi. Yathā pana na jānanti, taṃ dassetuṃ āha ‘‘evaṃ sādīnavo aya’’nti, ayaṃ kalaho nāma attano paresañca atthahāpanato anatthuppādanato diṭṭheva dhamme samparāye ca sādīnavo sadosoti attho. Taṃ na jānantīti taṃ kalahaṃ na jānanti. Kathaṃ na jānantīti āha ‘‘evaṃ sādīnavo aya’’nti, ‘‘evaṃ sādīnavo ayaṃ kalaho’’ti evaṃ taṃ kalahaṃ na jānantīti attho.
аггожчи манд̇иаад̣̇ийсу аггожчийд̇и аггоси. авад̇хийд̇и бахари. аж̇инийд̇и гуудасагкиод̇ааран̣зна ваа ваад̣̇абадиваад̣̇зна ваа гаран̣уд̇д̇арияагаран̣зна ваа аж̇зси. ахаасийд̇и мама санд̇агам̣ бад̇д̇аад̣̇ийсу гин̃жид̣̇зва авахари . яз жа д̇анд̇и яз гзжи д̣̇зваа ваа мануссаа ваа г̇ахадтаа ваа баб̣б̣аж̇ид̇аа ваа д̇ам̣ ‘‘аггожчи ма’’нд̇иаад̣̇ивад̇т̇угам̣ год̇хам̣ сагадад̇хурам̣ вияа над̣̇д̇хинаа бууд̇имажчаад̣̇ийни вияа жа гусаад̣̇ийхи бунаббунам̣ взтзнд̇аа убанаяханд̇и убанаахавасзна ануб̣анд̇ханд̇и, д̇зсам̣ сагим̣ уббаннам̣ взрам̣ на саммад̇ийд̇и ад̇т̇о.
Akkocchi mantiādīsu akkocchīti akkosi. Avadhīti pahari. Ajinīti kūṭasakkhiotāraṇena vā vādapaṭivādena vā karaṇuttariyakaraṇena vā ajesi. Ahāsīti mama santakaṃ pattādīsu kiñcideva avahari . Ye ca tanti ye keci devā vā manussā vā gahaṭṭhā vā pabbajitā vā taṃ ‘‘akkocchi ma’’ntiādivatthukaṃ kodhaṃ sakaṭadhuraṃ viya naddhinā pūtimacchādīni viya ca kusādīhi punappunaṃ veṭhentā upanayhanti upanāhavasena anubandhanti, tesaṃ sakiṃ uppannaṃ veraṃ na sammatīti attho.
яз жа д̇ам̣ нубанаяханд̇ийд̇и ассад̇ияаа аманасигааравасзна ваа гаммабажжавзгкан̣аад̣̇ивасзна ваа яз д̇ам̣ аггосаад̣̇ивад̇т̇угам̣ год̇хам̣ ‘‘д̇аяааби гожи нид̣̇д̣̇осо буримабхавз аггудто бхависсад̇и, бахадо бхависсад̇и, гуудасагким̣ од̇аарзд̇ваа ж̇ид̇о бхависсад̇и, гассажи д̇з басаяха гин̃жи ажчиннам̣ бхависсад̇и, д̇асмаа нид̣̇д̣̇осо худ̇вааби аггосаад̣̇ийни баабун̣аасий’’д̇и звам̣ на убанаяханд̇и , д̇зсу бамаад̣̇зна уббаннамби взрам̣ иминаа анубанаяханзна ниринд̇хано вияа ж̇аад̇авзд̣̇о убасаммад̇и.
Ye ca taṃ nupanayhantīti assatiyā amanasikāravasena vā kammapaccavekkhaṇādivasena vā ye taṃ akkosādivatthukaṃ kodhaṃ ‘‘tayāpi koci niddoso purimabhave akkuṭṭho bhavissati, pahaṭo bhavissati, kūṭasakkhiṃ otāretvā jito bhavissati, kassaci te pasayha kiñci acchinnaṃ bhavissati, tasmā niddoso hutvāpi akkosādīni pāpuṇāsī’’ti evaṃ na upanayhanti , tesu pamādena uppannampi veraṃ iminā anupanayhanena nirindhano viya jātavedo upasammati.
на хи взрзна взраанийд̇и яат̇аа хи кзл̣асин̇гхаан̣игаад̣̇иасужимагкид̇ам̣ таанам̣ д̇зхзва асужийхи д̇хованд̇о суд̣̇д̇хам̣ ниг̇г̇анд̇хам̣ гаад̇ум̣ на саггод̇и, ат̇а ко д̇ам̣ таанам̣ бхияяосо мад̇д̇ааяа асуд̣̇д̇хад̇аран̃жа д̣̇уг̇г̇анд̇хад̇аран̃жа ход̇и, звамзва аггосанд̇ам̣ бажжаггосанд̇о бахаранд̇ам̣ бадибахаранд̇о взрзна взрам̣ вуубасамзд̇ум̣ на саггод̇и, ат̇а ко бхияяо взрамзва гарод̇и. ид̇и взраани наама взрзна гисмин̃жиби гаалз на самманд̇и, ат̇а ко вад̣дханд̇иязва. авзрзна жа самманд̇ийд̇и яат̇аа бана д̇аани кзл̣аад̣̇ийни асужийни виббасаннзна уд̣̇агзна д̇ховияамаанаани нассанд̇и, д̇ам̣ таанам̣ суд̣̇д̇хам̣ ход̇и ниг̇г̇анд̇хам̣, звамзва авзрзна канд̇имзд̇д̇од̣̇агзна яонисоманасигаарзна бадисан̇каанзна бажжавзгкан̣зна взраани вуубасамманд̇и бадиббассамбханд̇и абхаавам̣ г̇ажчанд̇и. зса д̇хаммо сананд̇анод̇и зса авзрзна взруубасаманасан̇каад̇о бораан̣аго д̇хаммо саб̣б̣зсам̣ б̣уд̣̇д̇хабажжзгаб̣уд̣̇д̇хакийн̣аасаваанам̣ г̇ад̇амаг̇г̇о.
Na hi verena verānīti yathā hi kheḷasiṅghāṇikādiasucimakkhitaṃ ṭhānaṃ teheva asucīhi dhovanto suddhaṃ niggandhaṃ kātuṃ na sakkoti, atha kho taṃ ṭhānaṃ bhiyyoso mattāya asuddhatarañca duggandhatarañca hoti, evameva akkosantaṃ paccakkosanto paharantaṃ paṭipaharanto verena veraṃ vūpasametuṃ na sakkoti, atha kho bhiyyo verameva karoti. Iti verāni nāma verena kismiñcipi kāle na sammanti, atha kho vaḍḍhantiyeva. Averena ca sammantīti yathā pana tāni kheḷādīni asucīni vippasannena udakena dhoviyamānāni nassanti, taṃ ṭhānaṃ suddhaṃ hoti niggandhaṃ, evameva averena khantimettodakena yonisomanasikārena paṭisaṅkhānena paccavekkhaṇena verāni vūpasammanti paṭippassambhanti abhāvaṃ gacchanti. Esa dhammo sanantanoti esa averena verūpasamanasaṅkhāto porāṇako dhammo sabbesaṃ buddhapaccekabuddhakhīṇāsavānaṃ gatamaggo.
на ж̇аананд̇ийд̇и анижжасан̃н̃ам̣ на бажжубадтаабзнд̇ийд̇и ад̇хиббааяо. д̇ад̇о самманд̇и мзд̇хаг̇аад̇и д̇ад̇о д̇асмаа гааран̣аа мзд̇хаг̇аа галахаа самманд̇и вуубасамам̣ г̇ажчанд̇и. гат̇ам̣ д̇з самманд̇ийд̇и ааха ‘‘зван̃хий’’д̇иаад̣̇и. д̇ад̇т̇а зван̃хи д̇з ж̇аананд̇аад̇и д̇з бан̣д̣ид̇аа ‘‘маяам̣ мажжусамийбам̣ г̇ажчаамаа’’д̇и звам̣ ж̇аананд̇аа яонисоманасигаарам̣ уббаад̣̇зд̇ваа мзд̇хаг̇аанам̣ галахаанам̣ вуубасамааяа бадибаж̇ж̇анд̇и, ат̇а нзсам̣ д̇ааяа бадибад̇д̇ияаа д̇з мзд̇хаг̇аа самманд̇ийд̇и ад̇хиббааяо.
Na jānantīti aniccasaññaṃ na paccupaṭṭhāpentīti adhippāyo. Tato sammanti medhagāti tato tasmā kāraṇā medhagā kalahā sammanti vūpasamaṃ gacchanti. Kathaṃ te sammantīti āha ‘‘evañhī’’tiādi. Tattha evañhi te jānantāti te paṇḍitā ‘‘mayaṃ maccusamīpaṃ gacchāmā’’ti evaṃ jānantā yonisomanasikāraṃ uppādetvā medhagānaṃ kalahānaṃ vūpasamāya paṭipajjanti, atha nesaṃ tāya paṭipattiyā te medhagā sammantīti adhippāyo.
д̇зсамби ход̇и сан̇г̇ад̇ийд̇и яз маад̇аабид̇уунам̣ адтийни чинд̣̇анд̇и, баан̣з харанд̇и, г̇аваад̣̇ийни жа басаяха г̇ан̣ханд̇и, звам̣ радтам̣ вилумбамаанаанам̣ д̇зсамби сан̇г̇ад̇и ход̇и, гиман̇г̇ам̣ бана д̇умхаагам̣ на сияаад̇и ад̇хиббааяо.
Tesampi hoti saṅgatīti ye mātāpitūnaṃ aṭṭhīni chindanti, pāṇe haranti, gavādīni ca pasayha gaṇhanti, evaṃ raṭṭhaṃ vilumpamānānaṃ tesampi saṅgati hoti, kimaṅgaṃ pana tumhākaṃ na siyāti adhippāyo.
ван̣н̣ааван̣н̣ад̣̇ийбанад̇т̇ам̣ вуд̇д̇аад̇и ‘‘б̣ааласахааяад̇ааяа имз бхигкуу галахабасуд̇аа, бан̣д̣ид̇асахааяаанам̣ бана ид̣̇ам̣ на сияаа’’д̇и бан̣д̣ид̇асахааяасса б̣ааласахааяасса жа ван̣н̣ааван̣н̣ад̣̇ийбанад̇т̇ам̣ вуд̇д̇аа. нибаганд̇и нзбаггабан̃н̃ааяа саманнааг̇ад̇ам̣. саад̇хувихаари д̇хийранд̇и бхад̣̇д̣̇агавихаарим̣ бан̣д̣ид̇ам̣. баагадабариссаяз жа бадижчаннабариссаяз жа абхибхавид̇ваад̇и сийхаб̣яаг̇гхаад̣̇аяо баагадабариссаяз жа рааг̇абхаяад̣̇осабхаяаад̣̇аяо бадижчаннабариссаяз жаад̇и саб̣б̣зва бариссаяз абхибхавид̇ваа.
Vaṇṇāvaṇṇadīpanatthaṃ vuttāti ‘‘bālasahāyatāya ime bhikkhū kalahapasutā, paṇḍitasahāyānaṃ pana idaṃ na siyā’’ti paṇḍitasahāyassa bālasahāyassa ca vaṇṇāvaṇṇadīpanatthaṃ vuttā. Nipakanti nepakkapaññāya samannāgataṃ. Sādhuvihāri dhīranti bhaddakavihāriṃ paṇḍitaṃ. Pākaṭaparissaye ca paṭicchannaparissaye ca abhibhavitvāti sīhabyagghādayo pākaṭaparissaye ca rāgabhayadosabhayādayo paṭicchannaparissaye cāti sabbeva parissaye abhibhavitvā.
згагаа жарим̣сууд̇и ‘‘ид̣̇ам̣ раж̇ж̇ам̣ наама маханд̇ам̣ бамаад̣̇адтаанам̣, гим̣ амхаагам̣ раж̇ж̇зна гаарид̇знаа’’д̇и радтам̣ бахааяа д̇ад̇о махаааран̃н̃ам̣ бависид̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа жад̇уусу ирияаабат̇зсу згагаа жарим̣сууд̇и ад̇т̇о.
Ekakācariṃsūti ‘‘idaṃ rajjaṃ nāma mahantaṃ pamādaṭṭhānaṃ, kiṃ amhākaṃ rajjena kāritenā’’ti raṭṭhaṃ pahāya tato mahāaraññaṃ pavisitvā tāpasapabbajjaṃ pabbajitvā catūsu iriyāpathesu ekakā cariṃsūti attho.
згасса жарид̇ам̣ сзяяод̇и баб̣б̣аж̇ид̇асса баб̣б̣аж̇ид̇агаалад̇о бадтааяа згийбхааваабхирад̇асса згагассзва жарид̇ам̣ сзяяод̇и ад̇т̇о. над̇т̇и б̣аалз сахааяад̇аад̇и жуул̣асийлам̣ маж̇жхимасийлам̣ махаасийлам̣ д̣̇аса гат̇аавад̇т̇ууни д̇зраса д̇худ̇аг̇ун̣аа вибассанаан̃аан̣ам̣ жад̇д̇ааро маг̇г̇аа жад̇д̇аари палаани д̇иссо виж̇ж̇аа ча абхин̃н̃аа амад̇амахааниб̣б̣аананд̇и аяам̣ сахааяад̇аа наама, саа б̣аалам̣ ниссааяа ад̇хиг̇анд̇ум̣ на саггаад̇и над̇т̇и б̣аалз сахааяад̇аа. маад̇ан̇г̇о аран̃н̃з маад̇ан̇г̇аран̃н̃зд̇и саралобзна санд̇хи. ‘‘маад̇ан̇г̇аран̃н̃о’’д̇иби баато, аран̃н̃аго маад̇ан̇г̇о вияаад̇и ад̇т̇о. маад̇ан̇г̇а-сад̣̇д̣̇знзва хад̇т̇ибхаавасса вуд̇д̇ад̇д̇аа нааг̇аважанам̣ д̇асса махад̇д̇авибхааванад̇т̇анд̇и ааха ‘‘нааг̇од̇и маханд̇аад̇хиважанамзд̇а’’нд̇и. маханд̇абарияааяо хи нааг̇а-сад̣̇д̣̇о ход̇и ‘‘зд̇ам̣ нааг̇асса нааг̇зна, ийсаад̣̇анд̇асса хад̇т̇ино’’д̇иаад̣̇ийсу (уд̣̇аа. 35).
Ekassa caritaṃ seyyoti pabbajitassa pabbajitakālato paṭṭhāya ekībhāvābhiratassa ekakasseva caritaṃ seyyoti attho. Natthi bāle sahāyatāti cūḷasīlaṃ majjhimasīlaṃ mahāsīlaṃ dasa kathāvatthūni terasa dhutaguṇā vipassanāñāṇaṃ cattāro maggā cattāri phalāni tisso vijjā cha abhiññā amatamahānibbānanti ayaṃ sahāyatā nāma, sā bālaṃ nissāya adhigantuṃ na sakkāti natthi bāle sahāyatā. Mātaṅgo araññe mātaṅgaraññeti saralopena sandhi. ‘‘Mātaṅgarañño’’tipi pāṭho, araññako mātaṅgo viyāti attho. Mātaṅga-saddeneva hatthibhāvassa vuttattā nāgavacanaṃ tassa mahattavibhāvanatthanti āha ‘‘nāgoti mahantādhivacanameta’’nti. Mahantapariyāyo hi nāga-saddo hoti ‘‘etaṃ nāgassa nāgena, īsādantassa hatthino’’tiādīsu (udā. 35).
д̣̇ийгхаавувад̇т̇угат̇ааван̣н̣анаа нидтид̇аа.
Dīghāvuvatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 272. д̣̇ийгхаавувад̇т̇у • 272. Dīghāvuvatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / госамб̣агавиваад̣̇агат̇аа • Kosambakavivādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 271. госамб̣агавиваад̣̇агат̇аа • 271. Kosambakavivādakathā
