| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
3. ад̣дхаваг̇г̇о
3. Aḍḍhavaggo
[371] 1. д̣̇ийгхийд̇игосалаж̇аад̇агаван̣н̣анаа
[371] 1. Dīghītikosalajātakavaṇṇanā
звам̣бхууд̇асса д̇з рааж̇аад̇и ид̣̇ам̣ сад̇т̇аа ж̇зд̇аванз вихаранд̇о госамб̣агз бхан̣д̣анагаарагз аараб̣бха гат̇зси. д̇зсан̃хи ж̇зд̇аванам̣ ааг̇анд̇ваа камаабанагаалз сад̇т̇аа д̇з ааманд̇зд̇ваа ‘‘бхигкавз, д̇умхз маяхам̣ орасаа мукад̇о ж̇аад̇аа буд̇д̇аа наама, буд̇д̇зхи жа бид̇араа д̣̇иннам̣ оваад̣̇ам̣ бхинд̣̇ид̇ум̣ на ваддад̇и, д̇умхз бана мама оваад̣̇ам̣ на гарид̇т̇а, бораан̣агабан̣д̣ид̇аа ад̇д̇ано маад̇аабид̇аро гхаад̇зд̇ваа раж̇ж̇ам̣ г̇ахзд̇ваа тид̇ажорзби аран̃н̃з хад̇т̇абат̇ам̣ ааг̇ад̇з маад̇аабид̇уухи д̣̇иннам̣ оваад̣̇ам̣ на бхинд̣̇иссаамаад̇и на маараяим̣суу’’д̇и вад̇ваа ад̇ийд̇ам̣ аахари.
Evaṃbhūtassate rājāti idaṃ satthā jetavane viharanto kosambake bhaṇḍanakārake ārabbha kathesi. Tesañhi jetavanaṃ āgantvā khamāpanakāle satthā te āmantetvā ‘‘bhikkhave, tumhe mayhaṃ orasā mukhato jātā puttā nāma, puttehi ca pitarā dinnaṃ ovādaṃ bhindituṃ na vaṭṭati, tumhe pana mama ovādaṃ na karittha, porāṇakapaṇḍitā attano mātāpitaro ghātetvā rajjaṃ gahetvā ṭhitacorepi araññe hatthapathaṃ āgate mātāpitūhi dinnaṃ ovādaṃ na bhindissāmāti na mārayiṃsū’’ti vatvā atītaṃ āhari.
имасмим̣ бана ж̇аад̇агз д̣̇взби вад̇т̇ууни. сан̇гхабхзд̣̇агагканд̇хагз вид̇т̇аарад̇о аави бхависсанд̇и. со бана д̣̇ийгхаавугумааро аран̃н̃з ад̇д̇ано ан̇гз нибаннам̣ б̣аараан̣асирааж̇аанам̣ жуул̣ааяа г̇ахзд̇ваа ‘‘ид̣̇аани маяхам̣ маад̇аабид̇угхаад̇агам̣ жорам̣ кан̣д̣аакан̣д̣ам̣ гад̇ваа чинд̣̇иссаамий’’д̇и асим̣ угкибанд̇о д̇асмим̣ кан̣з маад̇аабид̇уухи д̣̇иннам̣ оваад̣̇ам̣ сарид̇ваа ‘‘ж̇ийвид̇ам̣ жаж̇анд̇оби д̇зсам̣ оваад̣̇ам̣ на бхинд̣̇иссаами, гзвалам̣ имам̣ д̇аж̇ж̇зссаамий’’д̇и жинд̇зд̇ваа батамам̣ г̇аат̇амааха –
Imasmiṃ pana jātake dvepi vatthūni. Saṅghabhedakakkhandhake vitthārato āvi bhavissanti. So pana dīghāvukumāro araññe attano aṅke nipannaṃ bārāṇasirājānaṃ cūḷāya gahetvā ‘‘idāni mayhaṃ mātāpitughātakaṃ coraṃ khaṇḍākhaṇḍaṃ katvā chindissāmī’’ti asiṃ ukkhipanto tasmiṃ khaṇe mātāpitūhi dinnaṃ ovādaṃ saritvā ‘‘jīvitaṃ cajantopi tesaṃ ovādaṃ na bhindissāmi, kevalaṃ imaṃ tajjessāmī’’ti cintetvā paṭhamaṃ gāthamāha –
110.
110.
‘‘звам̣бхууд̇асса д̇з рааж̇а, ааг̇ад̇асса васз мама;
‘‘Evaṃbhūtassa te rāja, āgatassa vase mama;
ад̇т̇и ну гожи барияааяо, яо д̇ам̣ д̣̇угкаа баможаяз’’д̇и.
Atthi nu koci pariyāyo, yo taṃ dukkhā pamocaye’’ti.
д̇ад̇т̇а васз мамаад̇и мама васам̣ ааг̇ад̇асса. барияааяод̇и гааран̣ам̣.
Tattha vase mamāti mama vasaṃ āgatassa. Pariyāyoti kāraṇaṃ.
д̇ад̇о рааж̇аа д̣̇уд̇ияам̣ г̇аат̇амааха –
Tato rājā dutiyaṃ gāthamāha –
111.
111.
‘‘звам̣бхууд̇асса мз д̇аад̇а, ааг̇ад̇асса васз д̇ава;
‘‘Evaṃbhūtassa me tāta, āgatassa vase tava;
над̇т̇и но гожи барияааяо, яо мам̣ д̣̇угкаа баможаяз’’д̇и.
Natthi no koci pariyāyo, yo maṃ dukkhā pamocaye’’ti.
д̇ад̇т̇а нод̇и нибаад̇амад̇т̇ам̣, над̇т̇и гожи барияааяо, яо мам̣ зд̇асмаа д̣̇угкаа баможаязд̇и ад̇т̇о.
Tattha noti nipātamatthaṃ, natthi koci pariyāyo, yo maṃ etasmā dukkhā pamocayeti attho.
д̇ад̇о б̣од̇хисад̇д̇о авасзсаг̇аат̇аа абхааси –
Tato bodhisatto avasesagāthā abhāsi –
112.
112.
‘‘наан̃н̃ам̣ сужарид̇ам̣ рааж̇а, наан̃н̃ам̣ рааж̇а субхаасид̇ам̣;
‘‘Nāññaṃ sucaritaṃ rāja, nāññaṃ rāja subhāsitaṃ;
д̇ааяад̇з маран̣агаалз, звамзвид̇арам̣ д̇ханам̣.
Tāyate maraṇakāle, evamevitaraṃ dhanaṃ.
113.
113.
‘‘аггожчи мам̣ авад̇хи мам̣, аж̇ини мам̣ ахааси мз;
‘‘Akkocchi maṃ avadhi maṃ, ajini maṃ ahāsi me;
яз жа д̇ам̣ убанаяханд̇и, взрам̣ д̇зсам̣ на саммад̇и.
Ye ca taṃ upanayhanti, veraṃ tesaṃ na sammati.
114.
114.
‘‘аггожчи мам̣ авад̇хи мам̣, аж̇ини мам̣ ахааси мз;
‘‘Akkocchi maṃ avadhi maṃ, ajini maṃ ahāsi me;
яз жа д̇ам̣ нубанаяханд̇и, взрам̣ д̇зсуубасаммад̇и.
Ye ca taṃ nupanayhanti, veraṃ tesūpasammati.
115.
115.
‘‘на хи взрзна взраани, самманд̇ийд̇ха гуд̣̇аажанам̣;
‘‘Na hi verena verāni, sammantīdha kudācanaṃ;
авзрзна жа самманд̇и, зса д̇хаммо сананд̇ано’’нд̇и.
Averena ca sammanti, esa dhammo sanantano’’nti.
д̇ад̇т̇а наан̃н̃ам̣ сужарид̇анд̇и наан̃н̃ам̣ сужарид̇аа, аяамзва ваа баато, табзд̇ваа сужарид̇ам̣ ан̃н̃ам̣ на бассаамийд̇и ад̇т̇о. ид̇ха ‘‘сужарид̇а’’нд̇иби ‘‘субхаасид̇а’’нд̇иби маад̇аабид̇уухи д̣̇иннам̣ оваад̣̇ам̣язва санд̇хааяааха. звамзваад̇и нирад̇т̇агамзва. ид̣̇ам̣ вуд̇д̇ам̣ ход̇и – махаарааж̇а, ан̃н̃ад̇ра оваад̣̇аанусидтисан̇каад̇аа сужарид̇асубхаасид̇аа маран̣агаалз д̇ааяид̇ум̣ рагкид̇ум̣ самад̇т̇о наама ан̃н̃о над̇т̇и, яам̣ зд̇ам̣ ид̇арам̣ д̇ханам̣, д̇ам̣ звамзва нирад̇т̇агамзва ход̇и, д̇ван̃хи ид̣̇аани маяхам̣ годисад̇асахассамад̇д̇амби д̇ханам̣ д̣̇ад̣̇анд̇о ж̇ийвид̇ам̣ на лабхзяяааси, д̇асмаа взд̣̇ид̇аб̣б̣амзд̇ам̣ ‘‘д̇ханад̇о сужарид̇асубхаасид̇амзва уд̇д̇арид̇ара’’нд̇и.
Tattha nāññaṃ sucaritanti nāññaṃ sucaritā, ayameva vā pāṭho, ṭhapetvā sucaritaṃ aññaṃ na passāmīti attho. Idha ‘‘sucarita’’ntipi ‘‘subhāsita’’ntipi mātāpitūhi dinnaṃ ovādaṃyeva sandhāyāha. Evamevāti niratthakameva. Idaṃ vuttaṃ hoti – mahārāja, aññatra ovādānusiṭṭhisaṅkhātā sucaritasubhāsitā maraṇakāle tāyituṃ rakkhituṃ samattho nāma añño natthi, yaṃ etaṃ itaraṃ dhanaṃ, taṃ evameva niratthakameva hoti, tvañhi idāni mayhaṃ koṭisatasahassamattampi dhanaṃ dadanto jīvitaṃ na labheyyāsi, tasmā veditabbametaṃ ‘‘dhanato sucaritasubhāsitameva uttaritara’’nti.
сзсаг̇аат̇аасуби аяам̣ сан̇кзбад̇т̇о – махаарааж̇а, яз бурисаа ‘‘аяам̣ мам̣ аггоси, аяам̣ мам̣ бахари, аяам̣ мам̣ аж̇ини, аяам̣ мама санд̇агам̣ ахаасий’’д̇и звам̣ взрам̣ убанаяханд̇и б̣анд̇хид̇ваа вияа хад̣̇аяз табзнд̇и, д̇зсам̣ взрам̣ на убасаммад̇и. яз жа банзд̇ам̣ на убанаяханд̇и хад̣̇аяз на табзнд̇и, д̇зсам̣ вуубасаммад̇и. взраани хи на гад̣̇аажи взрзна самманд̇и, авзрзнзва бана самманд̇и. зса д̇хаммо сананд̇анод̇и зсо бораан̣аго д̇хаммо жирагаалаббавад̇д̇о сабхаавод̇и.
Sesagāthāsupi ayaṃ saṅkhepattho – mahārāja, ye purisā ‘‘ayaṃ maṃ akkosi, ayaṃ maṃ pahari, ayaṃ maṃ ajini, ayaṃ mama santakaṃ ahāsī’’ti evaṃ veraṃ upanayhanti bandhitvā viya hadaye ṭhapenti, tesaṃ veraṃ na upasammati. Ye ca panetaṃ na upanayhanti hadaye na ṭhapenti, tesaṃ vūpasammati. Verāni hi na kadāci verena sammanti, avereneva pana sammanti. Esa dhammo sanantanoti eso porāṇako dhammo cirakālappavatto sabhāvoti.
зван̃жа бана вад̇ваа б̣од̇хисад̇д̇о ‘‘ахам̣, махаарааж̇а, д̇аяи на д̣̇уб̣бхаами, д̇вам̣ бана мам̣ маарзхий’’д̇и д̇асса хад̇т̇з асим̣ табзси. рааж̇ааби ‘‘наахам̣ д̇аяи д̣̇уб̣бхаамий’’д̇и сабат̇ам̣ гад̇ваа д̇зна сад̣̇д̇хим̣ наг̇арам̣ г̇анд̇ваа д̇ам̣ амажжаанам̣ д̣̇ассзд̇ваа ‘‘аяам̣, бхан̣з, госаларан̃н̃о буд̇д̇о д̣̇ийгхаавугумааро наама, иминаа маяхам̣ ж̇ийвид̇ам̣ д̣̇иннам̣, на лаб̣бхаа имам̣ гин̃жи гаад̇у’’нд̇и вад̇ваа ад̇д̇ано д̇хийд̇арам̣ д̣̇ад̇ваа бид̇у санд̇агз раж̇ж̇з бад̇идтаабзси. д̇ад̇о бадтааяа убхоби самаг̇г̇аа саммод̣̇амаанаа раж̇ж̇ам̣ гаарзсум̣.
Evañca pana vatvā bodhisatto ‘‘ahaṃ, mahārāja, tayi na dubbhāmi, tvaṃ pana maṃ mārehī’’ti tassa hatthe asiṃ ṭhapesi. Rājāpi ‘‘nāhaṃ tayi dubbhāmī’’ti sapathaṃ katvā tena saddhiṃ nagaraṃ gantvā taṃ amaccānaṃ dassetvā ‘‘ayaṃ, bhaṇe, kosalarañño putto dīghāvukumāro nāma, iminā mayhaṃ jīvitaṃ dinnaṃ, na labbhā imaṃ kiñci kātu’’nti vatvā attano dhītaraṃ datvā pitu santake rajje patiṭṭhāpesi. Tato paṭṭhāya ubhopi samaggā sammodamānā rajjaṃ kāresuṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа маад̇аабид̇аро махаарааж̇агулаани ахзсум̣, д̣̇ийгхаавугумааро бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mātāpitaro mahārājakulāni ahesuṃ, dīghāvukumāro pana ahameva ahosi’’nti.
д̣̇ийгхийд̇игосалаж̇аад̇агаван̣н̣анаа батамаа.
Dīghītikosalajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 371. д̣̇ийгхийд̇игосалаж̇аад̇агам̣ • 371. Dīghītikosalajātakaṃ
