| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
தி³கு³ணாதி³உபாஹனபடிக்கே²பகதா²
Diguṇādiupāhanapaṭikkhepakathā
245. அஞ்ஞங் ப்³யாகரொந்தீதி அரஹத்தங் ப்³யாகரொந்தி. அத்தோ² ச வுத்தோதி யேன அரஹாதி ஞாயதி, ஸோ அத்தோ² வுத்தோ. ஸுத்தத்தோ² பன ஸுத்தவண்ணனதோயேவ க³ஹேதப்³போ³. அத்தா ச அனுபனீதோதி அஹங் அரஹாதி ஏவங் ப்³யஞ்ஜனவஸேன அத்தா ந உபனீதோ. அத² ச பனிதே⁴கச்சே மோக⁴புரிஸாதி அஞ்ஞே பன துச்ச²புரிஸா ஹஸமானா விய அஸந்தமேவ அஞ்ஞங் வசனமத்தேன ஸந்தங் கத்வா ப்³யாகரொந்தி. ஏகபலாஸிகந்தி ஏகபடலங் . அஸீதிஸகடவாஹேதி எத்த² த்³வே ஸகடபா⁴ரா ஏகோ வாஹோதி வேதி³தப்³போ³. ஸத்தஹத்தி²கஞ்ச அனீகந்தி எத்த² ச² ஹத்தி²னியோ ஏகோ ச ஹத்தீ²தி இத³மேகங் அனீகங். ஈதி³ஸானி ஸத்த அனீகானி ஸத்தஹத்தி²கங் அனீகங் நாம. தி³கு³ணாதி த்³விபடலா. திகு³ணாதி திபடலா. க³ணங்கு³ணூபாஹனாதி சதுபடலதோ பட்டா²ய வுச்சதி.
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 148. தி³கு³ணாதி³உபாஹனபடிக்கே²போ • 148. Diguṇādiupāhanapaṭikkhepo
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / தி³கு³ணாதி³உபாஹனபடிக்கே²பகதா²வண்ணனா • Diguṇādiupāhanapaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 148. தி³கு³ணாதி³உபாஹனபடிக்கே²பகதா² • 148. Diguṇādiupāhanapaṭikkhepakathā
