| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
148. தி³கு³ணாதி³உபாஹனபடிக்கே²பகதா²
148. Diguṇādiupāhanapaṭikkhepakathā
245. அஞ்ஞங் ப்³யாகரொந்தீதி எத்த² அஞ்ஞஸத்³தோ³ ஸப்³ப³னாமஸுத்³த⁴னாமவஸேன து³விதோ⁴. தேஸு இத⁴ ஸுத்³த⁴னாமங், தங் பன பா³லே ச தா³ரகே ச அரஹத்தே ச பவத்ததி, இத⁴ பன அரஹத்தேதி த³ஸ்ஸெந்தோ ஆஹ ‘‘அரஹத்தங் ப்³யாகரொந்தீ’’தி. யேனாதி ஸபா⁴வேன. அரஹாதி ஞாயதீதி அரஹாஇதி அத்தோ² ஞாயதி. ஸோதி ஸபா⁴வோ. ஸுத்தவண்ணனாதோயேவாதி அங்கு³த்தரட்ட²கதா²தோ ஏவ. ந உபனீதோதி ந உபரி நீதோ. ஏகச்சே மோக⁴புரிஸாதி ஏகச்சேஸத்³தோ³ அஞ்ஞேபரியாயோ, மோக⁴ஸத்³தோ³ துச்ச²வேவசனோதி ஆஹ ‘‘அஞ்ஞே பன துச்ச²புரிஸா’’தி. ‘‘ஹஸமானா வியா’’தி இமினா ஹஸமானகங் மஞ்ஞேதி எத்த² மஞ்ஞேஸத்³தோ³ வியத்தோ²தி த³ஸ்ஸேதி. அஸந்தமேவாதி அவிஜ்ஜமானங்யேவ. ஏகபலாஸிகந்தி எத்த² பலாஸஸத்³தோ³ பண்ணவாசகோ. படலங் நாம பண்ணங் விய ஹோதி, தஸ்மா ‘‘ஏகபடல’’ந்தி வுத்தங். அஸீதிஸகடவாஹேதி எத்த² அஸீதி பத³ங் ஸகடபதே³ன ஸம்ப³ந்த⁴ங் கத்வா அஸீதிஸகடேஹி வஹிதப்³பே³தி அத்தோ² த³ட்ட²ப்³போ³. ‘‘த்³வே ஸகடபா⁴ரா ஏகோ வாஹோ’’தி இமினா வாஹானங் சத்தாலீஸபா⁴வங் த³ஸ்ஸேதி. ஸத்தஹத்தி²கஞ்ச அனீகந்தி எத்த² அனீகஸ்ஸ ஸரூபங் த³ஸ்ஸெந்தோ ஆஹ ‘‘ச² ஹத்தி²னியோ சா’’திஆதி³. ஸத்தன்னங் ஹத்தீ²னங் ஸமூஹோ ஸத்தஹத்தி²கங். ஸத்தஅனீகத்தா ஏகூனபஞ்ஞாஸஹத்தி²னோ ஹொந்தி. தேஸு ஸத்த ஹத்தி²னோ, த்³வாசத்தாலீஸ ஹத்தி²னியோ ஹொந்தி. த்³விகு³ணாதி எத்த² கு³ணஸத்³தோ³ படலத்தோ²தி ஆஹ ‘‘த்³விபடலா’’தி. கு³ணங்கு³ணூபாஹனாதி எத்த² த்³விகு³ணதிகு³ணானங் விஸுங் க³ஹிதத்தா பாரிஸேஸதோ கு³ணங்கு³ணபா⁴வங் த³ஸ்ஸெந்தோ ஆஹ ‘‘சதுபடலதோ பட்டா²ய வுச்சதீ’’தி. கு³ணங்கு³ணூபாஹனாதி படலபடலா உபாஹனா, ப³ஹுபடலா உபாஹனாதி அத்தோ². உகாரேன ஸஹ யோஜெத்வா க³காரோ ஸஜ்ஜா²யிதப்³போ³ ச லிகி²தப்³போ³ ச. இதா³னி பொத்த²கேஸு பன உகாரோ ந தி³ஸ்ஸதி.
245.Aññaṃ byākarontīti ettha aññasaddo sabbanāmasuddhanāmavasena duvidho. Tesu idha suddhanāmaṃ, taṃ pana bāle ca dārake ca arahatte ca pavattati, idha pana arahatteti dassento āha ‘‘arahattaṃ byākarontī’’ti. Yenāti sabhāvena. Arahāti ñāyatīti arahāiti attho ñāyati. Soti sabhāvo. Suttavaṇṇanātoyevāti aṅguttaraṭṭhakathāto eva. Na upanītoti na upari nīto. Ekacce moghapurisāti ekaccesaddo aññepariyāyo, moghasaddo tucchavevacanoti āha ‘‘aññe pana tucchapurisā’’ti. ‘‘Hasamānā viyā’’ti iminā hasamānakaṃ maññeti ettha maññesaddo viyatthoti dasseti. Asantamevāti avijjamānaṃyeva. Ekapalāsikanti ettha palāsasaddo paṇṇavācako. Paṭalaṃ nāma paṇṇaṃ viya hoti, tasmā ‘‘ekapaṭala’’nti vuttaṃ. Asītisakaṭavāheti ettha asīti padaṃ sakaṭapadena sambandhaṃ katvā asītisakaṭehi vahitabbeti attho daṭṭhabbo. ‘‘Dve sakaṭabhārā eko vāho’’ti iminā vāhānaṃ cattālīsabhāvaṃ dasseti. Sattahatthikañca anīkanti ettha anīkassa sarūpaṃ dassento āha ‘‘cha hatthiniyo cā’’tiādi. Sattannaṃ hatthīnaṃ samūho sattahatthikaṃ. Sattaanīkattā ekūnapaññāsahatthino honti. Tesu satta hatthino, dvācattālīsa hatthiniyo honti. Dviguṇāti ettha guṇasaddo paṭalatthoti āha ‘‘dvipaṭalā’’ti. Guṇaṅguṇūpāhanāti ettha dviguṇatiguṇānaṃ visuṃ gahitattā pārisesato guṇaṅguṇabhāvaṃ dassento āha ‘‘catupaṭalato paṭṭhāya vuccatī’’ti. Guṇaṅguṇūpāhanāti paṭalapaṭalā upāhanā, bahupaṭalā upāhanāti attho. Ukārena saha yojetvā gakāro sajjhāyitabbo ca likhitabbo ca. Idāni potthakesu pana ukāro na dissati.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 148. தி³கு³ணாதி³உபாஹனபடிக்கே²போ • 148. Diguṇādiupāhanapaṭikkhepo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / தி³கு³ணாதி³உபாஹனபடிக்கே²பகதா² • Diguṇādiupāhanapaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / தி³கு³ணாதி³உபாஹனபடிக்கே²பகதா²வண்ணனா • Diguṇādiupāhanapaṭikkhepakathāvaṇṇanā
