| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
দিগুণাদিউপাহনপটিক্খেপকথা
Diguṇādiupāhanapaṭikkhepakathā
২৪৫. অঞ্ঞং ব্যাকরোন্তীতি অরহত্তং ব্যাকরোন্তি। অত্থো চ ৰুত্তোতি যেন অরহাতি ঞাযতি, সো অত্থো ৰুত্তো। সুত্তত্থো পন সুত্তৰণ্ণনতোযেৰ গহেতব্বো। অত্তা চ অনুপনীতোতি অহং অরহাতি এৰং ব্যঞ্জনৰসেন অত্তা ন উপনীতো। অথ চ পনিধেকচ্চে মোঘপুরিসাতি অঞ্ঞে পন তুচ্ছপুরিসা হসমানা ৰিয অসন্তমেৰ অঞ্ঞং ৰচনমত্তেন সন্তং কত্ৰা ব্যাকরোন্তি। একপলাসিকন্তি একপটলং । অসীতিসকটৰাহেতি এত্থ দ্ৰে সকটভারা একো ৰাহোতি ৰেদিতব্বো। সত্তহত্থিকঞ্চ অনীকন্তি এত্থ ছ হত্থিনিযো একো চ হত্থীতি ইদমেকং অনীকং। ঈদিসানি সত্ত অনীকানি সত্তহত্থিকং অনীকং নাম। দিগুণাতি দ্ৰিপটলা। তিগুণাতি তিপটলা। গণঙ্গুণূপাহনাতি চতুপটলতো পট্ঠায ৰুচ্চতি।
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৪৮. দিগুণাদিউপাহনপটিক্খেপো • 148. Diguṇādiupāhanapaṭikkhepo
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / দিগুণাদিউপাহনপটিক্খেপকথাৰণ্ণনা • Diguṇādiupāhanapaṭikkhepakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১৪৮. দিগুণাদিউপাহনপটিক্খেপকথা • 148. Diguṇādiupāhanapaṭikkhepakathā
