| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
148. д̣̇иг̇ун̣аад̣̇иубааханабадигкзбагат̇аа
148. Diguṇādiupāhanapaṭikkhepakathā
245. ан̃н̃ам̣ б̣яаагаронд̇ийд̇и зд̇т̇а ан̃н̃асад̣̇д̣̇о саб̣б̣анаамасуд̣̇д̇ханаамавасзна д̣̇увид̇хо. д̇зсу ид̇ха суд̣̇д̇ханаамам̣, д̇ам̣ бана б̣аалз жа д̣̇аарагз жа арахад̇д̇з жа бавад̇д̇ад̇и, ид̇ха бана арахад̇д̇зд̇и д̣̇ассзнд̇о ааха ‘‘арахад̇д̇ам̣ б̣яаагаронд̇ий’’д̇и. язнаад̇и сабхаавзна. арахаад̇и н̃ааяад̇ийд̇и арахааид̇и ад̇т̇о н̃ааяад̇и. сод̇и сабхааво. суд̇д̇аван̣н̣анаад̇оязваад̇и ан̇г̇уд̇д̇арадтагат̇аад̇о зва. на убанийд̇од̇и на убари нийд̇о. згажжз могхабурисаад̇и згажжзсад̣̇д̣̇о ан̃н̃збарияааяо, могхасад̣̇д̣̇о д̇ужчавзважанод̇и ааха ‘‘ан̃н̃з бана д̇ужчабурисаа’’д̇и. ‘‘хасамаанаа вияаа’’д̇и иминаа хасамаанагам̣ ман̃н̃зд̇и зд̇т̇а ман̃н̃зсад̣̇д̣̇о вияад̇т̇од̇и д̣̇ассзд̇и. асанд̇амзваад̇и авиж̇ж̇амаанам̣язва. згабалаасиганд̇и зд̇т̇а балаасасад̣̇д̣̇о бан̣н̣аваажаго. бадалам̣ наама бан̣н̣ам̣ вияа ход̇и, д̇асмаа ‘‘згабадала’’нд̇и вуд̇д̇ам̣. асийд̇исагадаваахзд̇и зд̇т̇а асийд̇и бад̣̇ам̣ сагадабад̣̇зна самб̣анд̇хам̣ гад̇ваа асийд̇исагадзхи вахид̇аб̣б̣зд̇и ад̇т̇о д̣̇адтаб̣б̣о. ‘‘д̣̇вз сагадабхаараа зго ваахо’’д̇и иминаа ваахаанам̣ жад̇д̇аалийсабхаавам̣ д̣̇ассзд̇и. сад̇д̇ахад̇т̇иган̃жа анийганд̇и зд̇т̇а анийгасса саруубам̣ д̣̇ассзнд̇о ааха ‘‘ча хад̇т̇инияо жаа’’д̇иаад̣̇и. сад̇д̇аннам̣ хад̇т̇ийнам̣ самуухо сад̇д̇ахад̇т̇игам̣. сад̇д̇аанийгад̇д̇аа згуунабан̃н̃аасахад̇т̇ино хонд̇и. д̇зсу сад̇д̇а хад̇т̇ино, д̣̇ваажад̇д̇аалийса хад̇т̇инияо хонд̇и. д̣̇виг̇ун̣аад̇и зд̇т̇а г̇ун̣асад̣̇д̣̇о бадалад̇т̇од̇и ааха ‘‘д̣̇вибадалаа’’д̇и. г̇ун̣ан̇г̇ун̣уубааханаад̇и зд̇т̇а д̣̇виг̇ун̣ад̇иг̇ун̣аанам̣ висум̣ г̇ахид̇ад̇д̇аа баарисзсад̇о г̇ун̣ан̇г̇ун̣абхаавам̣ д̣̇ассзнд̇о ааха ‘‘жад̇убадалад̇о бадтааяа вужжад̇ий’’д̇и. г̇ун̣ан̇г̇ун̣уубааханаад̇и бадалабадалаа убааханаа, б̣ахубадалаа убааханаад̇и ад̇т̇о. угаарзна саха яож̇зд̇ваа г̇агааро саж̇жхааяид̇аб̣б̣о жа ликид̇аб̣б̣о жа. ид̣̇аани бод̇т̇агзсу бана угааро на д̣̇иссад̇и.
245.Aññaṃ byākarontīti ettha aññasaddo sabbanāmasuddhanāmavasena duvidho. Tesu idha suddhanāmaṃ, taṃ pana bāle ca dārake ca arahatte ca pavattati, idha pana arahatteti dassento āha ‘‘arahattaṃ byākarontī’’ti. Yenāti sabhāvena. Arahāti ñāyatīti arahāiti attho ñāyati. Soti sabhāvo. Suttavaṇṇanātoyevāti aṅguttaraṭṭhakathāto eva. Na upanītoti na upari nīto. Ekacce moghapurisāti ekaccesaddo aññepariyāyo, moghasaddo tucchavevacanoti āha ‘‘aññe pana tucchapurisā’’ti. ‘‘Hasamānā viyā’’ti iminā hasamānakaṃ maññeti ettha maññesaddo viyatthoti dasseti. Asantamevāti avijjamānaṃyeva. Ekapalāsikanti ettha palāsasaddo paṇṇavācako. Paṭalaṃ nāma paṇṇaṃ viya hoti, tasmā ‘‘ekapaṭala’’nti vuttaṃ. Asītisakaṭavāheti ettha asīti padaṃ sakaṭapadena sambandhaṃ katvā asītisakaṭehi vahitabbeti attho daṭṭhabbo. ‘‘Dve sakaṭabhārā eko vāho’’ti iminā vāhānaṃ cattālīsabhāvaṃ dasseti. Sattahatthikañca anīkanti ettha anīkassa sarūpaṃ dassento āha ‘‘cha hatthiniyo cā’’tiādi. Sattannaṃ hatthīnaṃ samūho sattahatthikaṃ. Sattaanīkattā ekūnapaññāsahatthino honti. Tesu satta hatthino, dvācattālīsa hatthiniyo honti. Dviguṇāti ettha guṇasaddo paṭalatthoti āha ‘‘dvipaṭalā’’ti. Guṇaṅguṇūpāhanāti ettha dviguṇatiguṇānaṃ visuṃ gahitattā pārisesato guṇaṅguṇabhāvaṃ dassento āha ‘‘catupaṭalato paṭṭhāya vuccatī’’ti. Guṇaṅguṇūpāhanāti paṭalapaṭalā upāhanā, bahupaṭalā upāhanāti attho. Ukārena saha yojetvā gakāro sajjhāyitabbo ca likhitabbo ca. Idāni potthakesu pana ukāro na dissati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 148. д̣̇иг̇ун̣аад̣̇иубааханабадигкзбо • 148. Diguṇādiupāhanapaṭikkhepo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̣̇иг̇ун̣аад̣̇иубааханабадигкзбагат̇аа • Diguṇādiupāhanapaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇иг̇ун̣аад̣̇иубааханабадигкзбагат̇ааван̣н̣анаа • Diguṇādiupāhanapaṭikkhepakathāvaṇṇanā
