| Library / Tipiṭaka / తిపిటక • Tipiṭaka / మహావగ్గ-అట్ఠకథా • Mahāvagga-aṭṭhakathā |
దిగుణాదిఉపాహనపటిక్ఖేపకథా
Diguṇādiupāhanapaṭikkhepakathā
౨౪౫. అఞ్ఞం బ్యాకరోన్తీతి అరహత్తం బ్యాకరోన్తి. అత్థో చ వుత్తోతి యేన అరహాతి ఞాయతి, సో అత్థో వుత్తో. సుత్తత్థో పన సుత్తవణ్ణనతోయేవ గహేతబ్బో. అత్తా చ అనుపనీతోతి అహం అరహాతి ఏవం బ్యఞ్జనవసేన అత్తా న ఉపనీతో. అథ చ పనిధేకచ్చే మోఘపురిసాతి అఞ్ఞే పన తుచ్ఛపురిసా హసమానా వియ అసన్తమేవ అఞ్ఞం వచనమత్తేన సన్తం కత్వా బ్యాకరోన్తి. ఏకపలాసికన్తి ఏకపటలం . అసీతిసకటవాహేతి ఏత్థ ద్వే సకటభారా ఏకో వాహోతి వేదితబ్బో. సత్తహత్థికఞ్చ అనీకన్తి ఏత్థ ఛ హత్థినియో ఏకో చ హత్థీతి ఇదమేకం అనీకం. ఈదిసాని సత్త అనీకాని సత్తహత్థికం అనీకం నామ. దిగుణాతి ద్విపటలా. తిగుణాతి తిపటలా. గణఙ్గుణూపాహనాతి చతుపటలతో పట్ఠాయ వుచ్చతి.
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౪౮. దిగుణాదిఉపాహనపటిక్ఖేపో • 148. Diguṇādiupāhanapaṭikkhepo
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / దిగుణాదిఉపాహనపటిక్ఖేపకథావణ్ణనా • Diguṇādiupāhanapaṭikkhepakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౪౮. దిగుణాదిఉపాహనపటిక్ఖేపకథా • 148. Diguṇādiupāhanapaṭikkhepakathā
