| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
ทิคุณาทิอุปาหนปฎิเกฺขปกถา
Diguṇādiupāhanapaṭikkhepakathā
๒๔๕. อญฺญํ พฺยากโรนฺตีติ อรหตฺตํ พฺยากโรนฺติฯ อโตฺถ จ วุโตฺตติ เยน อรหาติ ญายติ, โส อโตฺถ วุโตฺตฯ สุตฺตโตฺถ ปน สุตฺตวณฺณนโตเยว คเหตโพฺพฯ อตฺตา จ อนุปนีโตติ อหํ อรหาติ เอวํ พฺยญฺชนวเสน อตฺตา น อุปนีโตฯ อถ จ ปนิเธกเจฺจ โมฆปุริสาติ อเญฺญ ปน ตุจฺฉปุริสา หสมานา วิย อสนฺตเมว อญฺญํ วจนมเตฺตน สนฺตํ กตฺวา พฺยากโรนฺติฯ เอกปลาสิกนฺติ เอกปฎลํ ฯ อสีติสกฎวาเหติ เอตฺถ เทฺว สกฎภารา เอโก วาโหติ เวทิตโพฺพฯ สตฺตหตฺถิกญฺจ อนีกนฺติ เอตฺถ ฉ หตฺถินิโย เอโก จ หตฺถีติ อิทเมกํ อนีกํฯ อีทิสานิ สตฺต อนีกานิ สตฺตหตฺถิกํ อนีกํ นามฯ ทิคุณาติ ทฺวิปฎลาฯ ติคุณาติ ติปฎลาฯ คณงฺคุณูปาหนาติ จตุปฎลโต ปฎฺฐาย วุจฺจติฯ
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๔๘. ทิคุณาทิอุปาหนปฎิเกฺขโป • 148. Diguṇādiupāhanapaṭikkhepo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ทิคุณาทิอุปาหนปฎิเกฺขปกถาวณฺณนา • Diguṇādiupāhanapaṭikkhepakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๔๘. ทิคุณาทิอุปาหนปฎิเกฺขปกถา • 148. Diguṇādiupāhanapaṭikkhepakathā
