| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ဒိဂုဏာဒိဥပာဟနပဋိက္ခေပကထာ
Diguṇādiupāhanapaṭikkhepakathā
၂၄၅. အညံ ဗ္ယာကရောန္တီတိ အရဟတ္တံ ဗ္ယာကရောန္တိ။ အတ္ထော စ ဝုတ္တောတိ ယေန အရဟာတိ ဉာယတိ, သော အတ္ထော ဝုတ္တော။ သုတ္တတ္ထော ပန သုတ္တဝဏ္ဏနတောယေဝ ဂဟေတဗ္ဗော။ အတ္တာ စ အနုပနီတောတိ အဟံ အရဟာတိ ဧဝံ ဗ္ယဉ္ဇနဝသေန အတ္တာ န ဥပနီတော။ အထ စ ပနိဓေကစ္စေ မောဃပုရိသာတိ အညေ ပန တုစ္ဆပုရိသာ ဟသမာနာ ဝိယ အသန္တမေဝ အညံ ဝစနမတ္တေန သန္တံ ကတ္ဝာ ဗ္ယာကရောန္တိ။ ဧကပလာသိကန္တိ ဧကပဋလံ ။ အသီတိသကဋဝာဟေတိ ဧတ္ထ ဒ္ဝေ သကဋဘာရာ ဧကော ဝာဟောတိ ဝေဒိတဗ္ဗော။ သတ္တဟတ္ထိကဉ္စ အနီကန္တိ ဧတ္ထ ဆ ဟတ္ထိနိယော ဧကော စ ဟတ္ထီတိ ဣဒမေကံ အနီကံ။ ဤဒိသာနိ သတ္တ အနီကာနိ သတ္တဟတ္ထိကံ အနီကံ နာမ။ ဒိဂုဏာတိ ဒ္ဝိပဋလာ။ တိဂုဏာတိ တိပဋလာ။ ဂဏင္ဂုဏူပာဟနာတိ စတုပဋလတော ပဋ္ဌာယ ဝုစ္စတိ။
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၄၈. ဒိဂုဏာဒိဥပာဟနပဋိက္ခေပော • 148. Diguṇādiupāhanapaṭikkhepo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဒိဂုဏာဒိဥပာဟနပဋိက္ခေပကထာဝဏ္ဏနာ • Diguṇādiupāhanapaṭikkhepakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၄၈. ဒိဂုဏာဒိဥပာဟနပဋိက္ခေပကထာ • 148. Diguṇādiupāhanapaṭikkhepakathā
