| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
දිගුණාදිඋපාහනපටික්‌ඛෙපකථා
Diguṇādiupāhanapaṭikkhepakathā
245. අඤ්‌ඤං බ්‍යාකරොන්‌තීති අරහත්‌තං බ්‍යාකරොන්‌ති. අත්‌ථො ච වුත්‌තොති යෙන අරහාති ඤායති, සො අත්‌ථො වුත්‌තො. සුත්‌තත්‌ථො පන සුත්‌තවණ්‌ණනතොයෙව ගහෙතබ්‌බො. අත්‌තා ච අනුපනීතොති අහං අරහාති එවං බ්‍යඤ්‌ජනවසෙන අත්‌තා න උපනීතො. අථ ච පනිධෙකච්‌චෙ මොඝපුරිසාති අඤ්‌ඤෙ පන තුච්‌ඡපුරිසා හසමානා විය අසන්‌තමෙව අඤ්‌ඤං වචනමත්‌තෙන සන්‌තං කත්‌වා බ්‍යාකරොන්‌ති. එකපලාසිකන්‌ති එකපටලං . අසීතිසකටවාහෙති එත්‌ථ ද්‌වෙ සකටභාරා එකො වාහොති වෙදිතබ්‌බො. සත්‌තහත්‌ථිකඤ්‌ච අනීකන්‌ති එත්‌ථ ඡ හත්‌ථිනියො එකො ච හත්‌ථීති ඉදමෙකං අනීකං. ඊදිසානි සත්‌ත අනීකානි සත්‌තහත්‌ථිකං අනීකං නාම. දිගුණාති ද්‌විපටලා. තිගුණාති තිපටලා. ගණඞ්‌ගුණූපාහනාති චතුපටලතො පට්‌ඨාය වුච්‌චති.
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 148. දිගුණාදිඋපාහනපටික්‌ඛෙපො • 148. Diguṇādiupāhanapaṭikkhepo
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / දිගුණාදිඋපාහනපටික්‌ඛෙපකථාවණ්‌ණනා • Diguṇādiupāhanapaṭikkhepakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 148. දිගුණාදිඋපාහනපටික්‌ඛෙපකථා • 148. Diguṇādiupāhanapaṭikkhepakathā
