| Library / Tipiṭaka / ཏིཔིཊཀ • Tipiṭaka / མཧཱཝགྒ-ཨཊྛཀཐཱ • Mahāvagga-aṭṭhakathā |
དིགུཎཱདིཨུཔཱཧནཔཊིཀྑེཔཀཐཱ
Diguṇādiupāhanapaṭikkhepakathā
༢༤༥. ཨཉྙཾ བྱཱཀརོནྟཱིཏི ཨརཧཏྟཾ བྱཱཀརོནྟི། ཨཏྠོ ཙ ཝུཏྟོཏི ཡེན ཨརཧཱཏི ཉཱཡཏི, སོ ཨཏྠོ ཝུཏྟོ། སུཏྟཏྠོ པན སུཏྟཝཎྞནཏོཡེཝ གཧེཏབྦོ། ཨཏྟཱ ཙ ཨནུཔནཱིཏོཏི ཨཧཾ ཨརཧཱཏི ཨེཝཾ བྱཉྫནཝསེན ཨཏྟཱ ན ཨུཔནཱིཏོ། ཨཐ ཙ པནིདྷེཀཙྩེ མོགྷཔུརིསཱཏི ཨཉྙེ པན ཏུཙྪཔུརིསཱ ཧསམཱནཱ ཝིཡ ཨསནྟམེཝ ཨཉྙཾ ཝཙནམཏྟེན སནྟཾ ཀཏྭཱ བྱཱཀརོནྟི། ཨེཀཔལཱསིཀནྟི ཨེཀཔཊལཾ ། ཨསཱིཏིསཀཊཝཱཧེཏི ཨེཏྠ དྭེ སཀཊབྷཱརཱ ཨེཀོ ཝཱཧོཏི ཝེདིཏབྦོ། སཏྟཧཏྠིཀཉྩ ཨནཱིཀནྟི ཨེཏྠ ཚ ཧཏྠིནིཡོ ཨེཀོ ཙ ཧཏྠཱིཏི ཨིདམེཀཾ ཨནཱིཀཾ། ཨཱིདིསཱནི སཏྟ ཨནཱིཀཱནི སཏྟཧཏྠིཀཾ ཨནཱིཀཾ ནཱམ། དིགུཎཱཏི དྭིཔཊལཱ། ཏིགུཎཱཏི ཏིཔཊལཱ། གཎངྒུཎཱུཔཱཧནཱཏི ཙཏུཔཊལཏོ པཊྛཱཡ ཝུཙྩཏི།
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༤༨. དིགུཎཱདིཨུཔཱཧནཔཊིཀྑེཔོ • 148. Diguṇādiupāhanapaṭikkhepo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / དིགུཎཱདིཨུཔཱཧནཔཊིཀྑེཔཀཐཱཝཎྞནཱ • Diguṇādiupāhanapaṭikkhepakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༤༨. དིགུཎཱདིཨུཔཱཧནཔཊིཀྑེཔཀཐཱ • 148. Diguṇādiupāhanapaṭikkhepakathā
