| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਦਿਗੁਣਾਦਿਉਪਾਹਨਪਟਿਕ੍ਖੇਪਕਥਾ
Diguṇādiupāhanapaṭikkhepakathā
੨੪੫. ਅਞ੍ਞਂ ਬ੍ਯਾਕਰੋਨ੍ਤੀਤਿ ਅਰਹਤ੍ਤਂ ਬ੍ਯਾਕਰੋਨ੍ਤਿ। ਅਤ੍ਥੋ ਚ વੁਤ੍ਤੋਤਿ ਯੇਨ ਅਰਹਾਤਿ ਞਾਯਤਿ, ਸੋ ਅਤ੍ਥੋ વੁਤ੍ਤੋ। ਸੁਤ੍ਤਤ੍ਥੋ ਪਨ ਸੁਤ੍ਤવਣ੍ਣਨਤੋਯੇવ ਗਹੇਤਬ੍ਬੋ। ਅਤ੍ਤਾ ਚ ਅਨੁਪਨੀਤੋਤਿ ਅਹਂ ਅਰਹਾਤਿ ਏવਂ ਬ੍ਯਞ੍ਜਨવਸੇਨ ਅਤ੍ਤਾ ਨ ਉਪਨੀਤੋ। ਅਥ ਚ ਪਨਿਧੇਕਚ੍ਚੇ ਮੋਘਪੁਰਿਸਾਤਿ ਅਞ੍ਞੇ ਪਨ ਤੁਚ੍ਛਪੁਰਿਸਾ ਹਸਮਾਨਾ વਿਯ ਅਸਨ੍ਤਮੇવ ਅਞ੍ਞਂ વਚਨਮਤ੍ਤੇਨ ਸਨ੍ਤਂ ਕਤ੍વਾ ਬ੍ਯਾਕਰੋਨ੍ਤਿ। ਏਕਪਲਾਸਿਕਨ੍ਤਿ ਏਕਪਟਲਂ । ਅਸੀਤਿਸਕਟવਾਹੇਤਿ ਏਤ੍ਥ ਦ੍વੇ ਸਕਟਭਾਰਾ ਏਕੋ વਾਹੋਤਿ વੇਦਿਤਬ੍ਬੋ। ਸਤ੍ਤਹਤ੍ਥਿਕਞ੍ਚ ਅਨੀਕਨ੍ਤਿ ਏਤ੍ਥ ਛ ਹਤ੍ਥਿਨਿਯੋ ਏਕੋ ਚ ਹਤ੍ਥੀਤਿ ਇਦਮੇਕਂ ਅਨੀਕਂ। ਈਦਿਸਾਨਿ ਸਤ੍ਤ ਅਨੀਕਾਨਿ ਸਤ੍ਤਹਤ੍ਥਿਕਂ ਅਨੀਕਂ ਨਾਮ। ਦਿਗੁਣਾਤਿ ਦ੍વਿਪਟਲਾ। ਤਿਗੁਣਾਤਿ ਤਿਪਟਲਾ। ਗਣਙ੍ਗੁਣੂਪਾਹਨਾਤਿ ਚਤੁਪਟਲਤੋ ਪਟ੍ਠਾਯ વੁਚ੍ਚਤਿ।
245.Aññaṃ byākarontīti arahattaṃ byākaronti. Attho ca vuttoti yena arahāti ñāyati, so attho vutto. Suttattho pana suttavaṇṇanatoyeva gahetabbo. Attā ca anupanītoti ahaṃ arahāti evaṃ byañjanavasena attā na upanīto. Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti. Ekapalāsikanti ekapaṭalaṃ . Asītisakaṭavāheti ettha dve sakaṭabhārā eko vāhoti veditabbo. Sattahatthikañca anīkanti ettha cha hatthiniyo eko ca hatthīti idamekaṃ anīkaṃ. Īdisāni satta anīkāni sattahatthikaṃ anīkaṃ nāma. Diguṇāti dvipaṭalā. Tiguṇāti tipaṭalā. Gaṇaṅguṇūpāhanāti catupaṭalato paṭṭhāya vuccati.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੮. ਦਿਗੁਣਾਦਿਉਪਾਹਨਪਟਿਕ੍ਖੇਪੋ • 148. Diguṇādiupāhanapaṭikkhepo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦਿਗੁਣਾਦਿਉਪਾਹਨਪਟਿਕ੍ਖੇਪਕਥਾવਣ੍ਣਨਾ • Diguṇādiupāhanapaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੮. ਦਿਗੁਣਾਦਿਉਪਾਹਨਪਟਿਕ੍ਖੇਪਕਥਾ • 148. Diguṇādiupāhanapaṭikkhepakathā
