| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
தி³கு³ணாதி³உபாஹனபடிக்கே²பகதா²வண்ணனா
Diguṇādiupāhanapaṭikkhepakathāvaṇṇanā
245. ஸகடவாஹேதி த்³வீஹி ஸகடேஹி பரிச்சி²ன்னே வாஹே. ‘‘வாஹே’’தி ப³ஹுவசனஸ்ஸ ஹிரஞ்ஞவிஸேஸனத்தேபி ஸாமஞ்ஞாபெக்கா²ய ‘‘ஹிரஞ்ஞ’’ந்தி ஏகவசனங் கதங்.
245.Sakaṭavāheti dvīhi sakaṭehi paricchinne vāhe. ‘‘Vāhe’’ti bahuvacanassa hiraññavisesanattepi sāmaññāpekkhāya ‘‘hirañña’’nti ekavacanaṃ kataṃ.
246. அத்³தா³ரிட்ட²கவண்ணாதி அல்லாரிட்ட²ப²லவண்ணா, திந்தகாகபக்க²வண்ணாதிபி வத³ந்தி. ரஜனந்தி உபலித்தங் நீலாதி³வண்ணங் ஸந்தா⁴ய வுத்தங். தேனாஹ ‘‘சோளகேன புஞ்சி²த்வா’’தி. தஞ்ஹி ததா² புஞ்சி²தே விக³ச்ச²தி. யங் பன சம்மஸ்ஸ து³க்³க³ந்தா⁴பனயனத்த²ங் காளரத்தாதி³ரஜனேஹி ரஞ்ஜிதத்தா காளரத்தாதி³வண்ணங் ஹோதி, தங் சோளாதீ³ஹி அபனேதுங் ந ஸக்கா சம்மக³திகமேவ, தஸ்மா தங் வட்டதீதி த³ட்ட²ப்³ப³ங்.
246.Addāriṭṭhakavaṇṇāti allāriṭṭhaphalavaṇṇā, tintakākapakkhavaṇṇātipi vadanti. Rajananti upalittaṃ nīlādivaṇṇaṃ sandhāya vuttaṃ. Tenāha ‘‘coḷakena puñchitvā’’ti. Tañhi tathā puñchite vigacchati. Yaṃ pana cammassa duggandhāpanayanatthaṃ kāḷarattādirajanehi rañjitattā kāḷarattādivaṇṇaṃ hoti, taṃ coḷādīhi apanetuṃ na sakkā cammagatikameva, tasmā taṃ vaṭṭatīti daṭṭhabbaṃ.
க²ல்லகந்தி ஸப்³ப³பண்ஹிபிதா⁴னசம்மங், அபரிக³ளனத்த²ங் பண்ஹிஉபரிபா⁴கே³ அபிதா⁴ய ஆரோபனப³ந்த⁴னமத்தங் வட்டதி. விசித்ராதி ஸண்டா²னதோ விசித்ரபடா அதி⁴ப்பேதா, ந வண்ணதோ ஸப்³ப³ஸோ அபனேதப்³பே³ஸு க²ல்லகாதீ³ஸு பவிட்ட²த்தா. பி³ளாலஸதி³ஸமுக²த்தா மஹாஉலூகா ‘‘பக்கி²பி³ளாலா’’தி வுச்சதி, தேஸங் சம்மங் நாம பக்க²லோமமேவ.
Khallakanti sabbapaṇhipidhānacammaṃ, aparigaḷanatthaṃ paṇhiuparibhāge apidhāya āropanabandhanamattaṃ vaṭṭati. Vicitrāti saṇṭhānato vicitrapaṭā adhippetā, na vaṇṇato sabbaso apanetabbesu khallakādīsu paviṭṭhattā. Biḷālasadisamukhattā mahāulūkā ‘‘pakkhibiḷālā’’ti vuccati, tesaṃ cammaṃ nāma pakkhalomameva.
தி³கு³ணாதி³உபாஹனபடிக்கே²பகதா²வண்ணனா நிட்டி²தா.
Diguṇādiupāhanapaṭikkhepakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
148. தி³கு³ணாதி³உபாஹனபடிக்கே²போ • 148. Diguṇādiupāhanapaṭikkhepo
149. ஸப்³ப³னீலிகாதி³படிக்கே²போ • 149. Sabbanīlikādipaṭikkhepo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā
தி³கு³ணாதி³உபாஹனபடிக்கே²பகதா² • Diguṇādiupāhanapaṭikkhepakathā
ஸப்³ப³னீலிகாதி³படிக்கே²பகதா² • Sabbanīlikādipaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸப்³ப³னீலிகாதி³படிக்கே²பகதா²வண்ணனா • Sabbanīlikādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸப்³ப³னீலிகாதி³படிக்கே²பகதா²வண்ணனா • Sabbanīlikādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
148. தி³கு³ணாதி³உபாஹனபடிக்கே²பகதா² • 148. Diguṇādiupāhanapaṭikkhepakathā
149. ஸப்³ப³னீலிகாதி³படிக்கே²பகதா² • 149. Sabbanīlikādipaṭikkhepakathā
