| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
ทิคุณาทิอุปาหนปฎิเกฺขปกถาวณฺณนา
Diguṇādiupāhanapaṭikkhepakathāvaṇṇanā
๒๔๕. สกฎวาเหติ ทฺวีหิ สกเฎหิ ปริจฺฉิเนฺน วาเหฯ ‘‘วาเห’’ติ พหุวจนสฺส หิรญฺญวิเสสนเตฺตปิ สามญฺญาเปกฺขาย ‘‘หิรญฺญ’’นฺติ เอกวจนํ กตํฯ
245.Sakaṭavāheti dvīhi sakaṭehi paricchinne vāhe. ‘‘Vāhe’’ti bahuvacanassa hiraññavisesanattepi sāmaññāpekkhāya ‘‘hirañña’’nti ekavacanaṃ kataṃ.
๒๔๖. อทฺทาริฎฺฐกวณฺณาติ อลฺลาริฎฺฐผลวณฺณา, ตินฺตกากปกฺขวณฺณาติปิ วทนฺติฯ รชนนฺติ อุปลิตฺตํ นีลาทิวณฺณํ สนฺธาย วุตฺตํฯ เตนาห ‘‘โจฬเกน ปุญฺฉิตฺวา’’ติฯ ตญฺหิ ตถา ปุญฺฉิเต วิคจฺฉติฯ ยํ ปน จมฺมสฺส ทุคฺคนฺธาปนยนตฺถํ กาฬรตฺตาทิรชเนหิ รญฺชิตตฺตา กาฬรตฺตาทิวณฺณํ โหติ, ตํ โจฬาทีหิ อปเนตุํ น สกฺกา จมฺมคติกเมว, ตสฺมา ตํ วฎฺฎตีติ ทฎฺฐพฺพํฯ
246.Addāriṭṭhakavaṇṇāti allāriṭṭhaphalavaṇṇā, tintakākapakkhavaṇṇātipi vadanti. Rajananti upalittaṃ nīlādivaṇṇaṃ sandhāya vuttaṃ. Tenāha ‘‘coḷakena puñchitvā’’ti. Tañhi tathā puñchite vigacchati. Yaṃ pana cammassa duggandhāpanayanatthaṃ kāḷarattādirajanehi rañjitattā kāḷarattādivaṇṇaṃ hoti, taṃ coḷādīhi apanetuṃ na sakkā cammagatikameva, tasmā taṃ vaṭṭatīti daṭṭhabbaṃ.
ขลฺลกนฺติ สพฺพปณฺหิปิธานจมฺมํ, อปริคฬนตฺถํ ปณฺหิอุปริภาเค อปิธาย อาโรปนพนฺธนมตฺตํ วฎฺฎติฯ วิจิตฺราติ สณฺฐานโต วิจิตฺรปฎา อธิเปฺปตา, น วณฺณโต สพฺพโส อปเนตเพฺพสุ ขลฺลกาทีสุ ปวิฎฺฐตฺตาฯ พิฬาลสทิสมุขตฺตา มหาอุลูกา ‘‘ปกฺขิพิฬาลา’’ติ วุจฺจติ, เตสํ จมฺมํ นาม ปกฺขโลมเมวฯ
Khallakanti sabbapaṇhipidhānacammaṃ, aparigaḷanatthaṃ paṇhiuparibhāge apidhāya āropanabandhanamattaṃ vaṭṭati. Vicitrāti saṇṭhānato vicitrapaṭā adhippetā, na vaṇṇato sabbaso apanetabbesu khallakādīsu paviṭṭhattā. Biḷālasadisamukhattā mahāulūkā ‘‘pakkhibiḷālā’’ti vuccati, tesaṃ cammaṃ nāma pakkhalomameva.
ทิคุณาทิอุปาหนปฎิเกฺขปกถาวณฺณนา นิฎฺฐิตาฯ
Diguṇādiupāhanapaṭikkhepakathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๔๘. ทิคุณาทิอุปาหนปฎิเกฺขโป • 148. Diguṇādiupāhanapaṭikkhepo
๑๔๙. สพฺพนีลิกาทิปฎิเกฺขโป • 149. Sabbanīlikādipaṭikkhepo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā
ทิคุณาทิอุปาหนปฎิเกฺขปกถา • Diguṇādiupāhanapaṭikkhepakathā
สพฺพนีลิกาทิปฎิเกฺขปกถา • Sabbanīlikādipaṭikkhepakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / สพฺพนีลิกาทิปฎิเกฺขปกถาวณฺณนา • Sabbanīlikādipaṭikkhepakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สพฺพนีลิกาทิปฎิเกฺขปกถาวณฺณนา • Sabbanīlikādipaṭikkhepakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑๔๘. ทิคุณาทิอุปาหนปฎิเกฺขปกถา • 148. Diguṇādiupāhanapaṭikkhepakathā
๑๔๙. สพฺพนีลิกาทิปฎิเกฺขปกถา • 149. Sabbanīlikādipaṭikkhepakathā
