| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
148. д̣̇иг̇ун̣аад̣̇иубааханабадигкзбо
148. Diguṇādiupāhanapaṭikkhepo
245. ат̇а ко бхаг̇аваа бхигкуу ааманд̇зси – ‘‘звам̣ ко, бхигкавз, гулабуд̇д̇аа ан̃н̃ам̣ б̣яаагаронд̇и, ад̇т̇о жа вуд̇д̇о, ад̇д̇аа жа анубанийд̇о. ат̇а жа, банид̇хзгажжз могхабурисаа хасамаанагам̣, ман̃н̃з, ан̃н̃ам̣ б̣яаагаронд̇и, д̇з бажчаа вигхаад̇ам̣ аабаж̇ж̇анд̇ий’’д̇и. ат̇а ко бхаг̇аваа ааяасманд̇ам̣ сон̣ам̣ ааманд̇зси – ‘‘д̇вам̣ коси, сон̣а, сукумаало. ануж̇аанаами д̇з, сон̣а, згабалаасигам̣ убаахана’’нд̇и. ‘‘ахам̣ ко, бханд̇з, асийд̇исагадаваахз хиран̃н̃ам̣ охааяа аг̇аарасмаа анаг̇аарияам̣ баб̣б̣аж̇ид̇о, сад̇д̇ахад̇т̇иган̃жа анийгам̣. ат̇аахам̣ бханд̇з згабалаасигам̣ жз убааханам̣ барихариссаами, д̇асса мз бхависсанд̇и вад̇д̇ааро ‘сон̣о гол̣ивисо асийд̇исагадаваахз хиран̃н̃ам̣ охааяа аг̇аарасмаа анаг̇аарияам̣ баб̣б̣аж̇ид̇о, сад̇д̇ахад̇т̇иган̃жа анийгам̣. со д̣̇аанааяам̣ згабалаасигаасу убааханаасу сад̇д̇о’д̇и. сажз бхаг̇аваа бхигкусан̇гхасса ануж̇ааниссад̇и ахамби барибхун̃ж̇иссаами; но жз бхаг̇аваа бхигкусан̇гхасса ануж̇ааниссад̇и, ахамби на барибхун̃ж̇иссаамий’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, згабалаасигам̣ убааханам̣. на, бхигкавз, д̣̇иг̇ун̣аа убааханаа д̇хаарзд̇аб̣б̣аа. на д̇иг̇ун̣аа убааханаа д̇хаарзд̇аб̣б̣аа. на г̇ун̣ан̇г̇ун̣уубааханаа 1 д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадассаа’’д̇и.
245. Atha kho bhagavā bhikkhū āmantesi – ‘‘evaṃ kho, bhikkhave, kulaputtā aññaṃ byākaronti, attho ca vutto, attā ca anupanīto. Atha ca, panidhekacce moghapurisā hasamānakaṃ, maññe, aññaṃ byākaronti, te pacchā vighātaṃ āpajjantī’’ti. Atha kho bhagavā āyasmantaṃ soṇaṃ āmantesi – ‘‘tvaṃ khosi, soṇa, sukhumālo. Anujānāmi te, soṇa, ekapalāsikaṃ upāhana’’nti. ‘‘Ahaṃ kho, bhante, asītisakaṭavāhe hiraññaṃ ohāya agārasmā anagāriyaṃ pabbajito, sattahatthikañca anīkaṃ. Athāhaṃ bhante ekapalāsikaṃ ce upāhanaṃ pariharissāmi, tassa me bhavissanti vattāro ‘soṇo koḷiviso asītisakaṭavāhe hiraññaṃ ohāya agārasmā anagāriyaṃ pabbajito, sattahatthikañca anīkaṃ. So dānāyaṃ ekapalāsikāsu upāhanāsu satto’ti. Sace bhagavā bhikkhusaṅghassa anujānissati ahampi paribhuñjissāmi; no ce bhagavā bhikkhusaṅghassa anujānissati, ahampi na paribhuñjissāmī’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, ekapalāsikaṃ upāhanaṃ. Na, bhikkhave, diguṇā upāhanā dhāretabbā. Na tiguṇā upāhanā dhāretabbā. Na guṇaṅguṇūpāhanā 2 dhāretabbā. Yo dhāreyya, āpatti dukkaṭassā’’ti.
д̣̇иг̇ун̣аад̣̇иубааханабадигкзбо нидтид̇о.
Diguṇādiupāhanapaṭikkhepo niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̣̇иг̇ун̣аад̣̇иубааханабадигкзбагат̇аа • Diguṇādiupāhanapaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇иг̇ун̣аад̣̇иубааханабадигкзбагат̇ааван̣н̣анаа • Diguṇādiupāhanapaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 148. д̣̇иг̇ун̣аад̣̇иубааханабадигкзбагат̇аа • 148. Diguṇādiupāhanapaṭikkhepakathā
