| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੪੮. ਦਿਗੁਣਾਦਿਉਪਾਹਨਪਟਿਕ੍ਖੇਪੋ
148. Diguṇādiupāhanapaṭikkhepo
੨੪੫. ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਏવਂ ਖੋ, ਭਿਕ੍ਖવੇ, ਕੁਲਪੁਤ੍ਤਾ ਅਞ੍ਞਂ ਬ੍ਯਾਕਰੋਨ੍ਤਿ, ਅਤ੍ਥੋ ਚ વੁਤ੍ਤੋ, ਅਤ੍ਤਾ ਚ ਅਨੁਪਨੀਤੋ। ਅਥ ਚ, ਪਨਿਧੇਕਚ੍ਚੇ ਮੋਘਪੁਰਿਸਾ ਹਸਮਾਨਕਂ, ਮਞ੍ਞੇ, ਅਞ੍ਞਂ ਬ੍ਯਾਕਰੋਨ੍ਤਿ, ਤੇ ਪਚ੍ਛਾ વਿਘਾਤਂ ਆਪਜ੍ਜਨ੍ਤੀ’’ਤਿ। ਅਥ ਖੋ ਭਗવਾ ਆਯਸ੍ਮਨ੍ਤਂ ਸੋਣਂ ਆਮਨ੍ਤੇਸਿ – ‘‘ਤ੍વਂ ਖੋਸਿ, ਸੋਣ, ਸੁਖੁਮਾਲੋ। ਅਨੁਜਾਨਾਮਿ ਤੇ, ਸੋਣ, ਏਕਪਲਾਸਿਕਂ ਉਪਾਹਨ’’ਨ੍ਤਿ। ‘‘ਅਹਂ ਖੋ, ਭਨ੍ਤੇ, ਅਸੀਤਿਸਕਟવਾਹੇ ਹਿਰਞ੍ਞਂ ਓਹਾਯ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ, ਸਤ੍ਤਹਤ੍ਥਿਕਞ੍ਚ ਅਨੀਕਂ। ਅਥਾਹਂ ਭਨ੍ਤੇ ਏਕਪਲਾਸਿਕਂ ਚੇ ਉਪਾਹਨਂ ਪਰਿਹਰਿਸ੍ਸਾਮਿ, ਤਸ੍ਸ ਮੇ ਭવਿਸ੍ਸਨ੍ਤਿ વਤ੍ਤਾਰੋ ‘ਸੋਣੋ ਕੋਲ਼ਿવਿਸੋ ਅਸੀਤਿਸਕਟવਾਹੇ ਹਿਰਞ੍ਞਂ ਓਹਾਯ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ, ਸਤ੍ਤਹਤ੍ਥਿਕਞ੍ਚ ਅਨੀਕਂ। ਸੋ ਦਾਨਾਯਂ ਏਕਪਲਾਸਿਕਾਸੁ ਉਪਾਹਨਾਸੁ ਸਤ੍ਤੋ’ਤਿ। ਸਚੇ ਭਗવਾ ਭਿਕ੍ਖੁਸਙ੍ਘਸ੍ਸ ਅਨੁਜਾਨਿਸ੍ਸਤਿ ਅਹਮ੍ਪਿ ਪਰਿਭੁਞ੍ਜਿਸ੍ਸਾਮਿ; ਨੋ ਚੇ ਭਗવਾ ਭਿਕ੍ਖੁਸਙ੍ਘਸ੍ਸ ਅਨੁਜਾਨਿਸ੍ਸਤਿ, ਅਹਮ੍ਪਿ ਨ ਪਰਿਭੁਞ੍ਜਿਸ੍ਸਾਮੀ’’ਤਿ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਏਕਪਲਾਸਿਕਂ ਉਪਾਹਨਂ। ਨ, ਭਿਕ੍ਖવੇ, ਦਿਗੁਣਾ ਉਪਾਹਨਾ ਧਾਰੇਤਬ੍ਬਾ। ਨ ਤਿਗੁਣਾ ਉਪਾਹਨਾ ਧਾਰੇਤਬ੍ਬਾ। ਨ ਗੁਣਙ੍ਗੁਣੂਪਾਹਨਾ 1 ਧਾਰੇਤਬ੍ਬਾ। ਯੋ ਧਾਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
245. Atha kho bhagavā bhikkhū āmantesi – ‘‘evaṃ kho, bhikkhave, kulaputtā aññaṃ byākaronti, attho ca vutto, attā ca anupanīto. Atha ca, panidhekacce moghapurisā hasamānakaṃ, maññe, aññaṃ byākaronti, te pacchā vighātaṃ āpajjantī’’ti. Atha kho bhagavā āyasmantaṃ soṇaṃ āmantesi – ‘‘tvaṃ khosi, soṇa, sukhumālo. Anujānāmi te, soṇa, ekapalāsikaṃ upāhana’’nti. ‘‘Ahaṃ kho, bhante, asītisakaṭavāhe hiraññaṃ ohāya agārasmā anagāriyaṃ pabbajito, sattahatthikañca anīkaṃ. Athāhaṃ bhante ekapalāsikaṃ ce upāhanaṃ pariharissāmi, tassa me bhavissanti vattāro ‘soṇo koḷiviso asītisakaṭavāhe hiraññaṃ ohāya agārasmā anagāriyaṃ pabbajito, sattahatthikañca anīkaṃ. So dānāyaṃ ekapalāsikāsu upāhanāsu satto’ti. Sace bhagavā bhikkhusaṅghassa anujānissati ahampi paribhuñjissāmi; no ce bhagavā bhikkhusaṅghassa anujānissati, ahampi na paribhuñjissāmī’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, ekapalāsikaṃ upāhanaṃ. Na, bhikkhave, diguṇā upāhanā dhāretabbā. Na tiguṇā upāhanā dhāretabbā. Na guṇaṅguṇūpāhanā 2 dhāretabbā. Yo dhāreyya, āpatti dukkaṭassā’’ti.
ਦਿਗੁਣਾਦਿਉਪਾਹਨਪਟਿਕ੍ਖੇਪੋ ਨਿਟ੍ਠਿਤੋ।
Diguṇādiupāhanapaṭikkhepo niṭṭhito.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਦਿਗੁਣਾਦਿਉਪਾਹਨਪਟਿਕ੍ਖੇਪਕਥਾ • Diguṇādiupāhanapaṭikkhepakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦਿਗੁਣਾਦਿਉਪਾਹਨਪਟਿਕ੍ਖੇਪਕਥਾવਣ੍ਣਨਾ • Diguṇādiupāhanapaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੮. ਦਿਗੁਣਾਦਿਉਪਾਹਨਪਟਿਕ੍ਖੇਪਕਥਾ • 148. Diguṇādiupāhanapaṭikkhepakathā
