| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
3. д̣̇ийбан̇гараб̣уд̣̇д̇хавам̣саван̣н̣анаа
3. Dīpaṅkarabuddhavaṃsavaṇṇanā
рамманаг̇араваасиноби д̇з убаасагаа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа буна бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ маалааг̇анд̇хаад̣̇ийхи бууж̇зд̇ваа ванд̣̇ид̇ваа д̣̇аанаанумод̣̇анам̣ сод̇угаамаа убанисийд̣̇им̣су. ат̇а сад̇т̇аа д̇зсам̣ барамамад̇хурам̣ хад̣̇аяан̇г̇амам̣ д̣̇аанаанумод̣̇анамагааси –
Rammanagaravāsinopi te upāsakā buddhappamukhassa bhikkhusaṅghassa mahādānaṃ datvā puna bhagavantaṃ bhuttāviṃ onītapattapāṇiṃ mālāgandhādīhi pūjetvā vanditvā dānānumodanaṃ sotukāmā upanisīdiṃsu. Atha satthā tesaṃ paramamadhuraṃ hadayaṅgamaṃ dānānumodanamakāsi –
‘‘д̣̇аанам̣ наама сукаад̣̇ийнам̣, нид̣̇аанам̣ барамам̣ мад̇ам̣;
‘‘Dānaṃ nāma sukhādīnaṃ, nidānaṃ paramaṃ mataṃ;
ниб̣б̣аанам̣ бана собаанам̣, бад̇идтаад̇и бавужжад̇и.
Nibbānaṃ pana sopānaṃ, patiṭṭhāti pavuccati.
‘‘д̣̇аанам̣ д̇аан̣ам̣ мануссаанам̣, д̣̇аанам̣ б̣анд̇ху барааяанам̣;
‘‘Dānaṃ tāṇaṃ manussānaṃ, dānaṃ bandhu parāyanaṃ;
д̣̇аанам̣ д̣̇угкаад̇хибаннаанам̣, сад̇д̇аанам̣ барамаа г̇ад̇и.
Dānaṃ dukkhādhipannānaṃ, sattānaṃ paramā gati.
‘‘д̣̇угканид̇т̇аран̣адтзна , д̣̇аанам̣ нааваад̇и д̣̇ийбид̇ам̣;
‘‘Dukkhanittharaṇaṭṭhena , dānaṃ nāvāti dīpitaṃ;
бхаяарагкан̣ад̇о д̣̇аанам̣, наг̇аранд̇и жа ван̣н̣ид̇ам̣.
Bhayarakkhaṇato dānaṃ, nagaranti ca vaṇṇitaṃ.
‘‘д̣̇аанам̣ д̣̇ураасад̣̇адтзна, вуд̇д̇амаасивисод̇и жа;
‘‘Dānaṃ durāsadaṭṭhena, vuttamāsivisoti ca;
д̣̇аанам̣ лобхамалаад̣̇ийхи, бад̣̇умам̣ анубалид̇д̇ад̇о.
Dānaṃ lobhamalādīhi, padumaṃ anupalittato.
‘‘над̇т̇и д̣̇аанасамо логз, бурисасса авассаяо;
‘‘Natthi dānasamo loke, purisassa avassayo;
бадибаж̇ж̇ат̇а д̇асмаа д̇ам̣, гирияааж̇жхаасаязна жа.
Paṭipajjatha tasmā taṃ, kiriyājjhāsayena ca.
‘‘саг̇г̇алоганид̣̇аанаани, д̣̇аанаани мад̇имаа ид̇ха;
‘‘Saggalokanidānāni, dānāni matimā idha;
го хи наама наро логз, на д̣̇ад̣̇зяяа хид̇з рад̇о.
Ko hi nāma naro loke, na dadeyya hite rato.
‘‘суд̇ваа д̣̇звзсу самбад̇д̇им̣, го наро д̣̇аанасамбхавам̣;
‘‘Sutvā devesu sampattiṃ, ko naro dānasambhavaṃ;
на д̣̇аж̇ж̇аа сукаббад̣̇ам̣ д̣̇аанам̣, д̣̇аанам̣ жид̇д̇аббамод̣̇анам̣.
Na dajjā sukhappadaṃ dānaṃ, dānaṃ cittappamodanaṃ.
‘‘д̣̇аанзна бадибаннзна, ажчараабариваарид̇о;
‘‘Dānena paṭipannena, accharāparivārito;
рамад̇з сужирам̣ гаалам̣, нанд̣̇анз сурананд̣̇анз.
Ramate suciraṃ kālaṃ, nandane suranandane.
‘‘бийд̇имул̣аарам̣ винд̣̇ад̇и д̣̇аад̇аа, г̇ааравамасмим̣ г̇ажчад̇и логз;
‘‘Pītimuḷāraṃ vindati dātā, gāravamasmiṃ gacchati loke;
гид̇д̇имананд̇ам̣ яаад̇и жа д̣̇аад̇аа, виссасанийяо ход̇и жа д̣̇аад̇аа.
Kittimanantaṃ yāti ca dātā, vissasanīyo hoti ca dātā.
‘‘д̣̇ад̇ваа д̣̇аанам̣ яаад̇и наро со, бхог̇асамид̣̇д̇хим̣ д̣̇ийгхан̃жааяу;
‘‘Datvā dānaṃ yāti naro so, bhogasamiddhiṃ dīghañcāyu;
суссарад̇амби жа винд̣̇ад̇и руубам̣, саг̇г̇з сад̣̇д̇хим̣ гийл̣ад̇и д̣̇звзхи;
Sussaratampi ca vindati rūpaṃ, sagge saddhiṃ kīḷati devehi;
вимаанзсу тад̇ваа наанаа, мад̇д̇амаяуураабхируд̇зсу.
Vimānesu ṭhatvā nānā, mattamayūrābhirutesu.
‘‘жораарирааж̇од̣̇агабаавагаанам̣, д̇ханам̣ асаад̇хааран̣амзва д̣̇аанам̣;
‘‘Corārirājodakapāvakānaṃ, dhanaṃ asādhāraṇameva dānaṃ;
д̣̇ад̣̇аад̇и д̇ам̣ сааваган̃аан̣абхуумим̣, бажжзгабхуумим̣ бана б̣уд̣̇д̇хабхууми’’нд̇и. –
Dadāti taṃ sāvakañāṇabhūmiṃ, paccekabhūmiṃ pana buddhabhūmi’’nti. –
звамаад̣̇инаа наязна д̣̇аанаанумод̣̇анам̣ гад̇ваа д̣̇аанаанисам̣сам̣ багаасзд̇ваа д̇ад̣̇ананд̇арам̣ сийлагат̇ам̣ гат̇зси. сийлам̣ наамзд̇ам̣ ид̇халогабаралогасамбад̇д̇ийнам̣ муулам̣.
Evamādinā nayena dānānumodanaṃ katvā dānānisaṃsaṃ pakāsetvā tadanantaraṃ sīlakathaṃ kathesi. Sīlaṃ nāmetaṃ idhalokaparalokasampattīnaṃ mūlaṃ.
‘‘сийлам̣ сукаанам̣ барамам̣ нид̣̇аанам̣, сийлзна сийлий д̇ид̣̇ивам̣ баяаад̇и;
‘‘Sīlaṃ sukhānaṃ paramaṃ nidānaṃ, sīlena sīlī tidivaṃ payāti;
сийлан̃хи сам̣саарамубааг̇ад̇асса, д̇аан̣ан̃жа лзн̣ан̃жа барааяанан̃жа.
Sīlañhi saṃsāramupāgatassa, tāṇañca leṇañca parāyanañca.
‘‘авассаяо сийласамо ж̇анаанам̣, гуд̇о банан̃н̃о ид̇ха ваа барад̇т̇а;
‘‘Avassayo sīlasamo janānaṃ, kuto panañño idha vā parattha;
сийлам̣ г̇ун̣аанам̣ барамаа бад̇идтаа, яат̇аа д̇хараа т̇аавараж̇ан̇г̇амаанам̣.
Sīlaṃ guṇānaṃ paramā patiṭṭhā, yathā dharā thāvarajaṅgamānaṃ.
‘‘сийлам̣ гирзва галяаан̣ам̣, сийлам̣ логз ануд̇д̇арам̣;
‘‘Sīlaṃ kireva kalyāṇaṃ, sīlaṃ loke anuttaraṃ;
арияавуд̇д̇исамаажааро, язна вужжад̇и сийлаваа’’. (ж̇аа. 1.3.118);
Ariyavuttisamācāro, yena vuccati sīlavā’’. (jā. 1.3.118);
сийлаалан̇гаарасамо алан̇гааро над̇т̇и, сийлаг̇анд̇хасамо г̇анд̇хо над̇т̇и, сийласамам̣ гилзсамалависод̇ханам̣ над̇т̇и, сийласамам̣ барил̣аахуубасамам̣ над̇т̇и, сийласамам̣ гид̇д̇иж̇ананам̣ над̇т̇и, сийласамам̣ саг̇г̇аарохан̣асобаанам̣ над̇т̇и, ниб̣б̣аананаг̇араббавзсанз жа сийласамам̣ д̣̇ваарам̣ над̇т̇и. яат̇ааха –
Sīlālaṅkārasamo alaṅkāro natthi, sīlagandhasamo gandho natthi, sīlasamaṃ kilesamalavisodhanaṃ natthi, sīlasamaṃ pariḷāhūpasamaṃ natthi, sīlasamaṃ kittijananaṃ natthi, sīlasamaṃ saggārohaṇasopānaṃ natthi, nibbānanagarappavesane ca sīlasamaṃ dvāraṃ natthi. Yathāha –
‘‘собханд̇звам̣ на рааж̇аано, муд̇д̇ааман̣ивибхуусид̇аа;
‘‘Sobhantevaṃ na rājāno, muttāmaṇivibhūsitā;
яат̇аа собханд̇и яад̇ино, сийлабхуусанабхуусид̇аа.
Yathā sobhanti yatino, sīlabhūsanabhūsitā.
‘‘сийлаг̇анд̇хасамо г̇анд̇хо, гуд̇о наама бхависсад̇и;
‘‘Sīlagandhasamo gandho, kuto nāma bhavissati;
яо самам̣ ануваад̇з жа, бадиваад̇з жа вааяад̇и. (висуд̣̇д̇хи. 1.9);
Yo samaṃ anuvāte ca, paṭivāte ca vāyati. (visuddhi. 1.9);
‘‘на бубпаг̇анд̇хо бадиваад̇амзд̇и, на жанд̣̇анам̣ д̇аг̇г̇арамаллигаа ваа;
‘‘Na pupphagandho paṭivātameti, na candanaṃ taggaramallikā vā;
сад̇ан̃жа г̇анд̇хо бадиваад̇амзд̇и, саб̣б̣аа д̣̇исаа саббурисо бавааяад̇и.
Satañca gandho paṭivātameti, sabbā disā sappuriso pavāyati.
‘‘жанд̣̇анам̣ д̇аг̇арам̣ вааби, уббалам̣ ат̇а вассигий;
‘‘Candanaṃ tagaraṃ vāpi, uppalaṃ atha vassikī;
зд̇зсам̣ г̇анд̇хаж̇аад̇аанам̣, сийлаг̇анд̇хо ануд̇д̇аро. (д̇ха. ба. 54-55; ми. ба. 5.4.1);
Etesaṃ gandhajātānaṃ, sīlagandho anuttaro. (dha. pa. 54-55; mi. pa. 5.4.1);
‘‘на г̇ан̇г̇аа яамунаа жааби, сарабхуу ваа сарасвад̇ий;
‘‘Na gaṅgā yamunā cāpi, sarabhū vā sarasvatī;
ниннаг̇аа ваажиравад̇ий, махий вааби махаанад̣̇ий.
Ninnagā vāciravatī, mahī vāpi mahānadī.
‘‘саггун̣анд̇и висод̇хзд̇ум̣, д̇ам̣ малам̣ ид̇ха баан̣инам̣;
‘‘Sakkuṇanti visodhetuṃ, taṃ malaṃ idha pāṇinaṃ;
висод̇хаяад̇и сад̇д̇аанам̣, яам̣ вз сийлаж̇алам̣ малам̣.
Visodhayati sattānaṃ, yaṃ ve sīlajalaṃ malaṃ.
‘‘на д̇ам̣ саж̇алад̣̇аа ваад̇аа, на жааби харижанд̣̇анам̣;
‘‘Na taṃ sajaladā vātā, na cāpi haricandanaṃ;
нзва хаараа на ман̣аяо, на жанд̣̇агиран̣ан̇гураа.
Neva hārā na maṇayo, na candakiraṇaṅkurā.
‘‘самаяанд̇ийд̇ха сад̇д̇аанам̣, барил̣аахам̣ сурагкид̇ам̣;
‘‘Samayantīdha sattānaṃ, pariḷāhaṃ surakkhitaṃ;
яам̣ самзд̇и ид̣̇ам̣ арияам̣, сийлам̣ ажжанд̇асийд̇алам̣.
Yaṃ sameti idaṃ ariyaṃ, sīlaṃ accantasītalaṃ.
‘‘ад̇д̇аануваад̣̇аад̣̇ибхаяам̣, вид̣̇д̇хам̣саяад̇и саб̣б̣ад̣̇аа;
‘‘Attānuvādādibhayaṃ, viddhaṃsayati sabbadā;
ж̇анзд̇и гид̇д̇ихаасан̃жа, сийлам̣ сийлавад̇о сад̣̇аа.
Janeti kittihāsañca, sīlaṃ sīlavato sadā.
‘‘саг̇г̇аарохан̣асобаанам̣, ан̃н̃ам̣ сийласамам̣ гуд̇о;
‘‘Saggārohaṇasopānaṃ, aññaṃ sīlasamaṃ kuto;
д̣̇ваарам̣ ваа бана ниб̣б̣аана, наг̇арасса бавзсанз.
Dvāraṃ vā pana nibbāna, nagarassa pavesane.
‘‘г̇ун̣аанам̣ муулабхууд̇асса, д̣̇осаанам̣ б̣алагхаад̇ино;
‘‘Guṇānaṃ mūlabhūtassa, dosānaṃ balaghātino;
ид̇и сийласса ж̇аанаат̇а, аанисам̣самануд̇д̇ара’’нд̇и. (висуд̣̇д̇хи. 1.9);
Iti sīlassa jānātha, ānisaṃsamanuttara’’nti. (visuddhi. 1.9);
звам̣ бхаг̇аваа сийлаанисам̣сам̣ д̣̇ассзд̇ваа – ‘‘ид̣̇ам̣ бана сийлам̣ ниссааяа аяам̣ саг̇г̇о лабхад̇ий’’д̇и д̣̇ассанад̇т̇ам̣ д̇ад̣̇ананд̇арам̣ саг̇г̇агат̇ам̣ гат̇зси. аяам̣ саг̇г̇о наама идто ганд̇о манаабо зганд̇асуко нижжамзд̇т̇а гийл̣аа нижжам̣ самбад̇д̇ияо лабханд̇и. жаад̇умахаарааж̇игаа д̣̇зваа навуд̇ивассасад̇асахассаани д̣̇иб̣б̣асукам̣ д̣̇иб̣б̣асамбад̇д̇им̣ бадилабханд̇и. д̇аавад̇им̣саа д̇иссо вассагодияо садти жа вассасад̇асахассаанийд̇и звамаад̣̇исаг̇г̇аг̇ун̣абадисам̣яуд̇д̇агат̇ам̣ гат̇зси. звам̣ саг̇г̇агат̇ааяа балобхзд̇ваа буна – ‘‘аяамби саг̇г̇о анижжо ад̇хуво на д̇ад̇т̇а чанд̣̇арааг̇о гаад̇аб̣б̣о’’д̇и гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сан̃жа багаасзд̇ваа амад̇абарияосаанам̣ д̇хаммагат̇ам̣ гат̇зси. звам̣ д̇асса махааж̇анасса д̇хаммам̣ д̣̇зсзд̇ваа згажжз саран̣зсу жа згажжз бан̃жасийлзсу жа згажжз сод̇аабад̇д̇ипалз жа згажжз сагад̣̇ааг̇аамипалз згажжз анааг̇аамипалз згажжз жад̇уусуби палзсу згажжз д̇ийсу виж̇ж̇аасу згажжз часу абхин̃н̃аасу згажжз адтасу самаабад̇д̇ийсу бад̇идтаабзд̇ваа удтааяаасанаа рамманаг̇арад̇о нигкамид̇ваа суд̣̇ассанамахаавихаарамзва баависи. д̇зна вуд̇д̇ам̣ –
Evaṃ bhagavā sīlānisaṃsaṃ dassetvā – ‘‘idaṃ pana sīlaṃ nissāya ayaṃ saggo labhatī’’ti dassanatthaṃ tadanantaraṃ saggakathaṃ kathesi. Ayaṃ saggo nāma iṭṭho kanto manāpo ekantasukho niccamettha kīḷā niccaṃ sampattiyo labhanti. Cātumahārājikā devā navutivassasatasahassāni dibbasukhaṃ dibbasampattiṃ paṭilabhanti. Tāvatiṃsā tisso vassakoṭiyo saṭṭhi ca vassasatasahassānīti evamādisaggaguṇapaṭisaṃyuttakathaṃ kathesi. Evaṃ saggakathāya palobhetvā puna – ‘‘ayampi saggo anicco adhuvo na tattha chandarāgo kātabbo’’ti kāmānaṃ ādīnavaṃ okāraṃ saṃkilesaṃ nekkhamme ānisaṃsañca pakāsetvā amatapariyosānaṃ dhammakathaṃ kathesi. Evaṃ tassa mahājanassa dhammaṃ desetvā ekacce saraṇesu ca ekacce pañcasīlesu ca ekacce sotāpattiphale ca ekacce sakadāgāmiphale ekacce anāgāmiphale ekacce catūsupi phalesu ekacce tīsu vijjāsu ekacce chasu abhiññāsu ekacce aṭṭhasu samāpattīsu patiṭṭhāpetvā uṭṭhāyāsanā rammanagarato nikkhamitvā sudassanamahāvihārameva pāvisi. Tena vuttaṃ –
1.
1.
‘‘д̇ад̣̇аа д̇з бхож̇аяид̇ваана, сасан̇гхам̣ логанааяагам̣;
‘‘Tadā te bhojayitvāna, sasaṅghaṃ lokanāyakaṃ;
убаг̇ажчум̣ саран̣ам̣ д̇асса, д̣̇ийбан̇гарасса сад̇т̇уно.
Upagacchuṃ saraṇaṃ tassa, dīpaṅkarassa satthuno.
2.
2.
‘‘саран̣ааг̇аманз ган̃жи, нивзсзд̇и д̇ат̇ааг̇ад̇о;
‘‘Saraṇāgamane kañci, niveseti tathāgato;
ган̃жи бан̃жасу сийлзсу, сийлз д̣̇асавид̇хз барам̣.
Kañci pañcasu sīlesu, sīle dasavidhe paraṃ.
3.
3.
‘‘гассажи д̣̇зд̇и сааман̃н̃ам̣, жад̇уро паламуд̇д̇амз;
‘‘Kassaci deti sāmaññaṃ, caturo phalamuttame;
гассажи асамз д̇хаммз, д̣̇зд̇и со бадисамбхид̣̇аа.
Kassaci asame dhamme, deti so paṭisambhidā.
4.
4.
‘‘гассажи варасамаабад̇д̇ияо, адта д̣̇зд̇и нараасабхо;
‘‘Kassaci varasamāpattiyo, aṭṭha deti narāsabho;
д̇иссо гассажи виж̇ж̇ааяо, чал̣абхин̃н̃аа бавзжчад̇и.
Tisso kassaci vijjāyo, chaḷabhiññā pavecchati.
5.
5.
‘‘д̇зна яог̇зна ж̇анагааяам̣, овад̣̇ад̇и махаамуни;
‘‘Tena yogena janakāyaṃ, ovadati mahāmuni;
д̇зна вид̇т̇ааригам̣ ааси, логанаат̇асса саасанам̣.
Tena vitthārikaṃ āsi, lokanāthassa sāsanaṃ.
6.
6.
‘‘махааханусабхагканд̇хо , д̣̇ийбан̇гарасанаамаго;
‘‘Mahāhanusabhakkhandho , dīpaṅkarasanāmako;
б̣ахуу ж̇анз д̇аараяад̇и, бариможзд̇и д̣̇уг̇г̇ад̇им̣.
Bahū jane tārayati, parimoceti duggatiṃ.
7.
7.
‘‘б̣од̇ханзяяам̣ ж̇анам̣ д̣̇исваа, сад̇асахассзби яож̇анз;
‘‘Bodhaneyyaṃ janaṃ disvā, satasahassepi yojane;
кан̣зна убаг̇анд̇ваана, б̣од̇хзд̇и д̇ам̣ махаамуний’’д̇и.
Khaṇena upagantvāna, bodheti taṃ mahāmunī’’ti.
д̇ад̇т̇а д̇зд̇и рамманаг̇араваасино убаасагаа. саран̣анд̇и зд̇т̇а саран̣ам̣ саран̣аг̇аманам̣ саран̣асса г̇анд̇аа жа взд̣̇ид̇аб̣б̣аа. сарад̇и хим̣сад̇и винаасзд̇ийд̇и саран̣ам̣, гим̣ д̇ам̣? рад̇анад̇д̇аяам̣. д̇ам̣ бана саран̣аг̇ад̇аанам̣ д̇знзва саран̣аг̇аманзна бхаяам̣ санд̇аасам̣ д̣̇угкам̣ д̣̇уг̇г̇ад̇им̣ бариггилзсам̣ ханад̇и хим̣сад̇и винаасзд̇ийд̇и саран̣анд̇и вужжад̇ийд̇и. вуд̇д̇ан̃хзд̇ам̣ –
Tattha teti rammanagaravāsino upāsakā. Saraṇanti ettha saraṇaṃ saraṇagamanaṃ saraṇassa gantā ca veditabbā. Sarati hiṃsati vināsetīti saraṇaṃ, kiṃ taṃ? Ratanattayaṃ. Taṃ pana saraṇagatānaṃ teneva saraṇagamanena bhayaṃ santāsaṃ dukkhaṃ duggatiṃ parikkilesaṃ hanati hiṃsati vināsetīti saraṇanti vuccatīti. Vuttañhetaṃ –
‘‘яз гзжи б̣уд̣̇д̇хам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;
‘‘Ye keci buddhaṃ saraṇaṃ gatāse, na te gamissanti apāyabhūmiṃ;
бахааяа маанусам̣ д̣̇зхам̣, д̣̇звагааяам̣ барибуурзссанд̇и. (д̣̇ий. ни. 2.332; сам̣. ни. 1.37);
Pahāya mānusaṃ dehaṃ, devakāyaṃ paripūressanti. (dī. ni. 2.332; saṃ. ni. 1.37);
‘‘яз гзжи д̇хаммам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;
‘‘Ye keci dhammaṃ saraṇaṃ gatāse, na te gamissanti apāyabhūmiṃ;
бахааяа маанусам̣ д̣̇зхам̣, д̣̇звагааяам̣ барибуурзссанд̇и. (д̣̇ий. ни. 2.332; сам̣. ни. 1.37);
Pahāya mānusaṃ dehaṃ, devakāyaṃ paripūressanti. (dī. ni. 2.332; saṃ. ni. 1.37);
‘‘яз гзжи сан̇гхам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;
‘‘Ye keci saṅghaṃ saraṇaṃ gatāse, na te gamissanti apāyabhūmiṃ;
бахааяа маанусам̣ д̣̇зхам̣, д̣̇звагааяам̣ барибуурзссанд̇ий’’д̇и. (д̣̇ий. ни. 2.332; сам̣. ни. 1.37);
Pahāya mānusaṃ dehaṃ, devakāyaṃ paripūressantī’’ti. (dī. ni. 2.332; saṃ. ni. 1.37);
саран̣аг̇аманам̣ наама рад̇анад̇д̇аяабарааяанаагаараббавад̇д̇о жид̇д̇уббаад̣̇о. саран̣асса г̇анд̇аа наама д̇ам̣саман̇г̇ийбуг̇г̇ало. звам̣ д̇аава саран̣ам̣ саран̣аг̇аманам̣ саран̣асса г̇анд̇аа жаад̇и ид̣̇ам̣ д̇аяам̣ взд̣̇ид̇аб̣б̣ам̣.
Saraṇagamanaṃ nāma ratanattayaparāyanākārappavatto cittuppādo. Saraṇassa gantā nāma taṃsamaṅgīpuggalo. Evaṃ tāva saraṇaṃ saraṇagamanaṃ saraṇassa gantā cāti idaṃ tayaṃ veditabbaṃ.
д̇ассаад̇и д̇ам̣ д̣̇ийбан̇гарам̣, убаяог̇ад̇т̇з саамиважанам̣ д̣̇адтаб̣б̣ам̣. ‘‘убаг̇ажчум̣ саран̣ам̣ д̇ад̇т̇аа’’д̇иби баато. сад̇т̇унод̇и сад̇т̇аарам̣. саран̣ааг̇аманз ган̃жийд̇и ган̃жи буг̇г̇алам̣ саран̣аг̇аманз нивзсзд̇ийд̇и ад̇т̇о. гин̃жааби бажжуббаннавасзна вуд̇д̇ам̣, ад̇ийд̇агаалавасзна бана ад̇т̇о г̇ахзд̇аб̣б̣о. зса наяо сзсзсуби. ‘‘гассажи саран̣ааг̇аманз’’д̇иби баато, д̇ассаби соязвад̇т̇о. ган̃жи бан̃жасу сийлзсууд̇и ган̃жи буг̇г̇алам̣ бан̃жасу вирад̇исийлзсу нивзсзсийд̇и ад̇т̇о. ‘‘гассажи бан̃жасу сийлзсуу’’д̇иби баато, соязвад̇т̇о. сийлз д̣̇асавид̇хз баранд̇и абарам̣ буг̇г̇алам̣ д̣̇асавид̇хз сийлз нивзсзсийд̇и ад̇т̇о. ‘‘гассажи гусалз д̣̇асаа’’д̇иби баато, д̇асса ган̃жи буг̇г̇алам̣ д̣̇аса гусалад̇хаммз самаад̣̇абзсийд̇и ад̇т̇о. гассажи д̣̇зд̇и сааман̃н̃анд̇и зд̇т̇а барамад̇т̇ад̇о сааман̃н̃анд̇и маг̇г̇о вужжад̇и. яат̇ааха –
Tassāti taṃ dīpaṅkaraṃ, upayogatthe sāmivacanaṃ daṭṭhabbaṃ. ‘‘Upagacchuṃ saraṇaṃ tatthā’’tipi pāṭho. Satthunoti satthāraṃ. Saraṇāgamane kañcīti kañci puggalaṃ saraṇagamane nivesetīti attho. Kiñcāpi paccuppannavasena vuttaṃ, atītakālavasena pana attho gahetabbo. Esa nayo sesesupi. ‘‘Kassaci saraṇāgamane’’tipi pāṭho, tassapi soyevattho. Kañci pañcasu sīlesūti kañci puggalaṃ pañcasu viratisīlesu nivesesīti attho. ‘‘Kassaci pañcasu sīlesū’’tipi pāṭho, soyevattho. Sīle dasavidhe paranti aparaṃ puggalaṃ dasavidhe sīle nivesesīti attho. ‘‘Kassaci kusale dasā’’tipi pāṭho, tassa kañci puggalaṃ dasa kusaladhamme samādapesīti attho. Kassaci deti sāmaññanti ettha paramatthato sāmaññanti maggo vuccati. Yathāha –
‘‘гад̇аман̃жа, бхигкавз, сааман̃н̃ам̣? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи. ид̣̇ам̣ вужжад̇и, бхигкавз, сааман̃н̃а’’нд̇и (сам̣. ни. 5.36).
‘‘Katamañca, bhikkhave, sāmaññaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, sāmañña’’nti (saṃ. ni. 5.36).
жад̇уро паламуд̇д̇амзд̇и жад̇д̇аари уд̇д̇амаани палаанийд̇и ад̇т̇о. ма-гааро бад̣̇асанд̇хигаро. лин̇г̇авибарияаасзна вуд̇д̇ам̣. яат̇обаниссаяам̣ жад̇д̇ааро маг̇г̇з жад̇д̇аари жа сааман̃н̃апалаани гассажи ад̣̇аасийд̇и ад̇т̇о. гассажи асамз д̇хаммзд̇и гассажи асад̣̇исз жад̇д̇ааро бадисамбхид̣̇аад̇хаммз ад̣̇ааси.
Caturo phalamuttameti cattāri uttamāni phalānīti attho. Ma-kāro padasandhikaro. Liṅgavipariyāsena vuttaṃ. Yathopanissayaṃ cattāro magge cattāri ca sāmaññaphalāni kassaci adāsīti attho. Kassaci asame dhammeti kassaci asadise cattāro paṭisambhidādhamme adāsi.
гассажи варасамаабад̇д̇ияод̇и гассажи бана нийваран̣авиг̇амзна бад̇хаанабхууд̇аа адта самаабад̇д̇ияо ад̣̇ааси. д̇иссо гассажи виж̇ж̇ааяод̇и гассажи буг̇г̇аласса убаниссаяавасзна д̣̇иб̣б̣ажагкун̃аан̣абуб̣б̣зниваасаануссад̇ин̃аан̣ааасавагкаяан̃аан̣аанам̣ васзна д̇иссо виж̇ж̇ааяо. чал̣абхин̃н̃аа бавзжчад̇ийд̇и ча абхин̃н̃ааяо гассажи ад̣̇ааси.
Kassaci varasamāpattiyoti kassaci pana nīvaraṇavigamena padhānabhūtā aṭṭha samāpattiyo adāsi. Tisso kassaci vijjāyoti kassaci puggalassa upanissayavasena dibbacakkhuñāṇapubbenivāsānussatiñāṇaāsavakkhayañāṇānaṃ vasena tisso vijjāyo. Chaḷabhiññā pavecchatīti cha abhiññāyo kassaci adāsi.
д̇зна яог̇знаад̇и д̇зна наязна д̇знаануггамзна жа. ж̇анагааяанд̇и ж̇анасамуухам̣. овад̣̇ад̇ийд̇и овад̣̇и. гаалавибарияаасзна вуд̇д̇анд̇и взд̣̇ид̇аб̣б̣ам̣. ид̇о убариби ийд̣̇исзсу важанзсу ад̇ийд̇агаалавасзнзва ад̇т̇о г̇ахзд̇аб̣б̣о . д̇зна вид̇т̇ааригам̣ аасийд̇и д̇зна д̣̇ийбан̇гарасса бхаг̇авад̇о оваад̣̇зна анусаасанияаа вид̇т̇ааригам̣ вид̇т̇ад̇ам̣ висаалийбхууд̇ам̣ саасанам̣ ахоси.
Tena yogenāti tena nayena tenānukkamena ca. Janakāyanti janasamūhaṃ. Ovadatīti ovadi. Kālavipariyāsena vuttanti veditabbaṃ. Ito uparipi īdisesu vacanesu atītakālavaseneva attho gahetabbo . Tena vitthārikaṃ āsīti tena dīpaṅkarassa bhagavato ovādena anusāsaniyā vitthārikaṃ vitthataṃ visālībhūtaṃ sāsanaṃ ahosi.
махааханууд̇и махаабурисаанам̣ гира д̣̇взби ханууни барибун̣н̣аани д̣̇ваад̣̇асияаа багкасса жанд̣̇асад̣̇исаагаараани хонд̇ийд̇и маханд̇аани ханууни яасса со махаахану, сийхаханууд̇и вуд̇д̇ам̣ ход̇и. усабхагканд̇ход̇и усабхассзва канд̇хо яасса бхавад̇и, со усабхагканд̇хо. суваддид̇асуван̣н̣аалин̇г̇асад̣̇исаружирагканд̇хо самаваддажааругканд̇ход̇и ад̇т̇о. д̣̇ийбан̇гарасанаамагод̇и д̣̇ийбан̇гарасанаамо . б̣ахуу ж̇анз д̇аараяад̇ийд̇и б̣ахуу б̣уд̣̇д̇хавзнзяяз ж̇анз д̇аарзси. бариможзд̇ийд̇и бариможзси. д̣̇уг̇г̇ад̇инд̇и д̣̇уг̇г̇ад̇ид̇о. ниссаггад̇т̇з убаяог̇аважанам̣.
Mahāhanūti mahāpurisānaṃ kira dvepi hanūni paripuṇṇāni dvādasiyā pakkhassa candasadisākārāni hontīti mahantāni hanūni yassa so mahāhanu, sīhahanūti vuttaṃ hoti. Usabhakkhandhoti usabhasseva khandho yassa bhavati, so usabhakkhandho. Suvaṭṭitasuvaṇṇāliṅgasadisarucirakkhandho samavaṭṭacārukkhandhoti attho. Dīpaṅkarasanāmakoti dīpaṅkarasanāmo . Bahū jane tārayatīti bahū buddhaveneyye jane tāresi. Parimocetīti parimocesi. Duggatinti duggatito. Nissakkatthe upayogavacanaṃ.
ид̣̇аани д̇ааран̣абариможанагаран̣аагаарад̣̇ассанад̇т̇ам̣ ‘‘б̣од̇ханзяяам̣ ж̇ана’’нд̇и г̇аат̇аа вуд̇д̇аа. д̇ад̇т̇а б̣од̇ханзяяам̣ ж̇ананд̇и б̣од̇ханзяяам̣ баж̇ам̣, аяамзва ваа баато. д̣̇исваад̇и б̣уд̣̇д̇хажагкунаа ваа саманд̇ажагкунаа ваа д̣̇исваа. сад̇асахассзби яож̇анзд̇и анзгасад̇асахассзби яож̇анз тид̇ам̣. ид̣̇ам̣ бана д̣̇асасахассияам̣язва санд̇хааяа вуд̇д̇анд̇и д̣̇адтаб̣б̣ам̣.
Idāni tāraṇaparimocanakaraṇākāradassanatthaṃ ‘‘bodhaneyyaṃ jana’’nti gāthā vuttā. Tattha bodhaneyyaṃ jananti bodhaneyyaṃ pajaṃ, ayameva vā pāṭho. Disvāti buddhacakkhunā vā samantacakkhunā vā disvā. Satasahassepi yojaneti anekasatasahassepi yojane ṭhitaṃ. Idaṃ pana dasasahassiyaṃyeva sandhāya vuttanti daṭṭhabbaṃ.
д̣̇ийбан̇гаро гира сад̇т̇аа б̣уд̣̇д̇хад̇д̇ам̣ бад̇ваа б̣од̇химуулз сад̇д̇асад̇д̇аахам̣ вийд̇инаамзд̇ваа адтамз сад̇д̇аахз махааб̣рахмуно д̇хаммаж̇жхзсанам̣ бадин̃н̃ааяа сунанд̣̇аараамз д̇хаммажаггам̣ бавад̇д̇зд̇ваа годисад̇ам̣ д̣̇звамануссаанам̣ д̇хаммаамад̇ам̣ бааязси. аяам̣ батамо абхисамаяо ахоси.
Dīpaṅkaro kira satthā buddhattaṃ patvā bodhimūle sattasattāhaṃ vītināmetvā aṭṭhame sattāhe mahābrahmuno dhammajjhesanaṃ paṭiññāya sunandārāme dhammacakkaṃ pavattetvā koṭisataṃ devamanussānaṃ dhammāmataṃ pāyesi. Ayaṃ paṭhamo abhisamayo ahosi.
ат̇а сад̇т̇аа ад̇д̇ано буд̇д̇асса самаваддагканд̇хасса усабхагканд̇хасса наама н̃аан̣абарибаагам̣ н̃ад̇ваа д̇ам̣ ад̇раж̇ам̣ бамукам̣ гад̇ваа раахуловаад̣̇асад̣̇исам̣ д̇хаммам̣ д̣̇зсзд̇ваа д̣̇звамануссаанам̣ навуд̇игодияо д̇хаммаамад̇ам̣ бааязси. аяам̣ д̣̇уд̇ияо абхисамаяо ахоси.
Atha satthā attano puttassa samavaṭṭakkhandhassa usabhakkhandhassa nāma ñāṇaparipākaṃ ñatvā taṃ atrajaṃ pamukhaṃ katvā rāhulovādasadisaṃ dhammaṃ desetvā devamanussānaṃ navutikoṭiyo dhammāmataṃ pāyesi. Ayaṃ dutiyo abhisamayo ahosi.
буна бхаг̇аваа амаравад̇ийнаг̇арад̣̇ваарз махаасирийсаругкамуулз яамагабаадихаарияам̣ гад̇ваа махааж̇анасса б̣анд̇ханаамогкам̣ гад̇ваа д̣̇зваг̇ан̣абаривуд̇о д̣̇ивасагараад̇ирзгаж̇уд̇ивисарабхаванз д̇аавад̇им̣сабхаванз баарижчад̇д̇агамуулз барамасийд̇алз бан̣д̣угамб̣аласилаад̇алз нисийд̣̇ид̇ваа саб̣б̣ад̣̇зваг̇ан̣абийд̇исан̃ж̇ананим̣ ад̇д̇ано ж̇ананим̣ сумзд̇хаад̣̇звим̣ бамукам̣ гад̇ваа саб̣б̣алогавид̣̇ид̇ависуд̣̇д̇хид̣̇зво д̣̇звад̣̇зво д̣̇ийбан̇гаро бхаг̇аваа саб̣б̣асад̇д̇ахид̇агарам̣ барамаад̇ирзгаг̇амбхийрасукумам̣ б̣уд̣̇д̇хивисад̣̇агарам̣ сад̇д̇аббагаран̣ам̣ абхид̇хаммабидагам̣ д̣̇зсзд̇ваа навуд̇ид̣̇звагодисахассаанам̣ д̇хаммаамад̇ам̣ бааязси. аяам̣ д̇ад̇ияо абхисамаяо ахоси. д̇зна вуд̇д̇ам̣ –
Puna bhagavā amaravatīnagaradvāre mahāsirīsarukkhamūle yamakapāṭihāriyaṃ katvā mahājanassa bandhanāmokkhaṃ katvā devagaṇaparivuto divasakarātirekajutivisarabhavane tāvatiṃsabhavane pāricchattakamūle paramasītale paṇḍukambalasilātale nisīditvā sabbadevagaṇapītisañjananiṃ attano jananiṃ sumedhādeviṃ pamukhaṃ katvā sabbalokaviditavisuddhidevo devadevo dīpaṅkaro bhagavā sabbasattahitakaraṃ paramātirekagambhīrasukhumaṃ buddhivisadakaraṃ sattappakaraṇaṃ abhidhammapiṭakaṃ desetvā navutidevakoṭisahassānaṃ dhammāmataṃ pāyesi. Ayaṃ tatiyo abhisamayo ahosi. Tena vuttaṃ –
8.
8.
‘‘батамаабхисамаяз б̣уд̣̇д̇хо, годисад̇амаб̣од̇хаяи;
‘‘Paṭhamābhisamaye buddho, koṭisatamabodhayi;
д̣̇уд̇ияаабхисамаяз наат̇о, навуд̇игодимаб̣од̇хаяи.
Dutiyābhisamaye nātho, navutikoṭimabodhayi.
9.
9.
‘‘яад̣̇аа жа д̣̇звабхаванамхи, б̣уд̣̇д̇хо д̇хаммамад̣̇зсаяи;
‘‘Yadā ca devabhavanamhi, buddho dhammamadesayi;
навуд̇игодисахассаанам̣, д̇ад̇ияаабхисамаяо ахуу’’д̇и.
Navutikoṭisahassānaṃ, tatiyābhisamayo ahū’’ti.
д̣̇ийбан̇гарасса бана бхаг̇авад̇о д̇аяо саавагасаннибаад̇аа ахзсум̣. д̇ад̇т̇а сунанд̣̇аараамз годисад̇асахассаанам̣ батамо саннибаад̇о ахоси. д̇зна вуд̇д̇ам̣ –
Dīpaṅkarassa pana bhagavato tayo sāvakasannipātā ahesuṃ. Tattha sunandārāme koṭisatasahassānaṃ paṭhamo sannipāto ahosi. Tena vuttaṃ –
10.
10.
‘‘саннибаад̇аа д̇аяо аасум̣, д̣̇ийбан̇гарасса сад̇т̇уно;
‘‘Sannipātā tayo āsuṃ, dīpaṅkarassa satthuno;
годисад̇асахассаанам̣, батамо ааси самааг̇амо’’д̇и.
Koṭisatasahassānaṃ, paṭhamo āsi samāgamo’’ti.
ат̇аабарзна самаязна д̣̇асаб̣ало жад̇уухи бхигкусад̇асахассзхи баривуд̇о г̇ааманиг̇аманаг̇арабадибаадияаа махааж̇анаануг̇г̇ахам̣ гаронд̇о жааригам̣ жарамаано ануггамзна згасмим̣ бад̣̇зсз махааж̇анагад̇асаггаарам̣ саб̣б̣алогависсуд̇ам̣ амануссабариг̇г̇ахид̇ам̣ ад̇ибхаяаанагам̣ оламб̣аамб̣уд̇харабарижумб̣ид̇агуудам̣ вивид̇хасурабхид̇аругусумаваасид̇агуудам̣ наанаамиг̇аг̇ан̣авижарид̇агуудам̣ наарад̣̇агуудам̣ наама барамараман̣ийяам̣ баб̣б̣ад̇ам̣ самбаабун̣и. со гира баб̣б̣ад̇о наарад̣̇зна наама яагкзна бариг̇г̇ахид̇о ахоси. д̇ад̇т̇а бана д̇асса яагкасса анусам̣важчарам̣ махааж̇ано мануссаб̣алим̣ убасам̣харад̇и.
Athāparena samayena dasabalo catūhi bhikkhusatasahassehi parivuto gāmanigamanagarapaṭipāṭiyā mahājanānuggahaṃ karonto cārikaṃ caramāno anukkamena ekasmiṃ padese mahājanakatasakkāraṃ sabbalokavissutaṃ amanussapariggahitaṃ atibhayānakaṃ olambāmbudharaparicumbitakūṭaṃ vividhasurabhitarukusumavāsitakūṭaṃ nānāmigagaṇavicaritakūṭaṃ nāradakūṭaṃ nāma paramaramaṇīyaṃ pabbataṃ sampāpuṇi. So kira pabbato nāradena nāma yakkhena pariggahito ahosi. Tattha pana tassa yakkhassa anusaṃvaccharaṃ mahājano manussabaliṃ upasaṃharati.
ат̇а д̣̇ийбан̇гаро гира бхаг̇аваа д̇асса махааж̇анасса убаниссаяасамбад̇д̇им̣ д̣̇исваа д̇ад̇о бхигкусан̇гхам̣ жаад̇уд̣̇д̣̇исам̣ бзсзд̇ваа ад̣̇уд̇ияо асахааяо махаагарун̣ааб̣алавасан̇г̇ад̇ахад̣̇аяо д̇ан̃жа яагкам̣ винзд̇ум̣ д̇ам̣ наарад̣̇абаб̣б̣ад̇ам̣ абхирухи. ат̇а со мануссабхагко сагахид̇анирабзгко баравад̇хад̣̇агко яагко магкам̣ асахамаано год̇хабарзд̇амаанасо д̣̇асаб̣алам̣ бхим̣саабзд̇ваа балаабзд̇угаамо д̇ам̣ баб̣б̣ад̇ам̣ жаалзси. со гира баб̣б̣ад̇о д̇зна жаалияамаано бхаг̇авад̇о аанубхаавзна д̇ассзва мад̇т̇агз бад̇амаано вияа ахоси.
Atha dīpaṅkaro kira bhagavā tassa mahājanassa upanissayasampattiṃ disvā tato bhikkhusaṅghaṃ cātuddisaṃ pesetvā adutiyo asahāyo mahākaruṇābalavasaṅgatahadayo tañca yakkhaṃ vinetuṃ taṃ nāradapabbataṃ abhiruhi. Atha so manussabhakkho sakahitanirapekkho paravadhadakkho yakkho makkhaṃ asahamāno kodhaparetamānaso dasabalaṃ bhiṃsāpetvā palāpetukāmo taṃ pabbataṃ cālesi. So kira pabbato tena cāliyamāno bhagavato ānubhāvena tasseva matthake patamāno viya ahosi.
д̇ад̇о со бхийд̇о – ‘‘ханд̣̇а нам̣ аг̇г̇инаа жхаабзссаамий’’д̇и маханд̇ам̣ ад̇ибхиймад̣̇ассанам̣ аг̇г̇игканд̇хам̣ ниб̣б̣ад̇д̇зси. со аг̇г̇игканд̇хо бадиваад̇з кид̇д̇о вияа ад̇д̇анова д̣̇угкам̣ ж̇анзси, на бана бхаг̇авад̇о жийварз ам̣сумад̇д̇амби д̣̇ад̣дхум̣ самад̇т̇о ахоси. яагко бана ‘‘саман̣о д̣̇ад̣дхо, на д̣̇ад̣дхо’’д̇и ологзнд̇о д̣̇асаб̣алам̣ сарад̣̇асамаяавималагаранигарам̣ саб̣б̣аж̇анарад̇игарам̣ раж̇анигарамива сийд̇алаж̇алад̇алаг̇ад̇агамалаган̣н̣игааяа нисиннам̣ вияа бхаг̇аванд̇ам̣ д̣̇исваа жинд̇зси – ‘‘ахо аяам̣ саман̣о махаанубхааво, яам̣ яам̣ имассаахам̣ анад̇т̇ам̣ гароми, со со мамуубариязва бад̇ад̇и, имам̣ бана саман̣ам̣ мун̃жид̇ваа ан̃н̃ам̣ мз бадисаран̣ам̣ барааяанам̣ над̇т̇и, бат̇авияам̣ убагкалид̇аа бат̇авим̣язва ниссааяа удтаханд̇и, ханд̣̇аахам̣ имам̣язва саман̣ам̣ саран̣ам̣ г̇амиссаамий’’д̇и.
Tato so bhīto – ‘‘handa naṃ agginā jhāpessāmī’’ti mahantaṃ atibhīmadassanaṃ aggikkhandhaṃ nibbattesi. So aggikkhandho paṭivāte khitto viya attanova dukkhaṃ janesi, na pana bhagavato cīvare aṃsumattampi daḍḍhuṃ samattho ahosi. Yakkho pana ‘‘samaṇo daḍḍho, na daḍḍho’’ti olokento dasabalaṃ saradasamayavimalakaranikaraṃ sabbajanaratikaraṃ rajanikaramiva sītalajalatalagatakamalakaṇṇikāya nisinnaṃ viya bhagavantaṃ disvā cintesi – ‘‘aho ayaṃ samaṇo mahānubhāvo, yaṃ yaṃ imassāhaṃ anatthaṃ karomi, so so mamūpariyeva patati, imaṃ pana samaṇaṃ muñcitvā aññaṃ me paṭisaraṇaṃ parāyanaṃ natthi, pathaviyaṃ upakkhalitā pathaviṃyeva nissāya uṭṭhahanti, handāhaṃ imaṃyeva samaṇaṃ saraṇaṃ gamissāmī’’ti.
ат̇звам̣ бана со жинд̇зд̇ваа бхаг̇авад̇о жаггаалан̇гад̇ад̇алзсу баад̣̇зсу сирасаа нибад̇ид̇ваа – ‘‘ажжаяо мам̣, бханд̇з, ажжаг̇амаа’’д̇и вад̇ваа бхаг̇аванд̇ам̣ саран̣амаг̇амааси. ат̇асса бхаг̇аваа анубуб̣б̣игат̇ам̣ гат̇зси. со д̣̇зсанаабарияосаанз д̣̇асахи яагкасахассзхи сад̣̇д̇хим̣ сод̇аабад̇д̇ипалз бад̇идтахи. д̇асмим̣ гира д̣̇ивасз сагалаж̇амб̣уд̣̇ийбад̇алаваасино мануссаа д̇асса б̣алигаммад̇т̇ам̣ згзгаг̇аамад̇о згзгам̣ бурисам̣ аахарим̣су. ан̃н̃ан̃жа б̣ахуд̇илад̇ан̣д̣улагулад̇т̇амуг̇г̇амаасаад̣̇им̣ саббинаванийд̇ад̇зламад̇хупаан̣ид̇аад̣̇ин̃жа аахарим̣су. ат̇а со яагко д̇ам̣ д̣̇ивасам̣ аабхад̇ад̇ан̣д̣улаад̣̇игам̣ саб̣б̣ам̣ д̇зсам̣язва д̣̇ад̇ваа д̇з б̣алигаммад̇т̇ааяа аанийд̇амануссз д̣̇асаб̣аласса нияяаад̇зси.
Athevaṃ pana so cintetvā bhagavato cakkālaṅkatatalesu pādesu sirasā nipatitvā – ‘‘accayo maṃ, bhante, accagamā’’ti vatvā bhagavantaṃ saraṇamagamāsi. Athassa bhagavā anupubbikathaṃ kathesi. So desanāpariyosāne dasahi yakkhasahassehi saddhiṃ sotāpattiphale patiṭṭhahi. Tasmiṃ kira divase sakalajambudīpatalavāsino manussā tassa balikammatthaṃ ekekagāmato ekekaṃ purisaṃ āhariṃsu. Aññañca bahutilataṇḍulakulatthamuggamāsādiṃ sappinavanītatelamadhuphāṇitādiñca āhariṃsu. Atha so yakkho taṃ divasaṃ ābhatataṇḍulādikaṃ sabbaṃ tesaṃyeva datvā te balikammatthāya ānītamanusse dasabalassa niyyātesi.
ат̇а сад̇т̇аа д̇з мануссз зхибхигкубаб̣б̣аж̇ж̇ааяа баб̣б̣ааж̇зд̇ваа анд̇осад̇д̇аахзязва саб̣б̣з арахад̇д̇з бад̇идтаабзд̇ваа маагхабун̣н̣амааяа годисад̇абхигкумаж̇жхаг̇ад̇о жад̇уран̇г̇асаманнааг̇ад̇з саннибаад̇з баад̇имогкамуд̣̇д̣̇иси. жад̇уран̇г̇аани наама саб̣б̣зва зхибхигкуу хонд̇и, саб̣б̣з чал̣абхин̃н̃аа хонд̇и, саб̣б̣з анааманд̇ид̇аава ааг̇ад̇аа, баннарасуубосат̇ад̣̇ивасо жаад̇и имаани жад̇д̇аари ан̇г̇аани наама. аяам̣ д̣̇уд̇ияо саннибаад̇о ахоси. д̇зна вуд̇д̇ам̣ –
Atha satthā te manusse ehibhikkhupabbajjāya pabbājetvā antosattāheyeva sabbe arahatte patiṭṭhāpetvā māghapuṇṇamāya koṭisatabhikkhumajjhagato caturaṅgasamannāgate sannipāte pātimokkhamuddisi. Caturaṅgāni nāma sabbeva ehibhikkhū honti, sabbe chaḷabhiññā honti, sabbe anāmantitāva āgatā, pannarasūposathadivaso cāti imāni cattāri aṅgāni nāma. Ayaṃ dutiyo sannipāto ahosi. Tena vuttaṃ –
11.
11.
‘‘буна наарад̣̇агуудамхи, бавивзгаг̇ад̇з ж̇инз;
‘‘Puna nāradakūṭamhi, pavivekagate jine;
кийн̣аасаваа вийд̇амалаа, самим̣су сад̇агодияо’’д̇и.
Khīṇāsavā vītamalā, samiṃsu satakoṭiyo’’ti.
д̇ад̇т̇а бавивзгаг̇ад̇зд̇и г̇ан̣ам̣ бахааяа г̇ад̇з. самим̣сууд̇и саннибад̇им̣су.
Tattha pavivekagateti gaṇaṃ pahāya gate. Samiṃsūti sannipatiṃsu.
яад̣̇аа бана д̣̇ийбан̇гаро логанааяаго суд̣̇ассананаамагз баб̣б̣ад̇з вассааваасамубаг̇ан̃чи, д̇ад̣̇аа гира ж̇амб̣уд̣̇ийбаваасино мануссаа анусам̣важчарам̣ г̇ираг̇г̇асамаж̇ж̇ам̣ гаронд̇и. д̇асмим̣ гира самаж̇ж̇з саннибад̇ид̇аа мануссаа д̣̇асаб̣алам̣ д̣̇исваа д̇хаммагат̇ам̣ суд̇ваа д̇ад̇ра басийд̣̇ид̇ваа баб̣б̣аж̇им̣су. махаабавааран̣ад̣̇ивасз сад̇т̇аа д̇зсам̣ аж̇жхаасаяаанугуулам̣ вибассанаагат̇ам̣ гат̇зси. д̇ам̣ суд̇ваа д̇з саб̣б̣з сан̇каарз саммасид̇ваа вибассанаанубуб̣б̣зна маг̇г̇аанубуб̣б̣зна жа арахад̇д̇ам̣ баабун̣им̣су. ат̇а сад̇т̇аа навуд̇игодисахассзхи сад̣̇д̇хим̣ баваарзси. аяам̣ д̇ад̇ияо саннибаад̇о ахоси. д̇зна вуд̇д̇ам̣ –
Yadā pana dīpaṅkaro lokanāyako sudassananāmake pabbate vassāvāsamupagañchi, tadā kira jambudīpavāsino manussā anusaṃvaccharaṃ giraggasamajjaṃ karonti. Tasmiṃ kira samajje sannipatitā manussā dasabalaṃ disvā dhammakathaṃ sutvā tatra pasīditvā pabbajiṃsu. Mahāpavāraṇadivase satthā tesaṃ ajjhāsayānukūlaṃ vipassanākathaṃ kathesi. Taṃ sutvā te sabbe saṅkhāre sammasitvā vipassanānupubbena maggānupubbena ca arahattaṃ pāpuṇiṃsu. Atha satthā navutikoṭisahassehi saddhiṃ pavāresi. Ayaṃ tatiyo sannipāto ahosi. Tena vuttaṃ –
12.
12.
‘‘яамхи гаалз махаавийро, суд̣̇ассанасилужжаяз;
‘‘Yamhi kāle mahāvīro, sudassanasiluccaye;
навуд̇игодисахассзхи, баваарзси махаамуни.
Navutikoṭisahassehi, pavāresi mahāmuni.
‘‘ахам̣ д̇зна самаязна, ж̇адило уг̇г̇ад̇аабано;
‘‘Ahaṃ tena samayena, jaṭilo uggatāpano;
анд̇алигкамхи жаран̣о, бан̃жаабхин̃н̃аасу баараг̇уу’’д̇и. (д̇ха. са. адта. нид̣̇аанагат̇аа);
Antalikkhamhi caraṇo, pañcābhiññāsu pāragū’’ti. (dha. sa. aṭṭha. nidānakathā);
аяам̣ г̇аат̇аа адтасаалинияаа д̇хаммасан̇г̇ахадтагат̇ааяа нид̣̇аанаван̣н̣анааяа д̣̇ийбан̇гараб̣уд̣̇д̇хавам̣сз ликид̇аа. имасмим̣ бана б̣уд̣̇д̇хавам̣сз над̇т̇и. над̇т̇ибхаавоязва банассаа яуд̇д̇ад̇аро. гасмаад̇и жз? хздтаа сумзд̇хагат̇аасу гат̇ид̇ад̇д̇аад̇и.
Ayaṃ gāthā aṭṭhasāliniyā dhammasaṅgahaṭṭhakathāya nidānavaṇṇanāya dīpaṅkarabuddhavaṃse likhitā. Imasmiṃ pana buddhavaṃse natthi. Natthibhāvoyeva panassā yuttataro. Kasmāti ce? Heṭṭhā sumedhakathāsu kathitattāti.
д̣̇ийбан̇гарз гира бхаг̇авад̇и д̇хаммам̣ д̣̇зсзнд̇з д̣̇асасахассаанан̃жа вийсад̇исахассаанан̃жа д̇хаммаабхисамаяо ахосиязва. згасса бана д̣̇виннам̣ д̇ин̣н̣ам̣ жад̇уннанд̇и жа аад̣̇ивасзна абхисамаяаанам̣ анд̇о над̇т̇и. д̇асмаа д̣̇ийбан̇гарасса бхаг̇авад̇о саасанам̣ вид̇т̇ааригам̣ б̣аахуж̇ан̃н̃ам̣ ахоси. д̇зна вуд̇д̇ам̣ –
Dīpaṅkare kira bhagavati dhammaṃ desente dasasahassānañca vīsatisahassānañca dhammābhisamayo ahosiyeva. Ekassa pana dvinnaṃ tiṇṇaṃ catunnanti ca ādivasena abhisamayānaṃ anto natthi. Tasmā dīpaṅkarassa bhagavato sāsanaṃ vitthārikaṃ bāhujaññaṃ ahosi. Tena vuttaṃ –
13.
13.
‘‘д̣̇асавийсасахассаанам̣ , д̇хаммаабхисамаяо аху;
‘‘Dasavīsasahassānaṃ , dhammābhisamayo ahu;
згад̣̇виннам̣ абхисамаяаа, г̇ан̣анаад̇о асан̇кияаа’’д̇и.
Ekadvinnaṃ abhisamayā, gaṇanāto asaṅkhiyā’’ti.
д̇ад̇т̇а д̣̇асавийсасахассаананд̇и д̣̇асасахассаанам̣ вийсад̇исахассаанан̃жа. д̇хаммаабхисамаяод̇и жад̇усажжад̇хаммаббадивзд̇хо. згад̣̇виннанд̇и згасса жзва д̣̇виннан̃жа , д̇ин̣н̣ам̣ жад̇уннам̣…бз… д̣̇асаннанд̇иаад̣̇инаа наязна асан̇кязяяаад̇и ад̇т̇о. звам̣ асан̇кязяяаабхисамаяад̇д̇аа жа вид̇т̇ааригам̣ маханд̇аббад̇д̇ам̣ б̣ахуухи бан̣д̣ид̇зхи д̣̇звамануссзхи нияяааниганд̇и ж̇ан̃н̃ам̣ ж̇аанид̇аб̣б̣ам̣ ад̇хисийласигкаад̣̇ийхи ид̣̇д̇хан̃жа самаад̇хиаад̣̇ийхи пийд̇ан̃жа ахоси. д̇зна вуд̇д̇ам̣ –
Tattha dasavīsasahassānanti dasasahassānaṃ vīsatisahassānañca. Dhammābhisamayoti catusaccadhammappaṭivedho. Ekadvinnanti ekassa ceva dvinnañca , tiṇṇaṃ catunnaṃ…pe… dasannantiādinā nayena asaṅkhyeyyāti attho. Evaṃ asaṅkhyeyyābhisamayattā ca vitthārikaṃ mahantappattaṃ bahūhi paṇḍitehi devamanussehi niyyānikanti jaññaṃ jānitabbaṃ adhisīlasikkhādīhi iddhañca samādhiādīhi phītañca ahosi. Tena vuttaṃ –
14.
14.
‘‘вид̇т̇ааригам̣ б̣аахуж̇ан̃н̃ам̣, ид̣̇д̇хам̣ пийд̇ам̣ ахуу д̇ад̣̇аа;
‘‘Vitthārikaṃ bāhujaññaṃ, iddhaṃ phītaṃ ahū tadā;
д̣̇ийбан̇гарасса бхаг̇авад̇о, саасанам̣ сувисод̇хид̇а’’нд̇и.
Dīpaṅkarassa bhagavato, sāsanaṃ suvisodhita’’nti.
д̇ад̇т̇а сувисод̇хид̇анд̇и судту бхаг̇авад̇аа сод̇хид̇ам̣ висуд̣̇д̇хам̣ гад̇ам̣. д̣̇ийбан̇гарам̣ гира сад̇т̇аарам̣ саб̣б̣агаалам̣ чал̣абхин̃н̃аанам̣ махид̣̇д̇хигаанам̣ бхигкуунам̣ жад̇д̇аари сад̇асахассаани бариваарзнд̇и. д̇зна жа самаязна яз сзгкаа гаалагирияам̣ гаронд̇и, д̇з г̇арахид̇аа бхаванд̇и, саб̣б̣з кийн̣аасаваа худ̇ваава бариниб̣б̣ааяанд̇ийд̇и ад̇хиббааяо. д̇асмаа хи д̇асса бхаг̇авад̇о саасанам̣ субубпид̇ам̣ сусамид̣̇д̇хам̣ кийн̣аасавзхи бхигкуухи ад̇ивияа собхид̇т̇а. д̇зна вуд̇д̇ам̣ –
Tattha suvisodhitanti suṭṭhu bhagavatā sodhitaṃ visuddhaṃ kataṃ. Dīpaṅkaraṃ kira satthāraṃ sabbakālaṃ chaḷabhiññānaṃ mahiddhikānaṃ bhikkhūnaṃ cattāri satasahassāni parivārenti. Tena ca samayena ye sekkhā kālakiriyaṃ karonti, te garahitā bhavanti, sabbe khīṇāsavā hutvāva parinibbāyantīti adhippāyo. Tasmā hi tassa bhagavato sāsanaṃ supupphitaṃ susamiddhaṃ khīṇāsavehi bhikkhūhi ativiya sobhittha. Tena vuttaṃ –
15.
15.
‘‘жад̇д̇аари сад̇асахассаани, чал̣абхин̃н̃аа махид̣̇д̇хигаа;
‘‘Cattāri satasahassāni, chaḷabhiññā mahiddhikā;
д̣̇ийбан̇гарам̣ логавид̣̇ум̣, бариваарзнд̇и саб̣б̣ад̣̇аа.
Dīpaṅkaraṃ lokaviduṃ, parivārenti sabbadā.
16.
16.
‘‘яз гзжи д̇зна самаязна, ж̇аханд̇и маанусам̣ бхавам̣;
‘‘Ye keci tena samayena, jahanti mānusaṃ bhavaṃ;
аббад̇д̇амаанасаа сзкаа, г̇арахид̇аа бхаванд̇и д̇з.
Appattamānasā sekhā, garahitā bhavanti te.
17.
17.
‘‘субубпид̇ам̣ бааважанам̣, араханд̇зхи д̇аад̣̇ихи;
‘‘Supupphitaṃ pāvacanaṃ, arahantehi tādihi;
кийн̣аасавзхи вималзхи, убасобхад̇и саб̣б̣ад̣̇аа’’д̇и.
Khīṇāsavehi vimalehi, upasobhati sabbadā’’ti.
д̇ад̇т̇а жад̇д̇аари сад̇асахассаанийд̇и г̇ан̣анааяа д̣̇ассид̇аа звам̣ д̣̇ассид̇аг̇ан̣анаа имз бхигкууд̇и д̣̇ассанад̇т̇ам̣ ‘‘чал̣абхин̃н̃аа махид̣̇д̇хигаа’’д̇и вуд̇д̇анд̇и звамад̇т̇о г̇ахзд̇аб̣б̣о. ат̇а ваа чал̣абхин̃н̃аа махид̣̇д̇хигаад̇и чал̣абхин̃н̃аанам̣ махид̣̇д̇хигаананд̇и саамиад̇т̇з бажжад̇д̇аважанам̣ д̣̇адтаб̣б̣ам̣. бариваарзнд̇и саб̣б̣ад̣̇аад̇и нижжагаалам̣ д̣̇асаб̣алам̣ бариваарзнд̇и, бхаг̇аванд̇ам̣ мун̃жид̇ваа гад̇т̇ажи на г̇ажчанд̇ийд̇и ад̇хиббааяо. д̇зна самаязнаад̇и д̇асмим̣ самаяз. аяам̣ бана самаяа-сад̣̇д̣̇о самавааяаад̣̇ийсу навасу ад̇т̇зсу д̣̇иссад̇и. яат̇ааха –
Tattha cattāri satasahassānīti gaṇanāya dassitā evaṃ dassitagaṇanā ime bhikkhūti dassanatthaṃ ‘‘chaḷabhiññā mahiddhikā’’ti vuttanti evamattho gahetabbo. Atha vā chaḷabhiññā mahiddhikāti chaḷabhiññānaṃ mahiddhikānanti sāmiatthe paccattavacanaṃ daṭṭhabbaṃ. Parivārenti sabbadāti niccakālaṃ dasabalaṃ parivārenti, bhagavantaṃ muñcitvā katthaci na gacchantīti adhippāyo. Tena samayenāti tasmiṃ samaye. Ayaṃ pana samaya-saddo samavāyādīsu navasu atthesu dissati. Yathāha –
‘‘самавааяз кан̣з гаалз, самуухз хзд̇уд̣̇идтису;
‘‘Samavāye khaṇe kāle, samūhe hetudiṭṭhisu;
бадилаабхз бахаанз жа, бадивзд̇хз жа д̣̇иссад̇ий’’д̇и. (д̣̇ий. ни. адта. 1.1; ма. ни. адта. 1.муулабарияааяасуд̇д̇аван̣н̣анаа; сам̣. ни. адта. 1.1.1; а. ни. адта. 1.1.1; д̇ха. са. адта. 1 гаамааважарагусалабад̣̇абхааж̇анийяа; ку. баа. адта. мам̣г̇аласуд̇д̇аван̣н̣анаа, звамижжаад̣̇ибаатаван̣н̣анаа; бади. ма. адта. 2.1.184);
Paṭilābhe pahāne ca, paṭivedhe ca dissatī’’ti. (dī. ni. aṭṭha. 1.1; ma. ni. aṭṭha. 1.mūlapariyāyasuttavaṇṇanā; saṃ. ni. aṭṭha. 1.1.1; a. ni. aṭṭha. 1.1.1; dha. sa. aṭṭha. 1 kāmāvacarakusalapadabhājanīya; khu. pā. aṭṭha. maṃgalasuttavaṇṇanā, evamiccādipāṭhavaṇṇanā; paṭi. ma. aṭṭha. 2.1.184);
ид̇ха со гаалз д̣̇адтаб̣б̣о; д̇асмим̣ гаалзд̇и ад̇т̇о. маанусам̣ бхаванд̇и мануссабхаавам̣. аббад̇д̇амаанасаад̇и аббад̇д̇ам̣ анад̇хиг̇ад̇ам̣ маанасам̣ язхи д̇з аббад̇д̇амаанасаа. маанасанд̇и рааг̇асса жа жид̇д̇асса жа арахад̇д̇асса жа ад̇хиважанам̣. ‘‘анд̇алигкажаро баасо, явааяам̣ жарад̇и маанасо’’д̇и (сам̣. ни. 1.151; махаава. 33) хи зд̇т̇а бана рааг̇о ‘‘маанасо’’д̇и вуд̇д̇о. ‘‘жид̇д̇ам̣ мано маанасам̣ хад̣̇аяам̣ бан̣д̣ара’’нд̇и (д̇ха. са. 6; вибха. 184; махаани. 1; жуул̣ани. баарааяанаануг̇ийд̇иг̇аат̇аанид̣̇д̣̇зса 114) зд̇т̇а жид̇д̇ам̣. ‘‘аббад̇д̇амаанасо сзко, гаалам̣ гаяираа ж̇анзсуд̇аа’’д̇и (сам̣. ни. 1.159) зд̇т̇а арахад̇д̇ам̣. ид̇хааби арахад̇д̇амзва ад̇хиббзд̇ам̣ (д̇ха. са. адта. 5 гаамааважарагусаланид̣̇д̣̇зсаваарагат̇аа; махаани. адта. 1). д̇асмаа аббад̇д̇аарахад̇д̇апалаад̇и ад̇т̇о. сзкаад̇и гзнадтзна сзкаа? сзкад̇хаммабадилаабхадтзна сзкаа. вуд̇д̇ан̃хзд̇ам̣ – ‘‘гид̇д̇аавад̇аа ну ко, бханд̇з, сзко ход̇ийд̇и? ид̇ха, бхигкавз, бхигку сзкааяа саммаад̣̇идтияаа саманнааг̇ад̇о ход̇и…бз… сзкзна саммаасамаад̇хинаа саманнааг̇ад̇о ход̇и. зд̇д̇аавад̇аа ко, бхигкавз, бхигку сзко ход̇ий’’д̇и (сам̣. ни. 5.13). аби жа сигканд̇ийд̇и сзкаа. вуд̇д̇ан̃хзд̇ам̣ – ‘‘сигкад̇и, сигкад̇ийд̇и ко, бхигку, д̇асмаа сзкод̇и вужжад̇и. гин̃жа сигкад̇и? ад̇хисийламби сигкад̇и ад̇хижид̇д̇амби ад̇хибан̃н̃амби сигкад̇ийд̇и ко, бхигку, д̇асмаа сзкод̇и вужжад̇ий’’д̇и (а. ни. 3.86).
Idha so kāle daṭṭhabbo; tasmiṃ kāleti attho. Mānusaṃ bhavanti manussabhāvaṃ. Appattamānasāti appattaṃ anadhigataṃ mānasaṃ yehi te appattamānasā. Mānasanti rāgassa ca cittassa ca arahattassa ca adhivacanaṃ. ‘‘Antalikkhacaro pāso, yvāyaṃ carati mānaso’’ti (saṃ. ni. 1.151; mahāva. 33) hi ettha pana rāgo ‘‘mānaso’’ti vutto. ‘‘Cittaṃ mano mānasaṃ hadayaṃ paṇḍara’’nti (dha. sa. 6; vibha. 184; mahāni. 1; cūḷani. pārāyanānugītigāthāniddesa 114) ettha cittaṃ. ‘‘Appattamānaso sekho, kālaṃ kayirā janesutā’’ti (saṃ. ni. 1.159) ettha arahattaṃ. Idhāpi arahattameva adhippetaṃ (dha. sa. aṭṭha. 5 kāmāvacarakusalaniddesavārakathā; mahāni. aṭṭha. 1). Tasmā appattaarahattaphalāti attho. Sekhāti kenaṭṭhena sekhā? Sekhadhammapaṭilābhaṭṭhena sekhā. Vuttañhetaṃ – ‘‘kittāvatā nu kho, bhante, sekho hotīti? Idha, bhikkhave, bhikkhu sekhāya sammādiṭṭhiyā samannāgato hoti…pe… sekhena sammāsamādhinā samannāgato hoti. Ettāvatā kho, bhikkhave, bhikkhu sekho hotī’’ti (saṃ. ni. 5.13). Api ca sikkhantīti sekhā. Vuttañhetaṃ – ‘‘sikkhati, sikkhatīti kho, bhikkhu, tasmā sekhoti vuccati. Kiñca sikkhati? Adhisīlampi sikkhati adhicittampi adhipaññampi sikkhatīti kho, bhikkhu, tasmā sekhoti vuccatī’’ti (a. ni. 3.86).
субубпид̇анд̇и судту вигасид̇ам̣. бааважананд̇и басад̇т̇ам̣ важанам̣, вуд̣̇д̇хиббад̇д̇ам̣ ваа важанам̣ баважанам̣, баважанамзва бааважанам̣, саасананд̇и ад̇т̇о. убасобхад̇ийд̇и абхирааж̇ад̇и ад̇ивирожад̇и. саб̣б̣ад̣̇аад̇и саб̣б̣агаалам̣. ‘‘убасобхад̇и сад̣̇звагз’’д̇иби баато.
Supupphitanti suṭṭhu vikasitaṃ. Pāvacananti pasatthaṃ vacanaṃ, vuddhippattaṃ vā vacanaṃ pavacanaṃ, pavacanameva pāvacanaṃ, sāsananti attho. Upasobhatīti abhirājati ativirocati. Sabbadāti sabbakālaṃ. ‘‘Upasobhati sadevake’’tipi pāṭho.
д̇асса д̣̇ийбан̇гарасса бхаг̇авад̇о раммавад̇ий наама наг̇арам̣ ахоси, суд̣̇зво наама кад̇д̇ияо бид̇аа, сумзд̇хаа наама д̣̇звий маад̇аа, суман̇г̇ало жа д̇иссо жаад̇и д̣̇вз аг̇г̇асаавагаа, сааг̇ад̇о наама убадтааго, нанд̣̇аа жа сунанд̣̇аа жаад̇и д̣̇вз аг̇г̇асаавигаа, б̣од̇хи д̇асса бхаг̇авад̇о бибпалиругко ахоси, асийд̇ихад̇т̇уб̣б̣зд̇хо, сад̇асахассавассаани ааяууд̇и. гим̣ банимзсам̣ ж̇аад̇анаг̇араад̣̇ийнам̣ д̣̇ассанз баяож̇ананд̇и жз? вужжад̇з – яасса яад̣̇и нзва ж̇аад̇анаг̇арам̣ на бид̇аа на маад̇аа бан̃н̃ааязяяа, имасса бана нзва ж̇аад̇анаг̇арам̣ на бид̇аа на маад̇аа бан̃н̃ааяад̇и, д̣̇зво ваа сагго ваа яагко ваа мааро ваа б̣рахмаа ваа зса ман̃н̃з, д̣̇зваанамби ийд̣̇исам̣ баадихаарияам̣ анажчарияанд̇и ман̃н̃амаанаа на сод̇аб̣б̣ам̣ на сад̣̇д̣̇ахид̇аб̣б̣ам̣ ман̃н̃зяяум̣, д̇ад̇о абхисамаяо на бхавзяяа, асад̇и абхисамаяз нирад̇т̇аго б̣уд̣̇д̇хуббаад̣̇о бхавзяяа, анияяаанигам̣ саасанам̣. д̇асмаа саб̣б̣аб̣уд̣̇д̇хаанам̣ ж̇аад̇анаг̇араад̣̇иго барижчзд̣̇о д̣̇ассзд̇аб̣б̣о. д̇зна вуд̇д̇ам̣ –
Tassa dīpaṅkarassa bhagavato rammavatī nāma nagaraṃ ahosi, sudevo nāma khattiyo pitā, sumedhā nāma devī mātā, sumaṅgalo ca tisso cāti dve aggasāvakā, sāgato nāma upaṭṭhāko, nandā ca sunandā cāti dve aggasāvikā, bodhi tassa bhagavato pipphalirukkho ahosi, asītihatthubbedho, satasahassavassāni āyūti. Kiṃ panimesaṃ jātanagarādīnaṃ dassane payojananti ce? Vuccate – yassa yadi neva jātanagaraṃ na pitā na mātā paññāyeyya, imassa pana neva jātanagaraṃ na pitā na mātā paññāyati, devo vā sakko vā yakkho vā māro vā brahmā vā esa maññe, devānampi īdisaṃ pāṭihāriyaṃ anacchariyanti maññamānā na sotabbaṃ na saddahitabbaṃ maññeyyuṃ, tato abhisamayo na bhaveyya, asati abhisamaye niratthako buddhuppādo bhaveyya, aniyyānikaṃ sāsanaṃ. Tasmā sabbabuddhānaṃ jātanagarādiko paricchedo dassetabbo. Tena vuttaṃ –
18.
18.
‘‘наг̇арам̣ раммавад̇ий наама, суд̣̇зво наама кад̇д̇ияо;
‘‘Nagaraṃ rammavatī nāma, sudevo nāma khattiyo;
сумзд̇хаа наама ж̇анигаа, д̣̇ийбан̇гарасса сад̇т̇уно.
Sumedhā nāma janikā, dīpaṅkarassa satthuno.
24.
24.
‘‘суман̇г̇ало жа д̇иссо жа, ахзсум̣ аг̇г̇асаавагаа;
‘‘Sumaṅgalo ca tisso ca, ahesuṃ aggasāvakā;
сааг̇ад̇о наамубадтааго, д̣̇ийбан̇гарасса сад̇т̇уно.
Sāgato nāmupaṭṭhāko, dīpaṅkarassa satthuno.
25.
25.
‘‘нанд̣̇аа жзва сунанд̣̇аа жа, ахзсум̣ аг̇г̇асаавигаа;
‘‘Nandā ceva sunandā ca, ahesuṃ aggasāvikā;
б̣од̇хи д̇асса бхаг̇авад̇о, бибпалийд̇и бавужжад̇и.
Bodhi tassa bhagavato, pipphalīti pavuccati.
27.
27.
‘‘асийд̇ихад̇т̇амуб̣б̣зд̇хо, д̣̇ийбан̇гаро махаамуни;
‘‘Asītihatthamubbedho, dīpaṅkaro mahāmuni;
собхад̇и д̣̇ийбаругкова, сааларааж̇аава пуллид̇о.
Sobhati dīparukkhova, sālarājāva phullito.
28.
28.
‘‘сад̇асахассавассаани, ааяу д̇асса махзсино;
‘‘Satasahassavassāni, āyu tassa mahesino;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
29.
29.
‘‘ж̇од̇аяид̇ваана сад̣̇д̇хаммам̣, санд̇аарзд̇ваа махааж̇анам̣;
‘‘Jotayitvāna saddhammaṃ, santāretvā mahājanaṃ;
ж̇алид̇ваа аг̇г̇игканд̇хова, ниб̣б̣уд̇о со сасааваго.
Jalitvā aggikkhandhova, nibbuto so sasāvako.
30.
30.
‘‘саа жа ид̣̇д̇хи со жа яасо, д̇аани жа баад̣̇зсу жаггарад̇анаани;
‘‘Sā ca iddhi so ca yaso, tāni ca pādesu cakkaratanāni;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а суд̣̇зво наама кад̇д̇ияод̇и суд̣̇зво наамасса кад̇д̇ияо бид̇аа ахосийд̇и ад̇т̇о. ж̇анигаад̇и ж̇анзд̇д̇и. бибпалийд̇и билагкагабийд̇анаругко б̣од̇хи. асийд̇ихад̇т̇амуб̣б̣зд̇ход̇и асийд̇ихад̇т̇ам̣ ужжаг̇г̇ад̇о. д̣̇ийбаругко ваад̇и самбаж̇ж̇алид̇ад̣̇ийбамаалаагуло д̣̇ийбаругко вияа аарохабарин̣аахасан̣таанабаарибуурисамбанно д̣̇вад̇д̇им̣саваралагкан̣аануб̣яан̃ж̇анасамалан̇гад̇асарийро вибпурид̇арам̣сиж̇аалаависарад̇аарааг̇ан̣асамуж̇ж̇аламива г̇аг̇анад̇алам̣ бхаг̇аваа д̇харамаанагаалз собхад̇ийд̇и собхид̇т̇а. сааларааж̇аава пуллид̇од̇и бубпид̇о саб̣б̣апаалипулло сааларааж̇аругко вияа жа саб̣б̣апаалипулло яож̇анасад̇уб̣б̣зд̇хо баарижчад̇д̇о вияа жа асийд̇ихад̇т̇уб̣б̣зд̇хо бхаг̇аваа ад̇ивияа собхад̇и.
Tattha sudevo nāma khattiyoti sudevo nāmassa khattiyo pitā ahosīti attho. Janikāti janetti. Pipphalīti pilakkhakapītanarukkho bodhi. Asītihatthamubbedhoti asītihatthaṃ uccaggato. Dīparukkho vāti sampajjalitadīpamālākulo dīparukkho viya ārohapariṇāhasaṇṭhānapāripūrisampanno dvattiṃsavaralakkhaṇānubyañjanasamalaṅkatasarīro vipphuritaraṃsijālāvisaratārāgaṇasamujjalamiva gaganatalaṃ bhagavā dharamānakāle sobhatīti sobhittha. Sālarājāva phullitoti pupphito sabbaphāliphullo sālarājarukkho viya ca sabbaphāliphullo yojanasatubbedho pāricchatto viya ca asītihatthubbedho bhagavā ativiya sobhati.
сад̇асахассавассаанийд̇и вассасад̇асахассаани д̇асса ааяууд̇и ад̇т̇о. д̇аавад̇аа д̇идтамаанод̇и д̇аавад̇агам̣ гаалам̣ д̇идтамаано. ж̇анад̇анд̇и ж̇анасамуухам̣. санд̇аарзд̇ваа махааж̇ананд̇и д̇аараяид̇ваа махааж̇анам̣. ‘‘санд̇аарзд̇ваа сад̣̇звага’’нд̇иби баато, д̇асса сад̣̇звагам̣ логанд̇и ад̇т̇о. саа жа ид̣̇д̇хийд̇и саа жа самбад̇д̇и аанубхааво. со жа яасод̇и со жа баривааро. саб̣б̣ам̣ д̇аманд̇арахид̇анд̇и д̇ам̣ саб̣б̣ам̣ вуд̇д̇аббагаарам̣ самбад̇д̇иж̇аад̇ам̣ анд̇арахид̇ам̣ абаг̇ад̇анд̇и ад̇т̇о. нану рид̇д̇аа саб̣б̣асан̇каараад̇и саб̣б̣з бана сан̇кад̇ад̇хаммаа нану рид̇д̇аа д̇ужчаа, нижжасаараад̣̇ирахид̇аад̇и ад̇т̇о.
Satasahassavassānīti vassasatasahassāni tassa āyūti attho. Tāvatā tiṭṭhamānoti tāvatakaṃ kālaṃ tiṭṭhamāno. Janatanti janasamūhaṃ. Santāretvā mahājananti tārayitvā mahājanaṃ. ‘‘Santāretvā sadevaka’’ntipi pāṭho, tassa sadevakaṃ lokanti attho. Sā ca iddhīti sā ca sampatti ānubhāvo. So ca yasoti so ca parivāro. Sabbaṃ tamantarahitanti taṃ sabbaṃ vuttappakāraṃ sampattijātaṃ antarahitaṃ apagatanti attho. Nanu rittā sabbasaṅkhārāti sabbe pana saṅkhatadhammā nanu rittā tucchā, niccasārādirahitāti attho.
зд̇т̇а бана наг̇араад̣̇ибарижчзд̣̇о баал̣ияамааг̇ад̇ова. самб̣ахулавааро бана нааг̇ад̇о, со аанзд̇ваа д̣̇ийбзд̇аб̣б̣о. сзяяат̇ид̣̇ам̣ – буд̇д̇абарижчзд̣̇о, бхарияаабарижчзд̣̇о, баасаад̣̇абарижчзд̣̇о, аг̇аараваасабарижчзд̣̇о, наадагид̇т̇ибарижчзд̣̇о, абхинигкаманабарижчзд̣̇о, бад̇хаанабарижчзд̣̇о, вихаарабарижчзд̣̇о, убадтаагабарижчзд̣̇од̇и. зд̇зсамби д̣̇ийбанз гааран̣ам̣ хздтаа вуд̇д̇амзва. д̇асса бана д̣̇ийбан̇гарасса бхарияаанам̣ д̇исад̇асахассам̣ ахоси. д̇асса аг̇г̇амахзсий бад̣̇умаа наама, д̇асса бана буд̇д̇о усабхагканд̇хо наама. д̇зна вуд̇д̇ам̣ –
Ettha pana nagarādiparicchedo pāḷiyamāgatova. Sambahulavāro pana nāgato, so ānetvā dīpetabbo. Seyyathidaṃ – puttaparicchedo, bhariyāparicchedo, pāsādaparicchedo, agāravāsaparicchedo, nāṭakitthiparicchedo, abhinikkhamanaparicchedo, padhānaparicchedo, vihāraparicchedo, upaṭṭhākaparicchedoti. Etesampi dīpane kāraṇaṃ heṭṭhā vuttameva. Tassa pana dīpaṅkarassa bhariyānaṃ tisatasahassaṃ ahosi. Tassa aggamahesī padumā nāma, tassa pana putto usabhakkhandho nāma. Tena vuttaṃ –
‘‘бхарияаа бад̣̇умаа наама, виб̣уд̣̇д̇хабад̣̇умаананаа;
‘‘Bhariyā padumā nāma, vibuddhapadumānanā;
ад̇раж̇о усабхагканд̇хо, д̣̇ийбан̇гарасса сад̇т̇уно.
Atrajo usabhakkhandho, dīpaṅkarassa satthuno.
‘‘хам̣саа гон̃жаа маяуураакяаа, баасаад̣̇ааби д̇аяо мад̇аа;
‘‘Haṃsā koñcā mayūrākhyā, pāsādāpi tayo matā;
д̣̇асавассасахассаани, аг̇аарам̣ авасий гира.
Dasavassasahassāni, agāraṃ avasī kira.
‘‘хад̇т̇ияаанзна нигканд̇о, нанд̣̇аараамз ж̇ино васий;
‘‘Hatthiyānena nikkhanto, nandārāme jino vasī;
нанд̣̇о наамассубадтааго, логаананд̣̇агаро гираа’’д̇и.
Nando nāmassupaṭṭhāko, lokānandakaro kirā’’ti.
саб̣б̣аб̣уд̣̇д̇хаанам̣ бана бан̃жа взмад̇д̇аани хонд̇и ааяувзмад̇д̇ам̣ бамаан̣авзмад̇д̇ам̣ гулавзмад̇д̇ам̣ бад̇хаанавзмад̇д̇ам̣ расмивзмад̇д̇анд̇и. д̇ад̇т̇а ааяувзмад̇д̇ам̣ наама гзжи д̣̇ийгхааяугаа хонд̇и гзжи аббааяугаа. д̇ат̇аа хи д̣̇ийбан̇гарасса бана бхаг̇авад̇о вассасад̇асахассам̣ ааяуббамаан̣ам̣ ахоси, амхаагам̣ бхаг̇авад̇о вассасад̇ам̣.
Sabbabuddhānaṃ pana pañca vemattāni honti āyuvemattaṃ pamāṇavemattaṃ kulavemattaṃ padhānavemattaṃ rasmivemattanti. Tattha āyuvemattaṃ nāma keci dīghāyukā honti keci appāyukā. Tathā hi dīpaṅkarassa pana bhagavato vassasatasahassaṃ āyuppamāṇaṃ ahosi, amhākaṃ bhagavato vassasataṃ.
бамаан̣авзмад̇д̇ам̣ наама гзжи д̣̇ийгхаа хонд̇и гзжи рассаа. д̇ат̇аа хи д̣̇ийбан̇гаро асийд̇ихад̇т̇аббамаан̣о ахоси, амхаагам̣ бана бхаг̇аваа адтаарасахад̇т̇аббамаан̣о.
Pamāṇavemattaṃ nāma keci dīghā honti keci rassā. Tathā hi dīpaṅkaro asītihatthappamāṇo ahosi, amhākaṃ pana bhagavā aṭṭhārasahatthappamāṇo.
гулавзмад̇д̇ам̣ наама гзжи кад̇д̇ияагулз ниб̣б̣ад̇д̇анд̇и гзжи б̣раахман̣агулз. д̇ат̇аа хи д̣̇ийбан̇гараад̣̇аяо кад̇д̇ияагулз ниб̣б̣ад̇д̇им̣су, гагусанд̇хагон̣ааг̇аманаад̣̇аяо б̣раахман̣агулз.
Kulavemattaṃ nāma keci khattiyakule nibbattanti keci brāhmaṇakule. Tathā hi dīpaṅkarādayo khattiyakule nibbattiṃsu, kakusandhakoṇāgamanādayo brāhmaṇakule.
бад̇хаанавзмад̇д̇ам̣ наама гзсан̃жи бад̇хаанам̣ ид̇д̇арамзва ход̇и яат̇аа гассабасса бхаг̇авад̇о , гзсан̃жи ад̣̇д̇ханияам̣ амхаагам̣ бхаг̇авад̇о вияа.
Padhānavemattaṃ nāma kesañci padhānaṃ ittarameva hoti yathā kassapassa bhagavato , kesañci addhaniyaṃ amhākaṃ bhagavato viya.
расмивзмад̇д̇ам̣ наама ман̇г̇аласса бхаг̇авад̇о сарийрасми д̣̇асасахассилогад̇хаад̇ум̣ парид̇ваа адтааси, амхаагам̣ бхаг̇авад̇о б̣яаамамад̇д̇ам̣. д̇ад̇ра расмивзмад̇д̇ам̣ аж̇жхаасаяабадиб̣ад̣̇д̇хам̣ ход̇и. яо яад̇д̇агам̣ ижчаси, д̇асса д̇ад̇д̇агам̣ сарийраббабхаа парад̇и. ман̇г̇аласса бана ‘‘д̣̇асасахассилогад̇хаад̇ум̣ парад̇уу’’д̇и аж̇жхаасаяо ахоси. бадивид̣̇д̇хаг̇ун̣зсу бана гассажи взмад̇д̇ам̣ наама над̇т̇и (д̣̇ий. ни. адта. 2.12 аад̣̇аяо).
Rasmivemattaṃ nāma maṅgalassa bhagavato sarīrasmi dasasahassilokadhātuṃ pharitvā aṭṭhāsi, amhākaṃ bhagavato byāmamattaṃ. Tatra rasmivemattaṃ ajjhāsayapaṭibaddhaṃ hoti. Yo yattakaṃ icchasi, tassa tattakaṃ sarīrappabhā pharati. Maṅgalassa pana ‘‘dasasahassilokadhātuṃ pharatū’’ti ajjhāsayo ahosi. Paṭividdhaguṇesu pana kassaci vemattaṃ nāma natthi (dī. ni. aṭṭha. 2.12 ādayo).
д̇ат̇аа саб̣б̣аб̣уд̣̇д̇хаанам̣ жад̇д̇аари авиж̇ахид̇адтаанаани наама хонд̇и. б̣од̇хибаллан̇го авиж̇ахид̇о згасмим̣язва таанз ход̇и. д̇хаммажаггаббавад̇д̇анадтаанам̣ исибад̇анз миг̇ад̣̇ааяз авиж̇ахид̇амзва ход̇и. д̣̇зворохан̣агаалз сан̇гассанаг̇арад̣̇ваарз батамабаад̣̇аггамо авиж̇ахид̇ова ход̇и. ж̇зд̇аванз г̇анд̇хагудияаа жад̇д̇аари ман̃жабаад̣̇адтаанаани авиж̇ахид̇аанзва хонд̇и. вихаароби авиж̇ахид̇ова. со бана куд̣̇д̣̇аго ваа маханд̇о ваа ход̇и.
Tathā sabbabuddhānaṃ cattāri avijahitaṭṭhānāni nāma honti. Bodhipallaṅko avijahito ekasmiṃyeva ṭhāne hoti. Dhammacakkappavattanaṭṭhānaṃ isipatane migadāye avijahitameva hoti. Devorohaṇakāle saṅkassanagaradvāre paṭhamapādakkamo avijahitova hoti. Jetavane gandhakuṭiyā cattāri mañcapādaṭṭhānāni avijahitāneva honti. Vihāropi avijahitova. So pana khuddako vā mahanto vā hoti.
абарам̣ бана амхаагам̣язва бхаг̇авад̇о сахаж̇аад̇абарижчзд̣̇ан̃жа нагкад̇д̇абарижчзд̣̇ан̃жа висзсам̣. амхаагам̣ саб̣б̣ан̃н̃уб̣од̇хисад̇д̇зна гира сад̣̇д̇хим̣ раахуламаад̇аа аананд̣̇ад̇т̇зро чанно ган̣д̣аго ассарааж̇аа нид̇хигумбхаа махааб̣од̇хиругко гаал̣уд̣̇ааяийд̇и имаани сад̇а сахаж̇аад̇аани. махаабурисо гира уд̇д̇араасаал̣ханагкад̇д̇знзва маад̇угужчим̣ оггами, махаабхинигкаманам̣ нигками , д̇хаммажаггам̣ бавад̇д̇зси, яамагабаадихаарияам̣ агааси. висааканагкад̇д̇зна ж̇аад̇о жа абхисамб̣уд̣̇д̇хо жа бариниб̣б̣уд̇о жа, маагханагкад̇д̇зна д̇асса саавагасаннибаад̇о жзва ааяусан̇кааравосаж̇ж̇анан̃жа ахоси, ассаяуж̇анагкад̇д̇зна д̣̇зворохан̣анд̇и зд̇д̇агам̣ аахарид̇ваа д̣̇ийбзд̇аб̣б̣ам̣. аяам̣ самб̣ахулаваарабарижчзд̣̇о. сзсаг̇аат̇аа сауд̇д̇аанаа зваад̇и.
Aparaṃ pana amhākaṃyeva bhagavato sahajātaparicchedañca nakkhattaparicchedañca visesaṃ. Amhākaṃ sabbaññubodhisattena kira saddhiṃ rāhulamātā ānandatthero channo kaṇḍako assarājā nidhikumbhā mahābodhirukkho kāḷudāyīti imāni sata sahajātāni. Mahāpuriso kira uttarāsāḷhanakkhatteneva mātukucchiṃ okkami, mahābhinikkhamanaṃ nikkhami , dhammacakkaṃ pavattesi, yamakapāṭihāriyaṃ akāsi. Visākhanakkhattena jāto ca abhisambuddho ca parinibbuto ca, māghanakkhattena tassa sāvakasannipāto ceva āyusaṅkhāravosajjanañca ahosi, assayujanakkhattena devorohaṇanti ettakaṃ āharitvā dīpetabbaṃ. Ayaṃ sambahulavāraparicchedo. Sesagāthā sauttānā evāti.
ид̇и бхаг̇аваа д̣̇ийбан̇гаро яаавад̇ааяугам̣ тад̇ваа саб̣б̣аб̣уд̣̇д̇хагижжам̣ гад̇ваа ануггамзна анубаад̣̇исзсааяа ниб̣б̣аанад̇хаад̇уяаа бариниб̣б̣ааяи.
Iti bhagavā dīpaṅkaro yāvatāyukaṃ ṭhatvā sabbabuddhakiccaṃ katvā anukkamena anupādisesāya nibbānadhātuyā parinibbāyi.
яасмим̣ гира габбз д̣̇ийбан̇гарад̣̇асаб̣ало уд̣̇абаад̣̇и, д̇асмим̣ ан̃н̃зби д̇ан̣хан̇гаро, мзд̇хан̇гаро, саран̣ан̇гарод̇и д̇аяо б̣уд̣̇д̇хаа ахзсум̣. д̇зсам̣ санд̇игз б̣од̇хисад̇д̇асса б̣яаагаран̣ам̣ над̇т̇и. д̇асмаа д̇з ид̇ха на д̣̇ассид̇аа. адтагат̇ааяам̣ бана д̇амхаа габбаа аад̣̇ид̇о бадтааяуббаннуббаннз саб̣б̣аб̣уд̣̇д̇хз д̣̇ассзд̇ум̣ ид̣̇ам̣ вуд̇д̇ам̣ –
Yasmiṃ kira kappe dīpaṅkaradasabalo udapādi, tasmiṃ aññepi taṇhaṅkaro, medhaṅkaro, saraṇaṅkaroti tayo buddhā ahesuṃ. Tesaṃ santike bodhisattassa byākaraṇaṃ natthi. Tasmā te idha na dassitā. Aṭṭhakathāyaṃ pana tamhā kappā ādito paṭṭhāyuppannuppanne sabbabuddhe dassetuṃ idaṃ vuttaṃ –
‘‘д̇ан̣хан̇гаро мзд̇хан̇гаро, ат̇оби саран̣ан̇гаро;
‘‘Taṇhaṅkaro medhaṅkaro, athopi saraṇaṅkaro;
д̣̇ийбан̇гаро жа самб̣уд̣̇д̇хо, гон̣д̣ан̃н̃о д̣̇вибад̣̇уд̇д̇амо.
Dīpaṅkaro ca sambuddho, koṇḍañño dvipaduttamo.
‘‘ман̇г̇ало жа сумано жа, рзвад̇о собхид̇о муни;
‘‘Maṅgalo ca sumano ca, revato sobhito muni;
аномад̣̇ассий бад̣̇умо, наарад̣̇о бад̣̇умуд̇д̇аро.
Anomadassī padumo, nārado padumuttaro.
‘‘сумзд̇хо жа суж̇аад̇о жа, бияад̣̇ассий махааяасо;
‘‘Sumedho ca sujāto ca, piyadassī mahāyaso;
ад̇т̇ад̣̇ассий д̇хаммад̣̇ассий, сид̣̇д̇хад̇т̇о логанааяаго.
Atthadassī dhammadassī, siddhattho lokanāyako.
‘‘д̇иссо пуссо жа самб̣уд̣̇д̇хо, вибассий сики взссабхуу;
‘‘Tisso phusso ca sambuddho, vipassī sikhi vessabhū;
гагусанд̇хо гон̣ааг̇амано, гассабо жааби нааяаго.
Kakusandho koṇāgamano, kassapo cāpi nāyako.
‘‘зд̇з ахзсум̣ самб̣уд̣̇д̇хаа, вийд̇арааг̇аа самаахид̇аа;
‘‘Ete ahesuṃ sambuddhā, vītarāgā samāhitā;
сад̇арам̣сийва уббаннаа, махаад̇амавинод̣̇анаа;
Sataraṃsīva uppannā, mahātamavinodanā;
ж̇алид̇ваа аг̇г̇игканд̇хаава, ниб̣б̣уд̇аа д̇з сасаавагаа’’д̇и. (аба. адта. 1.д̣̇уурзнид̣̇аанагат̇аа; жарияаа. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа);
Jalitvā aggikkhandhāva, nibbutā te sasāvakā’’ti. (apa. aṭṭha. 1.dūrenidānakathā; cariyā. aṭṭha. nidānakathā; jā. aṭṭha. 1.dūrenidānakathā);
зд̇д̇аавад̇аа наад̇исан̇кзбавид̇т̇ааравасзна гад̇ааяа
Ettāvatā nātisaṅkhepavitthāravasena katāya
мад̇хурад̇т̇авилаасинияаа б̣уд̣̇д̇хавам̣са-адтагат̇ааяа
Madhuratthavilāsiniyā buddhavaṃsa-aṭṭhakathāya
д̣̇ийбан̇гараб̣уд̣̇д̇хавам̣саван̣н̣анаа нидтид̇аа.
Dīpaṅkarabuddhavaṃsavaṇṇanā niṭṭhitā.
нидтид̇о батамо б̣уд̣̇д̇хавам̣со.
Niṭṭhito paṭhamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 3. д̣̇ийбан̇гараб̣уд̣̇д̇хавам̣со • 3. Dīpaṅkarabuddhavaṃso
