| Library / Tipiṭaka / ತಿಪಿಟಕ • Tipiṭaka / ಬುದ್ಧವಂಸಪಾಳಿ • Buddhavaṃsapāḷi |
೩. ದೀಪಙ್ಕರಬುದ್ಧವಂಸೋ
3. Dīpaṅkarabuddhavaṃso
೧.
1.
ತದಾ ತೇ ಭೋಜಯಿತ್ವಾನ, ಸಸಙ್ಘಂ ಲೋಕನಾಯಕಂ।
Tadā te bhojayitvāna, sasaṅghaṃ lokanāyakaṃ;
ಉಪಗಚ್ಛುಂ ಸರಣಂ ತಸ್ಸ, ದೀಪಙ್ಕರಸ್ಸ ಸತ್ಥುನೋ॥
Upagacchuṃ saraṇaṃ tassa, dīpaṅkarassa satthuno.
೨.
2.
ಸರಣಾಗಮನೇ ಕಞ್ಚಿ, ನಿವೇಸೇಸಿ ತಥಾಗತೋ।
Saraṇāgamane kañci, nivesesi tathāgato;
ಕಞ್ಚಿ ಪಞ್ಚಸು ಸೀಲೇಸು, ಸೀಲೇ ದಸವಿಧೇ ಪರಂ॥
Kañci pañcasu sīlesu, sīle dasavidhe paraṃ.
೩.
3.
ಕಸ್ಸಚಿ ದೇತಿ ಸಾಮಞ್ಞಂ, ಚತುರೋ ಫಲಮುತ್ತಮೇ।
Kassaci deti sāmaññaṃ, caturo phalamuttame;
ಕಸ್ಸಚಿ ಅಸಮೇ ಧಮ್ಮೇ, ದೇತಿ ಸೋ ಪಟಿಸಮ್ಭಿದಾ॥
Kassaci asame dhamme, deti so paṭisambhidā.
೪.
4.
ಕಸ್ಸಚಿ ವರಸಮಾಪತ್ತಿಯೋ, ಅಟ್ಠ ದೇತಿ ನರಾಸಭೋ।
Kassaci varasamāpattiyo, aṭṭha deti narāsabho;
ತಿಸ್ಸೋ ಕಸ್ಸಚಿ ವಿಜ್ಜಾಯೋ, ಛಳಭಿಞ್ಞಾ ಪವೇಚ್ಛತಿ॥
Tisso kassaci vijjāyo, chaḷabhiññā pavecchati.
೫.
5.
ತೇನ ಯೋಗೇನ ಜನಕಾಯಂ, ಓವದತಿ ಮಹಾಮುನಿ।
Tena yogena janakāyaṃ, ovadati mahāmuni;
ತೇನ ವಿತ್ಥಾರಿಕಂ ಆಸಿ, ಲೋಕನಾಥಸ್ಸ ಸಾಸನಂ॥
Tena vitthārikaṃ āsi, lokanāthassa sāsanaṃ.
೬.
6.
ಮಹಾಹನುಸಭಕ್ಖನ್ಧೋ , ದೀಪಙ್ಕರಸ್ಸ ನಾಮಕೋ।
Mahāhanusabhakkhandho , dīpaṅkarassa nāmako;
ಬಹೂ ಜನೇ ತಾರಯತಿ, ಪರಿಮೋಚೇತಿ ದುಗ್ಗತಿಂ॥
Bahū jane tārayati, parimoceti duggatiṃ.
೭.
7.
ಬೋಧನೇಯ್ಯಂ ಜನಂ ದಿಸ್ವಾ, ಸತಸಹಸ್ಸೇಪಿ ಯೋಜನೇ।
Bodhaneyyaṃ janaṃ disvā, satasahassepi yojane;
ಖಣೇನ ಉಪಗನ್ತ್ವಾನ, ಬೋಧೇತಿ ತಂ ಮಹಾಮುನಿ॥
Khaṇena upagantvāna, bodheti taṃ mahāmuni.
೮.
8.
ಪಠಮಾಭಿಸಮಯೇ ಬುದ್ಧೋ, ಕೋಟಿಸತಮಬೋಧಯಿ।
Paṭhamābhisamaye buddho, koṭisatamabodhayi;
ದುತಿಯಾಭಿಸಮಯೇ ನಾಥೋ, ನವುತಿಕೋಟಿಮಬೋಧಯಿ॥
Dutiyābhisamaye nātho, navutikoṭimabodhayi.
೯.
9.
ಯದಾ ಚ ದೇವಭವನಮ್ಹಿ, ಬುದ್ಧೋ ಧಮ್ಮಮದೇಸಯಿ।
Yadā ca devabhavanamhi, buddho dhammamadesayi;
ನವುತಿಕೋಟಿಸಹಸ್ಸಾನಂ, ತತಿಯಾಭಿಸಮಯೋ ಅಹು॥
Navutikoṭisahassānaṃ, tatiyābhisamayo ahu.
೧೦.
10.
ಸನ್ನಿಪಾತಾ ತಯೋ ಆಸುಂ, ದೀಪಙ್ಕರಸ್ಸ ಸತ್ಥುನೋ।
Sannipātā tayo āsuṃ, dīpaṅkarassa satthuno;
ಕೋಟಿಸತಸಹಸ್ಸಾನಂ, ಪಠಮೋ ಆಸಿ ಸಮಾಗಮೋ॥
Koṭisatasahassānaṃ, paṭhamo āsi samāgamo.
೧೧.
11.
ಪುನ ನಾರದಕೂಟಮ್ಹಿ, ಪವಿವೇಕಗತೇ ಜಿನೇ।
Puna nāradakūṭamhi, pavivekagate jine;
ಖೀಣಾಸವಾ ವೀತಮಲಾ, ಸಮಿಂಸು ಸತಕೋಟಿಯೋ॥
Khīṇāsavā vītamalā, samiṃsu satakoṭiyo.
೧೨.
12.
ಯಮ್ಹಿ ಕಾಲೇ ಮಹಾವೀರೋ, ಸುದಸ್ಸನಸಿಲುಚ್ಚಯೇ।
Yamhi kāle mahāvīro, sudassanasiluccaye;
ನವಕೋಟಿಸಹಸ್ಸೇಹಿ, ಪವಾರೇಸಿ ಮಹಾಮುನಿ॥
Navakoṭisahassehi, pavāresi mahāmuni.
೧೩.
13.
ದಸವೀಸಸಹಸ್ಸಾನಂ, ಧಮ್ಮಾಭಿಸಮಯೋ ಅಹು।
Dasavīsasahassānaṃ, dhammābhisamayo ahu;
ಏಕದ್ವಿನ್ನಂ ಅಭಿಸಮಯಾ, ಗಣನಾತೋ ಅಸಙ್ಖಿಯಾ॥
Ekadvinnaṃ abhisamayā, gaṇanāto asaṅkhiyā.
೧೪.
14.
ವಿತ್ಥಾರಿಕಂ ಬಾಹುಜಞ್ಞಂ, ಇದ್ಧಂ ಫೀತಂ ಅಹೂ ತದಾ।
Vitthārikaṃ bāhujaññaṃ, iddhaṃ phītaṃ ahū tadā;
ದೀಪಙ್ಕರಸ್ಸ ಭಗವತೋ, ಸಾಸನಂ ಸುವಿಸೋಧಿತಂ॥
Dīpaṅkarassa bhagavato, sāsanaṃ suvisodhitaṃ.
೧೫.
15.
ಚತ್ತಾರಿ ಸತಸಹಸ್ಸಾನಿ, ಛಳಭಿಞ್ಞಾ ಮಹಿದ್ಧಿಕಾ।
Cattāri satasahassāni, chaḷabhiññā mahiddhikā;
ದೀಪಙ್ಕರಂ ಲೋಕವಿದುಂ, ಪರಿವಾರೇನ್ತಿ ಸಬ್ಬದಾ॥
Dīpaṅkaraṃ lokaviduṃ, parivārenti sabbadā.
೧೬.
16.
ಯೇ ಕೇಚಿ ತೇನ ಸಮಯೇನ, ಜಹನ್ತಿ ಮಾನುಸಂ ಭವಂ।
Ye keci tena samayena, jahanti mānusaṃ bhavaṃ;
ಅಪತ್ತಮಾನಸಾ ಸೇಖಾ, ಗರಹಿತಾ ಭವನ್ತಿ ತೇ॥
Apattamānasā sekhā, garahitā bhavanti te.
೧೭.
17.
ಸುಪುಪ್ಫಿತಂ ಪಾವಚನಂ, ಅರಹನ್ತೇಹಿ ತಾದಿಹಿ।
Supupphitaṃ pāvacanaṃ, arahantehi tādihi;
ಖೀಣಾಸವೇಹಿ ವಿಮಲೇಹಿ, ಉಪಸೋಭತಿ ಸಬ್ಬದಾ॥
Khīṇāsavehi vimalehi, upasobhati sabbadā.
೧೮.
18.
ನಗರಂ ರಮ್ಮವತೀ ನಾಮ, ಸುದೇವೋ ನಾಮ ಖತ್ತಿಯೋ।
Nagaraṃ rammavatī nāma, sudevo nāma khattiyo;
ಸುಮೇಧಾ ನಾಮ ಜನಿಕಾ, ದೀಪಙ್ಕರಸ್ಸ ಸತ್ಥುನೋ॥
Sumedhā nāma janikā, dīpaṅkarassa satthuno.
೧೯.
19.
ಹಂಸಾ ಕೋಞ್ಚಾ ಮಯೂರಾ ಚ, ತಯೋ ಪಾಸಾದಮುತ್ತಮಾ॥
Haṃsā koñcā mayūrā ca, tayo pāsādamuttamā.
೨೦.
20.
ತೀಣಿಸತಸಹಸ್ಸಾನಿ, ನಾರಿಯೋ ಸಮಲಙ್ಕತಾ।
Tīṇisatasahassāni, nāriyo samalaṅkatā;
ಪದುಮಾ ನಾಮ ಸಾ ನಾರೀ, ಉಸಭಕ್ಖನ್ಧೋ ಅತ್ರಜೋ॥
Padumā nāma sā nārī, usabhakkhandho atrajo.
೨೧.
21.
ನಿಮಿತ್ತೇ ಚತುರೋ ದಿಸ್ವಾ, ಹತ್ಥಿಯಾನೇನ ನಿಕ್ಖಮಿ।
Nimitte caturo disvā, hatthiyānena nikkhami;
ಅನೂನದಸಮಾಸಾನಿ, ಪಧಾನೇ ಪದಹೀ ಜಿನೋ॥
Anūnadasamāsāni, padhāne padahī jino.
೨೨.
22.
ಪಧಾನಚಾರಂ ಚರಿತ್ವಾನ, ಅಬುಜ್ಝಿ ಮಾನಸಂ ಮುನಿ।
Padhānacāraṃ caritvāna, abujjhi mānasaṃ muni;
ಬ್ರಹ್ಮುನಾ ಯಾಚಿತೋ ಸನ್ತೋ, ದೀಪಙ್ಕರೋ ಮಹಾಮುನಿ॥
Brahmunā yācito santo, dīpaṅkaro mahāmuni.
೨೩.
23.
ನಿಸಿನ್ನೋ ಸಿರೀಸಮೂಲಮ್ಹಿ, ಅಕಾ ತಿತ್ಥಿಯಮದ್ದನಂ॥
Nisinno sirīsamūlamhi, akā titthiyamaddanaṃ.
೨೪.
24.
ಸುಮಙ್ಗಲೋ ಚ ತಿಸ್ಸೋ ಚ, ಅಹೇಸುಂ ಅಗ್ಗಸಾವಕಾ।
Sumaṅgalo ca tisso ca, ahesuṃ aggasāvakā;
೨೫.
25.
ನನ್ದಾ ಚೇವ ಸುನನ್ದಾ ಚ, ಅಹೇಸುಂ ಅಗ್ಗಸಾವಿಕಾ।
Nandā ceva sunandā ca, ahesuṃ aggasāvikā;
ಬೋಧಿ ತಸ್ಸ ಭಗವತೋ, ಪಿಪ್ಫಲೀತಿ ಪವುಚ್ಚತಿ॥
Bodhi tassa bhagavato, pipphalīti pavuccati.
೨೬.
26.
ಸಿರಿಮಾ ಕೋಣಾ ಉಪಟ್ಠಿಕಾ, ದೀಪಙ್ಕರಸ್ಸ ಸತ್ಥುನೋ॥
Sirimā koṇā upaṭṭhikā, dīpaṅkarassa satthuno.
೨೭.
27.
ಅಸೀತಿಹತ್ಥಮುಬ್ಬೇಧೋ, ದೀಪಙ್ಕರೋ ಮಹಾಮುನಿ।
Asītihatthamubbedho, dīpaṅkaro mahāmuni;
ಸೋಭತಿ ದೀಪರುಕ್ಖೋವ, ಸಾಲರಾಜಾವ ಫುಲ್ಲಿತೋ॥
Sobhati dīparukkhova, sālarājāva phullito.
೨೮.
28.
ಸತಸಹಸ್ಸವಸ್ಸಾನಿ, ಆಯು ತಸ್ಸ ಮಹೇಸಿನೋ।
Satasahassavassāni, āyu tassa mahesino;
ತಾವತಾ ತಿಟ್ಠಮಾನೋ ಸೋ, ತಾರೇಸಿ ಜನತಂ ಬಹುಂ॥
Tāvatā tiṭṭhamāno so, tāresi janataṃ bahuṃ.
೨೯.
29.
ಜೋತಯಿತ್ವಾನ ಸದ್ಧಮ್ಮಂ, ಸನ್ತಾರೇತ್ವಾ ಮಹಾಜನಂ।
Jotayitvāna saddhammaṃ, santāretvā mahājanaṃ;
ಜಲಿತ್ವಾ ಅಗ್ಗಿಕ್ಖನ್ಧೋವ, ನಿಬ್ಬುತೋ ಸೋ ಸಸಾವಕೋ॥
Jalitvā aggikkhandhova, nibbuto so sasāvako.
೩೦.
30.
ಸಾ ಚ ಇದ್ಧಿ ಸೋ ಚ ಯಸೋ, ತಾನಿ ಚ ಪಾದೇಸು ಚಕ್ಕರತನಾನಿ।
Sā ca iddhi so ca yaso, tāni ca pādesu cakkaratanāni;
೩೧.
31.
ದೀಪಙ್ಕರೋ ಜಿನೋ ಸತ್ಥಾ, ನನ್ದಾರಾಮಮ್ಹಿ ನಿಬ್ಬುತೋ।
Dīpaṅkaro jino satthā, nandārāmamhi nibbuto;
ತತ್ಥೇವಸ್ಸ ಜಿನಥೂಪೋ, ಛತ್ತಿಂಸುಬ್ಬೇಧಯೋಜನೋತಿ॥
Tatthevassa jinathūpo, chattiṃsubbedhayojanoti.
ದೀಪಙ್ಕರಸ್ಸ ಭಗವತೋ ವಂಸೋ ಪಠಮೋ।
Dīpaṅkarassa bhagavato vaṃso paṭhamo.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಬುದ್ಧವಂಸ-ಅಟ್ಠಕಥಾ • Buddhavaṃsa-aṭṭhakathā / ೩. ದೀಪಙ್ಕರಬುದ್ಧವಂಸವಣ್ಣನಾ • 3. Dīpaṅkarabuddhavaṃsavaṇṇanā
