Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā

    д̣̇ийбан̇гаро б̣уд̣̇д̇хо

    Dīpaṅkaro buddho

    звам̣ абхин̃н̃ааб̣алам̣ бад̇ваа сумзд̇хад̇аабасз самаабад̇д̇исукзна вийд̇инаамзнд̇з д̣̇ийбан̇гаро наама сад̇т̇аа логз уд̣̇абаад̣̇и. д̇асса бадисанд̇хиж̇аад̇иб̣од̇хи д̇хаммажаггаббавад̇д̇анзсу сагалааби д̣̇асасахассилогад̇хаад̇у сан̇гамби самбагамби самбавзд̇хи, махаавиравам̣ рави, д̣̇вад̇д̇им̣са буб̣б̣анимид̇д̇аани баад̇урахзсум̣. сумзд̇хад̇аабасо самаабад̇д̇исукзна вийд̇инаамзнд̇о нзва д̇ам̣ сад̣̇д̣̇амассоси, на жа д̇аани нимид̇д̇аани ад̣̇д̣̇аса. д̇зна вуд̇д̇ам̣ –

    Evaṃ abhiññābalaṃ patvā sumedhatāpase samāpattisukhena vītināmente dīpaṅkaro nāma satthā loke udapādi. Tassa paṭisandhijātibodhi dhammacakkappavattanesu sakalāpi dasasahassilokadhātu saṅkampi sampakampi sampavedhi, mahāviravaṃ ravi, dvattiṃsa pubbanimittāni pāturahesuṃ. Sumedhatāpaso samāpattisukhena vītināmento neva taṃ saddamassosi, na ca tāni nimittāni addasa. Tena vuttaṃ –

    ‘‘звам̣ мз сид̣̇д̇хиббад̇д̇асса, васийбхууд̇асса саасанз;

    ‘‘Evaṃ me siddhippattassa, vasībhūtassa sāsane;

    д̣̇ийбан̇гаро наама ж̇ино, уббаж̇ж̇и логанааяаго.

    Dīpaṅkaro nāma jino, uppajji lokanāyako.

    ‘‘уббаж̇ж̇анд̇з жа ж̇ааяанд̇з, б̣уж̇жханд̇з д̇хаммад̣̇зсанз;

    ‘‘Uppajjante ca jāyante, bujjhante dhammadesane;

    жад̇уро нимид̇д̇з наад̣̇д̣̇асам̣, жхаанарад̇исамаббид̇о’’д̇и.

    Caturo nimitte nāddasaṃ, jhānaratisamappito’’ti.

    д̇асмим̣ гаалз д̣̇ийбан̇гарад̣̇асаб̣ало жад̇уухи кийн̣аасавасад̇асахассзхи баривуд̇о анубуб̣б̣зна жааригам̣ жарамаано раммам̣ наама наг̇арам̣ бад̇ваа суд̣̇ассанамахаавихаарз бадивасад̇и. рамманаг̇араваасино ‘‘д̣̇ийбан̇гаро гира саман̣иссаро барамаабхисамб̣од̇хим̣ бад̇ваа бавад̇д̇аварад̇хаммажагго анубуб̣б̣зна жааригам̣ жарамаано амхаагам̣ рамманаг̇арам̣ бад̇ваа суд̣̇ассанамахаавихаарз бадивасад̇ий’’д̇и суд̇ваа саббинаванийд̇аад̣̇ийни жзва бхзсаж̇ж̇аани вад̇т̇ажчаад̣̇анаани жа г̇аахаабзд̇ваа г̇анд̇хамаалаад̣̇ихад̇т̇аа язна б̣уд̣̇д̇хо, язна д̇хаммо, язна сан̇гхо, д̇анниннаа д̇аббон̣аа д̇аббаб̣бхаараа худ̇ваа сад̇т̇аарам̣ убасан̇гамид̇ваа ванд̣̇ид̇ваа г̇анд̇хамаалаад̣̇ийхи бууж̇зд̇ваа згаманд̇ам̣ нисиннаа д̇хаммад̣̇зсанам̣ суд̇ваа сваад̇анааяа ниманд̇зд̇ваа удтааяаасанаа баггамим̣су.

    Tasmiṃ kāle dīpaṅkaradasabalo catūhi khīṇāsavasatasahassehi parivuto anupubbena cārikaṃ caramāno rammaṃ nāma nagaraṃ patvā sudassanamahāvihāre paṭivasati. Rammanagaravāsino ‘‘dīpaṅkaro kira samaṇissaro paramābhisambodhiṃ patvā pavattavaradhammacakko anupubbena cārikaṃ caramāno amhākaṃ rammanagaraṃ patvā sudassanamahāvihāre paṭivasatī’’ti sutvā sappinavanītādīni ceva bhesajjāni vatthacchādanāni ca gāhāpetvā gandhamālādihatthā yena buddho, yena dhammo, yena saṅgho, tanninnā tappoṇā tappabbhārā hutvā satthāraṃ upasaṅkamitvā vanditvā gandhamālādīhi pūjetvā ekamantaṃ nisinnā dhammadesanaṃ sutvā svātanāya nimantetvā uṭṭhāyāsanā pakkamiṃsu.

    д̇з бунад̣̇ивасз махаад̣̇аанам̣ саж̇ж̇зд̇ваа наг̇арам̣ алан̇гарид̇ваа д̣̇асаб̣аласса ааг̇аманамаг̇г̇ам̣ алан̇гаронд̇аа уд̣̇агабхиннадтаанзсу бам̣сум̣ багкибид̇ваа самам̣ бхуумид̇алам̣ гад̇ваа раж̇ад̇абаддаван̣н̣ам̣ ваалугам̣ аагиранд̇и, лааж̇з жзва бубпаани жа вигиранд̇и, наанаавирааг̇зхи вад̇т̇зхи д̇хаж̇абадаагз уссаабзнд̇и, гад̣̇алияо жзва бун̣н̣агхадабанд̇ияо жа бад̇идтаабзнд̇и. д̇асмим̣ гаалз сумзд̇хад̇аабасо ад̇д̇ано ассамабад̣̇аа аагаасам̣ уг̇г̇анд̇ваа, д̇зсам̣ мануссаанам̣ убарибхааг̇зна аагаасзна г̇ажчанд̇о д̇з хадтад̇удтз мануссз д̣̇исваа ‘‘гим̣ ну ко гааран̣а’’нд̇и аагаасад̇о оруяха згаманд̇ам̣ тид̇о мануссз бужчи – ‘‘амбхо, гасса д̇умхз ид̇ха висамам̣ маг̇г̇ам̣ алан̇гарот̇аа’’д̇и? д̇зна вуд̇д̇ам̣ –

    Te punadivase mahādānaṃ sajjetvā nagaraṃ alaṅkaritvā dasabalassa āgamanamaggaṃ alaṅkarontā udakabhinnaṭṭhānesu paṃsuṃ pakkhipitvā samaṃ bhūmitalaṃ katvā rajatapaṭṭavaṇṇaṃ vālukaṃ ākiranti, lāje ceva pupphāni ca vikiranti, nānāvirāgehi vatthehi dhajapaṭāke ussāpenti, kadaliyo ceva puṇṇaghaṭapantiyo ca patiṭṭhāpenti. Tasmiṃ kāle sumedhatāpaso attano assamapadā ākāsaṃ uggantvā, tesaṃ manussānaṃ uparibhāgena ākāsena gacchanto te haṭṭhatuṭṭhe manusse disvā ‘‘kiṃ nu kho kāraṇa’’nti ākāsato oruyha ekamantaṃ ṭhito manusse pucchi – ‘‘ambho, kassa tumhe idha visamaṃ maggaṃ alaṅkarothā’’ti? Tena vuttaṃ –

    ‘‘бажжанд̇ад̣̇зсависаяз , ниманд̇зд̇ваа д̇ат̇ааг̇ад̇ам̣;

    ‘‘Paccantadesavisaye , nimantetvā tathāgataṃ;

    д̇асса ааг̇аманам̣ маг̇г̇ам̣, сод̇хзнд̇и д̇удтамаанасаа.

    Tassa āgamanaṃ maggaṃ, sodhenti tuṭṭhamānasā.

    ‘‘ахам̣ д̇зна самаязна, нигкамид̇ваа сагассамаа;

    ‘‘Ahaṃ tena samayena, nikkhamitvā sakassamā;

    д̇хунанд̇о ваагажийраани, г̇ажчаами амб̣арз д̇ад̣̇аа.

    Dhunanto vākacīrāni, gacchāmi ambare tadā.

    ‘‘взд̣̇аж̇аад̇ам̣ ж̇анам̣ д̣̇исваа, д̇удтахадтам̣ бамод̣̇ид̇ам̣;

    ‘‘Vedajātaṃ janaṃ disvā, tuṭṭhahaṭṭhaṃ pamoditaṃ;

    орохид̇ваана г̇аг̇анаа, мануссз бужчи д̇аавад̣̇з.

    Orohitvāna gaganā, manusse pucchi tāvade.

    ‘‘‘д̇удтахадто бамуд̣̇ид̇о, взд̣̇аж̇аад̇о махааж̇ано;

    ‘‘‘Tuṭṭhahaṭṭho pamudito, vedajāto mahājano;

    гасса сод̇хийяад̇и маг̇г̇о, ан̃ж̇асам̣ вадумааяана’’’нд̇и.

    Kassa sodhīyati maggo, añjasaṃ vaṭumāyana’’’nti.

    мануссаа аахам̣су – ‘‘бханд̇з сумзд̇ха, на д̇вам̣ ж̇аанааси, д̣̇ийбан̇гаро д̣̇асаб̣ало саммаасамб̣уд̣̇д̇хо самб̣од̇хим̣ бад̇ваа бавад̇д̇аварад̇хаммажагго жааригам̣ жарамаано амхаагам̣ наг̇арам̣ бад̇ваа суд̣̇ассанамахаавихаарз бадивасад̇и. маяам̣ д̇ам̣ бхаг̇аванд̇ам̣ ниманд̇аяимха, д̇ассзд̇ам̣ б̣уд̣̇д̇хасса бхаг̇авад̇о ааг̇аманамаг̇г̇ам̣ алан̇гаромаа’’д̇и. ат̇а сумзд̇хад̇аабасо жинд̇зси – ‘‘б̣уд̣̇д̇ход̇и ко гхосамад̇д̇агамби логз д̣̇уллабхам̣, баг̇зва б̣уд̣̇д̇хуббаад̣̇о, маяааби имзхи мануссзхи сад̣̇д̇хим̣ д̣̇асаб̣аласса маг̇г̇ам̣ алан̇гарид̇ум̣ ваддад̇ий’’д̇и. со д̇з мануссз ааха – ‘‘сажз, бхо, д̇умхз зд̇ам̣ маг̇г̇ам̣ б̣уд̣̇д̇хасса алан̇гарот̇а, маяхамби згам̣ огаасам̣ д̣̇зт̇а, ахамби д̇умхзхи сад̣̇д̇хим̣ маг̇г̇ам̣ алан̇гариссаамий’’д̇и. д̇з ‘‘саад̇хуу’’д̇и самбадижчид̇ваа ‘‘сумзд̇хад̇аабасо ид̣̇д̇химаа’’д̇и ж̇аананд̇аа уд̣̇агабхинногаасам̣ саллагкзд̇ваа – ‘‘д̇вам̣ имам̣ таанам̣ алан̇гарохий’’д̇и ад̣̇ам̣су. сумзд̇хо б̣уд̣̇д̇хаарамман̣ам̣ бийд̇им̣ г̇ахзд̇ваа жинд̇зси – ‘‘ахам̣ имам̣ огаасам̣ ид̣̇д̇хияаа алан̇гарид̇ум̣ бахоми, звам̣ алан̇гад̇о на мам̣ барид̇осзссад̇и, аж̇ж̇а маяаа гааяавзяяааважжам̣ гаад̇ум̣ ваддад̇ий’’д̇и бам̣сум̣ аахарид̇ваа д̇асмим̣ бад̣̇зсз багкиби.

    Manussā āhaṃsu – ‘‘bhante sumedha, na tvaṃ jānāsi, dīpaṅkaro dasabalo sammāsambuddho sambodhiṃ patvā pavattavaradhammacakko cārikaṃ caramāno amhākaṃ nagaraṃ patvā sudassanamahāvihāre paṭivasati. Mayaṃ taṃ bhagavantaṃ nimantayimha, tassetaṃ buddhassa bhagavato āgamanamaggaṃ alaṅkaromā’’ti. Atha sumedhatāpaso cintesi – ‘‘buddhoti kho ghosamattakampi loke dullabhaṃ, pageva buddhuppādo, mayāpi imehi manussehi saddhiṃ dasabalassa maggaṃ alaṅkarituṃ vaṭṭatī’’ti. So te manusse āha – ‘‘sace, bho, tumhe etaṃ maggaṃ buddhassa alaṅkarotha, mayhampi ekaṃ okāsaṃ detha, ahampi tumhehi saddhiṃ maggaṃ alaṅkarissāmī’’ti. Te ‘‘sādhū’’ti sampaṭicchitvā ‘‘sumedhatāpaso iddhimā’’ti jānantā udakabhinnokāsaṃ sallakkhetvā – ‘‘tvaṃ imaṃ ṭhānaṃ alaṅkarohī’’ti adaṃsu. Sumedho buddhārammaṇaṃ pītiṃ gahetvā cintesi – ‘‘ahaṃ imaṃ okāsaṃ iddhiyā alaṅkarituṃ pahomi, evaṃ alaṅkato na maṃ paritosessati, ajja mayā kāyaveyyāvaccaṃ kātuṃ vaṭṭatī’’ti paṃsuṃ āharitvā tasmiṃ padese pakkhipi.

    д̇асса д̇асмим̣ бад̣̇зсз анидтид̇зязва д̣̇ийбан̇гарад̣̇асаб̣ало махаанубхааваанам̣ чал̣абхин̃н̃аанам̣ кийн̣аасаваанам̣ жад̇уухи сад̇асахассзхи баривуд̇о д̣̇звад̇аасу д̣̇иб̣б̣аг̇анд̇хамаалаад̣̇ийхи бууж̇аяанд̇аасу д̣̇иб̣б̣ад̇уриязхи важ̇ж̇анд̇аасу д̣̇иб̣б̣асан̇г̇ийд̇зсу бавад̇д̇знд̇зсу мануссзсу маанусагзхи г̇анд̇хамаалаад̣̇ийхи жзва д̇уриязхи жа бууж̇аяанд̇зсу анобамааяа б̣уд̣̇д̇халийлааяа маносилаад̇алз виж̇амбхамаано сийхо вияа д̇ам̣ алан̇гад̇абадияад̇д̇ам̣ маг̇г̇ам̣ бадибаж̇ж̇и. сумзд̇хад̇аабасо агкийни уммийлзд̇ваа алан̇гад̇амаг̇г̇зна ааг̇ажчанд̇асса д̣̇асаб̣аласса д̣̇вад̇д̇им̣самахаабурисалагкан̣абадиман̣д̣ид̇ам̣ асийд̇ияаа ануб̣яан̃ж̇анзхи ануран̃ж̇ид̇ам̣ б̣яаамаббабхааяа самбариваарид̇ам̣ ман̣иван̣н̣аг̇аг̇анад̇алз наанаббагаараа виж̇ж̇улад̇аа вияа аавзл̣аавзл̣абхууд̇аа жзва яуг̇ал̣аяуг̇ал̣абхууд̇аа жа чаб̣б̣ан̣н̣агханаб̣уд̣̇д̇харасмияо виссаж̇ж̇знд̇ам̣ руубасобхаг̇г̇аббад̇д̇ам̣ ад̇д̇абхаавам̣ ологзд̇ваа – ‘‘аж̇ж̇а маяаа д̣̇асаб̣аласса ж̇ийвид̇абарижжааг̇ам̣ гаад̇ум̣ ваддад̇и, маа бхаг̇аваа галалам̣ аггами, ман̣ипалагасзд̇ум̣ бана аггаманд̇о вияа сад̣̇д̇хим̣ жад̇уухи кийн̣аасавасад̇асахассзхи мама бидтим̣ мад̣̇д̣̇амаано г̇ажчад̇у, д̇ам̣ мз бхависсад̇и д̣̇ийгхарад̇д̇ам̣ хид̇ааяа сукааяаа’’д̇и гзсз можзд̇ваа аж̇инажаммаж̇адааман̣д̣алаваагажийраани гаал̣аван̣н̣з галалз бад̇т̇арид̇ваа ман̣ипалагасзд̇у вияа галалабидтз нибаж̇ж̇и. д̇зна вуд̇д̇ам̣ –

    Tassa tasmiṃ padese aniṭṭhiteyeva dīpaṅkaradasabalo mahānubhāvānaṃ chaḷabhiññānaṃ khīṇāsavānaṃ catūhi satasahassehi parivuto devatāsu dibbagandhamālādīhi pūjayantāsu dibbaturiyehi vajjantāsu dibbasaṅgītesu pavattentesu manussesu mānusakehi gandhamālādīhi ceva turiyehi ca pūjayantesu anopamāya buddhalīlāya manosilātale vijambhamāno sīho viya taṃ alaṅkatapaṭiyattaṃ maggaṃ paṭipajji. Sumedhatāpaso akkhīni ummīletvā alaṅkatamaggena āgacchantassa dasabalassa dvattiṃsamahāpurisalakkhaṇapaṭimaṇḍitaṃ asītiyā anubyañjanehi anurañjitaṃ byāmappabhāya samparivāritaṃ maṇivaṇṇagaganatale nānappakārā vijjulatā viya āveḷāveḷabhūtā ceva yugaḷayugaḷabhūtā ca chabbaṇṇaghanabuddharasmiyo vissajjentaṃ rūpasobhaggappattaṃ attabhāvaṃ oloketvā – ‘‘ajja mayā dasabalassa jīvitapariccāgaṃ kātuṃ vaṭṭati, mā bhagavā kalalaṃ akkami, maṇiphalakasetuṃ pana akkamanto viya saddhiṃ catūhi khīṇāsavasatasahassehi mama piṭṭhiṃ maddamāno gacchatu, taṃ me bhavissati dīgharattaṃ hitāya sukhāyā’’ti kese mocetvā ajinacammajaṭāmaṇḍalavākacīrāni kāḷavaṇṇe kalale pattharitvā maṇiphalakasetu viya kalalapiṭṭhe nipajji. Tena vuttaṃ –

    ‘‘д̇з мз будтаа вияаагам̣су, ‘б̣уд̣̇д̇хо логз ануд̇д̇аро;

    ‘‘Te me puṭṭhā viyākaṃsu, ‘buddho loke anuttaro;

    д̣̇ийбан̇гаро наама ж̇ино, уббаж̇ж̇и логанааяаго;

    Dīpaṅkaro nāma jino, uppajji lokanāyako;

    д̇асса сод̇хийяад̇и маг̇г̇о, ан̃ж̇асам̣ вадумааяанам̣’.

    Tassa sodhīyati maggo, añjasaṃ vaṭumāyanaṃ’.

    ‘‘б̣уд̣̇д̇ход̇иважанам̣ суд̇ваана, бийд̇и уббаж̇ж̇и д̇аавад̣̇з;

    ‘‘Buddhotivacanaṃ sutvāna, pīti uppajji tāvade;

    б̣уд̣̇д̇хо б̣уд̣̇д̇ход̇и гат̇аяанд̇о, соманассам̣ бавзд̣̇аяим̣.

    Buddho buddhoti kathayanto, somanassaṃ pavedayiṃ.

    ‘‘д̇ад̇т̇а тад̇ваа вижинд̇зсим̣, д̇удто сам̣виг̇г̇амаанасо;

    ‘‘Tattha ṭhatvā vicintesiṃ, tuṭṭho saṃviggamānaso;

    ‘ид̇ха б̣ийж̇аани робиссам̣, кан̣о вз маа убажжаг̇аа’.

    ‘Idha bījāni ropissaṃ, khaṇo ve mā upaccagā’.

    ‘‘яад̣̇и б̣уд̣̇д̇хасса сод̇хзт̇а, згогаасам̣ д̣̇ад̣̇аат̇а мз;

    ‘‘Yadi buddhassa sodhetha, ekokāsaṃ dadātha me;

    ахамби сод̇хаяиссаами, ан̃ж̇асам̣ вадумааяанам̣.

    Ahampi sodhayissāmi, añjasaṃ vaṭumāyanaṃ.

    ‘‘ад̣̇ам̣су д̇з мамогаасам̣, сод̇хзд̇ум̣ ан̃ж̇асам̣ д̇ад̣̇аа;

    ‘‘Adaṃsu te mamokāsaṃ, sodhetuṃ añjasaṃ tadā;

    б̣уд̣̇д̇хо б̣уд̣̇д̇ход̇и жинд̇знд̇о, маг̇г̇ам̣ сод̇хзмахам̣ д̇ад̣̇аа.

    Buddho buddhoti cintento, maggaṃ sodhemahaṃ tadā.

    ‘‘анидтид̇з мамогаасз, д̣̇ийбан̇гаро махаамуни;

    ‘‘Aniṭṭhite mamokāse, dīpaṅkaro mahāmuni;

    жад̇уухи сад̇асахассзхи, чал̣абхин̃н̃зхи д̇аад̣̇ихи;

    Catūhi satasahassehi, chaḷabhiññehi tādihi;

    кийн̣аасавзхи вималзхи, бадибаж̇ж̇и ан̃ж̇асам̣ ж̇ино.

    Khīṇāsavehi vimalehi, paṭipajji añjasaṃ jino.

    ‘‘бажжуг̇г̇аманаа вад̇д̇анд̇и, важ̇ж̇анд̇и бхзрияо б̣ахуу;

    ‘‘Paccuggamanā vattanti, vajjanti bheriyo bahū;

    аамод̣̇ид̇аа нарамаруу, саад̇хугаарам̣ бавад̇д̇аяум̣.

    Āmoditā naramarū, sādhukāraṃ pavattayuṃ.

    ‘‘д̣̇зваа мануссз бассанд̇и, мануссааби жа д̣̇звад̇аа;

    ‘‘Devā manusse passanti, manussāpi ca devatā;

    убхоби д̇з бан̃ж̇алигаа, ануяанд̇и д̇ат̇ааг̇ад̇ам̣.

    Ubhopi te pañjalikā, anuyanti tathāgataṃ.

    ‘‘д̣̇зваа д̣̇иб̣б̣зхи д̇уриязхи, мануссаа маанусзхи жа;

    ‘‘Devā dibbehi turiyehi, manussā mānusehi ca;

    убхоби д̇з важ̇ж̇аяанд̇аа, ануяанд̇и д̇ат̇ааг̇ад̇ам̣.

    Ubhopi te vajjayantā, anuyanti tathāgataṃ.

    ‘‘д̣̇иб̣б̣ам̣ манд̣̇ааравам̣ бубпам̣, бад̣̇умам̣ бааричад̇д̇агам̣;

    ‘‘Dibbaṃ mandāravaṃ pupphaṃ, padumaṃ pārichattakaṃ;

    д̣̇исод̣̇исам̣ огиранд̇и, аагаасанабхаг̇ад̇аа маруу.

    Disodisaṃ okiranti, ākāsanabhagatā marū.

    ‘‘д̣̇иб̣б̣ам̣ жанд̣̇анажун̣н̣ан̃жа, вараг̇анд̇хан̃жа гзвалам̣;

    ‘‘Dibbaṃ candanacuṇṇañca, varagandhañca kevalaṃ;

    д̣̇исод̣̇исам̣ огиранд̇и, аагаасанабхаг̇ад̇аа маруу.

    Disodisaṃ okiranti, ākāsanabhagatā marū.

    ‘‘жамбагам̣ салалам̣ нийбам̣, нааг̇абуннааг̇агзд̇агам̣;

    ‘‘Campakaṃ salalaṃ nīpaṃ, nāgapunnāgaketakaṃ;

    д̣̇исод̣̇исам̣ угкибанд̇и, бхуумид̇алаг̇ад̇аа нараа.

    Disodisaṃ ukkhipanti, bhūmitalagatā narā.

    ‘‘гзсз мун̃жид̇ваахам̣ д̇ад̇т̇а, ваагажийран̃жа жаммагам̣;

    ‘‘Kese muñcitvāhaṃ tattha, vākacīrañca cammakaṃ;

    галалз бад̇т̇арид̇ваана, авагуж̇ж̇о нибаж̇ж̇ахам̣.

    Kalale pattharitvāna, avakujjo nipajjahaṃ.

    ‘‘аггамид̇ваана мам̣ б̣уд̣̇д̇хо, саха сиссзхи г̇ажчад̇у;

    ‘‘Akkamitvāna maṃ buddho, saha sissehi gacchatu;

    маа нам̣ галалз аггамид̇т̇а, хид̇ааяа мз бхависсад̇ий’’д̇и.

    Mā naṃ kalale akkamittha, hitāya me bhavissatī’’ti.

    со бана галалабидтз нибаннагова буна агкийни уммийлзд̇ваа д̣̇ийбан̇гарад̣̇асаб̣аласса б̣уд̣̇д̇хасирим̣ самбассамаано звам̣ жинд̇зси – ‘‘сажз ахам̣ ижчзяяам̣, саб̣б̣агилзсз жхаабзд̇ваа сан̇гханаваго худ̇ваа рамманаг̇арам̣ бависзяяам̣, ан̃н̃аад̇агавзсзна бана мз гилзсз жхаабзд̇ваа ниб̣б̣аанаббад̇д̇ияаа гижжам̣ над̇т̇и, яам̣нуунаахам̣ д̣̇ийбан̇гарад̣̇асаб̣ало вияа барамаабхисамб̣од̇хим̣ бад̇ваа д̇хамманаавам̣ ааробзд̇ваа махааж̇анам̣ сам̣саарасааг̇араа уд̇д̇аарзд̇ваа бажчаа бариниб̣б̣ааязяяам̣, ид̣̇ам̣ маяхам̣ бад̇ирууба’’нд̇и. д̇ад̇о адта д̇хаммз самод̇хаанзд̇ваа б̣уд̣̇д̇хабхаавааяа абхинийхаарам̣ гад̇ваа нибаж̇ж̇и. д̇зна вуд̇д̇ам̣ –

    So pana kalalapiṭṭhe nipannakova puna akkhīni ummīletvā dīpaṅkaradasabalassa buddhasiriṃ sampassamāno evaṃ cintesi – ‘‘sace ahaṃ iccheyyaṃ, sabbakilese jhāpetvā saṅghanavako hutvā rammanagaraṃ paviseyyaṃ, aññātakavesena pana me kilese jhāpetvā nibbānappattiyā kiccaṃ natthi, yaṃnūnāhaṃ dīpaṅkaradasabalo viya paramābhisambodhiṃ patvā dhammanāvaṃ āropetvā mahājanaṃ saṃsārasāgarā uttāretvā pacchā parinibbāyeyyaṃ, idaṃ mayhaṃ patirūpa’’nti. Tato aṭṭha dhamme samodhānetvā buddhabhāvāya abhinīhāraṃ katvā nipajji. Tena vuttaṃ –

    ‘‘бат̇авияам̣ нибаннасса, звам̣ мз ааси жзд̇асо;

    ‘‘Pathaviyaṃ nipannassa, evaṃ me āsi cetaso;

    ‘ижчамаано ахам̣ аж̇ж̇а, гилзсз жхаабаяз мама.

    ‘Icchamāno ahaṃ ajja, kilese jhāpaye mama.

    ‘‘‘гим̣ мз ан̃н̃аад̇авзсзна, д̇хаммам̣ сажчигад̇знид̇ха;

    ‘‘‘Kiṃ me aññātavesena, dhammaṃ sacchikatenidha;

    саб̣б̣ан̃н̃уд̇ам̣ баабун̣ид̇ваа, б̣уд̣̇д̇хо хзссам̣ сад̣̇звагз.

    Sabbaññutaṃ pāpuṇitvā, buddho hessaṃ sadevake.

    ‘‘‘гим̣ мз згзна д̇ин̣н̣зна, бурисзна т̇аамад̣̇ассинаа;

    ‘‘‘Kiṃ me ekena tiṇṇena, purisena thāmadassinā;

    саб̣б̣ан̃н̃уд̇ам̣ баабун̣ид̇ваа, санд̇аарзссам̣ сад̣̇звагам̣.

    Sabbaññutaṃ pāpuṇitvā, santāressaṃ sadevakaṃ.

    ‘‘‘иминаа мз ад̇хигаарзна, гад̇зна бурисуд̇д̇амз;

    ‘‘‘Iminā me adhikārena, katena purisuttame;

    саб̣б̣ан̃н̃уд̇ам̣ баабун̣ид̇ваа, д̇аарзми ж̇анад̇ам̣ б̣ахум̣.

    Sabbaññutaṃ pāpuṇitvā, tāremi janataṃ bahuṃ.

    ‘‘‘сам̣саарасод̇ам̣ чинд̣̇ид̇ваа, вид̣̇д̇хам̣сзд̇ваа д̇аяо бхавз;

    ‘‘‘Saṃsārasotaṃ chinditvā, viddhaṃsetvā tayo bhave;

    д̇хамманаавам̣ самааруяха, санд̇аарзссам̣ сад̣̇звага’’’нд̇и.

    Dhammanāvaṃ samāruyha, santāressaṃ sadevaka’’’nti.

    яасмаа бана б̣уд̣̇д̇хад̇д̇ам̣ бад̇т̇знд̇асса –

    Yasmā pana buddhattaṃ patthentassa –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и.

    Aṭṭhadhammasamodhānā, abhinīhāro samijjhatī’’ti.

    мануссад̇д̇абхаавасмим̣язва хи тад̇ваа б̣уд̣̇д̇хад̇д̇ам̣ бад̇т̇знд̇асса бад̇т̇анаа самиж̇жхад̇и, нааг̇асса ваа субан̣н̣асса ваа д̣̇звад̇ааяа ваа саггасса ваа бад̇т̇анаа но самиж̇жхад̇и. мануссад̇д̇абхаавзби бурисалин̇г̇з тид̇ассзва бад̇т̇анаа самиж̇жхад̇и, ид̇т̇ияаа ваа бан̣д̣аганабум̣сагаубхад̇об̣яан̃ж̇анагаанам̣ ваа но самиж̇жхад̇и. бурисассаби д̇асмим̣ ад̇д̇абхаавз арахад̇д̇аббад̇д̇ияаа хзд̇усамбаннассзва бад̇т̇анаа самиж̇жхад̇и, но ид̇арасса. хзд̇усамбаннассааби ж̇ийвамаанаб̣уд̣̇д̇хассзва санд̇игз бад̇т̇знд̇ассзва бад̇т̇анаа самиж̇жхад̇и, бариниб̣б̣уд̇з б̣уд̣̇д̇хз жзд̇ияасанд̇игз ваа б̣од̇химуулз ваа бад̇т̇знд̇асса на самиж̇жхад̇и. б̣уд̣̇д̇хаанам̣ санд̇игз бад̇т̇знд̇ассаби баб̣б̣аж̇ж̇аалин̇г̇з тид̇ассзва самиж̇жхад̇и, но г̇ихилин̇г̇з тид̇асса. баб̣б̣аж̇ид̇ассаби бан̃жаабхин̃н̃ааадтасамаабад̇д̇илаабхиноязва самиж̇жхад̇и, на имааяа г̇ун̣асамбад̇д̇ияаа вирахид̇асса. г̇ун̣асамбаннзнаби язна ад̇д̇ано ж̇ийвид̇ам̣ б̣уд̣̇д̇хаанам̣ барижжад̇д̇ам̣ ход̇и, д̇ассзва иминаа ад̇хигаарзна ад̇хигаарасамбаннасса самиж̇жхад̇и, на ид̇арасса. ад̇хигаарасамбаннассааби яасса б̣уд̣̇д̇хагаарагад̇хаммаанам̣ ад̇т̇ааяа маханд̇о чанд̣̇о жа уссаахо жа вааяаамо жа барияздти жа, д̇ассзва самиж̇жхад̇и, на ид̇арасса.

    Manussattabhāvasmiṃyeva hi ṭhatvā buddhattaṃ patthentassa patthanā samijjhati, nāgassa vā supaṇṇassa vā devatāya vā sakkassa vā patthanā no samijjhati. Manussattabhāvepi purisaliṅge ṭhitasseva patthanā samijjhati, itthiyā vā paṇḍakanapuṃsakaubhatobyañjanakānaṃ vā no samijjhati. Purisassapi tasmiṃ attabhāve arahattappattiyā hetusampannasseva patthanā samijjhati, no itarassa. Hetusampannassāpi jīvamānabuddhasseva santike patthentasseva patthanā samijjhati, parinibbute buddhe cetiyasantike vā bodhimūle vā patthentassa na samijjhati. Buddhānaṃ santike patthentassapi pabbajjāliṅge ṭhitasseva samijjhati, no gihiliṅge ṭhitassa. Pabbajitassapi pañcābhiññāaṭṭhasamāpattilābhinoyeva samijjhati, na imāya guṇasampattiyā virahitassa. Guṇasampannenapi yena attano jīvitaṃ buddhānaṃ pariccattaṃ hoti, tasseva iminā adhikārena adhikārasampannassa samijjhati, na itarassa. Adhikārasampannassāpi yassa buddhakārakadhammānaṃ atthāya mahanto chando ca ussāho ca vāyāmo ca pariyeṭṭhi ca, tasseva samijjhati, na itarassa.

    д̇ад̇рид̣̇ам̣ чанд̣̇амаханд̇ад̇ааяа обаммам̣ – сажз хи звамасса яо сагалажаггаваал̣аг̇аб̣бхам̣ згод̣̇агийбхууд̇ам̣ ад̇д̇ано б̣аахуб̣алзна уд̇д̇арид̇ваа баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇и. яо ваа бана сагалажаггаваал̣аг̇аб̣бхам̣ взл̣уг̇умб̣асан̃чаннам̣ вияуухид̇ваа мад̣̇д̣̇ид̇ваа бад̣̇асаа г̇ажчанд̇о баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇и. яо ваа бана сагалажаггаваал̣аг̇аб̣бхам̣ сад̇д̇ияо аагодзд̇ваа ниранд̇арам̣ сад̇д̇ипаласамаагин̣н̣ам̣ бад̣̇асаа аггамамаано баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇и. яо ваа бана сагалажаггаваал̣аг̇аб̣бхам̣ вийд̇ажжид̇ан̇г̇аарабхарид̇ам̣ баад̣̇зхи мад̣̇д̣̇амаано баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇ийд̇и. яо зд̇зсу згамби ад̇д̇ано д̣̇уггарам̣ на ман̃н̃ад̇и, ‘‘ахам̣ зд̇амби д̇арид̇ваа ваа г̇анд̇ваа ваа баарам̣ г̇амиссаамий’’д̇и звам̣ маханд̇зна чанд̣̇зна жа уссаахзна жа вааяаамзна жа барияздтияаа жа саманнааг̇ад̇о ход̇и, зд̇ассзва бад̇т̇анаа самиж̇жхад̇и, на ид̇арасса. д̇асмаа сумзд̇хад̇аабасо имз адта д̇хаммз самод̇хаанзд̇ваава б̣уд̣̇д̇хабхаавааяа абхинийхаарам̣ гад̇ваа нибаж̇ж̇и.

    Tatridaṃ chandamahantatāya opammaṃ – sace hi evamassa yo sakalacakkavāḷagabbhaṃ ekodakībhūtaṃ attano bāhubalena uttaritvā pāraṃ gantuṃ samattho, so buddhattaṃ pāpuṇāti. Yo vā pana sakalacakkavāḷagabbhaṃ veḷugumbasañchannaṃ viyūhitvā madditvā padasā gacchanto pāraṃ gantuṃ samattho, so buddhattaṃ pāpuṇāti. Yo vā pana sakalacakkavāḷagabbhaṃ sattiyo ākoṭetvā nirantaraṃ sattiphalasamākiṇṇaṃ padasā akkamamāno pāraṃ gantuṃ samattho, so buddhattaṃ pāpuṇāti. Yo vā pana sakalacakkavāḷagabbhaṃ vītaccitaṅgārabharitaṃ pādehi maddamāno pāraṃ gantuṃ samattho, so buddhattaṃ pāpuṇātīti. Yo etesu ekampi attano dukkaraṃ na maññati, ‘‘ahaṃ etampi taritvā vā gantvā vā pāraṃ gamissāmī’’ti evaṃ mahantena chandena ca ussāhena ca vāyāmena ca pariyeṭṭhiyā ca samannāgato hoti, etasseva patthanā samijjhati, na itarassa. Tasmā sumedhatāpaso ime aṭṭha dhamme samodhānetvāva buddhabhāvāya abhinīhāraṃ katvā nipajji.

    д̣̇ийбан̇гароби бхаг̇аваа ааг̇анд̇ваа сумзд̇хад̇аабасасса сийсабхааг̇з тад̇ваа ман̣исийхабан̃ж̇арам̣ уг̇гхаадзнд̇о вияа бан̃жаван̣н̣абасаад̣̇асамбаннаани агкийни уммийлзд̇ваа галалабидтз нибаннам̣ сумзд̇хад̇аабасам̣ д̣̇исваа ‘‘аяам̣ д̇аабасо б̣уд̣̇д̇хад̇д̇ааяа абхинийхаарам̣ гад̇ваа нибанно, самиж̇жхиссад̇и ну ко зд̇асса бад̇т̇анаа, уд̣̇ааху но’’д̇и анааг̇ад̇ам̣сан̃аан̣ам̣ бзсзд̇ваа убад̇хаарзнд̇о – ‘‘ид̇о габбасад̇асахассаад̇хигаани жад̇д̇аари асан̇кязяяаани ад̇иггамид̇ваа аяам̣ г̇од̇амо наама б̣уд̣̇д̇хо бхависсад̇ий’’д̇и н̃ад̇ваа тид̇агова барисамаж̇жхз б̣яаагааси – ‘‘бассат̇а но д̇умхз имам̣ уг̇г̇ад̇абам̣ д̇аабасам̣ галалабидтз нибанна’’нд̇и? ‘‘звам̣, бханд̇з’’д̇и. аяам̣ б̣уд̣̇д̇хад̇д̇ааяа абхинийхаарам̣ гад̇ваа нибанно, самиж̇жхиссад̇и имасса бад̇т̇анаа. аяан̃хи ид̇о габбасад̇асахассаад̇хигаанам̣ жад̇уннам̣ асан̇каязяяаанам̣ мад̇т̇агз г̇од̇амо наама б̣уд̣̇д̇хо бхависсад̇и. д̇асмим̣ банасса ад̇д̇абхаавз габилавад̇т̇у наама наг̇арам̣ ниваасо бхависсад̇и, мааяаа наама д̣̇звий маад̇аа, суд̣̇д̇ход̣̇ано наама рааж̇аа бид̇аа, аг̇г̇асааваго убад̇иссо наама т̇зро, д̣̇уд̇ияасааваго голид̇о наама, б̣уд̣̇д̇хубадтааго аананд̣̇о наама, аг̇г̇асаавигаа кзмаа наама т̇зрий, д̣̇уд̇ияасаавигаа уббалаван̣н̣аа наама т̇зрий бхависсад̇и. аяам̣ барибагган̃аан̣о махаабхинигкаманам̣ гад̇ваа махаабад̇хаанам̣ бад̣̇ахид̇ваа ниг̇род̇харугкамуулз бааяаасам̣ бадиг̇г̇ахзд̇ваа нзран̃ж̇арааяа д̇ийрз барибхун̃ж̇ид̇ваа б̣од̇химан̣д̣ам̣ ааруяха ассад̇т̇аругкамуулз абхисамб̣уж̇жхиссад̇ийд̇и. д̇зна вуд̇д̇ам̣ –

    Dīpaṅkaropi bhagavā āgantvā sumedhatāpasassa sīsabhāge ṭhatvā maṇisīhapañjaraṃ ugghāṭento viya pañcavaṇṇapasādasampannāni akkhīni ummīletvā kalalapiṭṭhe nipannaṃ sumedhatāpasaṃ disvā ‘‘ayaṃ tāpaso buddhattāya abhinīhāraṃ katvā nipanno, samijjhissati nu kho etassa patthanā, udāhu no’’ti anāgataṃsañāṇaṃ pesetvā upadhārento – ‘‘ito kappasatasahassādhikāni cattāri asaṅkhyeyyāni atikkamitvā ayaṃ gotamo nāma buddho bhavissatī’’ti ñatvā ṭhitakova parisamajjhe byākāsi – ‘‘passatha no tumhe imaṃ uggatapaṃ tāpasaṃ kalalapiṭṭhe nipanna’’nti? ‘‘Evaṃ, bhante’’ti. Ayaṃ buddhattāya abhinīhāraṃ katvā nipanno, samijjhissati imassa patthanā. Ayañhi ito kappasatasahassādhikānaṃ catunnaṃ asaṅkhayeyyānaṃ matthake gotamo nāma buddho bhavissati. Tasmiṃ panassa attabhāve kapilavatthu nāma nagaraṃ nivāso bhavissati, māyā nāma devī mātā, suddhodano nāma rājā pitā, aggasāvako upatisso nāma thero, dutiyasāvako kolito nāma, buddhupaṭṭhāko ānando nāma, aggasāvikā khemā nāma therī, dutiyasāvikā uppalavaṇṇā nāma therī bhavissati. Ayaṃ paripakkañāṇo mahābhinikkhamanaṃ katvā mahāpadhānaṃ padahitvā nigrodharukkhamūle pāyāsaṃ paṭiggahetvā nerañjarāya tīre paribhuñjitvā bodhimaṇḍaṃ āruyha assattharukkhamūle abhisambujjhissatīti. Tena vuttaṃ –

    ‘‘д̣̇ийбан̇гаро логавид̣̇уу, аахуд̇ийнам̣ бадиг̇г̇ахо;

    ‘‘Dīpaṅkaro lokavidū, āhutīnaṃ paṭiggaho;

    уссийсагз мам̣ тад̇ваана, ид̣̇ам̣ важанамаб̣рави.

    Ussīsake maṃ ṭhatvāna, idaṃ vacanamabravi.

    ‘‘‘бассат̇а имам̣ д̇аабасам̣, ж̇адилам̣ уг̇г̇ад̇аабанам̣;

    ‘‘‘Passatha imaṃ tāpasaṃ, jaṭilaṃ uggatāpanaṃ;

    абаримзяяз ид̇о габбз, б̣уд̣̇д̇хо логз бхависсад̇и.

    Aparimeyye ito kappe, buddho loke bhavissati.

    ‘‘‘аху габилавхаяаа раммаа, нигкамид̇ваа д̇ат̇ааг̇ад̇о;

    ‘‘‘Ahu kapilavhayā rammā, nikkhamitvā tathāgato;

    бад̇хаанам̣ бад̣̇ахид̇ваана, гад̇ваа д̣̇уггарагааригам̣.

    Padhānaṃ padahitvāna, katvā dukkarakārikaṃ.

    ‘‘‘аж̇абааларугкамуулз, нисийд̣̇ид̇ваа д̇ат̇ааг̇ад̇о;

    ‘‘‘Ajapālarukkhamūle, nisīditvā tathāgato;

    д̇ад̇т̇а бааяаасам̣ баг̇г̇аяха, нзран̃ж̇арамубзхид̇и.

    Tattha pāyāsaṃ paggayha, nerañjaramupehiti.

    ‘‘‘нзран̃ж̇арааяа д̇ийрамхи, бааяаасам̣ ад̣̇а со ж̇ино;

    ‘‘‘Nerañjarāya tīramhi, pāyāsaṃ ada so jino;

    бадияад̇д̇аварамаг̇г̇зна, б̣од̇химууламубзхид̇и.

    Paṭiyattavaramaggena, bodhimūlamupehiti.

    ‘‘‘д̇ад̇о бад̣̇агкин̣ам̣ гад̇ваа, б̣од̇химан̣д̣ам̣ ануд̇д̇аро;

    ‘‘‘Tato padakkhiṇaṃ katvā, bodhimaṇḍaṃ anuttaro;

    ассад̇т̇аругкамууламхи, б̣уж̇жхиссад̇и махааяасо.

    Assattharukkhamūlamhi, bujjhissati mahāyaso.

    ‘‘‘имасса ж̇анигаа маад̇аа, мааяаа наама бхависсад̇и;

    ‘‘‘Imassa janikā mātā, māyā nāma bhavissati;

    бид̇аа суд̣̇д̇ход̣̇ано наама, аяам̣ хзссад̇и г̇од̇амо.

    Pitā suddhodano nāma, ayaṃ hessati gotamo.

    ‘‘‘анаасаваа вийд̇арааг̇аа, санд̇ажид̇д̇аа самаахид̇аа;

    ‘‘‘Anāsavā vītarāgā, santacittā samāhitā;

    голид̇о убад̇иссо жа, аг̇г̇аа хзссанд̇и саавагаа;

    Kolito upatisso ca, aggā hessanti sāvakā;

    аананд̣̇о наамубадтааго, убадтиссад̇и д̇ам̣ ж̇инам̣.

    Ānando nāmupaṭṭhāko, upaṭṭhissati taṃ jinaṃ.

    ‘‘‘кзмаа уббалаван̣н̣аа жа, аг̇г̇аа хзссанд̇и саавигаа;

    ‘‘‘Khemā uppalavaṇṇā ca, aggā hessanti sāvikā;

    анаасаваа вийд̇арааг̇аа, санд̇ажид̇д̇аа самаахид̇аа;

    Anāsavā vītarāgā, santacittā samāhitā;

    б̣од̇хи д̇асса бхаг̇авад̇о, ассад̇т̇од̇и бавужжад̇ий’’’д̇и. (б̣у. вам̣. 2.60-68);

    Bodhi tassa bhagavato, assatthoti pavuccatī’’’ti. (bu. vaṃ. 2.60-68);

    д̇ам̣ суд̇ваа сумзд̇хад̇аабасо – ‘‘маяхам̣ гира бад̇т̇анаа самиж̇жхиссад̇ий’’д̇и соманассаббад̇д̇о ахоси. махааж̇ано д̣̇ийбан̇гарад̣̇асаб̣аласса важанам̣ суд̇ваа ‘‘сумзд̇хад̇аабасо гира б̣уд̣̇д̇хаб̣ийж̇ам̣ б̣уд̣̇д̇хан̇гуро’’д̇и хадтад̇удто ахоси. зван̃жасса ахоси – ‘‘яат̇аа наама мануссаа над̣̇им̣ д̇аранд̇аа уж̇угзна д̇ид̇т̇зна уд̇д̇арид̇ум̣ асаггонд̇аа хздтаад̇ид̇т̇зна уд̇д̇аранд̇и, звамзва маяамби д̣̇ийбан̇гарад̣̇асаб̣аласса саасанз маг̇г̇апалам̣ алабхамаанаа анааг̇ад̇з яад̣̇аа д̇вам̣ б̣уд̣̇д̇хо бхависсаси, д̇ад̣̇аа д̇ава саммукаа маг̇г̇апалам̣ сажчигаад̇ум̣ самад̇т̇аа бхавзяяаамаа’’д̇и бад̇т̇анам̣ табаяим̣су. д̣̇ийбан̇гарад̣̇асаб̣алоби б̣од̇хисад̇д̇ам̣ басам̣сид̇ваа адтабубпамудтийхи бууж̇зд̇ваа бад̣̇агкин̣ам̣ гад̇ваа баггаами. д̇зби жад̇усад̇асахассасан̇каа кийн̣аасаваа б̣од̇хисад̇д̇ам̣ г̇анд̇хзхи жа маалаахи жа бууж̇зд̇ваа бад̣̇агкин̣ам̣ гад̇ваа баггамим̣су. д̣̇звамануссаа бана д̇ат̇зва бууж̇зд̇ваа ванд̣̇ид̇ваа багганд̇аа.

    Taṃ sutvā sumedhatāpaso – ‘‘mayhaṃ kira patthanā samijjhissatī’’ti somanassappatto ahosi. Mahājano dīpaṅkaradasabalassa vacanaṃ sutvā ‘‘sumedhatāpaso kira buddhabījaṃ buddhaṅkuro’’ti haṭṭhatuṭṭho ahosi. Evañcassa ahosi – ‘‘yathā nāma manussā nadiṃ tarantā ujukena titthena uttarituṃ asakkontā heṭṭhātitthena uttaranti, evameva mayampi dīpaṅkaradasabalassa sāsane maggaphalaṃ alabhamānā anāgate yadā tvaṃ buddho bhavissasi, tadā tava sammukhā maggaphalaṃ sacchikātuṃ samatthā bhaveyyāmā’’ti patthanaṃ ṭhapayiṃsu. Dīpaṅkaradasabalopi bodhisattaṃ pasaṃsitvā aṭṭhapupphamuṭṭhīhi pūjetvā padakkhiṇaṃ katvā pakkāmi. Tepi catusatasahassasaṅkhā khīṇāsavā bodhisattaṃ gandhehi ca mālāhi ca pūjetvā padakkhiṇaṃ katvā pakkamiṃsu. Devamanussā pana tatheva pūjetvā vanditvā pakkantā.

    б̣од̇хисад̇д̇о саб̣б̣зсам̣ бадигганд̇агаалз саяанаа вудтааяа ‘‘баарамияо вижиниссаамий’’д̇и бубпараасимад̇т̇агз баллан̇гам̣ аабхуж̇ид̇ваа нисийд̣̇и. звам̣ нисиннз б̣од̇хисад̇д̇з сагалад̣̇асасахассажаггаваал̣з д̣̇звад̇аа саад̇хугаарам̣ д̣̇ад̇ваа ‘‘аяяа сумзд̇хад̇аабаса, бораан̣агаб̣од̇хисад̇д̇аанам̣ баллан̇гам̣ аабхуж̇ид̇ваа ‘баарамияо вижиниссаамаа’д̇и нисиннагаалз яаани буб̣б̣анимид̇д̇аани наама бан̃н̃ааяанд̇и, д̇аани саб̣б̣ааниби аж̇ж̇а баад̇убхууд̇аани, ниссам̣саязна д̇вам̣ б̣уд̣̇д̇хо бхависсаси. маяамзд̇ам̣ ж̇аанаама ‘яассзд̇аани нимид̇д̇аани бан̃н̃ааяанд̇и, зганд̇зна со б̣уд̣̇д̇хо ход̇и’, д̇вам̣ ад̇д̇ано вийрияам̣ д̣̇ал̣хам̣ гад̇ваа баг̇г̇ан̣хаа’’д̇и б̣од̇хисад̇д̇ам̣ наанаббагаараахи т̇уд̇ийхи абхид̇т̇авим̣су. д̇зна вуд̇д̇ам̣ –

    Bodhisatto sabbesaṃ paṭikkantakāle sayanā vuṭṭhāya ‘‘pāramiyo vicinissāmī’’ti puppharāsimatthake pallaṅkaṃ ābhujitvā nisīdi. Evaṃ nisinne bodhisatte sakaladasasahassacakkavāḷe devatā sādhukāraṃ datvā ‘‘ayya sumedhatāpasa, porāṇakabodhisattānaṃ pallaṅkaṃ ābhujitvā ‘pāramiyo vicinissāmā’ti nisinnakāle yāni pubbanimittāni nāma paññāyanti, tāni sabbānipi ajja pātubhūtāni, nissaṃsayena tvaṃ buddho bhavissasi. Mayametaṃ jānāma ‘yassetāni nimittāni paññāyanti, ekantena so buddho hoti’, tvaṃ attano vīriyaṃ daḷhaṃ katvā paggaṇhā’’ti bodhisattaṃ nānappakārāhi thutīhi abhitthaviṃsu. Tena vuttaṃ –

    ‘‘ид̣̇ам̣ суд̇ваана важанам̣, асамасса махзсино;

    ‘‘Idaṃ sutvāna vacanaṃ, asamassa mahesino;

    аамод̣̇ид̇аа нарамаруу, б̣уд̣̇д̇хаб̣ийж̇ам̣ гира аяам̣.

    Āmoditā naramarū, buddhabījaṃ kira ayaṃ.

    ‘‘уггудтисад̣̇д̣̇аа вад̇д̇анд̇и, абподзнд̇и хасанд̇и жа;

    ‘‘Ukkuṭṭhisaddā vattanti, apphoṭenti hasanti ca;

    гад̇ан̃ж̇алий намассанд̇и, д̣̇асасахассий сад̣̇звагаа.

    Katañjalī namassanti, dasasahassī sadevakā.

    ‘‘яад̣̇имасса логанаат̇асса, вираж̇жхиссаама саасанам̣;

    ‘‘Yadimassa lokanāthassa, virajjhissāma sāsanaṃ;

    анааг̇ад̇амхи ад̣̇д̇хаанз, хзссаама саммукаа имам̣.

    Anāgatamhi addhāne, hessāma sammukhā imaṃ.

    ‘‘яат̇аа мануссаа над̣̇им̣ д̇аранд̇аа, бадид̇ид̇т̇ам̣ вираж̇жхияа;

    ‘‘Yathā manussā nadiṃ tarantā, paṭititthaṃ virajjhiya;

    хздтаа д̇ид̇т̇з г̇ахзд̇ваана, уд̇д̇аранд̇и махаанад̣̇им̣.

    Heṭṭhā titthe gahetvāna, uttaranti mahānadiṃ.

    ‘‘звамзва маяам̣ саб̣б̣з, яад̣̇и мун̃жаамимам̣ ж̇инам̣;

    ‘‘Evameva mayaṃ sabbe, yadi muñcāmimaṃ jinaṃ;

    анааг̇ад̇амхи ад̣̇д̇хаанз, хзссаама саммукаа имам̣.

    Anāgatamhi addhāne, hessāma sammukhā imaṃ.

    ‘‘д̣̇ийбан̇гаро логавид̣̇уу, аахуд̇ийнам̣ бадиг̇г̇ахо;

    ‘‘Dīpaṅkaro lokavidū, āhutīnaṃ paṭiggaho;

    мама гаммам̣ багид̇д̇зд̇ваа, д̣̇агкин̣ам̣ баад̣̇амуд̣̇д̇хари.

    Mama kammaṃ pakittetvā, dakkhiṇaṃ pādamuddhari.

    ‘‘яз д̇ад̇т̇аасум̣ ж̇инабуд̇д̇аа, саб̣б̣з бад̣̇агкин̣амагам̣су мам̣;

    ‘‘Ye tatthāsuṃ jinaputtā, sabbe padakkhiṇamakaṃsu maṃ;

    нараа нааг̇аа жа г̇анд̇хаб̣б̣аа, абхиваад̣̇зд̇ваана баггамум̣.

    Narā nāgā ca gandhabbā, abhivādetvāna pakkamuṃ.

    ‘‘д̣̇ассанам̣ мз ад̇игганд̇з, сасан̇гхз логанааяагз;

    ‘‘Dassanaṃ me atikkante, sasaṅghe lokanāyake;

    хадтад̇удтзна жид̇д̇зна, аасанаа вудтахим̣ д̇ад̣̇аа.

    Haṭṭhatuṭṭhena cittena, āsanā vuṭṭhahiṃ tadā.

    ‘‘сукзна сукид̇о хоми, баамож̇ж̇зна бамод̣̇ид̇о;

    ‘‘Sukhena sukhito homi, pāmojjena pamodito;

    бийд̇ияаа жа абхиссанно, баллан̇гам̣ аабхуж̇им̣ д̇ад̣̇аа.

    Pītiyā ca abhissanno, pallaṅkaṃ ābhujiṃ tadā.

    ‘‘баллан̇гзна нисийд̣̇ид̇ваа, звам̣ жинд̇зсахам̣ д̇ад̣̇аа;

    ‘‘Pallaṅkena nisīditvā, evaṃ cintesahaṃ tadā;

    ‘васийбхууд̇о ахам̣ жхаанз, абхин̃н̃аабаарамим̣ г̇ад̇о.

    ‘Vasībhūto ahaṃ jhāne, abhiññāpāramiṃ gato.

    ‘‘‘д̣̇асасахассилогамхи, исаяо над̇т̇и мз самаа;

    ‘‘‘Dasasahassilokamhi, isayo natthi me samā;

    асамо ид̣̇д̇хид̇хаммзсу, алабхим̣ ийд̣̇исам̣ сукам̣’.

    Asamo iddhidhammesu, alabhiṃ īdisaṃ sukhaṃ’.

    ‘‘баллан̇гаабхуж̇анз маяхам̣, д̣̇асасахассаад̇хиваасино;

    ‘‘Pallaṅkābhujane mayhaṃ, dasasahassādhivāsino;

    махаанаад̣̇ам̣ бавад̇д̇зсум̣, д̇хувам̣ б̣уд̣̇д̇хо бхависсаси.

    Mahānādaṃ pavattesuṃ, dhuvaṃ buddho bhavissasi.

    ‘‘яаа буб̣б̣з б̣од̇хисад̇д̇аанам̣, баллан̇гаварамаабхуж̇з;

    ‘‘Yā pubbe bodhisattānaṃ, pallaṅkavaramābhuje;

    нимид̇д̇аани бад̣̇иссанд̇и, д̇аани аж̇ж̇а бад̣̇иссарз.

    Nimittāni padissanti, tāni ajja padissare.

    ‘‘сийд̇ам̣ б̣яаабаг̇ад̇ам̣ ход̇и, ун̣хан̃жа убасаммад̇и;

    ‘‘Sītaṃ byāpagataṃ hoti, uṇhañca upasammati;

    д̇аани аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tāni ajja padissanti, dhuvaṃ buddho bhavissasi.

    ‘‘д̣̇асасахассий логад̇хаад̇уу, ниссад̣̇д̣̇аа хонд̇и нираагулаа;

    ‘‘Dasasahassī lokadhātū, nissaddā honti nirākulā;

    д̇аани аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tāni ajja padissanti, dhuvaṃ buddho bhavissasi.

    ‘‘махааваад̇аа на вааяанд̇и, на санд̣̇анд̇и саванд̇ияо;

    ‘‘Mahāvātā na vāyanti, na sandanti savantiyo;

    д̇аани аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tāni ajja padissanti, dhuvaṃ buddho bhavissasi.

    ‘‘т̇алаж̇аа д̣̇агаж̇аа бубпаа, саб̣б̣з бубпанд̇и д̇аавад̣̇з;

    ‘‘Thalajā dakajā pupphā, sabbe pupphanti tāvade;

    д̇збаж̇ж̇а бубпид̇аа саб̣б̣з, д̇хувам̣ б̣уд̣̇д̇хо бхависсаси.

    Tepajja pupphitā sabbe, dhuvaṃ buddho bhavissasi.

    ‘‘лад̇аа ваа яад̣̇и ваа ругкаа, палабхаараа хонд̇и д̇аавад̣̇з;

    ‘‘Latā vā yadi vā rukkhā, phalabhārā honti tāvade;

    д̇збаж̇ж̇а палид̇аа саб̣б̣з, д̇хувам̣ б̣уд̣̇д̇хо бхависсаси.

    Tepajja phalitā sabbe, dhuvaṃ buddho bhavissasi.

    ‘‘аагаасадтаа жа бхуумадтаа, рад̇анаа ж̇од̇анд̇и д̇аавад̣̇з;

    ‘‘Ākāsaṭṭhā ca bhūmaṭṭhā, ratanā jotanti tāvade;

    д̇збаж̇ж̇а рад̇анаа ж̇од̇анд̇и, д̇хувам̣ б̣уд̣̇д̇хо бхависсаси.

    Tepajja ratanā jotanti, dhuvaṃ buddho bhavissasi.

    ‘‘маанусагаа жа д̣̇иб̣б̣аа жа, д̇урияаа важ̇ж̇анд̇и д̇аавад̣̇з;

    ‘‘Mānusakā ca dibbā ca, turiyā vajjanti tāvade;

    д̇збаж̇ж̇убхо абхираванд̇и, д̇хувам̣ б̣уд̣̇д̇хо бхависсаси.

    Tepajjubho abhiravanti, dhuvaṃ buddho bhavissasi.

    ‘‘вижид̇д̇абубпаа г̇аг̇анаа, абхивассанд̇и д̇аавад̣̇з;

    ‘‘Vicittapupphā gaganā, abhivassanti tāvade;

    д̇зби аж̇ж̇а бавассанд̇и, д̇хувам̣ б̣уд̣̇д̇хо бхависсаси.

    Tepi ajja pavassanti, dhuvaṃ buddho bhavissasi.

    ‘‘махаасамуд̣̇д̣̇о аабхуж̇ад̇и, д̣̇асасахассий багамбад̇и;

    ‘‘Mahāsamuddo ābhujati, dasasahassī pakampati;

    д̇збаж̇ж̇убхо абхираванд̇и, д̇хувам̣ б̣уд̣̇д̇хо бхависсаси.

    Tepajjubho abhiravanti, dhuvaṃ buddho bhavissasi.

    ‘‘нираязби д̣̇асасахассз, аг̇г̇ий ниб̣б̣анд̇и д̇аавад̣̇з;

    ‘‘Nirayepi dasasahasse, aggī nibbanti tāvade;

    д̇збаж̇ж̇а ниб̣б̣уд̇аа аг̇г̇ий, д̇хувам̣ б̣уд̣̇д̇хо бхависсаси.

    Tepajja nibbutā aggī, dhuvaṃ buddho bhavissasi.

    ‘‘вимало ход̇и суурияо, саб̣б̣аа д̣̇иссанд̇и д̇аарагаа;

    ‘‘Vimalo hoti sūriyo, sabbā dissanti tārakā;

    д̇зби аж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tepi ajja padissanti, dhuvaṃ buddho bhavissasi.

    ‘‘ановадтзна уд̣̇агам̣, махияаа уб̣бхиж̇ж̇и д̇аавад̣̇з;

    ‘‘Anovaṭṭhena udakaṃ, mahiyā ubbhijji tāvade;

    д̇амбаж̇ж̇уб̣бхиж̇ж̇ад̇з махияаа, д̇хувам̣ б̣уд̣̇д̇хо бхависсаси.

    Tampajjubbhijjate mahiyā, dhuvaṃ buddho bhavissasi.

    ‘‘д̇аарааг̇ан̣аа вирожанд̇и, нагкад̇д̇аа г̇аг̇анаман̣д̣алз;

    ‘‘Tārāgaṇā virocanti, nakkhattā gaganamaṇḍale;

    висаакаа жанд̣̇имааяуд̇д̇аа, д̇хувам̣ б̣уд̣̇д̇хо бхависсаси.

    Visākhā candimāyuttā, dhuvaṃ buddho bhavissasi.

    ‘‘б̣илаасаяаа д̣̇арийсаяаа, нигкаманд̇и сагаасаяаа;

    ‘‘Bilāsayā darīsayā, nikkhamanti sakāsayā;

    д̇збаж̇ж̇а аасаяаа чуд̣̇д̇хаа, д̇хувам̣ б̣уд̣̇д̇хо бхависсаси.

    Tepajja āsayā chuddhā, dhuvaṃ buddho bhavissasi.

    ‘‘на ход̇и арад̇и сад̇д̇аанам̣, санд̇удтаа хонд̇и д̇аавад̣̇з;

    ‘‘Na hoti arati sattānaṃ, santuṭṭhā honti tāvade;

    д̇збаж̇ж̇а саб̣б̣з санд̇удтаа, д̇хувам̣ б̣уд̣̇д̇хо бхависсаси.

    Tepajja sabbe santuṭṭhā, dhuvaṃ buddho bhavissasi.

    ‘‘рог̇аа д̇ад̣̇убасамманд̇и, ж̇игхажчаа жа винассад̇и;

    ‘‘Rogā tadupasammanti, jighacchā ca vinassati;

    д̇аанибаж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tānipajja padissanti, dhuvaṃ buddho bhavissasi.

    ‘‘рааг̇о д̇ад̣̇аа д̇ану ход̇и, д̣̇осо мохо винассад̇и;

    ‘‘Rāgo tadā tanu hoti, doso moho vinassati;

    д̇збаж̇ж̇а виг̇ад̇аа саб̣б̣з, д̇хувам̣ б̣уд̣̇д̇хо бхависсаси.

    Tepajja vigatā sabbe, dhuvaṃ buddho bhavissasi.

    ‘‘бхаяам̣ д̇ад̣̇аа на бхавад̇и, аж̇ж̇абзд̇ам̣ бад̣̇иссад̇и;

    ‘‘Bhayaṃ tadā na bhavati, ajjapetaṃ padissati;

    д̇зна лин̇г̇зна ж̇аанаама, д̇хувам̣ б̣уд̣̇д̇хо бхависсаси.

    Tena liṅgena jānāma, dhuvaṃ buddho bhavissasi.

    ‘‘раж̇о нуд̣̇д̇хам̣сад̇и уд̣̇д̇хам̣, аж̇ж̇абзд̇ам̣ бад̣̇иссад̇и;

    ‘‘Rajo nuddhaṃsati uddhaṃ, ajjapetaṃ padissati;

    д̇зна лин̇г̇зна ж̇аанаама, д̇хувам̣ б̣уд̣̇д̇хо бхависсаси.

    Tena liṅgena jānāma, dhuvaṃ buddho bhavissasi.

    ‘‘анидтаг̇анд̇хо баггамад̇и, д̣̇иб̣б̣аг̇анд̇хо бавааяад̇и;

    ‘‘Aniṭṭhagandho pakkamati, dibbagandho pavāyati;

    собаж̇ж̇а вааяад̇и г̇анд̇хо, д̇хувам̣ б̣уд̣̇д̇хо бхависсаси.

    Sopajja vāyati gandho, dhuvaṃ buddho bhavissasi.

    ‘‘саб̣б̣з д̣̇зваа бад̣̇иссанд̇и, табаяид̇ваа аруубино;

    ‘‘Sabbe devā padissanti, ṭhapayitvā arūpino;

    д̇збаж̇ж̇а саб̣б̣з д̣̇иссанд̇и, д̇хувам̣ б̣уд̣̇д̇хо бхависсаси.

    Tepajja sabbe dissanti, dhuvaṃ buddho bhavissasi.

    ‘‘яаавад̇аа нираяаа наама, саб̣б̣з д̣̇иссанд̇и д̇аавад̣̇з;

    ‘‘Yāvatā nirayā nāma, sabbe dissanti tāvade;

    д̇збаж̇ж̇а саб̣б̣з д̣̇иссанд̇и, д̇хувам̣ б̣уд̣̇д̇хо бхависсаси.

    Tepajja sabbe dissanti, dhuvaṃ buddho bhavissasi.

    ‘‘гуддаа гаваадаа сзлаа жа, на хонд̇ааваран̣аа д̇ад̣̇аа;

    ‘‘Kuṭṭā kavāṭā selā ca, na hontāvaraṇā tadā;

    аагаасабхууд̇аа д̇збаж̇ж̇а, д̇хувам̣ б̣уд̣̇д̇хо бхависсаси.

    Ākāsabhūtā tepajja, dhuvaṃ buddho bhavissasi.

    ‘‘жуд̇ий жа убабад̇д̇и жа, кан̣з д̇асмим̣ на виж̇ж̇ад̇и;

    ‘‘Cutī ca upapatti ca, khaṇe tasmiṃ na vijjati;

    д̇аанибаж̇ж̇а бад̣̇иссанд̇и, д̇хувам̣ б̣уд̣̇д̇хо бхависсаси.

    Tānipajja padissanti, dhuvaṃ buddho bhavissasi.

    ‘‘д̣̇ал̣хам̣ баг̇г̇ан̣ха вийрияам̣, маа нивад̇д̇а абхиггама;

    ‘‘Daḷhaṃ paggaṇha vīriyaṃ, mā nivatta abhikkama;

    маяамбзд̇ам̣ виж̇аанаама, д̇хувам̣ б̣уд̣̇д̇хо бхависсасий’’д̇и. (б̣у. вам̣. 2.70-107);

    Mayampetaṃ vijānāma, dhuvaṃ buddho bhavissasī’’ti. (bu. vaṃ. 2.70-107);

    б̣од̇хисад̇д̇о д̣̇ийбан̇гарад̣̇асаб̣аласса жа д̣̇асасахассажаггаваал̣ад̣̇звад̇аанан̃жа важанам̣ суд̇ваа бхияяосомад̇д̇ааяа сан̃ж̇аад̇уссаахо худ̇ваа жинд̇зси – ‘‘б̣уд̣̇д̇хаа наама амогхаважанаа, над̇т̇и б̣уд̣̇д̇хаанам̣ гат̇ааяа ан̃н̃ат̇ад̇д̇ам̣. яат̇аа хи аагаасз кид̇д̇алзд̣д̣усса бад̇анам̣ д̇хувам̣, ж̇аад̇асса маран̣ам̣, рад̇д̇игкаяз суурияуг̇г̇аманам̣, аасаяаа нигканд̇асийхасса сийханаад̣̇анад̣̇анам̣, г̇аруг̇аб̣бхааяа ид̇т̇ияаа бхаараморобанам̣ д̇хувам̣ авассамбхаавий, звамзва б̣уд̣̇д̇хаанам̣ важанам̣ наама д̇хувам̣ амогхам̣, ад̣̇д̇хаа ахам̣ б̣уд̣̇д̇хо бхависсаамий’’д̇и. д̇зна вуд̇д̇ам̣ –

    Bodhisatto dīpaṅkaradasabalassa ca dasasahassacakkavāḷadevatānañca vacanaṃ sutvā bhiyyosomattāya sañjātussāho hutvā cintesi – ‘‘buddhā nāma amoghavacanā, natthi buddhānaṃ kathāya aññathattaṃ. Yathā hi ākāse khittaleḍḍussa patanaṃ dhuvaṃ, jātassa maraṇaṃ, rattikkhaye sūriyuggamanaṃ, āsayā nikkhantasīhassa sīhanādanadanaṃ, garugabbhāya itthiyā bhāramoropanaṃ dhuvaṃ avassambhāvī, evameva buddhānaṃ vacanaṃ nāma dhuvaṃ amoghaṃ, addhā ahaṃ buddho bhavissāmī’’ti. Tena vuttaṃ –

    ‘‘б̣уд̣̇д̇хасса важанам̣ суд̇ваа, д̣̇асасахассийна жуубхаяам̣;

    ‘‘Buddhassa vacanaṃ sutvā, dasasahassīna cūbhayaṃ;

    д̇удтахадто бамод̣̇ид̇о, звам̣ жинд̇зсахам̣ д̇ад̣̇аа.

    Tuṭṭhahaṭṭho pamodito, evaṃ cintesahaṃ tadā.

    ‘‘ад̣̇взж̇жхаважанаа б̣уд̣̇д̇хаа, амогхаважанаа ж̇инаа;

    ‘‘Advejjhavacanā buddhā, amoghavacanā jinā;

    вид̇ат̇ам̣ над̇т̇и б̣уд̣̇д̇хаанам̣, д̇хувам̣ б̣уд̣̇д̇хо бхаваамахам̣.

    Vitathaṃ natthi buddhānaṃ, dhuvaṃ buddho bhavāmahaṃ.

    ‘‘яат̇аа кид̇д̇ам̣ набхз лзд̣д̣у, д̇хувам̣ бад̇ад̇и бхуумияам̣;

    ‘‘Yathā khittaṃ nabhe leḍḍu, dhuvaṃ patati bhūmiyaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣;

    Tatheva buddhaseṭṭhānaṃ, vacanaṃ dhuvasassataṃ;

    вид̇ат̇ам̣ над̇т̇и б̣уд̣̇д̇хаанам̣, д̇хувам̣ б̣уд̣̇д̇хо бхаваамахам̣.

    Vitathaṃ natthi buddhānaṃ, dhuvaṃ buddho bhavāmahaṃ.

    ‘‘яат̇ааби саб̣б̣асад̇д̇аанам̣, маран̣ам̣ д̇хувасассад̇ам̣;

    ‘‘Yathāpi sabbasattānaṃ, maraṇaṃ dhuvasassataṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣.

    Tatheva buddhaseṭṭhānaṃ, vacanaṃ dhuvasassataṃ.

    ‘‘яат̇аа рад̇д̇игкаяз бад̇д̇з, суурияуг̇г̇аманам̣ д̇хувам̣;

    ‘‘Yathā rattikkhaye patte, sūriyuggamanaṃ dhuvaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣.

    Tatheva buddhaseṭṭhānaṃ, vacanaṃ dhuvasassataṃ.

    ‘‘яат̇аа нигканд̇асаяанасса, сийхасса над̣̇анам̣ д̇хувам̣;

    ‘‘Yathā nikkhantasayanassa, sīhassa nadanaṃ dhuvaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇ам̣.

    Tatheva buddhaseṭṭhānaṃ, vacanaṃ dhuvasassataṃ.

    ‘‘яат̇аа аабаннасад̇д̇аанам̣, бхаараморобанам̣ д̇хувам̣;

    ‘‘Yathā āpannasattānaṃ, bhāramoropanaṃ dhuvaṃ;

    д̇ат̇зва б̣уд̣̇д̇хасздтаанам̣, важанам̣ д̇хувасассад̇а’’нд̇и. (б̣у. вам̣. 2.108-114);

    Tatheva buddhaseṭṭhānaṃ, vacanaṃ dhuvasassata’’nti. (bu. vaṃ. 2.108-114);

    со ‘‘д̇хуваахам̣ б̣уд̣̇д̇хо бхависсаамий’’д̇и звам̣ гад̇асаннидтаано б̣уд̣̇д̇хагаарагз д̇хаммз убад̇хаарзд̇ум̣ – ‘‘гахам̣ ну ко б̣уд̣̇д̇хагаарагаа д̇хаммаа, гим̣ уд̣̇д̇хам̣, уд̣̇ааху ад̇хо, д̣̇исаавид̣̇исаасуу’’д̇и ануггамзна сагалам̣ д̇хаммад̇хаад̇ум̣ вижинанд̇о бораан̣агаб̣од̇хисад̇д̇зхи аасзвид̇анисзвид̇ам̣ батамам̣ д̣̇аанабаарамим̣ д̣̇исваа звам̣ ад̇д̇аанам̣ овад̣̇и – ‘‘сумзд̇хабан̣д̣ид̇а, д̇вам̣ ид̇о бадтааяа батамам̣ д̣̇аанабаарамим̣ буурзяяааси. яат̇аа хи ниггуж̇ж̇ид̇о уд̣̇агагумбхо ниссзсам̣ гад̇ваа уд̣̇агам̣ вамад̇иязва, на бажжаахарад̇и, звамзва д̇ханам̣ ваа яасам̣ ваа буд̇д̇ад̣̇аарам̣ ваа ан̇г̇абажжан̇г̇ам̣ ваа анологзд̇ваа самбад̇д̇аяаажагаанам̣ саб̣б̣ам̣ ижчид̇ижчид̇ам̣ ниссзсам̣ гад̇ваа д̣̇ад̣̇амаано б̣од̇химуулз нисийд̣̇ид̇ваа б̣уд̣̇д̇хо бхависсасий’’д̇и батамам̣ д̣̇аанабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    So ‘‘dhuvāhaṃ buddho bhavissāmī’’ti evaṃ katasanniṭṭhāno buddhakārake dhamme upadhāretuṃ – ‘‘kahaṃ nu kho buddhakārakā dhammā, kiṃ uddhaṃ, udāhu adho, disāvidisāsū’’ti anukkamena sakalaṃ dhammadhātuṃ vicinanto porāṇakabodhisattehi āsevitanisevitaṃ paṭhamaṃ dānapāramiṃ disvā evaṃ attānaṃ ovadi – ‘‘sumedhapaṇḍita, tvaṃ ito paṭṭhāya paṭhamaṃ dānapāramiṃ pūreyyāsi. Yathā hi nikkujjito udakakumbho nissesaṃ katvā udakaṃ vamatiyeva, na paccāharati, evameva dhanaṃ vā yasaṃ vā puttadāraṃ vā aṅgapaccaṅgaṃ vā anoloketvā sampattayācakānaṃ sabbaṃ icchiticchitaṃ nissesaṃ katvā dadamāno bodhimūle nisīditvā buddho bhavissasī’’ti paṭhamaṃ dānapāramiṃ daḷhaṃ katvā adhiṭṭhāsi. Tena vuttaṃ –

    ‘‘ханд̣̇а б̣уд̣̇д̇хагарз д̇хаммз, вижинаами ид̇о жид̇о;

    ‘‘Handa buddhakare dhamme, vicināmi ito cito;

    уд̣̇д̇хам̣ ад̇хо д̣̇аса д̣̇исаа, яаавад̇аа д̇хаммад̇хаад̇уяаа.

    Uddhaṃ adho dasa disā, yāvatā dhammadhātuyā.

    ‘‘вижинанд̇о д̇ад̣̇аа д̣̇агким̣, батамам̣ д̣̇аанабаарамим̣;

    ‘‘Vicinanto tadā dakkhiṃ, paṭhamaṃ dānapāramiṃ;

    буб̣б̣агзхи махзсийхи, анужин̣н̣ам̣ махаабат̇ам̣.

    Pubbakehi mahesīhi, anuciṇṇaṃ mahāpathaṃ.

    ‘‘имам̣ д̇вам̣ батамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ paṭhamaṃ tāva, daḷhaṃ katvā samādiya;

    д̣̇аанабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Dānapāramitaṃ gaccha, yadi bodhiṃ pattumicchasi.

    ‘‘яат̇ааби гумбхо самбун̣н̣о, яасса гассажи ад̇хогад̇о;

    ‘‘Yathāpi kumbho sampuṇṇo, yassa kassaci adhokato;

    вамад̇звуд̣̇агам̣ ниссзсам̣, на д̇ад̇т̇а барирагкад̇и.

    Vamatevudakaṃ nissesaṃ, na tattha parirakkhati.

    ‘‘д̇ат̇зва яаажагз д̣̇исваа, хийнамуггадтамаж̇жхимз;

    ‘‘Tatheva yācake disvā, hīnamukkaṭṭhamajjhime;

    д̣̇ад̣̇аахи д̣̇аанам̣ ниссзсам̣, гумбхо вияа ад̇хогад̇о’’д̇и. (б̣у. вам̣. 2.115-119);

    Dadāhi dānaṃ nissesaṃ, kumbho viya adhokato’’ti. (bu. vaṃ. 2.115-119);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о д̣̇уд̇ияам̣ сийлабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа сийлабаарамимби буурзяяааси. яат̇аа хи жамарий миг̇о наама ж̇ийвид̇ам̣ анологзд̇ваа ад̇д̇ано вааламзва рагкад̇и, звам̣ д̇вамби ид̇о бадтааяа ж̇ийвид̇амби анологзд̇ваа сийламзва рагкамаано б̣уд̣̇д̇хо бхависсасий’’д̇и д̣̇уд̇ияам̣ сийлабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato dutiyaṃ sīlapāramiṃ disvā etadahosi – ‘‘sumedhapaṇḍita, tvaṃ ito paṭṭhāya sīlapāramimpi pūreyyāsi. Yathā hi camarī migo nāma jīvitaṃ anoloketvā attano vālameva rakkhati, evaṃ tvampi ito paṭṭhāya jīvitampi anoloketvā sīlameva rakkhamāno buddho bhavissasī’’ti dutiyaṃ sīlapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, д̣̇уд̇ияам̣ сийлабаарамим̣;

    ‘‘Vicinanto tadā dakkhiṃ, dutiyaṃ sīlapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ д̣̇уд̇ияам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ dutiyaṃ tāva, daḷhaṃ katvā samādiya;

    сийлабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Sīlapāramitaṃ gaccha, yadi bodhiṃ pattumicchasi.

    ‘‘яат̇ааби жамарий ваалам̣, гисмин̃жи бадилаг̇г̇ид̇ам̣;

    ‘‘Yathāpi camarī vālaṃ, kismiñci paṭilaggitaṃ;

    убзд̇и маран̣ам̣ д̇ад̇т̇а, на вигобзд̇и ваалад̇хим̣.

    Upeti maraṇaṃ tattha, na vikopeti vāladhiṃ.

    ‘‘д̇ат̇зва жад̇уусу бхуумийсу, сийлаани барибуураяа;

    ‘‘Tatheva catūsu bhūmīsu, sīlāni paripūraya;

    барирагка сад̣̇аа сийлам̣, жамарий вияа ваалад̇хи’’нд̇и. (б̣у. вам̣. 2.120-124);

    Parirakkha sadā sīlaṃ, camarī viya vāladhi’’nti. (bu. vaṃ. 2.120-124);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о д̇ад̇ияам̣ нзгкаммабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа нзгкаммабаарамимби буурзяяааси. яат̇аа хи жирам̣ б̣анд̇ханааг̇аарз васамаано бурисо на д̇ад̇т̇а синзхам̣ гарод̇и, ат̇а ко угган̣тад̇иязва, авасид̇угаамо ход̇и, звамзва д̇вамби саб̣б̣абхавз б̣анд̇ханааг̇аарасад̣̇исз гад̇ваа саб̣б̣абхавзхи угган̣тид̇о мужжид̇угаамо худ̇ваа нзгкаммаабхимукова хохи. звам̣ б̣уд̣̇д̇хо бхависсасий’’д̇и д̇ад̇ияам̣ нзгкаммабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato tatiyaṃ nekkhammapāramiṃ disvā etadahosi – ‘‘sumedhapaṇḍita, tvaṃ ito paṭṭhāya nekkhammapāramimpi pūreyyāsi. Yathā hi ciraṃ bandhanāgāre vasamāno puriso na tattha sinehaṃ karoti, atha kho ukkaṇṭhatiyeva, avasitukāmo hoti, evameva tvampi sabbabhave bandhanāgārasadise katvā sabbabhavehi ukkaṇṭhito muccitukāmo hutvā nekkhammābhimukhova hohi. Evaṃ buddho bhavissasī’’ti tatiyaṃ nekkhammapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, д̇ад̇ияам̣ нзгкаммабаарамим̣;

    ‘‘Vicinanto tadā dakkhiṃ, tatiyaṃ nekkhammapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ д̇ад̇ияам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ tatiyaṃ tāva, daḷhaṃ katvā samādiya;

    нзгкаммабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Nekkhammapāramitaṃ gaccha, yadi bodhiṃ pattumicchasi.

    ‘‘яат̇аа анд̣̇угхарз бурисо, жиравуд̇т̇о д̣̇укаддид̇о;

    ‘‘Yathā andughare puriso, ciravuttho dukhaṭṭito;

    на д̇ад̇т̇а рааг̇ам̣ ж̇анзд̇и, муд̇д̇имзва г̇авзсад̇и.

    Na tattha rāgaṃ janeti, muttimeva gavesati.

    ‘‘д̇ат̇зва д̇вам̣ саб̣б̣абхавз, басса анд̣̇угхарам̣ вияа;

    ‘‘Tatheva tvaṃ sabbabhave, passa andugharaṃ viya;

    нзгкаммаабхимуко хохи, бхавад̇о баримуд̇д̇ияаа’’д̇и. (б̣у. вам̣. 2.125-129);

    Nekkhammābhimukho hohi, bhavato parimuttiyā’’ti. (bu. vaṃ. 2.125-129);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о жад̇уд̇т̇ам̣ бан̃н̃аабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа бан̃н̃аабаарамимби буурзяяааси. хийнамаж̇жхимуггадтзсу ган̃жи аваж̇ж̇зд̇ваа саб̣б̣зби бан̣д̣ид̇з убасан̇гамид̇ваа бан̃хам̣ бужчзяяааси. яат̇аа хи бин̣д̣абаад̇иго бхигку хийнаад̣̇ибхзд̣̇зсу гулзсу гин̃жи аваж̇ж̇зд̇ваа бадибаадияаа бин̣д̣ааяа жаранд̇о киббам̣ яаабанам̣ лабхад̇и, звам̣ д̇вамби саб̣б̣абан̣д̣ид̇з убасан̇гамид̇ваа бан̃хам̣ бужчанд̇о б̣уд̣̇д̇хо бхависсасий’’д̇и жад̇уд̇т̇ам̣ бан̃н̃аабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato catutthaṃ paññāpāramiṃ disvā etadahosi – ‘‘sumedhapaṇḍita, tvaṃ ito paṭṭhāya paññāpāramimpi pūreyyāsi. Hīnamajjhimukkaṭṭhesu kañci avajjetvā sabbepi paṇḍite upasaṅkamitvā pañhaṃ puccheyyāsi. Yathā hi piṇḍapātiko bhikkhu hīnādibhedesu kulesu kiñci avajjetvā paṭipāṭiyā piṇḍāya caranto khippaṃ yāpanaṃ labhati, evaṃ tvampi sabbapaṇḍite upasaṅkamitvā pañhaṃ pucchanto buddho bhavissasī’’ti catutthaṃ paññāpāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, жад̇уд̇т̇ам̣ бан̃н̃аабаарамим̣;

    ‘‘Vicinanto tadā dakkhiṃ, catutthaṃ paññāpāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ жад̇уд̇т̇ам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ catutthaṃ tāva, daḷhaṃ katvā samādiya;

    бан̃н̃аабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Paññāpāramitaṃ gaccha, yadi bodhiṃ pattumicchasi.

    ‘‘яат̇ааби бхигку бхигканд̇о, хийнамуггадтамаж̇жхимз;

    ‘‘Yathāpi bhikkhu bhikkhanto, hīnamukkaṭṭhamajjhime;

    гулаани на виваж̇ж̇знд̇о, звам̣ лабхад̇и яаабанам̣.

    Kulāni na vivajjento, evaṃ labhati yāpanaṃ.

    ‘‘д̇ат̇зва д̇вам̣ саб̣б̣агаалам̣, барибужчам̣ б̣уд̇хам̣ ж̇анам̣;

    ‘‘Tatheva tvaṃ sabbakālaṃ, paripucchaṃ budhaṃ janaṃ;

    бан̃н̃аабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и. (б̣у. вам̣. 2.130-134);

    Paññāpāramitaṃ gantvā, sambodhiṃ pāpuṇissasī’’ti. (bu. vaṃ. 2.130-134);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о бан̃жамам̣ вийрияабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа вийрияабаарамимби буурзяяааси, яат̇аа хи сийхо миг̇арааж̇аа саб̣б̣ирияаабат̇зсу д̣̇ал̣хавийрияо ход̇и, звам̣ д̇вамби саб̣б̣абхавзсу саб̣б̣ирияаабат̇зсу д̣̇ал̣хавийрияо анолийнавийрияо самаано б̣уд̣̇д̇хо бхависсасий’’д̇и бан̃жамам̣ вийрияабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato pañcamaṃ vīriyapāramiṃ disvā etadahosi – ‘‘sumedhapaṇḍita, tvaṃ ito paṭṭhāya vīriyapāramimpi pūreyyāsi, yathā hi sīho migarājā sabbiriyāpathesu daḷhavīriyo hoti, evaṃ tvampi sabbabhavesu sabbiriyāpathesu daḷhavīriyo anolīnavīriyo samāno buddho bhavissasī’’ti pañcamaṃ vīriyapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, бан̃жамам̣ вийрияабаарамим̣;

    ‘‘Vicinanto tadā dakkhiṃ, pañcamaṃ vīriyapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ бан̃жамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ pañcamaṃ tāva, daḷhaṃ katvā samādiya;

    вийрияабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.

    Vīriyapāramitaṃ gaccha, yadi bodhiṃ pattumicchasi.

    ‘‘яат̇ааби сийхо миг̇арааж̇аа, нисаж̇ж̇адтаанажан̇гамз;

    ‘‘Yathāpi sīho migarājā, nisajjaṭṭhānacaṅkame;

    алийнавийрияо ход̇и, баг̇г̇ахид̇амано сад̣̇аа.

    Alīnavīriyo hoti, paggahitamano sadā.

    ‘‘д̇ат̇зва д̇вам̣ саб̣б̣абхавз, баг̇г̇ан̣ха вийрияам̣ д̣̇ал̣хам̣;

    ‘‘Tatheva tvaṃ sabbabhave, paggaṇha vīriyaṃ daḷhaṃ;

    вийрияабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и. (б̣у. вам̣. 2.135-139);

    Vīriyapāramitaṃ gantvā, sambodhiṃ pāpuṇissasī’’ti. (bu. vaṃ. 2.135-139);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о чадтам̣ канд̇ибаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа канд̇ибаарамимби буурзяяааси, саммаананзби авамаананзби камова бхавзяяааси. яат̇аа хи бат̇авияам̣ наама сужимби нигкибанд̇и асужимби, на д̇зна бат̇авий синзхам̣ бадигхам̣ гарод̇и, камад̇и сахад̇и ад̇хиваасзд̇иязва, звамзва д̇вамби саммаананзби авамаананзби камова самаано б̣уд̣̇д̇хо бхависсасий’’д̇и чадтам̣ канд̇ибаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato chaṭṭhaṃ khantipāramiṃ disvā etadahosi – ‘‘sumedhapaṇḍita, tvaṃ ito paṭṭhāya khantipāramimpi pūreyyāsi, sammānanepi avamānanepi khamova bhaveyyāsi. Yathā hi pathaviyaṃ nāma sucimpi nikkhipanti asucimpi, na tena pathavī sinehaṃ paṭighaṃ karoti, khamati sahati adhivāsetiyeva, evameva tvampi sammānanepi avamānanepi khamova samāno buddho bhavissasī’’ti chaṭṭhaṃ khantipāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, чадтамам̣ канд̇ибаарамим̣;

    ‘‘Vicinanto tadā dakkhiṃ, chaṭṭhamaṃ khantipāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ чадтамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ chaṭṭhamaṃ tāva, daḷhaṃ katvā samādiya;

    д̇ад̇т̇а ад̣̇взж̇жхамаанасо, самб̣од̇хим̣ баабун̣иссаси.

    Tattha advejjhamānaso, sambodhiṃ pāpuṇissasi.

    ‘‘яат̇ааби бат̇авий наама, сужимби асужимби жа;

    ‘‘Yathāpi pathavī nāma, sucimpi asucimpi ca;

    саб̣б̣ам̣ сахад̇и нигкзбам̣, на гарод̇и бадигхам̣ д̇аяаа.

    Sabbaṃ sahati nikkhepaṃ, na karoti paṭighaṃ tayā.

    ‘‘д̇ат̇зва д̇вамби саб̣б̣зсам̣, саммаанаавамаанагкамо;

    ‘‘Tatheva tvampi sabbesaṃ, sammānāvamānakkhamo;

    канд̇ибаарамид̇ам̣ г̇анд̇ваа, самб̣од̇хим̣ баабун̣иссасий’’д̇и. (б̣у. вам̣. 2.140-144);

    Khantipāramitaṃ gantvā, sambodhiṃ pāpuṇissasī’’ti. (bu. vaṃ. 2.140-144);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о сад̇д̇амам̣ сажжабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа сажжабаарамимби буурзяяааси, асанияаа мад̇т̇агз бад̇амаанааяаби д̇ханаад̣̇ийнам̣ ад̇т̇ааяа чанд̣̇аад̣̇ийнам̣ васзна самбаж̇аанамусааваад̣̇ам̣ наама маа бхааси. яат̇аа хи осад̇хий д̇аарагаа наама саб̣б̣ауд̇уусу ад̇д̇ано г̇аманавийт̇им̣ ж̇ахид̇ваа ан̃н̃ааяа вийт̇ияаа на г̇ажчад̇и, сагавийт̇ияаава г̇ажчад̇и, звамзва д̇вамби сажжам̣ бахааяа мусааваад̣̇ам̣ наама авад̣̇анд̇оязва б̣уд̣̇д̇хо бхависсасий’’д̇и сад̇д̇амам̣ сажжабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato sattamaṃ saccapāramiṃ disvā etadahosi – ‘‘sumedhapaṇḍita, tvaṃ ito paṭṭhāya saccapāramimpi pūreyyāsi, asaniyā matthake patamānāyapi dhanādīnaṃ atthāya chandādīnaṃ vasena sampajānamusāvādaṃ nāma mā bhāsi. Yathā hi osadhī tārakā nāma sabbautūsu attano gamanavīthiṃ jahitvā aññāya vīthiyā na gacchati, sakavīthiyāva gacchati, evameva tvampi saccaṃ pahāya musāvādaṃ nāma avadantoyeva buddho bhavissasī’’ti sattamaṃ saccapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, сад̇д̇амам̣ сажжабаарамим̣;

    ‘‘Vicinanto tadā dakkhiṃ, sattamaṃ saccapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ сад̇д̇амам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ sattamaṃ tāva, daḷhaṃ katvā samādiya;

    д̇ад̇т̇а ад̣̇взж̇жхаважано, самб̣од̇хим̣ баабун̣иссаси.

    Tattha advejjhavacano, sambodhiṃ pāpuṇissasi.

    ‘‘яат̇ааби осад̇хий наама, д̇улаабхууд̇аа сад̣̇звагз;

    ‘‘Yathāpi osadhī nāma, tulābhūtā sadevake;

    самаяз уд̇увассз ваа, на воггамад̇и вийт̇ид̇о.

    Samaye utuvasse vā, na vokkamati vīthito.

    ‘‘д̇ат̇зва д̇вамби сажжзсу, маа воггамаси вийт̇ид̇о;

    ‘‘Tatheva tvampi saccesu, mā vokkamasi vīthito;

    сажжабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и. (б̣у. вам̣. 2.145-149);

    Saccapāramitaṃ gantvā, sambodhiṃ pāpuṇissasī’’ti. (bu. vaṃ. 2.145-149);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о адтамам̣ ад̇хидтаанабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа ад̇хидтаанабаарамимби буурзяяааси, яам̣ ад̇хидтааси, д̇асмим̣ ад̇хидтаанз нижжалова бхавзяяааси. яат̇аа хи баб̣б̣ад̇о наама саб̣б̣аасу д̣̇исаасу ваад̇зхи бахадо на гамбад̇и на жалад̇и, ад̇д̇ано таанзязва д̇идтад̇и, звамзва д̇вамби ад̇д̇ано ад̇хидтаанз нижжало хонд̇ова б̣уд̣̇д̇хо бхависсасий’’д̇и адтамам̣ ад̇хидтаанабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato aṭṭhamaṃ adhiṭṭhānapāramiṃ disvā etadahosi – ‘‘sumedhapaṇḍita, tvaṃ ito paṭṭhāya adhiṭṭhānapāramimpi pūreyyāsi, yaṃ adhiṭṭhāsi, tasmiṃ adhiṭṭhāne niccalova bhaveyyāsi. Yathā hi pabbato nāma sabbāsu disāsu vātehi pahaṭo na kampati na calati, attano ṭhāneyeva tiṭṭhati, evameva tvampi attano adhiṭṭhāne niccalo hontova buddho bhavissasī’’ti aṭṭhamaṃ adhiṭṭhānapāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, адтамам̣ ад̇хидтаанабаарамим̣;

    ‘‘Vicinanto tadā dakkhiṃ, aṭṭhamaṃ adhiṭṭhānapāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ адтамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ aṭṭhamaṃ tāva, daḷhaṃ katvā samādiya;

    д̇ад̇т̇а д̇вам̣ ажало худ̇ваа, самб̣од̇хим̣ баабун̣иссаси.

    Tattha tvaṃ acalo hutvā, sambodhiṃ pāpuṇissasi.

    ‘‘яат̇ааби баб̣б̣ад̇о сзло, ажало суббад̇идтид̇о;

    ‘‘Yathāpi pabbato selo, acalo suppatiṭṭhito;

    на гамбад̇и бхусаваад̇зхи, сагадтаанзва д̇идтад̇и.

    Na kampati bhusavātehi, sakaṭṭhāneva tiṭṭhati.

    ‘‘д̇ат̇зва д̇вамби ад̇хидтаанз, саб̣б̣ад̣̇аа ажало бхава;

    ‘‘Tatheva tvampi adhiṭṭhāne, sabbadā acalo bhava;

    ад̇хидтаанабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и. (б̣у. вам̣. 2.150-154);

    Adhiṭṭhānapāramitaṃ gantvā, sambodhiṃ pāpuṇissasī’’ti. (bu. vaṃ. 2.150-154);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о навамам̣ мзд̇д̇аабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа мзд̇д̇аабаарамимби буурзяяааси, хид̇зсуби ахид̇зсуби згажид̇д̇о бхавзяяааси. яат̇аа хи уд̣̇агам̣ наама баабаж̇анассаби галяаан̣аж̇анассаби сийд̇абхаавам̣ згасад̣̇исам̣ гад̇ваа парад̇и, звамзва д̇вамби саб̣б̣зсу сад̇д̇зсу мзд̇д̇ажид̇д̇зна згажид̇д̇ова хонд̇о б̣уд̣̇д̇хо бхависсасий’’д̇и навамам̣ мзд̇д̇аабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato navamaṃ mettāpāramiṃ disvā etadahosi – ‘‘sumedhapaṇḍita, tvaṃ ito paṭṭhāya mettāpāramimpi pūreyyāsi, hitesupi ahitesupi ekacitto bhaveyyāsi. Yathā hi udakaṃ nāma pāpajanassapi kalyāṇajanassapi sītabhāvaṃ ekasadisaṃ katvā pharati, evameva tvampi sabbesu sattesu mettacittena ekacittova honto buddho bhavissasī’’ti navamaṃ mettāpāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, навамам̣ мзд̇д̇аабаарамим̣;

    ‘‘Vicinanto tadā dakkhiṃ, navamaṃ mettāpāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ навамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ navamaṃ tāva, daḷhaṃ katvā samādiya;

    мзд̇д̇ааяа асамо хохи, яад̣̇и б̣од̇хим̣ бад̇д̇умижчаси.

    Mettāya asamo hohi, yadi bodhiṃ pattumicchasi.

    ‘‘яат̇ааби уд̣̇агам̣ наама, галяаан̣з баабагз ж̇анз;

    ‘‘Yathāpi udakaṃ nāma, kalyāṇe pāpake jane;

    самам̣ парад̇и сийд̇зна, баваахзд̇и раж̇омалам̣.

    Samaṃ pharati sītena, pavāheti rajomalaṃ.

    ‘‘д̇ат̇зва д̇вамби хид̇аахид̇з, самам̣ мзд̇д̇ааяа бхааваяа;

    ‘‘Tatheva tvampi hitāhite, samaṃ mettāya bhāvaya;

    мзд̇д̇аабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и. (б̣у. вам̣. 2.155-159);

    Mettāpāramitaṃ gantvā, sambodhiṃ pāpuṇissasī’’ti. (bu. vaṃ. 2.155-159);

    ат̇асса ‘‘на зд̇д̇агзхзва б̣уд̣̇д̇хагаарагад̇хаммзхи бхавид̇аб̣б̣а’’нд̇и уд̇д̇аримби убад̇хаараяад̇о д̣̇асамам̣ убзгкаабаарамим̣ д̣̇исваа зд̇ад̣̇ахоси – ‘‘сумзд̇хабан̣д̣ид̇а, д̇вам̣ ид̇о бадтааяа убзгкаабаарамимби буурзяяааси, сукзби д̣̇угкзби маж̇жхад̇д̇ова бхавзяяааси. яат̇аа хи бат̇авий наама сужимби асужимби багкибамаанз маж̇жхад̇д̇аава ход̇и, звамзва д̇вамби сукад̣̇угкзсу маж̇жхад̇д̇ова хонд̇о б̣уд̣̇д̇хо бхависсасий’’д̇и д̣̇асамам̣ убзгкаабаарамим̣ д̣̇ал̣хам̣ гад̇ваа ад̇хидтааси. д̇зна вуд̇д̇ам̣ –

    Athassa ‘‘na ettakeheva buddhakārakadhammehi bhavitabba’’nti uttarimpi upadhārayato dasamaṃ upekkhāpāramiṃ disvā etadahosi – ‘‘sumedhapaṇḍita, tvaṃ ito paṭṭhāya upekkhāpāramimpi pūreyyāsi, sukhepi dukkhepi majjhattova bhaveyyāsi. Yathā hi pathavī nāma sucimpi asucimpi pakkhipamāne majjhattāva hoti, evameva tvampi sukhadukkhesu majjhattova honto buddho bhavissasī’’ti dasamaṃ upekkhāpāramiṃ daḷhaṃ katvā adhiṭṭhāsi. Tena vuttaṃ –

    ‘‘на хзд̇з зд̇д̇агааязва, б̣уд̣̇д̇хад̇хаммаа бхависсарз;

    ‘‘Na hete ettakāyeva, buddhadhammā bhavissare;

    ан̃н̃зби вижиниссаами, яз д̇хаммаа б̣од̇хибаажанаа.

    Aññepi vicinissāmi, ye dhammā bodhipācanā.

    ‘‘вижинанд̇о д̇ад̣̇аа д̣̇агким̣, д̣̇асамам̣ убзгкаабаарамим̣;

    ‘‘Vicinanto tadā dakkhiṃ, dasamaṃ upekkhāpāramiṃ;

    буб̣б̣агзхи махзсийхи, аасзвид̇анисзвид̇ам̣.

    Pubbakehi mahesīhi, āsevitanisevitaṃ.

    ‘‘имам̣ д̇вам̣ д̣̇асамам̣ д̇аава, д̣̇ал̣хам̣ гад̇ваа самаад̣̇ияа;

    ‘‘Imaṃ tvaṃ dasamaṃ tāva, daḷhaṃ katvā samādiya;

    д̇улаабхууд̇о д̣̇ал̣хо худ̇ваа, самб̣од̇хим̣ баабун̣иссаси.

    Tulābhūto daḷho hutvā, sambodhiṃ pāpuṇissasi.

    ‘‘яат̇ааби бат̇авий наама, нигкид̇д̇ам̣ асужим̣ сужим̣;

    ‘‘Yathāpi pathavī nāma, nikkhittaṃ asuciṃ suciṃ;

    убзгкад̇и убхобзд̇з, гобаанунаяаваж̇ж̇ид̇аа.

    Upekkhati ubhopete, kopānunayavajjitā.

    ‘‘д̇ат̇зва д̇вамби сукад̣̇угкз, д̇улаабхууд̇о сад̣̇аа бхава;

    ‘‘Tatheva tvampi sukhadukkhe, tulābhūto sadā bhava;

    убзгкаабаарамид̇ам̣ г̇анд̇ваа, самб̣од̇хим̣ баабун̣иссасий’’д̇и. (б̣у. вам̣. 2.160-164);

    Upekkhāpāramitaṃ gantvā, sambodhiṃ pāpuṇissasī’’ti. (bu. vaṃ. 2.160-164);

    д̇ад̇о жинд̇зси – ‘‘имасмим̣ логз б̣од̇хисад̇д̇зхи буурзд̇аб̣б̣аа б̣од̇хибарибаажанаа б̣уд̣̇д̇хагаарагад̇хаммаа зд̇д̇агааязва , д̣̇аса баарамияо табзд̇ваа ан̃н̃з над̇т̇и. имааби д̣̇аса баарамияо уд̣̇д̇хам̣ аагаасзби над̇т̇и, хздтаа бат̇авияамби, бурад̇т̇имаад̣̇ийсу д̣̇исаасуби над̇т̇и, маяхам̣язва бана хад̣̇аяаб̣бханд̇арз бад̇идтид̇аа’’д̇и. звам̣ д̇аасам̣ хад̣̇аяз бад̇идтид̇абхаавам̣ д̣̇исваа саб̣б̣ааби д̇аа д̣̇ал̣хам̣ гад̇ваа ад̇хидтааяа бунаббунам̣ саммасанд̇о ануломабадиломам̣ саммасад̇и, барияанд̇з г̇ахзд̇ваа аад̣̇им̣ баабзд̇и, аад̣̇имхи г̇ахзд̇ваа барияанд̇ам̣ баабзд̇и, маж̇жхз г̇ахзд̇ваа убхад̇о годим̣ баабзд̇ваа осаабзд̇и, убхад̇о годийсу г̇ахзд̇ваа маж̇жхам̣ баабзд̇ваа осаабзд̇и. б̣аахирагабхан̣д̣абарижжааг̇о д̣̇аанабаарамий наама, ан̇г̇абарижжааг̇о д̣̇аанаубабаарамий наама, ж̇ийвид̇абарижжааг̇о д̣̇аанабарамад̇т̇абаарамий наамаад̇и д̣̇аса баарамияо д̣̇аса убабаарамияо д̣̇аса барамад̇т̇абаарамияод̇и самад̇д̇им̣са баарамияо д̇злаяанд̇ам̣ виниваддзнд̇о вияа махаамзрум̣ мад̇т̇ам̣ гад̇ваа жаггаваал̣амахаасамуд̣̇д̣̇ам̣ аалул̣знд̇о вияа жа саммасад̇и. д̇ассзвам̣ д̣̇аса баарамияо саммасанд̇асса д̇хаммад̇зж̇зна жад̇унахуд̇аад̇хигад̣̇вияож̇анасад̇асахассаб̣ахалаа аяам̣ махаабат̇авий хад̇т̇инаа агганд̇анал̣агалаабо вияа, бийл̣ияамаанам̣ ужчуяанд̇ам̣ вияа жа махаавиравам̣ виравамаанаа сан̇гамби самбагамби самбавзд̇хи. гулаалажаггам̣ вияа д̇злаяанд̇ажаггам̣ вияа жа бариб̣бхами. д̇зна вуд̇д̇ам̣ –

    Tato cintesi – ‘‘imasmiṃ loke bodhisattehi pūretabbā bodhiparipācanā buddhakārakadhammā ettakāyeva , dasa pāramiyo ṭhapetvā aññe natthi. Imāpi dasa pāramiyo uddhaṃ ākāsepi natthi, heṭṭhā pathaviyampi, puratthimādīsu disāsupi natthi, mayhaṃyeva pana hadayabbhantare patiṭṭhitā’’ti. Evaṃ tāsaṃ hadaye patiṭṭhitabhāvaṃ disvā sabbāpi tā daḷhaṃ katvā adhiṭṭhāya punappunaṃ sammasanto anulomapaṭilomaṃ sammasati, pariyante gahetvā ādiṃ pāpeti, ādimhi gahetvā pariyantaṃ pāpeti, majjhe gahetvā ubhato koṭiṃ pāpetvā osāpeti, ubhato koṭīsu gahetvā majjhaṃ pāpetvā osāpeti. Bāhirakabhaṇḍapariccāgo dānapāramī nāma, aṅgapariccāgo dānaupapāramī nāma, jīvitapariccāgo dānaparamatthapāramī nāmāti dasa pāramiyo dasa upapāramiyo dasa paramatthapāramiyoti samattiṃsa pāramiyo telayantaṃ vinivaṭṭento viya mahāmeruṃ matthaṃ katvā cakkavāḷamahāsamuddaṃ āluḷento viya ca sammasati. Tassevaṃ dasa pāramiyo sammasantassa dhammatejena catunahutādhikadviyojanasatasahassabahalā ayaṃ mahāpathavī hatthinā akkantanaḷakalāpo viya, pīḷiyamānaṃ ucchuyantaṃ viya ca mahāviravaṃ viravamānā saṅkampi sampakampi sampavedhi. Kulālacakkaṃ viya telayantacakkaṃ viya ca paribbhami. Tena vuttaṃ –

    ‘‘зд̇д̇агааязва д̇з логз, яз д̇хаммаа б̣од̇хибаажанаа;

    ‘‘Ettakāyeva te loke, ye dhammā bodhipācanā;

    д̇ад̣̇уд̣̇д̇хам̣ над̇т̇и ан̃н̃ад̇ра, д̣̇ал̣хам̣ д̇ад̇т̇а бад̇идтаха.

    Taduddhaṃ natthi aññatra, daḷhaṃ tattha patiṭṭhaha.

    ‘‘имз д̇хаммз саммасад̇о, сабхааварасалагкан̣з;

    ‘‘Ime dhamme sammasato, sabhāvarasalakkhaṇe;

    д̇хаммад̇зж̇зна васуд̇хаа, д̣̇асасахассий багамбат̇а.

    Dhammatejena vasudhā, dasasahassī pakampatha.

    ‘‘жалад̇и равад̇и бат̇авий, ужчуяанд̇ам̣ва бийл̣ид̇ам̣;

    ‘‘Calati ravati pathavī, ucchuyantaṃva pīḷitaṃ;

    д̇злаяанд̇з яат̇аа жаггам̣, звам̣ гамбад̇и мзд̣̇аний’’д̇и. (б̣у. вам̣. 2.165-167);

    Telayante yathā cakkaṃ, evaṃ kampati medanī’’ti. (bu. vaṃ. 2.165-167);

    махаабат̇авияаа гамбамаанааяа рамманаг̇араваасино сан̣таад̇ум̣ асаггонд̇аа яуг̇анд̇аваад̇аб̣бхаахад̇аа махаасаалаа вияа мужчид̇аа бабад̇им̣су. гхадаад̣̇ийни гулаалабхааж̇анаани бавадданд̇аани ан̃н̃аман̃н̃ам̣ бахаранд̇аани жун̣н̣авижун̣н̣аани ахзсум̣. махааж̇ано бхийд̇ад̇асид̇о сад̇т̇аарам̣ убасан̇гамид̇ваа ‘‘гим̣ ну ко бхаг̇аваа нааг̇ааваддо аяам̣, бхууд̇аяагкад̣̇звад̇аасу ан̃н̃ад̇арааваддо ваад̇и на хи маяам̣ зд̇ам̣ ж̇аанаама, абижа ко саб̣б̣оби аяам̣ махааж̇ано убад̣̇д̣̇уд̇о, гим̣ ну ко имасса логасса баабагам̣ бхависсад̇и, уд̣̇ааху галяаан̣ам̣, гат̇зт̇а но зд̇ам̣ гааран̣а’’нд̇и ааха. ат̇а сад̇т̇аа д̇зсам̣ гат̇ам̣ суд̇ваа ‘‘д̇умхз маа бхааяат̇а, маа жинд̇аяид̇т̇а, над̇т̇и во ид̇онид̣̇аанам̣ бхаяам̣. яо со маяаа аж̇ж̇а ‘сумзд̇хабан̣д̣ид̇о анааг̇ад̇з г̇од̇амо наама б̣уд̣̇д̇хо бхависсад̇ий’д̇и б̣яаагад̇о, со ид̣̇аани д̣̇аса баарамияо саммасад̇и, д̇асса саммасанд̇асса вилол̣знд̇асса д̇хаммад̇зж̇зна сагалад̣̇асасахассий логад̇хаад̇у згаббахаарзна гамбад̇и жзва равад̇и жаа’’д̇и ааха. д̇зна вуд̇д̇ам̣ –

    Mahāpathaviyā kampamānāya rammanagaravāsino saṇṭhātuṃ asakkontā yugantavātabbhāhatā mahāsālā viya mucchitā papatiṃsu. Ghaṭādīni kulālabhājanāni pavaṭṭantāni aññamaññaṃ paharantāni cuṇṇavicuṇṇāni ahesuṃ. Mahājano bhītatasito satthāraṃ upasaṅkamitvā ‘‘kiṃ nu kho bhagavā nāgāvaṭṭo ayaṃ, bhūtayakkhadevatāsu aññatarāvaṭṭo vāti na hi mayaṃ etaṃ jānāma, apica kho sabbopi ayaṃ mahājano upadduto, kiṃ nu kho imassa lokassa pāpakaṃ bhavissati, udāhu kalyāṇaṃ, kathetha no etaṃ kāraṇa’’nti āha. Atha satthā tesaṃ kathaṃ sutvā ‘‘tumhe mā bhāyatha, mā cintayittha, natthi vo itonidānaṃ bhayaṃ. Yo so mayā ajja ‘sumedhapaṇḍito anāgate gotamo nāma buddho bhavissatī’ti byākato, so idāni dasa pāramiyo sammasati, tassa sammasantassa viloḷentassa dhammatejena sakaladasasahassī lokadhātu ekappahārena kampati ceva ravati cā’’ti āha. Tena vuttaṃ –

    ‘‘яаавад̇аа барисаа ааси, б̣уд̣̇д̇хасса баривзсанз;

    ‘‘Yāvatā parisā āsi, buddhassa parivesane;

    бавзд̇хамаанаа саа д̇ад̇т̇а, мужчид̇аа сзси бхуумияаа.

    Pavedhamānā sā tattha, mucchitā sesi bhūmiyā.

    ‘‘гхадаанзгасахассаани, гумбхийнан̃жа сад̇аа б̣ахуу;

    ‘‘Ghaṭānekasahassāni, kumbhīnañca satā bahū;

    сан̃жун̣н̣амат̇ид̇аа д̇ад̇т̇а, ан̃н̃аман̃н̃ам̣ багхаддид̇аа.

    Sañcuṇṇamathitā tattha, aññamaññaṃ paghaṭṭitā.

    ‘‘уб̣б̣иг̇г̇аа д̇асид̇аа бхийд̇аа, бханд̇аа б̣яат̇ид̇амаанасаа;

    ‘‘Ubbiggā tasitā bhītā, bhantā byathitamānasā;

    махааж̇анаа самааг̇амма, д̣̇ийбан̇гарамубааг̇амум̣.

    Mahājanā samāgamma, dīpaṅkaramupāgamuṃ.

    ‘‘гим̣ бхависсад̇и логасса, галяаан̣амат̇а баабагам̣;

    ‘‘Kiṃ bhavissati lokassa, kalyāṇamatha pāpakaṃ;

    саб̣б̣о убад̣̇д̣̇уд̇о лого, д̇ам̣ винод̣̇зхи жагкума.

    Sabbo upadduto loko, taṃ vinodehi cakkhuma.

    ‘‘д̇зсам̣ д̇ад̣̇аа сан̃н̃аабзси, д̣̇ийбан̇гаро махаамуни;

    ‘‘Tesaṃ tadā saññāpesi, dīpaṅkaro mahāmuni;

    виссад̇т̇аа хот̇а маа бхаат̇а, имасмим̣ бат̇авигамбанз.

    Vissatthā hotha mā bhātha, imasmiṃ pathavikampane.

    ‘‘яамахам̣ аж̇ж̇а б̣яаагаасим̣, ‘б̣уд̣̇д̇хо логз бхависсад̇и’;

    ‘‘Yamahaṃ ajja byākāsiṃ, ‘buddho loke bhavissati’;

    зсо саммасад̇и д̇хаммам̣, буб̣б̣агам̣ ж̇инасзвид̇ам̣.

    Eso sammasati dhammaṃ, pubbakaṃ jinasevitaṃ.

    ‘‘д̇асса саммасад̇о д̇хаммам̣, б̣уд̣̇д̇хабхуумим̣ асзсад̇о;

    ‘‘Tassa sammasato dhammaṃ, buddhabhūmiṃ asesato;

    д̇знааяам̣ гамбид̇аа бат̇авий, д̣̇асасахассий сад̣̇звагз’’д̇и. (б̣у. вам̣. 2.168-174);

    Tenāyaṃ kampitā pathavī, dasasahassī sadevake’’ti. (bu. vaṃ. 2.168-174);

    махааж̇ано д̇ат̇ааг̇ад̇асса важанам̣ суд̇ваа хадтад̇удто маалааг̇анд̇хавилзбанам̣ аад̣̇ааяа рамманаг̇араа нигкамид̇ваа б̣од̇хисад̇д̇ам̣ убасан̇гамид̇ваа маалааг̇анд̇хаад̣̇ийхи бууж̇зд̇ваа ванд̣̇ид̇ваа бад̣̇агкин̣ам̣ гад̇ваа рамманаг̇арамзва баависи. б̣од̇хисад̇д̇оби д̣̇аса баарамияо саммасид̇ваа вийрияам̣ д̣̇ал̣хам̣ гад̇ваа ад̇хидтааяа нисиннаасанаа вудтааси. д̇зна вуд̇д̇ам̣ –

    Mahājano tathāgatassa vacanaṃ sutvā haṭṭhatuṭṭho mālāgandhavilepanaṃ ādāya rammanagarā nikkhamitvā bodhisattaṃ upasaṅkamitvā mālāgandhādīhi pūjetvā vanditvā padakkhiṇaṃ katvā rammanagarameva pāvisi. Bodhisattopi dasa pāramiyo sammasitvā vīriyaṃ daḷhaṃ katvā adhiṭṭhāya nisinnāsanā vuṭṭhāsi. Tena vuttaṃ –

    ‘‘б̣уд̣̇д̇хасса важанам̣ суд̇ваа, мано ниб̣б̣ааяи д̇аавад̣̇з;

    ‘‘Buddhassa vacanaṃ sutvā, mano nibbāyi tāvade;

    саб̣б̣з мам̣ убасан̇гамма, бунааби абхиванд̣̇исум̣.

    Sabbe maṃ upasaṅkamma, punāpi abhivandisuṃ.

    ‘‘самаад̣̇ияид̇ваа б̣уд̣̇д̇хаг̇ун̣ам̣, д̣̇ал̣хам̣ гад̇ваана маанасам̣;

    ‘‘Samādiyitvā buddhaguṇaṃ, daḷhaṃ katvāna mānasaṃ;

    д̣̇ийбан̇гарам̣ намассид̇ваа, аасанаа вудтахим̣ д̇ад̣̇аа’’д̇и. (б̣у. вам̣. 2.175-176);

    Dīpaṅkaraṃ namassitvā, āsanā vuṭṭhahiṃ tadā’’ti. (bu. vaṃ. 2.175-176);

    ат̇а б̣од̇хисад̇д̇ам̣ аасанаа вудтаханд̇ам̣ сагалад̣̇асасахассажаггаваал̣ад̣̇звад̇аа саннибад̇ид̇ваа д̣̇иб̣б̣зхи маалааг̇анд̇хзхи бууж̇зд̇ваа ванд̣̇ид̇ваа ‘‘аяяа сумзд̇хад̇аабаса, д̇аяаа аж̇ж̇а д̣̇ийбан̇гарад̣̇асаб̣аласса баад̣̇амуулз махад̇ий бад̇т̇анаа бад̇т̇ид̇аа, саа д̇з ананд̇арааязна самиж̇жхад̇у, маа д̇з бхаяам̣ ваа чамбхид̇ад̇д̇ам̣ ваа ахоси, сарийрз аббамад̇д̇агоби рог̇о маа уббаж̇ж̇ад̇у, киббам̣ баарамияо буурзд̇ваа саммаасамб̣од̇хим̣ бадивиж̇жха. яат̇аа бубпуубаг̇апалуубаг̇аругкаа самаяз бубпанд̇и жзва паланд̇и жа, д̇ат̇зва д̇вамби д̇ам̣ самаяам̣ анад̇иггамид̇ваа киббам̣ самб̣од̇химуд̇д̇амам̣ пусассуу’’д̇иаад̣̇ийни т̇уд̇иман̇г̇алаани баяируд̣̇аахам̣су. зван̃жа баяируд̣̇аахид̇ваа ад̇д̇ано ад̇д̇ано д̣̇звадтаанамзва аг̇амам̣су. б̣од̇хисад̇д̇оби д̣̇звад̇аахи абхид̇т̇авид̇о – ‘‘ахам̣ д̣̇аса баарамияо буурзд̇ваа габбасад̇асахассаад̇хигаанам̣ жад̇уннам̣ асан̇кязяяаанам̣ мад̇т̇агз б̣уд̣̇д̇хо бхависсаамий’’д̇и вийрияам̣ д̣̇ал̣хам̣ гад̇ваа ад̇хидтааяа набхам̣ аб̣бхуг̇г̇анд̇ваа химаванд̇амзва аг̇амааси. д̇зна вуд̇д̇ам̣ –

    Atha bodhisattaṃ āsanā vuṭṭhahantaṃ sakaladasasahassacakkavāḷadevatā sannipatitvā dibbehi mālāgandhehi pūjetvā vanditvā ‘‘ayya sumedhatāpasa, tayā ajja dīpaṅkaradasabalassa pādamūle mahatī patthanā patthitā, sā te anantarāyena samijjhatu, mā te bhayaṃ vā chambhitattaṃ vā ahosi, sarīre appamattakopi rogo mā uppajjatu, khippaṃ pāramiyo pūretvā sammāsambodhiṃ paṭivijjha. Yathā pupphūpagaphalūpagarukkhā samaye pupphanti ceva phalanti ca, tatheva tvampi taṃ samayaṃ anatikkamitvā khippaṃ sambodhimuttamaṃ phusassū’’tiādīni thutimaṅgalāni payirudāhaṃsu. Evañca payirudāhitvā attano attano devaṭṭhānameva agamaṃsu. Bodhisattopi devatāhi abhitthavito – ‘‘ahaṃ dasa pāramiyo pūretvā kappasatasahassādhikānaṃ catunnaṃ asaṅkhyeyyānaṃ matthake buddho bhavissāmī’’ti vīriyaṃ daḷhaṃ katvā adhiṭṭhāya nabhaṃ abbhuggantvā himavantameva agamāsi. Tena vuttaṃ –

    ‘‘д̣̇иб̣б̣ам̣ маанусагам̣ бубпам̣, д̣̇зваа маанусагаа убхо;

    ‘‘Dibbaṃ mānusakaṃ pupphaṃ, devā mānusakā ubho;

    самогиранд̇и бубпзхи, вудтаханд̇асса аасанаа.

    Samokiranti pupphehi, vuṭṭhahantassa āsanā.

    ‘‘взд̣̇аяанд̇и жа д̇з сод̇т̇им̣, д̣̇зваа маанусагаа убхо;

    ‘‘Vedayanti ca te sotthiṃ, devā mānusakā ubho;

    маханд̇ам̣ бад̇т̇ид̇ам̣ д̇уяхам̣, д̇ам̣ лабхассу яат̇ижчид̇ам̣.

    Mahantaṃ patthitaṃ tuyhaṃ, taṃ labhassu yathicchitaṃ.

    ‘‘саб̣б̣ийд̇ияо виваж̇ж̇анд̇у, сого рог̇о винассад̇у;

    ‘‘Sabbītiyo vivajjantu, soko rogo vinassatu;

    маа д̇з бхаванд̇ванд̇арааяаа, пуса киббам̣ б̣од̇химуд̇д̇амам̣.

    Mā te bhavantvantarāyā, phusa khippaṃ bodhimuttamaṃ.

    ‘‘яат̇ааби самаяз бад̇д̇з, бубпанд̇и бубпино д̣̇умаа;

    ‘‘Yathāpi samaye patte, pupphanti pupphino dumā;

    д̇ат̇зва д̇вам̣ махаавийра, б̣уд̣̇д̇хан̃аан̣зна бубпасу.

    Tatheva tvaṃ mahāvīra, buddhañāṇena pupphasu.

    ‘‘яат̇аа яз гзжи самб̣уд̣̇д̇хаа, буураяум̣ д̣̇аса баарамий;

    ‘‘Yathā ye keci sambuddhā, pūrayuṃ dasa pāramī;

    д̇ат̇зва д̇вам̣ махаавийра, буураяа д̣̇аса баарамий.

    Tatheva tvaṃ mahāvīra, pūraya dasa pāramī.

    ‘‘яат̇аа яз гзжи самб̣уд̣̇д̇хаа, б̣од̇химан̣д̣амхи б̣уж̇жхарз;

    ‘‘Yathā ye keci sambuddhā, bodhimaṇḍamhi bujjhare;

    д̇ат̇зва д̇вам̣ махаавийра, б̣уж̇жхассу ж̇инаб̣од̇хияам̣.

    Tatheva tvaṃ mahāvīra, bujjhassu jinabodhiyaṃ.

    ‘‘яат̇аа яз гзжи самб̣уд̣̇д̇хаа, д̇хаммажаггам̣ бавад̇д̇аяум̣;

    ‘‘Yathā ye keci sambuddhā, dhammacakkaṃ pavattayuṃ;

    д̇ат̇зва д̇вам̣ махаавийра, д̇хаммажаггам̣ бавад̇д̇аяа.

    Tatheva tvaṃ mahāvīra, dhammacakkaṃ pavattaya.

    ‘‘бун̣н̣амааяз яат̇аа жанд̣̇о, барисуд̣̇д̇хо вирожад̇и;

    ‘‘Puṇṇamāye yathā cando, parisuddho virocati;

    д̇ат̇зва д̇вам̣ бун̣н̣амано, вирожа д̣̇асасахассияам̣.

    Tatheva tvaṃ puṇṇamano, viroca dasasahassiyaṃ.

    ‘‘раахумуд̇д̇о яат̇аа суурияо, д̇аабзна ад̇ирожад̇и;

    ‘‘Rāhumutto yathā sūriyo, tāpena atirocati;

    д̇ат̇зва логаа мужжид̇ваа, вирожа сирияаа д̇увам̣.

    Tatheva lokā muccitvā, viroca siriyā tuvaṃ.

    ‘‘яат̇аа яаа гаажи над̣̇ияо, осаранд̇и маход̣̇ад̇хим̣;

    ‘‘Yathā yā kāci nadiyo, osaranti mahodadhiṃ;

    звам̣ сад̣̇звагаа логаа, осаранд̇у д̇аванд̇игз.

    Evaṃ sadevakā lokā, osarantu tavantike.

    ‘‘д̇зхи т̇уд̇аббасад̇т̇о со, д̣̇аса д̇хаммз самаад̣̇ияа;

    ‘‘Tehi thutappasattho so, dasa dhamme samādiya;

    д̇з д̇хаммз барибуурзнд̇о, баванам̣ баависий д̇ад̣̇аа’’д̇и. (б̣у. вам̣. 2.177-187);

    Te dhamme paripūrento, pavanaṃ pāvisī tadā’’ti. (bu. vaṃ. 2.177-187);

    сумзд̇хагат̇аа нидтид̇аа.

    Sumedhakathā niṭṭhitā.

    рамманаг̇араваасиноби ко наг̇арам̣ бависид̇ваа б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ам̣су. сад̇т̇аа д̇зсам̣ д̇хаммам̣ д̣̇зсзд̇ваа махааж̇анам̣ саран̣аад̣̇ийсу бад̇идтабзд̇ваа рамманаг̇араа нигками. д̇ад̇о уд̣̇д̇хамби яаавад̇ааяугам̣ д̇идтанд̇о саб̣б̣ам̣ б̣уд̣̇д̇хагижжам̣ гад̇ваа ануггамзна анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. д̇ад̇т̇а яам̣ вад̇д̇аб̣б̣ам̣, д̇ам̣ саб̣б̣ам̣ б̣уд̣̇д̇хавам̣сз вуд̇д̇анаязнзва вид̇т̇аарзд̇аб̣б̣ам̣. вуд̇д̇ан̃хи д̇ад̇т̇а –

    Rammanagaravāsinopi kho nagaraṃ pavisitvā buddhappamukhassa bhikkhusaṅghassa mahādānaṃ adaṃsu. Satthā tesaṃ dhammaṃ desetvā mahājanaṃ saraṇādīsu patiṭṭhapetvā rammanagarā nikkhami. Tato uddhampi yāvatāyukaṃ tiṭṭhanto sabbaṃ buddhakiccaṃ katvā anukkamena anupādisesāya nibbānadhātuyā parinibbāyi. Tattha yaṃ vattabbaṃ, taṃ sabbaṃ buddhavaṃse vuttanayeneva vitthāretabbaṃ. Vuttañhi tattha –

    ‘‘д̇ад̣̇аа д̇з бхож̇аяид̇ваана, сасан̇гхам̣ логанааяагам̣;

    ‘‘Tadā te bhojayitvāna, sasaṅghaṃ lokanāyakaṃ;

    убаг̇ажчум̣ саран̣ам̣ д̇асса, д̣̇ийбан̇гарасса сад̇т̇уно.

    Upagacchuṃ saraṇaṃ tassa, dīpaṅkarassa satthuno.

    ‘‘саран̣аг̇аманз ган̃жи, нивзсзси д̇ат̇ааг̇ад̇о;

    ‘‘Saraṇagamane kañci, nivesesi tathāgato;

    ган̃жи бан̃жасу сийлзсу, сийлз д̣̇асавид̇хз барам̣.

    Kañci pañcasu sīlesu, sīle dasavidhe paraṃ.

    ‘‘гассажи д̣̇зд̇и сааман̃н̃ам̣, жад̇уро паламуд̇д̇амз;

    ‘‘Kassaci deti sāmaññaṃ, caturo phalamuttame;

    гассажи асамз д̇хаммз, д̣̇зд̇и со бадисамбхид̣̇аа.

    Kassaci asame dhamme, deti so paṭisambhidā.

    ‘‘гассажи варасамаабад̇д̇ияо, адта д̣̇зд̇и нараасабхо;

    ‘‘Kassaci varasamāpattiyo, aṭṭha deti narāsabho;

    д̇иссо гассажи виж̇ж̇ааяо, чал̣абхин̃н̃аа бавзжчад̇и.

    Tisso kassaci vijjāyo, chaḷabhiññā pavecchati.

    ‘‘д̇зна яог̇зна ж̇анагааяам̣, овад̣̇ад̇и махаамуни;

    ‘‘Tena yogena janakāyaṃ, ovadati mahāmuni;

    д̇зна вид̇т̇ааригам̣ ааси, логанаат̇асса саасанам̣.

    Tena vitthārikaṃ āsi, lokanāthassa sāsanaṃ.

    ‘‘махаахануусабхагканд̇хо, д̣̇ийбан̇гарасанаамаго;

    ‘‘Mahāhanūsabhakkhandho, dīpaṅkarasanāmako;

    б̣ахуу ж̇анз д̇аараяад̇и, бариможзд̇и д̣̇уг̇г̇ад̇им̣.

    Bahū jane tārayati, parimoceti duggatiṃ.

    ‘‘б̣од̇ханзяяам̣ ж̇анам̣ д̣̇исваа, сад̇асахассзби яож̇анз;

    ‘‘Bodhaneyyaṃ janaṃ disvā, satasahassepi yojane;

    кан̣зна убаг̇анд̇ваана, б̣од̇хзд̇и д̇ам̣ махаамуни.

    Khaṇena upagantvāna, bodheti taṃ mahāmuni.

    ‘‘батамаабхисамаяз б̣уд̣̇д̇хо, годисад̇амаб̣од̇хаяи;

    ‘‘Paṭhamābhisamaye buddho, koṭisatamabodhayi;

    д̣̇уд̇ияаабхисамаяз наат̇о, навуд̇игодимаб̣од̇хаяи.

    Dutiyābhisamaye nātho, navutikoṭimabodhayi.

    ‘‘яад̣̇аа жа д̣̇звабхаванамхи, б̣уд̣̇д̇хо д̇хаммамад̣̇зсаяи;

    ‘‘Yadā ca devabhavanamhi, buddho dhammamadesayi;

    навуд̇игодисахассаанам̣, д̇ад̇ияаабхисамаяо аху.

    Navutikoṭisahassānaṃ, tatiyābhisamayo ahu.

    ‘‘саннибаад̇аа д̇аяо аасум̣, д̣̇ийбан̇гарасса сад̇т̇уно;

    ‘‘Sannipātā tayo āsuṃ, dīpaṅkarassa satthuno;

    годисад̇асахассаанам̣, батамо ааси самааг̇амо.

    Koṭisatasahassānaṃ, paṭhamo āsi samāgamo.

    ‘‘буна наарад̣̇агуудамхи, бавивзгаг̇ад̇з ж̇инз;

    ‘‘Puna nāradakūṭamhi, pavivekagate jine;

    кийн̣аасаваа вийд̇амалаа, самим̣су сад̇агодияо.

    Khīṇāsavā vītamalā, samiṃsu satakoṭiyo.

    ‘‘яамхи гаалз махаавийро, суд̣̇ассанасилужжаяз;

    ‘‘Yamhi kāle mahāvīro, sudassanasiluccaye;

    навуд̇игодисахассзхи, баваарзси махаамуни.

    Navutikoṭisahassehi, pavāresi mahāmuni.

    ‘‘ахам̣ д̇зна самаязна, ж̇адило уг̇г̇ад̇аабано;

    ‘‘Ahaṃ tena samayena, jaṭilo uggatāpano;

    анд̇алигкамхи жаран̣о, бан̃жаабхин̃н̃аасу баараг̇уу.

    Antalikkhamhi caraṇo, pañcābhiññāsu pāragū.

    ‘‘д̣̇асавийсасахассаанам̣, д̇хаммаабхисамаяо аху;

    ‘‘Dasavīsasahassānaṃ, dhammābhisamayo ahu;

    згад̣̇виннам̣ абхисамаяаа, г̇ан̣анад̇о асан̇кияаа.

    Ekadvinnaṃ abhisamayā, gaṇanato asaṅkhiyā.

    ‘‘вид̇т̇ааригам̣ б̣аахуж̇ан̃н̃ам̣, ид̣̇д̇хам̣ пийд̇ам̣ ахуу д̇ад̣̇аа;

    ‘‘Vitthārikaṃ bāhujaññaṃ, iddhaṃ phītaṃ ahū tadā;

    д̣̇ийбан̇гарасса бхаг̇авад̇о, саасарам̣ сувисод̇хид̇ам̣.

    Dīpaṅkarassa bhagavato, sāsaraṃ suvisodhitaṃ.

    ‘‘жад̇д̇аари сад̇асахассаани, чал̣абхин̃н̃аа махид̣̇д̇хигаа;

    ‘‘Cattāri satasahassāni, chaḷabhiññā mahiddhikā;

    д̣̇ийбан̇гарам̣ логавид̣̇ум̣ бариваарзнд̇и саб̣б̣ад̣̇аа.

    Dīpaṅkaraṃ lokaviduṃ parivārenti sabbadā.

    ‘‘яз гзжи д̇зна самаязна, ж̇аханд̇и маанусам̣ бхавам̣;

    ‘‘Ye keci tena samayena, jahanti mānusaṃ bhavaṃ;

    аббад̇д̇амаанасаа сзкаа, г̇арахид̇аа бхаванд̇и д̇з.

    Appattamānasā sekhā, garahitā bhavanti te.

    ‘‘субубпид̇ам̣ бааважанам̣, араханд̇зхи д̇аад̣̇ибхи;

    ‘‘Supupphitaṃ pāvacanaṃ, arahantehi tādibhi;

    кийн̣аасавзхи вималзхи, убасобхад̇и саб̣б̣ад̣̇аа.

    Khīṇāsavehi vimalehi, upasobhati sabbadā.

    ‘‘наг̇арам̣ раммавад̇ий наама, суд̣̇зво наама кад̇д̇ияо;

    ‘‘Nagaraṃ rammavatī nāma, sudevo nāma khattiyo;

    сумзд̇хаа наама ж̇анигаа, д̣̇ийбан̇гарасса сад̇т̇уно.

    Sumedhā nāma janikā, dīpaṅkarassa satthuno.

    ‘‘д̣̇асавассасахассаани, аг̇аарам̣ аж̇жха со васи;

    ‘‘Dasavassasahassāni, agāraṃ ajjha so vasi;

    хам̣саа гон̃жаа маяуураа жа, д̇аяо баасаад̣̇амуд̇д̇амаа.

    Haṃsā koñcā mayūrā ca, tayo pāsādamuttamā.

    ‘‘д̇ийн̣и сад̇асахассаани, наарияо самалан̇гад̇аа;

    ‘‘Tīṇi satasahassāni, nāriyo samalaṅkatā;

    бад̣̇умаа наама саа наарий, усабхагканд̇хо ад̇раж̇о.

    Padumā nāma sā nārī, usabhakkhandho atrajo.

    ‘‘нимид̇д̇з жад̇уро д̣̇исваа, хад̇т̇ияаанзна нигками;

    ‘‘Nimitte caturo disvā, hatthiyānena nikkhami;

    ануунад̣̇асамаасаани, бад̇хаанз бад̣̇ахий ж̇ино.

    Anūnadasamāsāni, padhāne padahī jino.

    ‘‘бад̇хаанажаарам̣ жарид̇ваана, аб̣уж̇жхи маанасам̣ муни;

    ‘‘Padhānacāraṃ caritvāna, abujjhi mānasaṃ muni;

    б̣рахмунаа яаажид̇о санд̇о, д̣̇ийбан̇гаро махаамуни.

    Brahmunā yācito santo, dīpaṅkaro mahāmuni.

    ‘‘вад̇д̇и жаггам̣ махаавийро, нанд̣̇аараамз сирийгхарз;

    ‘‘Vatti cakkaṃ mahāvīro, nandārāme sirīghare;

    нисинно сирийсамууламхи, агааси д̇ид̇т̇ияамад̣̇д̣̇анам̣.

    Nisinno sirīsamūlamhi, akāsi titthiyamaddanaṃ.

    ‘‘суман̇г̇ало жа д̇иссо жа, ахзсум̣ аг̇г̇асаавагаа;

    ‘‘Sumaṅgalo ca tisso ca, ahesuṃ aggasāvakā;

    сааг̇ад̇о наамубадтааго, д̣̇ийбан̇гарасса сад̇т̇уно.

    Sāgato nāmupaṭṭhāko, dīpaṅkarassa satthuno.

    сунанд̣̇аа жа‘‘нанд̣̇аа жзва сунанд̣̇аа жа, ахзсум̣ аг̇г̇асаавигаа;

    Sunandā ca‘‘nandā ceva sunandā ca, ahesuṃ aggasāvikā;

    б̣од̇хи д̇асса бхаг̇авад̇о, бибпалийд̇и бавужжад̇и.

    Bodhi tassa bhagavato, pipphalīti pavuccati.

    ‘‘д̇абуссабхаллигаа наама, ахзсум̣ аг̇г̇убадтагаа;

    ‘‘Tapussabhallikā nāma, ahesuṃ aggupaṭṭhakā;

    сиримаа гон̣аа убадтигаа, д̣̇ийбан̇гарасса сад̇т̇уно.

    Sirimā koṇā upaṭṭhikā, dīpaṅkarassa satthuno.

    ‘‘асийд̇ихад̇т̇амуб̣б̣зд̇хо, д̣̇ийбан̇гаро махаамуни;

    ‘‘Asītihatthamubbedho, dīpaṅkaro mahāmuni;

    собхад̇и д̣̇ийбаругкова, сааларааж̇аава пуллид̇о.

    Sobhati dīparukkhova, sālarājāva phullito.

    ‘‘бабхаа вид̇хаавад̇и д̇асса, саманд̇аа д̣̇ваад̣̇аса яож̇анз;

    ‘‘Pabhā vidhāvati tassa, samantā dvādasa yojane;

    сад̇асахассавассаани, ааяу д̇асса махзсино;

    Satasahassavassāni, āyu tassa mahesino;

    д̇аавад̇аа д̇идтамаано со, д̇аарзси ж̇анад̇ам̣ б̣ахум̣.

    Tāvatā tiṭṭhamāno so, tāresi janataṃ bahuṃ.

    ‘‘ж̇од̇аяид̇ваана сад̣̇д̇хаммам̣, санд̇аарзд̇ваа махааж̇анам̣;

    ‘‘Jotayitvāna saddhammaṃ, santāretvā mahājanaṃ;

    ж̇алид̇ваа аг̇г̇иканд̇хова, ниб̣б̣уд̇о со сасааваго.

    Jalitvā aggikhandhova, nibbuto so sasāvako.

    ‘‘саа жа ид̣̇д̇хи со жа яасо, д̇аани жа баад̣̇зсу жаггарад̇анаани;

    ‘‘Sā ca iddhi so ca yaso, tāni ca pādesu cakkaratanāni;

    саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараад̇и.

    Sabbaṃ tamantarahitaṃ, nanu rittā sabbasaṅkhārāti.

    ‘‘д̣̇ийбан̇гаро ж̇ино сад̇т̇аа, нанд̣̇аараамамхи ниб̣б̣уд̇о;

    ‘‘Dīpaṅkaro jino satthā, nandārāmamhi nibbuto;

    д̇ад̇т̇зд̇асса ж̇инат̇уубо, чад̇д̇им̣суб̣б̣зд̇хаяож̇ано’’д̇и. (б̣у. вам̣. 3.1-31);

    Tatthetassa jinathūpo, chattiṃsubbedhayojano’’ti. (bu. vaṃ. 3.1-31);




    Next: гон̣д̣ан̃н̃о б̣уд̣̇д̇хо • Koṇḍañño buddho


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact