| Library / Tipiṭaka / तिपिटक • Tipiṭaka / जातकपाळि • Jātakapāḷi |
४२६. दीपिजातकं (१०)
426. Dīpijātakaṃ (10)
८८.
88.
खमनीयं यापनीयं, कच्चि मातुल ते सुखं।
Khamanīyaṃ yāpanīyaṃ, kacci mātula te sukhaṃ;
८९.
89.
साज्ज मातुलवादेन, मुञ्चितब्बा नु मञ्ञसि॥
Sājja mātulavādena, muñcitabbā nu maññasi.
९०.
90.
पुरत्थामुखो निसिन्नोसि, अहं ते मुखमागता।
Puratthāmukho nisinnosi, ahaṃ te mukhamāgatā;
पच्छतो तुय्हं नङ्गुट्ठं, कथं ख्वाहं अवक्कमिं 9॥
Pacchato tuyhaṃ naṅguṭṭhaṃ, kathaṃ khvāhaṃ avakkamiṃ 10.
९१.
91.
यावता चतुरो दीपा, ससमुद्दा सपब्बता।
Yāvatā caturo dīpā, sasamuddā sapabbatā;
तावता मय्हं नङ्गुट्ठं, कथं खो त्वं विवज्जयि॥
Tāvatā mayhaṃ naṅguṭṭhaṃ, kathaṃ kho tvaṃ vivajjayi.
९२.
92.
दीघं दुट्ठस्स नङ्गुट्ठं, साम्हि वेहायसागता॥
Dīghaṃ duṭṭhassa naṅguṭṭhaṃ, sāmhi vehāyasāgatā.
९३.
93.
तञ्च दिस्वान आयन्तिं, अन्तलिक्खस्मि एळिके।
Tañca disvāna āyantiṃ, antalikkhasmi eḷike;
मिगसङ्घो पलायित्थ, भक्खो मे नासितो तया॥
Migasaṅgho palāyittha, bhakkho me nāsito tayā.
९४.
94.
इच्चेवं विलपन्तिया, एळकिया रुहग्घसो।
Iccevaṃ vilapantiyā, eḷakiyā ruhagghaso;
गलकं अन्वावमद्दि, नत्थि दुट्ठे सुभासितं॥
Galakaṃ anvāvamaddi, natthi duṭṭhe subhāsitaṃ.
९५.
95.
नेव दुट्ठे नयो अत्थि, न धम्मो न सुभासितं।
Neva duṭṭhe nayo atthi, na dhammo na subhāsitaṃ;
निक्कमं दुट्ठे युञ्जेथ, सो च सब्भिं न रञ्जतीति॥
Nikkamaṃ duṭṭhe yuñjetha, so ca sabbhiṃ na rañjatīti.
दीपिजातकं दसमं।
Dīpijātakaṃ dasamaṃ.
अट्ठकनिपातं निट्ठितं।
Aṭṭhakanipātaṃ niṭṭhitaṃ.
तस्सुद्दानं –
Tassuddānaṃ –
परिसुद्धा मनाविला वत्थधरा, बकराजस्स कायुरं दण्डवरो।
Parisuddhā manāvilā vatthadharā, bakarājassa kāyuraṃ daṇḍavaro;
अथ अङ्गार चेतिय देविलिना, अथ आदित्त गङ्गा दसेळकिनाति॥
Atha aṅgāra cetiya devilinā, atha āditta gaṅgā daseḷakināti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४२६] १०. दीपिजातकवण्णना • [426] 10. Dīpijātakavaṇṇanā
