| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๒๖. ทีปิชาตกํ (๑๐)
426. Dīpijātakaṃ (10)
๘๘.
88.
ขมนียํ ยาปนียํ, กจฺจิ มาตุล เต สุขํ;
Khamanīyaṃ yāpanīyaṃ, kacci mātula te sukhaṃ;
๘๙.
89.
สาชฺช มาตุลวาเทน, มุญฺจิตพฺพา นุ มญฺญสิฯ
Sājja mātulavādena, muñcitabbā nu maññasi.
๙๐.
90.
ปุรตฺถามุโข นิสิโนฺนสิ, อหํ เต มุขมาคตา;
Puratthāmukho nisinnosi, ahaṃ te mukhamāgatā;
ปจฺฉโต ตุยฺหํ นงฺคุฎฺฐํ, กถํ ขฺวาหํ อวกฺกมิํ 9ฯ
Pacchato tuyhaṃ naṅguṭṭhaṃ, kathaṃ khvāhaṃ avakkamiṃ 10.
๙๑.
91.
ยาวตา จตุโร ทีปา, สสมุทฺทา สปพฺพตา;
Yāvatā caturo dīpā, sasamuddā sapabbatā;
ตาวตา มยฺหํ นงฺคุฎฺฐํ, กถํ โข ตฺวํ วิวชฺชยิฯ
Tāvatā mayhaṃ naṅguṭṭhaṃ, kathaṃ kho tvaṃ vivajjayi.
๙๒.
92.
ทีฆํ ทุฎฺฐสฺส นงฺคุฎฺฐํ, สามฺหิ เวหายสาคตาฯ
Dīghaṃ duṭṭhassa naṅguṭṭhaṃ, sāmhi vehāyasāgatā.
๙๓.
93.
ตญฺจ ทิสฺวาน อายนฺติํ, อนฺตลิกฺขสฺมิ เอฬิเก;
Tañca disvāna āyantiṃ, antalikkhasmi eḷike;
มิคสโงฺฆ ปลายิตฺถ, ภโกฺข เม นาสิโต ตยาฯ
Migasaṅgho palāyittha, bhakkho me nāsito tayā.
๙๔.
94.
อิเจฺจวํ วิลปนฺติยา, เอฬกิยา รุหคฺฆโส;
Iccevaṃ vilapantiyā, eḷakiyā ruhagghaso;
คลกํ อนฺวาวมทฺทิ, นตฺถิ ทุเฎฺฐ สุภาสิตํฯ
Galakaṃ anvāvamaddi, natthi duṭṭhe subhāsitaṃ.
๙๕.
95.
เนว ทุเฎฺฐ นโย อตฺถิ, น ธโมฺม น สุภาสิตํ;
Neva duṭṭhe nayo atthi, na dhammo na subhāsitaṃ;
นิกฺกมํ ทุเฎฺฐ ยุเญฺชถ, โส จ สพฺภิํ น รญฺชตีติฯ
Nikkamaṃ duṭṭhe yuñjetha, so ca sabbhiṃ na rañjatīti.
ทีปิชาตกํ ทสมํฯ
Dīpijātakaṃ dasamaṃ.
อฎฺฐกนิปาตํ นิฎฺฐิตํฯ
Aṭṭhakanipātaṃ niṭṭhitaṃ.
ตสฺสุทฺทานํ –
Tassuddānaṃ –
ปริสุทฺธา มนาวิลา วตฺถธรา, พกราชสฺส กายุรํ ทณฺฑวโร;
Parisuddhā manāvilā vatthadharā, bakarājassa kāyuraṃ daṇḍavaro;
อถ องฺคาร เจติย เทวิลินา, อถ อาทิตฺต คงฺคา ทเสฬกินาติฯ
Atha aṅgāra cetiya devilinā, atha āditta gaṅgā daseḷakināti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๒๖] ๑๐. ทีปิชาตกวณฺณนา • [426] 10. Dīpijātakavaṇṇanā
