| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤២៦. ទីបិជាតកំ (១០)
426. Dīpijātakaṃ (10)
៨៨.
88.
ខមនីយំ យាបនីយំ, កច្ចិ មាតុល តេ សុខំ;
Khamanīyaṃ yāpanīyaṃ, kacci mātula te sukhaṃ;
៨៩.
89.
សាជ្ជ មាតុលវាទេន, មុញ្ចិតព្ពា នុ មញ្ញសិ។
Sājja mātulavādena, muñcitabbā nu maññasi.
៩០.
90.
បុរត្ថាមុខោ និសិន្នោសិ, អហំ តេ មុខមាគតា;
Puratthāmukho nisinnosi, ahaṃ te mukhamāgatā;
បច្ឆតោ តុយ្ហំ នង្គុដ្ឋំ, កថំ ខ្វាហំ អវក្កមិំ 9។
Pacchato tuyhaṃ naṅguṭṭhaṃ, kathaṃ khvāhaṃ avakkamiṃ 10.
៩១.
91.
យាវតា ចតុរោ ទីបា, សសមុទ្ទា សបព្ពតា;
Yāvatā caturo dīpā, sasamuddā sapabbatā;
តាវតា មយ្ហំ នង្គុដ្ឋំ, កថំ ខោ ត្វំ វិវជ្ជយិ។
Tāvatā mayhaṃ naṅguṭṭhaṃ, kathaṃ kho tvaṃ vivajjayi.
៩២.
92.
ទីឃំ ទុដ្ឋស្ស នង្គុដ្ឋំ, សាម្ហិ វេហាយសាគតា។
Dīghaṃ duṭṭhassa naṅguṭṭhaṃ, sāmhi vehāyasāgatā.
៩៣.
93.
តញ្ច ទិស្វាន អាយន្តិំ, អន្តលិក្ខស្មិ ឯឡិកេ;
Tañca disvāna āyantiṃ, antalikkhasmi eḷike;
មិគសង្ឃោ បលាយិត្ថ, ភក្ខោ មេ នាសិតោ តយា។
Migasaṅgho palāyittha, bhakkho me nāsito tayā.
៩៤.
94.
ឥច្ចេវំ វិលបន្តិយា, ឯឡកិយា រុហគ្ឃសោ;
Iccevaṃ vilapantiyā, eḷakiyā ruhagghaso;
គលកំ អន្វាវមទ្ទិ, នត្ថិ ទុដ្ឋេ សុភាសិតំ។
Galakaṃ anvāvamaddi, natthi duṭṭhe subhāsitaṃ.
៩៥.
95.
នេវ ទុដ្ឋេ នយោ អត្ថិ, ន ធម្មោ ន សុភាសិតំ;
Neva duṭṭhe nayo atthi, na dhammo na subhāsitaṃ;
និក្កមំ ទុដ្ឋេ យុញ្ជេថ, សោ ច សព្ភិំ ន រញ្ជតីតិ។
Nikkamaṃ duṭṭhe yuñjetha, so ca sabbhiṃ na rañjatīti.
ទីបិជាតកំ ទសមំ។
Dīpijātakaṃ dasamaṃ.
អដ្ឋកនិបាតំ និដ្ឋិតំ។
Aṭṭhakanipātaṃ niṭṭhitaṃ.
តស្សុទ្ទានំ –
Tassuddānaṃ –
បរិសុទ្ធា មនាវិលា វត្ថធរា, ពករាជស្ស កាយុរំ ទណ្ឌវរោ;
Parisuddhā manāvilā vatthadharā, bakarājassa kāyuraṃ daṇḍavaro;
អថ អង្គារ ចេតិយ ទេវិលិនា, អថ អាទិត្ត គង្គា ទសេឡកិនាតិ។
Atha aṅgāra cetiya devilinā, atha āditta gaṅgā daseḷakināti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤២៦] ១០. ទីបិជាតកវណ្ណនា • [426] 10. Dīpijātakavaṇṇanā
