| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
426. දීපිජාතකං (10)
426. Dīpijātakaṃ (10)
88.
88.
ඛමනීයං යාපනීයං, කච්‌චි මාතුල තෙ සුඛං;
Khamanīyaṃ yāpanīyaṃ, kacci mātula te sukhaṃ;
89.
89.
සාජ්‌ජ මාතුලවාදෙන, මුඤ්‌චිතබ්‌බා නු මඤ්‌ඤසි.
Sājja mātulavādena, muñcitabbā nu maññasi.
90.
90.
පුරත්‌ථාමුඛො නිසින්‌නොසි, අහං තෙ මුඛමාගතා;
Puratthāmukho nisinnosi, ahaṃ te mukhamāgatā;
පච්‌ඡතො තුය්‌හං නඞ්‌ගුට්‌ඨං, කථං ඛ්‌වාහං අවක්‌කමිං 9.
Pacchato tuyhaṃ naṅguṭṭhaṃ, kathaṃ khvāhaṃ avakkamiṃ 10.
91.
91.
යාවතා චතුරො දීපා, සසමුද්‌දා සපබ්‌බතා;
Yāvatā caturo dīpā, sasamuddā sapabbatā;
තාවතා මය්‌හං නඞ්‌ගුට්‌ඨං, කථං ඛො ත්‌වං විවජ්‌ජයි.
Tāvatā mayhaṃ naṅguṭṭhaṃ, kathaṃ kho tvaṃ vivajjayi.
92.
92.
දීඝං දුට්‌ඨස්‌ස නඞ්‌ගුට්‌ඨං, සාම්‌හි වෙහායසාගතා.
Dīghaṃ duṭṭhassa naṅguṭṭhaṃ, sāmhi vehāyasāgatā.
93.
93.
තඤ්‌ච දිස්‌වාන ආයන්‌තිං, අන්‌තලික්‌ඛස්‌මි එළිකෙ;
Tañca disvāna āyantiṃ, antalikkhasmi eḷike;
මිගසඞ්‌ඝො පලායිත්‌ථ, භක්‌ඛො මෙ නාසිතො තයා.
Migasaṅgho palāyittha, bhakkho me nāsito tayā.
94.
94.
ඉච්‌චෙවං විලපන්‌තියා, එළකියා රුහග්‌ඝසො;
Iccevaṃ vilapantiyā, eḷakiyā ruhagghaso;
ගලකං අන්‌වාවමද්‌දි, නත්‌ථි දුට්‌ඨෙ සුභාසිතං.
Galakaṃ anvāvamaddi, natthi duṭṭhe subhāsitaṃ.
95.
95.
නෙව දුට්‌ඨෙ නයො අත්‌ථි, න ධම්‌මො න සුභාසිතං;
Neva duṭṭhe nayo atthi, na dhammo na subhāsitaṃ;
නික්‌කමං දුට්‌ඨෙ යුඤ්‌ජෙථ, සො ච සබ්‌භිං න රඤ්‌ජතීති.
Nikkamaṃ duṭṭhe yuñjetha, so ca sabbhiṃ na rañjatīti.
දීපිජාතකං දසමං.
Dīpijātakaṃ dasamaṃ.
අට්‌ඨකනිපාතං නිට්‌ඨිතං.
Aṭṭhakanipātaṃ niṭṭhitaṃ.
තස්‌සුද්‌දානං –
Tassuddānaṃ –
පරිසුද්‌ධා මනාවිලා වත්‌ථධරා, බකරාජස්‌ස කායුරං දණ්‌ඩවරො;
Parisuddhā manāvilā vatthadharā, bakarājassa kāyuraṃ daṇḍavaro;
අථ අඞ්‌ගාර චෙතිය දෙවිලිනා, අථ ආදිත්‌ත ගඞ්‌ගා දසෙළකිනාති.
Atha aṅgāra cetiya devilinā, atha āditta gaṅgā daseḷakināti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [426] 10. දීපිජාතකවණ්‌ණනා • [426] 10. Dīpijātakavaṇṇanā
