| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[426] 10. д̣̇ийбиж̇аад̇агаван̣н̣анаа
[426] 10. Dīpijātakavaṇṇanā
каманийяам̣ яаабанийяанд̇и ид̣̇ам̣ сад̇т̇аа взл̣уванз вихаранд̇о згам̣ зл̣игам̣ аараб̣бха гат̇зси. згасмин̃хи самаяз махаамог̇г̇аллаанад̇т̇зро г̇ирибаригкид̇д̇з згад̣̇ваарз г̇ириб̣б̣аж̇асзнаасанз вихааси. д̣̇ваарасамийбзязвасса жан̇гамо ахоси. д̇ад̣̇аа зл̣агабаалагаа ‘‘зл̣агаа зд̇т̇а жаранд̇уу’’д̇и г̇ириб̣б̣аж̇ам̣ бавзсзд̇ваа гийл̣анд̇аа вихаранд̇и. д̇зсу згад̣̇ивасам̣ сааяам̣ ааг̇анд̇ваа зл̣агз г̇ахзд̇ваа г̇ажчанд̇зсу згаа зл̣игаа д̣̇уурз жарамаанаа зл̣агз нигкаманд̇з ад̣̇исваа охийяи. д̇ам̣ бажчаа нигкаманд̇им̣ зго д̣̇ийбиго д̣̇исваа ‘‘каад̣̇иссаами на’’нд̇и г̇ириб̣б̣аж̇ад̣̇ваарз адтааси. сааби ид̇о жид̇о жа ологзнд̇ий д̇ам̣ д̣̇исваа ‘‘зса мам̣ маарзд̇ваа каад̣̇ид̇угаамад̇ааяа тид̇о, сажз нивад̇д̇ид̇ваа балааяиссаами, ж̇ийвид̇ам̣ мз над̇т̇и, аж̇ж̇а маяаа бурисагаарам̣ гаад̇ум̣ ваддад̇ий’’д̇и жинд̇зд̇ваа син̇г̇аани угкибид̇ваа д̇асса абхимукам̣ взг̇зна багканд̣̇ид̇ваа д̣̇ийбигасса ‘‘ид̇о г̇ан̣хиссаами, ид̇о г̇ан̣хиссаамий’’д̇и вибпанд̣̇ад̇ова г̇ахан̣ам̣ анубаг̇анд̇ваа взг̇зна балааяид̇ваа зл̣агаанам̣ анд̇арам̣ баависи. ат̇а т̇зро д̇ам̣ д̇зсам̣ гирияам̣ д̣̇исваа бунад̣̇ивасз г̇анд̇ваа д̇ат̇ааг̇ад̇асса аарожзд̇ваа ‘‘звам̣ бханд̇з, саа зл̣игаа ад̇д̇ано убааяагусалад̇ааяа бараггамам̣ гад̇ваа д̣̇ийбигад̇о мужжий’’д̇и ааха. сад̇т̇аа ‘‘мог̇г̇аллаана, ид̣̇аани д̇аава со д̣̇ийбиго д̇ам̣ г̇ахзд̇ум̣ наасагки, буб̣б̣з бана нам̣ вираванд̇им̣ маарзд̇ваа каад̣̇ий’’д̇и вад̇ваа д̇зна яаажид̇о ад̇ийд̇ам̣ аахари.
Khamanīyaṃyāpanīyanti idaṃ satthā veḷuvane viharanto ekaṃ eḷikaṃ ārabbha kathesi. Ekasmiñhi samaye mahāmoggallānatthero giriparikkhitte ekadvāre giribbajasenāsane vihāsi. Dvārasamīpeyevassa caṅkamo ahosi. Tadā eḷakapālakā ‘‘eḷakā ettha carantū’’ti giribbajaṃ pavesetvā kīḷantā viharanti. Tesu ekadivasaṃ sāyaṃ āgantvā eḷake gahetvā gacchantesu ekā eḷikā dūre caramānā eḷake nikkhamante adisvā ohīyi. Taṃ pacchā nikkhamantiṃ eko dīpiko disvā ‘‘khādissāmi na’’nti giribbajadvāre aṭṭhāsi. Sāpi ito cito ca olokentī taṃ disvā ‘‘esa maṃ māretvā khāditukāmatāya ṭhito, sace nivattitvā palāyissāmi, jīvitaṃ me natthi, ajja mayā purisakāraṃ kātuṃ vaṭṭatī’’ti cintetvā siṅgāni ukkhipitvā tassa abhimukhaṃ vegena pakkhanditvā dīpikassa ‘‘ito gaṇhissāmi, ito gaṇhissāmī’’ti vipphandatova gahaṇaṃ anupagantvā vegena palāyitvā eḷakānaṃ antaraṃ pāvisi. Atha thero taṃ tesaṃ kiriyaṃ disvā punadivase gantvā tathāgatassa ārocetvā ‘‘evaṃ bhante, sā eḷikā attano upāyakusalatāya parakkamaṃ katvā dīpikato muccī’’ti āha. Satthā ‘‘moggallāna, idāni tāva so dīpiko taṃ gahetuṃ nāsakkhi, pubbe pana naṃ viravantiṃ māretvā khādī’’ti vatvā tena yācito atītaṃ āhari.
ад̇ийд̇з маг̇ад̇харадтз б̣од̇хисад̇д̇о згасмим̣ г̇аамз махаабхог̇агулз ниб̣б̣ад̇д̇ид̇ваа ваяаббад̇д̇о гаамз бахааяа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа жирам̣ химаванд̇з васид̇ваа лон̣амб̣иласзванад̇т̇ааяа рааж̇аг̇ахам̣ г̇анд̇ваа згасмим̣язва г̇ириб̣б̣аж̇з бан̣н̣асаалам̣ маабзд̇ваа ваасам̣ габбзси. д̇ад̣̇аа иминаава нияаамзна зл̣агабаалагзсу зл̣агз жаранд̇зсу згад̣̇ивасам̣ звамзва згам̣ зл̣игам̣ бажчаа нигкаманд̇им̣ д̣̇исваа зго д̣̇ийбиго ‘‘каад̣̇иссаами на’’нд̇и д̣̇ваарз адтааси. сааби д̇ам̣ д̣̇исваа ‘‘аж̇ж̇а маяхам̣ ж̇ийвид̇ам̣ над̇т̇и, згзнубааязна иминаа сад̣̇д̇хим̣ мад̇хурабадисант̇аарам̣ гад̇ваа хад̣̇аяамасса муд̣̇угам̣ ж̇анзд̇ваа ж̇ийвид̇ам̣ рагкиссаамий’’д̇и жинд̇зд̇ваа д̣̇уурад̇ова д̇зна сад̣̇д̇хим̣ бадисант̇аарам̣ гаронд̇ий ааг̇ажчамаанаа батамам̣ г̇аат̇амааха –
Atīte magadharaṭṭhe bodhisatto ekasmiṃ gāme mahābhogakule nibbattitvā vayappatto kāme pahāya isipabbajjaṃ pabbajitvā jhānābhiññāyo nibbattetvā ciraṃ himavante vasitvā loṇambilasevanatthāya rājagahaṃ gantvā ekasmiṃyeva giribbaje paṇṇasālaṃ māpetvā vāsaṃ kappesi. Tadā imināva niyāmena eḷakapālakesu eḷake carantesu ekadivasaṃ evameva ekaṃ eḷikaṃ pacchā nikkhamantiṃ disvā eko dīpiko ‘‘khādissāmi na’’nti dvāre aṭṭhāsi. Sāpi taṃ disvā ‘‘ajja mayhaṃ jīvitaṃ natthi, ekenupāyena iminā saddhiṃ madhurapaṭisanthāraṃ katvā hadayamassa mudukaṃ janetvā jīvitaṃ rakkhissāmī’’ti cintetvā dūratova tena saddhiṃ paṭisanthāraṃ karontī āgacchamānā paṭhamaṃ gāthamāha –
88.
88.
‘‘каманийяам̣ яаабанийяам̣, гажжи маад̇ула д̇з сукам̣;
‘‘Khamanīyaṃ yāpanīyaṃ, kacci mātula te sukhaṃ;
сукам̣ д̇з аммаа аважа, сукагаамаава д̇з маяа’’нд̇и.
Sukhaṃ te ammā avaca, sukhakāmāva te maya’’nti.
д̇ад̇т̇а сукам̣ д̇з аммаад̇и маяхам̣ маад̇ааби ‘‘д̇умхаагам̣ сукам̣ бужчзяяаасий’’д̇и аж̇ж̇а мам̣ аважаад̇и ад̇т̇о. маяанд̇и маад̇ула маяамби д̇умхаагам̣ сукам̣ зва ижчаамаад̇и.
Tattha sukhaṃ te ammāti mayhaṃ mātāpi ‘‘tumhākaṃ sukhaṃ puccheyyāsī’’ti ajja maṃ avacāti attho. Mayanti mātula mayampi tumhākaṃ sukhaṃ eva icchāmāti.
д̇ам̣ суд̇ваа д̣̇ийбиго ‘‘аяам̣ д̇худ̇д̇игаа мам̣ маад̇улаваад̣̇зна ван̃жзд̇угаамаа, на мз гагкал̣абхаавам̣ ж̇аанаад̇ий’’д̇и жинд̇зд̇ваа д̣̇уд̇ияам̣ г̇аат̇амааха –
Taṃ sutvā dīpiko ‘‘ayaṃ dhuttikā maṃ mātulavādena vañcetukāmā, na me kakkhaḷabhāvaṃ jānātī’’ti cintetvā dutiyaṃ gāthamāha –
89.
89.
‘‘нан̇г̇удтам̣ мз аваггамма, хзтаяид̇ваана зл̣игз;
‘‘Naṅguṭṭhaṃ me avakkamma, heṭhayitvāna eḷike;
сааж̇ж̇а маад̇улаваад̣̇зна, мун̃жид̇аб̣б̣аа ну ман̃н̃асий’’д̇и.
Sājja mātulavādena, muñcitabbā nu maññasī’’ti.
д̇ассад̇т̇о – д̇вам̣ мама нан̇г̇удтаман̣д̣алам̣ аггамид̇ваа хзтаяид̇ваа ааг̇ажчаси, саа д̇вам̣ ‘‘аж̇ж̇а маад̇улаваад̣̇зна мун̃жид̇аб̣б̣аахамасмий’’д̇и ман̃н̃аси ну, звам̣ ман̃н̃аси ман̃н̃зд̇и.
Tassattho – tvaṃ mama naṅguṭṭhamaṇḍalaṃ akkamitvā heṭhayitvā āgacchasi, sā tvaṃ ‘‘ajja mātulavādena muñcitabbāhamasmī’’ti maññasi nu, evaṃ maññasi maññeti.
д̇ам̣ суд̇ваа ид̇араа ‘‘маад̇ула, маа звам̣ гарий’’д̇и вад̇ваа д̇ад̇ияам̣ г̇аат̇амааха –
Taṃ sutvā itarā ‘‘mātula, mā evaṃ karī’’ti vatvā tatiyaṃ gāthamāha –
90.
90.
‘‘бурад̇т̇аамуко нисинноси, ахам̣ д̇з мукамааг̇ад̇аа;
‘‘Puratthāmukho nisinnosi, ahaṃ te mukhamāgatā;
бажчад̇о д̇уяхам̣ нан̇г̇удтам̣, гат̇ам̣ кваахам̣ аваггами’’нд̇и.
Pacchato tuyhaṃ naṅguṭṭhaṃ, kathaṃ khvāhaṃ avakkami’’nti.
д̇ад̇т̇а муканд̇и абхимукам̣. гат̇ам̣ кваахам̣ аваггаминд̇и д̇ава бажчад̇о тид̇ам̣ ахам̣ гат̇ам̣ аваггаминд̇и ад̇т̇о.
Tattha mukhanti abhimukhaṃ. Kathaṃ khvāhaṃ avakkaminti tava pacchato ṭhitaṃ ahaṃ kathaṃ avakkaminti attho.
ат̇а нам̣ со ‘‘гим̣ гат̇зси зл̣игз, мама нан̇г̇удтасса адтид̇адтаанам̣ наама над̇т̇ий’’д̇и вад̇ваа жад̇уд̇т̇ам̣ г̇аат̇амааха –
Atha naṃ so ‘‘kiṃ kathesi eḷike, mama naṅguṭṭhassa aṭṭhitaṭṭhānaṃ nāma natthī’’ti vatvā catutthaṃ gāthamāha –
91.
91.
‘‘яаавад̇аа жад̇уро д̣̇ийбаа, сасамуд̣̇д̣̇аа сабаб̣б̣ад̇аа;
‘‘Yāvatā caturo dīpā, sasamuddā sapabbatā;
д̇аавад̇аа маяхам̣ нан̇г̇удтам̣, гат̇ам̣ ко д̇ам̣ виваж̇ж̇аяий’’д̇и.
Tāvatā mayhaṃ naṅguṭṭhaṃ, kathaṃ kho taṃ vivajjayī’’ti.
д̇ад̇т̇а д̇аавад̇аад̇и зд̇д̇агам̣ таанам̣ мама нан̇г̇удтам̣ баригкибид̇ваа г̇ад̇анд̇и вад̣̇ад̇и.
Tattha tāvatāti ettakaṃ ṭhānaṃ mama naṅguṭṭhaṃ parikkhipitvā gatanti vadati.
д̇ам̣ суд̇ваа зл̣игаа ‘‘аяам̣ баабо мад̇хурагат̇ааяа на аллийяад̇и, бадисад̇д̇у худ̇ваа д̇асса гат̇зссаамий’’д̇и вад̇ваа бан̃жамам̣ г̇аат̇амааха –
Taṃ sutvā eḷikā ‘‘ayaṃ pāpo madhurakathāya na allīyati, paṭisattu hutvā tassa kathessāmī’’ti vatvā pañcamaṃ gāthamāha –
92.
92.
‘‘буб̣б̣зва мзд̇амагким̣су, маад̇аа бид̇аа жа бхаад̇аро;
‘‘Pubbeva metamakkhiṃsu, mātā pitā ca bhātaro;
д̣̇ийгхам̣ д̣̇удтасса нан̇г̇удтам̣, саамхи взхааяасааг̇ад̇аа’’д̇и.
Dīghaṃ duṭṭhassa naṅguṭṭhaṃ, sāmhi vehāyasāgatā’’ti.
д̇ад̇т̇а агким̣сууд̇и буб̣б̣зва мз зд̇ам̣ маад̇аа жа бид̇аа жа бхаад̇аро жа аажигким̣су. саамхийд̇и саа ахам̣ н̃аад̇агаанам̣ санд̇игаа д̇ава нан̇г̇удтасса д̣̇ийгхабхаавам̣ суд̇ваа д̇ава нан̇г̇удтам̣ барихаранд̇ий взхааяасаа аагаасзна ааг̇ад̇аад̇и.
Tattha akkhiṃsūti pubbeva me etaṃ mātā ca pitā ca bhātaro ca ācikkhiṃsu. Sāmhīti sā ahaṃ ñātakānaṃ santikā tava naṅguṭṭhassa dīghabhāvaṃ sutvā tava naṅguṭṭhaṃ pariharantī vehāyasā ākāsena āgatāti.
ат̇а нам̣ со ‘‘ж̇аанаами д̇з ахам̣ аагаасзна ааг̇ад̇абхаавам̣, звам̣ ааг̇ажчанд̇ий бана маяхам̣ бхагкз наасзд̇ваа ааг̇ад̇аасий’’д̇и вад̇ваа чадтам̣ г̇аат̇амааха –
Atha naṃ so ‘‘jānāmi te ahaṃ ākāsena āgatabhāvaṃ, evaṃ āgacchantī pana mayhaṃ bhakkhe nāsetvā āgatāsī’’ti vatvā chaṭṭhaṃ gāthamāha –
93.
93.
‘‘д̇ан̃жа д̣̇исваана ааяанд̇им̣, анд̇алигкасми зл̣игз;
‘‘Tañca disvāna āyantiṃ, antalikkhasmi eḷike;
миг̇асан̇гхо балааяид̇т̇а, бхагко мз наасид̇о д̇аяаа’’д̇и.
Migasaṅgho palāyittha, bhakkho me nāsito tayā’’ti.
д̇ам̣ суд̇ваа ид̇араа маран̣абхаяабхийд̇аа ан̃н̃ам̣ гааран̣ам̣ аахарид̇ум̣ асаггонд̇ий ‘‘маад̇ула, маа зваруубам̣ гагкал̣агаммам̣ гари, ж̇ийвид̇ам̣ мз д̣̇зхий’’д̇и вилаби. ид̇ароби нам̣ вилабанд̇ин̃н̃зва канд̇хз г̇ахзд̇ваа маарзд̇ваа каад̣̇и.
Taṃ sutvā itarā maraṇabhayabhītā aññaṃ kāraṇaṃ āharituṃ asakkontī ‘‘mātula, mā evarūpaṃ kakkhaḷakammaṃ kari, jīvitaṃ me dehī’’ti vilapi. Itaropi naṃ vilapantiññeva khandhe gahetvā māretvā khādi.
94.
94.
‘‘ижжзвам̣ вилабанд̇ияаа, зл̣агияаа рухаг̇гхасо;
‘‘Iccevaṃ vilapantiyā, eḷakiyā ruhagghaso;
г̇алагам̣ анваавамад̣̇д̣̇и, над̇т̇и д̣̇удтз субхаасид̇ам̣.
Galakaṃ anvāvamaddi, natthi duṭṭhe subhāsitaṃ.
95.
95.
‘‘нзва д̣̇удтз наяо ад̇т̇и, на д̇хаммо на субхаасид̇ам̣;
‘‘Neva duṭṭhe nayo atthi, na dhammo na subhāsitaṃ;
ниггамам̣ д̣̇удтз яун̃ж̇зт̇а, со жа саб̣бхим̣ на ран̃ж̇ад̇ий’’д̇и. –
Nikkamaṃ duṭṭhe yuñjetha, so ca sabbhiṃ na rañjatī’’ti. –
имаа д̣̇вз абхисамб̣уд̣̇д̇хаг̇аат̇аа –
Imā dve abhisambuddhagāthā –
д̇ад̇т̇а рухаг̇гхасод̇и рухирабхагко лохид̇абааяий саахасигад̣̇ийбиго. г̇алагам̣ анваавамад̣̇д̣̇ийд̇и г̇ийвам̣ мад̣̇д̣̇и, д̣ам̣сид̇ваа паалзсийд̇и ад̇т̇о. наяод̇и гааран̣ам̣. д̇хаммод̇и сабхааво. субхаасид̇анд̇и сугат̇ид̇аважанам̣, саб̣б̣амзд̇ам̣ д̣̇удтз над̇т̇ийд̇и ад̇т̇о. ниггамам̣ д̣̇удтз яун̃ж̇зт̇аад̇и бхигкавз, д̣̇удтабуг̇г̇алз бараггамамзва яун̃ж̇зяяа. со жа саб̣бхим̣ на ран̃ж̇ад̇ийд̇и со бана буг̇г̇ало саб̣бхим̣ сунд̣̇арам̣ субхаасид̇ам̣ на ран̃ж̇ад̇и, на бияааяад̇ийд̇и ад̇т̇о. д̇аабасо д̇зсам̣ гирияам̣ саб̣б̣ам̣ ад̣̇д̣̇аса.
Tattha ruhagghasoti ruhirabhakkho lohitapāyī sāhasikadīpiko. Galakaṃ anvāvamaddīti gīvaṃ maddi, ḍaṃsitvā phālesīti attho. Nayoti kāraṇaṃ. Dhammoti sabhāvo. Subhāsitanti sukathitavacanaṃ, sabbametaṃ duṭṭhe natthīti attho. Nikkamaṃ duṭṭhe yuñjethāti bhikkhave, duṭṭhapuggale parakkamameva yuñjeyya. So ca sabbhiṃ na rañjatīti so pana puggalo sabbhiṃ sundaraṃ subhāsitaṃ na rañjati, na piyāyatīti attho. Tāpaso tesaṃ kiriyaṃ sabbaṃ addasa.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа зл̣игаава зд̇арахи зл̣игаа ахоси, д̣̇ийбигоби зд̇арахи д̣̇ийбигова, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā eḷikāva etarahi eḷikā ahosi, dīpikopi etarahi dīpikova, tāpaso pana ahameva ahosi’’nti.
д̣̇ийбиж̇аад̇агаван̣н̣анаа д̣̇асамаа.
Dīpijātakavaṇṇanā dasamā.
ж̇аад̇агуд̣̇д̣̇аанам̣ –
Jātakuddānaṃ –
гажжааний адтасад̣̇д̣̇ан̃жа, суласаа жа суман̇г̇алам̣;
Kaccānī aṭṭhasaddañca, sulasā ca sumaṅgalaṃ;
г̇ан̇г̇амаалан̃жа жзд̇ияам̣, инд̣̇рияан̃жзва аад̣̇ид̇д̇ам̣;
Gaṅgamālañca cetiyaṃ, indriyañceva ādittaṃ;
адтаанан̃жзва д̣̇ийби жа, д̣̇аса адтанибаад̇агз.
Aṭṭhānañceva dīpi ca, dasa aṭṭhanipātake.
адтаганибаад̇аван̣н̣анаа нидтид̇аа.
Aṭṭhakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 426. д̣̇ийбиж̇аад̇агам̣ • 426. Dīpijātakaṃ
