| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. д̣̇ийбиган̇г̇абан̃хо
5. Dīpikaṅgapañho
5. ‘‘бханд̇з нааг̇асзна, ‘д̣̇ийбигасса д̣̇вз ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани д̣̇вз ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, д̣̇ийбиго аран̃н̃з д̇ин̣аг̇аханам̣ ваа ванаг̇аханам̣ ваа баб̣б̣ад̇аг̇аханам̣ ваа ниссааяа нилийяид̇ваа миг̇з г̇ан̣хаад̇и, звамзва ко, махаарааж̇а, яог̇инаа яог̇ааважарзна вивзгам̣ сзвид̇аб̣б̣ам̣ аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣ аббасад̣̇д̣̇ам̣ аббаниг̇гхосам̣ виж̇анаваад̇ам̣ мануссараахасзяяагам̣ бадисаллаанасааруббам̣; вивзгам̣ сзвамаано хи, махаарааж̇а, яог̇ий яог̇ааважаро нажирассзва чал̣абхин̃н̃аасу жа васибхаавам̣ баабун̣аад̇и. ид̣̇ам̣, махаарааж̇а, д̣̇ийбигасса батамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, т̇зрзхи д̇хаммасан̇г̇аахагзхи –
5. ‘‘Bhante nāgasena, ‘dīpikassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, dīpiko araññe tiṇagahanaṃ vā vanagahanaṃ vā pabbatagahanaṃ vā nissāya nilīyitvā mige gaṇhāti, evameva kho, mahārāja, yoginā yogāvacarena vivekaṃ sevitabbaṃ araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ appasaddaṃ appanigghosaṃ vijanavātaṃ manussarāhaseyyakaṃ paṭisallānasāruppaṃ; vivekaṃ sevamāno hi, mahārāja, yogī yogāvacaro nacirasseva chaḷabhiññāsu ca vasibhāvaṃ pāpuṇāti. Idaṃ, mahārāja, dīpikassa paṭhamaṃ aṅgaṃ gahetabbaṃ. Bhāsitampetaṃ, mahārāja, therehi dhammasaṅgāhakehi –
‘‘‘яат̇ааби д̣̇ийбиго наама, нилийяид̇ваа г̇ан̣хад̇з 1 миг̇з;
‘‘‘Yathāpi dīpiko nāma, nilīyitvā gaṇhate 2 mige;
д̇ат̇звааяам̣ б̣уд̣̇д̇хабуд̇д̇о, яуд̇д̇аяог̇о вибассаго;
Tathevāyaṃ buddhaputto, yuttayogo vipassako;
аран̃н̃ам̣ бависид̇ваана, г̇ан̣хаад̇и паламуд̇д̇ама’нд̇и.
Araññaṃ pavisitvāna, gaṇhāti phalamuttama’nti.
‘‘буна жабарам̣, махаарааж̇а, д̣̇ийбиго яам̣ гин̃жи басум̣ вад̇хид̇ваа ваамзна бассзна бад̇ид̇ам̣ на бхагкзд̇и. звамзва ко, махаарааж̇а, яог̇инаа яог̇ааважарзна взл̣уд̣̇аанзна ваа бад̇д̇ад̣̇аанзна ваа бубпад̣̇аанзна ваа палад̣̇аанзна ваа синаанад̣̇аанзна ваа мад̇д̇игаад̣̇аанзна ваа жун̣н̣ад̣̇аанзна ваа д̣̇анд̇агадтад̣̇аанзна ваа мукод̣̇агад̣̇аанзна ваа жаад̇угамяад̇ааяа ваа муг̇г̇асубяад̇ааяа 3 ваа баарибхада 4 яад̇ааяа ваа ж̇ан̇гхабзсанийязна ваа взж̇ж̇агаммзна ваа д̣̇ууд̇агаммзна ваа бахин̣аг̇аманзна ваа бин̣д̣абадибин̣д̣зна ваа д̣̇аанаануббад̣̇аанзна ваа вад̇т̇увиж̇ж̇ааяа ваа нагкад̇д̇авиж̇ж̇ааяа ваа ан̇г̇авиж̇ж̇ааяа 5 ваа ан̃н̃ад̇аран̃н̃ад̇арзна ваа б̣уд̣̇д̇хаббадигудтзна мижчааж̇ийвзна нибпаад̣̇ид̇ам̣ бхож̇анам̣ на бхун̃ж̇ид̇аб̣б̣ам̣ 6 ваамзна бассзна бад̇ид̇ам̣ басум̣ вияа д̣̇ийбиго. ид̣̇ам̣, махаарааж̇а, д̣̇ийбигасса д̣̇уд̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, т̇зрзна саарибуд̇д̇зна д̇хаммасзнаабад̇инаа –
‘‘Puna caparaṃ, mahārāja, dīpiko yaṃ kiñci pasuṃ vadhitvā vāmena passena patitaṃ na bhakkheti. Evameva kho, mahārāja, yoginā yogāvacarena veḷudānena vā pattadānena vā pupphadānena vā phaladānena vā sinānadānena vā mattikādānena vā cuṇṇadānena vā dantakaṭṭhadānena vā mukhodakadānena vā cātukamyatāya vā muggasupyatāya 7 vā pāribhaṭa 8 yatāya vā jaṅghapesanīyena vā vejjakammena vā dūtakammena vā pahiṇagamanena vā piṇḍapaṭipiṇḍena vā dānānuppadānena vā vatthuvijjāya vā nakkhattavijjāya vā aṅgavijjāya 9 vā aññataraññatarena vā buddhappaṭikuṭṭhena micchājīvena nipphāditaṃ bhojanaṃ na bhuñjitabbaṃ 10 vāmena passena patitaṃ pasuṃ viya dīpiko. Idaṃ, mahārāja, dīpikassa dutiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘важийвин̃н̃ад̇д̇ивибпаараа, уббаннам̣ мад̇хубааяасам̣;
‘‘‘Vacīviññattivipphārā, uppannaṃ madhupāyasaṃ;
сажз бхуд̇д̇о бхавзяяаахам̣, сааж̇ийво г̇арахид̇о мама.
Sace bhutto bhaveyyāhaṃ, sājīvo garahito mama.
‘‘‘яад̣̇иби мз анд̇аг̇ун̣ам̣, нигкамид̇ваа б̣ахий жарз;
‘‘‘Yadipi me antaguṇaṃ, nikkhamitvā bahī care;
нзва бхинд̣̇зяяамааж̇ийвам̣, жаж̇амааноби ж̇ийвид̇а’’’нд̇и.
Neva bhindeyyamājīvaṃ, cajamānopi jīvita’’’nti.
д̣̇ийбиган̇г̇абан̃хо бан̃жамо.
Dīpikaṅgapañho pañcamo.
Footnotes:
