| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౪. దీపినియఙ్గపఞ్హో
4. Dīpiniyaṅgapañho
౪. ‘‘భన్తే నాగసేన, ‘దీపినియా ఏకం అఙ్గం గహేతబ్బ’న్తి యం వదేసి, కతమం తం ఏకం అఙ్గం గహేతబ్బ’’న్తి? ‘‘యథా, మహారాజ, దీపినీ సకిం యేవ గబ్భం గణ్హాతి, న పునప్పునం పురిసం ఉపేతి? ఏవమేవ ఖో, మహారాజ, యోగినా యోగావచరేన ఆయతిం పటిసన్ధిం ఉప్పత్తిం గబ్భసేయ్యం చుతిం భేదం ఖయం వినాసం సంసారభయం దుగ్గతిం విసమం సమ్పీళితం దిస్వా ‘పునబ్భవే నప్పటిసన్దహిస్సామీ’తి యోనిసో మనసికారో కరణీయో. ఇదం, మహారాజ, దీపినియా ఏకం అఙ్గం గహేతబ్బం. భాసితమ్పేతం, మహారాజ, భగవతా దేవాతిదేవేన సుత్తనిపాతే ధనియగోపాలకసుత్తే –
4. ‘‘Bhante nāgasena, ‘dīpiniyā ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, dīpinī sakiṃ yeva gabbhaṃ gaṇhāti, na punappunaṃ purisaṃ upeti? Evameva kho, mahārāja, yoginā yogāvacarena āyatiṃ paṭisandhiṃ uppattiṃ gabbhaseyyaṃ cutiṃ bhedaṃ khayaṃ vināsaṃ saṃsārabhayaṃ duggatiṃ visamaṃ sampīḷitaṃ disvā ‘punabbhave nappaṭisandahissāmī’ti yoniso manasikāro karaṇīyo. Idaṃ, mahārāja, dīpiniyā ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte dhaniyagopālakasutte –
‘‘‘ఉసభోరివ ఛేత్వ బన్ధనాని, నాగో పూతిలతంవ దాలయిత్వా;
‘‘‘Usabhoriva chetva bandhanāni, nāgo pūtilataṃva dālayitvā;
నాహం పునుపేస్సం గబ్భసేయ్యం, అథ చే పత్థయసీ పవస్స దేవా’’’తి.
Nāhaṃ punupessaṃ gabbhaseyyaṃ, atha ce patthayasī pavassa devā’’’ti.
దీపినియఙ్గపఞ్హో చతుత్థో.
Dīpiniyaṅgapañho catuttho.
