| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. ਦੀਪਿਨਿਯਙ੍ਗਪਞ੍ਹੋ
4. Dīpiniyaṅgapañho
੪. ‘‘ਭਨ੍ਤੇ ਨਾਗਸੇਨ, ‘ਦੀਪਿਨਿਯਾ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਦੀਪਿਨੀ ਸਕਿਂ ਯੇવ ਗਬ੍ਭਂ ਗਣ੍ਹਾਤਿ, ਨ ਪੁਨਪ੍ਪੁਨਂ ਪੁਰਿਸਂ ਉਪੇਤਿ? ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਆਯਤਿਂ ਪਟਿਸਨ੍ਧਿਂ ਉਪ੍ਪਤ੍ਤਿਂ ਗਬ੍ਭਸੇਯ੍ਯਂ ਚੁਤਿਂ ਭੇਦਂ ਖਯਂ વਿਨਾਸਂ ਸਂਸਾਰਭਯਂ ਦੁਗ੍ਗਤਿਂ વਿਸਮਂ ਸਮ੍ਪੀਲ਼ਿਤਂ ਦਿਸ੍વਾ ‘ਪੁਨਬ੍ਭવੇ ਨਪ੍ਪਟਿਸਨ੍ਦਹਿਸ੍ਸਾਮੀ’ਤਿ ਯੋਨਿਸੋ ਮਨਸਿਕਾਰੋ ਕਰਣੀਯੋ। ਇਦਂ, ਮਹਾਰਾਜ, ਦੀਪਿਨਿਯਾ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਸੁਤ੍ਤਨਿਪਾਤੇ ਧਨਿਯਗੋਪਾਲਕਸੁਤ੍ਤੇ –
4. ‘‘Bhante nāgasena, ‘dīpiniyā ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, dīpinī sakiṃ yeva gabbhaṃ gaṇhāti, na punappunaṃ purisaṃ upeti? Evameva kho, mahārāja, yoginā yogāvacarena āyatiṃ paṭisandhiṃ uppattiṃ gabbhaseyyaṃ cutiṃ bhedaṃ khayaṃ vināsaṃ saṃsārabhayaṃ duggatiṃ visamaṃ sampīḷitaṃ disvā ‘punabbhave nappaṭisandahissāmī’ti yoniso manasikāro karaṇīyo. Idaṃ, mahārāja, dīpiniyā ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte dhaniyagopālakasutte –
‘‘‘ਉਸਭੋਰਿવ ਛੇਤ੍વ ਬਨ੍ਧਨਾਨਿ, ਨਾਗੋ ਪੂਤਿਲਤਂવ ਦਾਲਯਿਤ੍વਾ।
‘‘‘Usabhoriva chetva bandhanāni, nāgo pūtilataṃva dālayitvā;
ਨਾਹਂ ਪੁਨੁਪੇਸ੍ਸਂ ਗਬ੍ਭਸੇਯ੍ਯਂ, ਅਥ ਚੇ ਪਤ੍ਥਯਸੀ ਪવਸ੍ਸ ਦੇવਾ’’’ਤਿ॥
Nāhaṃ punupessaṃ gabbhaseyyaṃ, atha ce patthayasī pavassa devā’’’ti.
ਦੀਪਿਨਿਯਙ੍ਗਪਞ੍ਹੋ ਚਤੁਤ੍ਥੋ।
Dīpiniyaṅgapañho catuttho.
