| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
д̣̇исам̣г̇амигаад̣̇ивад̇т̇угат̇аа
Disaṃgamikādivatthukathā
163. сан̇г̇ахзд̇аб̣б̣од̇и ‘‘саад̇ху бханд̇з ааг̇ад̇аад̇т̇а, ид̇ха бхигкаа сулабхаа суубаб̣яан̃ж̇анам̣ ад̇т̇и, васат̇а анугган̣тамаанаа’’д̇и звам̣ бияаважанзна сан̇г̇ахзд̇аб̣б̣о. бунаббунам̣ д̇ат̇аагаран̣авасзна ануг̇г̇ахзд̇аб̣б̣о. ‘‘аама васиссаамий’’д̇и бадиважанад̣̇аабанзна убалаабзд̇аб̣б̣о. ат̇а ваа жад̇уухи бажжаязхи сан̇г̇ахзд̇аб̣б̣о жзва ануг̇г̇ахзд̇аб̣б̣о жа. бияаважанзна убалаабзд̇аб̣б̣о, ган̣н̣асукам̣ аалабид̇аб̣б̣од̇и ад̇т̇о. жун̣н̣аад̣̇ийхи убадтаабзд̇аб̣б̣о. аабад̇д̇и д̣̇уггадассаад̇и сажз сагалоби сан̇гхо на гарод̇и, саб̣б̣зсам̣ д̣̇уггадам̣. ид̇ха нзва т̇зраа на д̣̇ахараа мужжанд̇и, саб̣б̣зхи ваарзна убадтаабзд̇аб̣б̣о. ад̇д̇ано ваарз анубадтаханд̇асса аабад̇д̇и. д̇зна бана махаат̇зраанам̣ баривзн̣асаммаж̇ж̇анад̣̇анд̇агадтад̣̇аанаад̣̇ийни на саад̣̇ид̇аб̣б̣аани. звамби сад̇и махаат̇зрзхи сааяам̣баад̇ам̣ убадтаанам̣ ааг̇анд̇аб̣б̣ам̣. д̇зна бана д̇зсам̣ ааг̇аманам̣ н̃ад̇ваа батамад̇арам̣ махаат̇зраанам̣ убадтаанам̣ г̇анд̇аб̣б̣ам̣. сажасса сад̣̇д̇хим̣жараа бхигкуубадтаагаа ад̇т̇и, ‘‘маяхам̣ убадтаагаа ад̇т̇и, д̇умхз аббоссуггаа вихарат̇аа’’д̇и вад̇д̇аб̣б̣ам̣. ат̇аабисса сад̣̇д̇хим̣жараа над̇т̇и, д̇асмим̣язва бана вихаарз зго ваа д̣̇вз ваа вад̇д̇асамбаннаа вад̣̇анд̇и ‘‘маяам̣ т̇зрасса гад̇д̇аб̣б̣ам̣ гариссаама, авасзсаа паасу вихаранд̇уу’’д̇и саб̣б̣зсам̣ анаабад̇д̇и.
163.Saṅgahetabboti ‘‘sādhu bhante āgatāttha, idha bhikkhā sulabhā sūpabyañjanaṃ atthi, vasatha anukkaṇṭhamānā’’ti evaṃ piyavacanena saṅgahetabbo. Punappunaṃ tathākaraṇavasena anuggahetabbo. ‘‘Āma vasissāmī’’ti paṭivacanadāpanena upalāpetabbo. Atha vā catūhi paccayehi saṅgahetabbo ceva anuggahetabbo ca. Piyavacanena upalāpetabbo, kaṇṇasukhaṃ ālapitabboti attho. Cuṇṇādīhi upaṭṭhāpetabbo. Āpatti dukkaṭassāti sace sakalopi saṅgho na karoti, sabbesaṃ dukkaṭaṃ. Idha neva therā na daharā muccanti, sabbehi vārena upaṭṭhāpetabbo. Attano vāre anupaṭṭhahantassa āpatti. Tena pana mahātherānaṃ pariveṇasammajjanadantakaṭṭhadānādīni na sāditabbāni. Evampi sati mahātherehi sāyaṃpātaṃ upaṭṭhānaṃ āgantabbaṃ. Tena pana tesaṃ āgamanaṃ ñatvā paṭhamataraṃ mahātherānaṃ upaṭṭhānaṃ gantabbaṃ. Sacassa saddhiṃcarā bhikkhuupaṭṭhākā atthi, ‘‘mayhaṃ upaṭṭhākā atthi, tumhe appossukkā viharathā’’ti vattabbaṃ. Athāpissa saddhiṃcarā natthi, tasmiṃyeva pana vihāre eko vā dve vā vattasampannā vadanti ‘‘mayaṃ therassa kattabbaṃ karissāma, avasesā phāsu viharantū’’ti sabbesaṃ anāpatti.
со ааваасо г̇анд̇аб̣б̣од̇и убосат̇агаран̣ад̇т̇ааяа анвад̣̇д̇хамаасам̣ г̇анд̇аб̣б̣о. со жа ко уд̇увассзязва, вассаанз бана яам̣ гад̇д̇аб̣б̣ам̣, д̇ам̣ д̣̇ассзд̇ум̣ ‘‘вассам̣ васанд̇и б̣аалаа аб̣яад̇д̇аа’’д̇иаад̣̇имааха. д̇ад̇т̇а на бхигкавз д̇зхи бхигкуухи д̇асмим̣ ааваасз вассам̣ васид̇аб̣б̣анд̇и буримигааяа баад̇имогкуд̣̇д̣̇зсагзна винаа на вассам̣ убаг̇анд̇аб̣б̣ам̣. сажз со вассуубаг̇ад̇аанам̣ баггамад̇и ваа, виб̣бхамад̇и ваа, гаалам̣ ваа гарод̇и, ан̃н̃асмим̣ сад̇иязва бажчимигааяа васид̇ум̣ ваддад̇и, асад̇и ан̃н̃ад̇т̇а г̇анд̇аб̣б̣ам̣, аг̇ажчанд̇аанам̣ д̣̇уггадам̣. сажз бана бажчимигааяа баггамад̇и ваа виб̣бхамад̇и ваа гаалам̣ ваа гарод̇и, маасад̣̇ваяам̣ васид̇аб̣б̣ам̣.
So āvāso gantabboti uposathakaraṇatthāya anvaddhamāsaṃ gantabbo. So ca kho utuvasseyeva, vassāne pana yaṃ kattabbaṃ, taṃ dassetuṃ ‘‘vassaṃ vasanti bālā abyattā’’tiādimāha. Tattha na bhikkhave tehi bhikkhūhi tasmiṃ āvāse vassaṃ vasitabbanti purimikāya pātimokkhuddesakena vinā na vassaṃ upagantabbaṃ. Sace so vassūpagatānaṃ pakkamati vā, vibbhamati vā, kālaṃ vā karoti, aññasmiṃ satiyeva pacchimikāya vasituṃ vaṭṭati, asati aññattha gantabbaṃ, agacchantānaṃ dukkaṭaṃ. Sace pana pacchimikāya pakkamati vā vibbhamati vā kālaṃ vā karoti, māsadvayaṃ vasitabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 86. д̣̇исам̣г̇амигаад̣̇ивад̇т̇у • 86. Disaṃgamikādivatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇исам̣г̇амигаад̣̇ивад̇т̇угат̇ааван̣н̣анаа • Disaṃgamikādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇исам̣г̇амигаад̣̇ивад̇т̇угат̇ааван̣н̣анаа • Disaṃgamikādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / багкаг̇ан̣анаад̣̇иуг̇г̇ахан̣аануж̇аананагат̇аад̣̇иван̣н̣анаа • Pakkhagaṇanādiuggahaṇānujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 86. д̣̇исам̣г̇амигаад̣̇ивад̇т̇угат̇аа • 86. Disaṃgamikādivatthukathā
