| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮੬. ਦਿਸਂਗਮਿਕਾਦਿવਤ੍ਥੁਕਥਾ
86. Disaṃgamikādivatthukathā
੧੬੩. ਸਂਗਹੇਤਬ੍ਬੋਤਿਆਦੀਨਂ ਚਤੁਨ੍ਨਂ ਕਿਰਿਯਾਪਦਾਨਂ વਿਸੇਸਂ ਦਸ੍ਸੇਨ੍ਤੋ ਆਹ ‘‘ਸਂਗਹੇਤਬ੍ਬੋ’’ਤਿਆਦਿ। ਸਂਗਹਸਦ੍ਦਸ੍ਸ ਸਙ੍ਖੇਪਗਹਣੇਸੁਪਿ વਤ੍ਤਨਤੋ ਇਧ ‘‘ਅਨੁਗ੍ਗਹਤ੍ਥੇ’’ਤਿ ਦਸ੍ਸੇਤੁਂ ਪਾਲ਼ਿਯਂ વੁਤ੍ਤਂ ‘‘ਅਨੁਗ੍ਗਹੇਤਬ੍ਬੋ’’ਤਿ। ਤੇਨ વੁਤ੍ਤਂ ‘‘ਤਥਾਕਰਣવਸੇਨਾ’’ਤਿ। ਉਪਲਾਪੇਤਬ੍ਬੋਤਿ ਸਙ੍ਘੇਨ ਬਹੁਸ੍ਸੁਤੋ ਭਿਕ੍ਖੁ ਭਿਕ੍ਖੂਹਿ ਉਪਗਨ੍ਤ੍વਾ ਲਾਪੇਤਬ੍ਬੋ ਕਥਾਪੇਤਬ੍ਬੋ। ਉਪਟ੍ਠਾਪੇਤਬ੍ਬੋਤਿ ਸਙ੍ਘੇਨ ਬਹੁਸ੍ਸੁਤੋ ਭਿਕ੍ਖੁ ਭਿਕ੍ਖੂਹਿ ਉਪ ਅਚ੍ਚਨੇਨ ਪੂਜਨੇਨ ਠਾਪੇਤਬ੍ਬੋ। ‘‘ਸਬ੍ਬੇਸਂ ਦੁਕ੍ਕਟ’’ਨ੍ਤਿ વਤ੍વਾ ਤਦੇવ ਸਮਤ੍ਥੇਤੁਂ વੁਤ੍ਤਂ ‘‘ਇਧ ਨੇવ ਥੇਰਾ, ਨ ਦਹਰਾ ਮੁਚ੍ਚਨ੍ਤੀ’’ਤਿ। ਤੇਨਾਤਿ ਬਹੁਸ੍ਸੁਤੇਨ ਭਿਕ੍ਖੁਨਾ। ਏવਮ੍ਪਿ ਸਤੀਤਿ ਏવਂ ਅਸਾਦਿਯਨੇਪਿ ਸਤਿ। ਸਾਯਂ ਪਾਤਨ੍ਤਿ ਸਾਯਞ੍ਚ ਪਾਤੋ ਚ ਸਾਯਂਪਾਤਂ। ਉਪਟ੍ਠਾਨਨ੍ਤਿ ਉਪਟ੍ਠਾਨਟ੍ਠਾਨਂ, ਉਪਟ੍ਠਾਨਤ੍ਥਾਯ વਾ। ਤੇਨਾਤਿ ਬਹੁਸ੍ਸੁਤੇਨ ਭਿਕ੍ਖੁਨਾ। ਤੇਸਨ੍ਤਿ ਮਹਾਥੇਰਾਨਂ। ਅਸ੍ਸਾਤਿ ਬਹੁਸ੍ਸੁਤਸ੍ਸ ਭਿਕ੍ਖੁਨੋ। ਸਦ੍ਧਿਂਚਰਾਤਿ ਅਤ੍ਤਨਾ ਸਦ੍ਧਿਂ ਚਰਨ੍ਤੀਤਿ ਸਦ੍ਧਿਂਚਰਾ। ਅਥਾਪੀਤਿ ਯਦਿਪਿ। ਏਕੋ વਾ વਤ੍ਤਸਮ੍ਪਨ੍ਨੋ વਦਤੀਤਿ ਯੋਜਨਾ। ਏਸੋ ਚ ਅਹਞ੍ਚਾਤਿ ਮਯਂ। ਨਾਮਤੁਮ੍ਹਅਮ੍ਹਸਦ੍ਦੇਸੁ ਹਿ ਏਕਸੇਸੇਨ ਕਤ੍ਤਬ੍ਬੇਸੁ ਪਰੋવ ਗਹੇਤਬ੍ਬੋ। વਿਹਰਨ੍ਤੂਤਿ વਦਨ੍ਤੀਤਿ ਯੋਜਨਾ।
163.Saṃgahetabbotiādīnaṃ catunnaṃ kiriyāpadānaṃ visesaṃ dassento āha ‘‘saṃgahetabbo’’tiādi. Saṃgahasaddassa saṅkhepagahaṇesupi vattanato idha ‘‘anuggahatthe’’ti dassetuṃ pāḷiyaṃ vuttaṃ ‘‘anuggahetabbo’’ti. Tena vuttaṃ ‘‘tathākaraṇavasenā’’ti. Upalāpetabboti saṅghena bahussuto bhikkhu bhikkhūhi upagantvā lāpetabbo kathāpetabbo. Upaṭṭhāpetabboti saṅghena bahussuto bhikkhu bhikkhūhi upa accanena pūjanena ṭhāpetabbo. ‘‘Sabbesaṃ dukkaṭa’’nti vatvā tadeva samatthetuṃ vuttaṃ ‘‘idha neva therā, na daharā muccantī’’ti. Tenāti bahussutena bhikkhunā. Evampi satīti evaṃ asādiyanepi sati. Sāyaṃ pātanti sāyañca pāto ca sāyaṃpātaṃ. Upaṭṭhānanti upaṭṭhānaṭṭhānaṃ, upaṭṭhānatthāya vā. Tenāti bahussutena bhikkhunā. Tesanti mahātherānaṃ. Assāti bahussutassa bhikkhuno. Saddhiṃcarāti attanā saddhiṃ carantīti saddhiṃcarā. Athāpīti yadipi. Eko vā vattasampanno vadatīti yojanā. Eso ca ahañcāti mayaṃ. Nāmatumhaamhasaddesu hi ekasesena kattabbesu parova gahetabbo. Viharantūti vadantīti yojanā.
ਸੋ ਆવਾਸੋ ਗਨ੍ਤਬ੍ਬੋਤਿ ਏਤ੍ਥ ਕਿਮਤ੍ਥਾਯ ਗਨ੍ਤਬ੍ਬੋ, ਕਿਂ ਅਨੁਦਿવਸਂ ਗਨ੍ਤਬ੍ਬੋਤਿ ਆਹ ‘‘ਉਪੋਸਥਕਰਣਤ੍ਥਾਯ ਅਨ੍વਦ੍ਧਮਾਸਂ ਗਨ੍ਤਬ੍ਬੋ’’ਤਿ। ਸੋ ਚ ਖੋਤਿ ਆવਾਸੋ। ਉਤੁવਸ੍ਸੇਯੇવਾਤਿ ਹੇਮਨ੍ਤਗਿਮ੍ਹੇਯੇવ। ਉਤੁવਸ੍ਸੇਯੇવ ਗਨ੍ਤਬ੍ਬੋਤਿ ਅਤ੍ਥਸ੍ਸ ਞਾਤਬ੍ਬਭਾવਂ ਦਸ੍ਸੇਨ੍ਤੋ ਆਹ ‘‘વਸ੍ਸਾਨੇ ਪਨਾ’’ਤਿਆਦਿ। ਯਨ੍ਤਿ ਕਮ੍ਮਂ। ਤਤ੍ਥਾਤਿ ‘‘વਸ੍ਸਂ વਸਨ੍ਤੀ’’ਤਿਆਦਿવਚਨੇ। ਸੋਤਿ ਪਾਤਿਮੋਕ੍ਖੁਦ੍ਦੇਸਕੋ ਭਿਕ੍ਖੁ। ਅਞ੍ਞਸ੍ਮਿਨ੍ਤਿ ਅਪਰਸ੍ਮਿਂ ਪਾਤਿਮੋਕ੍ਖੁਦ੍ਦੇਸਕੇ। ਮਾਸਦ੍વਯਨ੍ਤਿ ਸਾવਣਮਾਸਪੁਣ੍ਣਮਿਤੋ ਯਾવ ਅਸ੍ਸਯੁਜਪੁਣ੍ਣਮੀ, ਤਾવ ਮਾਸਦ੍વਯਂ વਸਿਤਬ੍ਬਂ। ਇਦਂ ਪੁਰਿਮવਸ੍ਸਂ ਉਪਗਨ੍ਤ੍વਾ ਪਚ੍ਛਿਮਿਕਾਯ ਪਕ੍ਕਮਨਾਦਿਂ ਸਨ੍ਧਾਯ વੁਤ੍ਤਂ। ਸਚੇ ਪਚ੍ਛਿਮਿਕਂ ਉਪਗਨ੍ਤ੍વਾ ਅਨਨ੍ਤਰਮੇવ ਪਕ੍ਕਮਨਾਦਿਂ ਕਰੋਤਿ, ਮਾਸਤ੍ਤਯਮ੍ਪਿ વਸਿਤਬ੍ਬਂ।
So āvāso gantabboti ettha kimatthāya gantabbo, kiṃ anudivasaṃ gantabboti āha ‘‘uposathakaraṇatthāya anvaddhamāsaṃ gantabbo’’ti. So ca khoti āvāso. Utuvasseyevāti hemantagimheyeva. Utuvasseyeva gantabboti atthassa ñātabbabhāvaṃ dassento āha ‘‘vassāne panā’’tiādi. Yanti kammaṃ. Tatthāti ‘‘vassaṃ vasantī’’tiādivacane. Soti pātimokkhuddesako bhikkhu. Aññasminti aparasmiṃ pātimokkhuddesake. Māsadvayanti sāvaṇamāsapuṇṇamito yāva assayujapuṇṇamī, tāva māsadvayaṃ vasitabbaṃ. Idaṃ purimavassaṃ upagantvā pacchimikāya pakkamanādiṃ sandhāya vuttaṃ. Sace pacchimikaṃ upagantvā anantarameva pakkamanādiṃ karoti, māsattayampi vasitabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੮੬. ਦਿਸਂਗਮਿਕਾਦਿવਤ੍ਥੁ • 86. Disaṃgamikādivatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਦਿਸਂਗਮਿਕਾਦਿવਤ੍ਥੁਕਥਾ • Disaṃgamikādivatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦਿਸਂਗਮਿਕਾਦਿવਤ੍ਥੁਕਥਾવਣ੍ਣਨਾ • Disaṃgamikādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦਿਸਂਗਮਿਕਾਦਿવਤ੍ਥੁਕਥਾવਣ੍ਣਨਾ • Disaṃgamikādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾਦਿવਣ੍ਣਨਾ • Pakkhagaṇanādiuggahaṇānujānanakathādivaṇṇanā
