| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. ทิฎฺฐธมฺมนิพฺพานสุตฺตํ
10. Diṭṭhadhammanibbānasuttaṃ
๕๑. ‘‘‘ทิฎฺฐธมฺมนิพฺพานํ ทิฎฺฐธมฺมนิพฺพาน’นฺติ, อาวุโส, วุจฺจติฯ กิตฺตาวตา นุ โข, อาวุโส ทิฎฺฐธมฺมนิพฺพานํ วุตฺตํ ภควตา’’ติ?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘อิธาวุโส, ภิกฺขุ วิวิเจฺจว กาเมหิ …เป.… ปฐมํ ฌานํ อุปสมฺปชฺช วิหรติฯ เอตฺตาวตาปิ โข, อาวุโส, ทิฎฺฐธมฺมนิพฺพานํ วุตฺตํ ภควตา ปริยาเยน …เป.…ฯ
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘ปุน จปรํ, อาวุโส, ภิกฺขุ สพฺพโส เนวสญฺญานาสญฺญายตนํ สมติกฺกมฺม สญฺญาเวทยิตนิโรธํ อุปสมฺปชฺช วิหรติ, ปญฺญาย จสฺส ทิสฺวา อาสวา ปริกฺขีณา โหนฺติฯ เอตฺตาวตาปิ โข, อาวุโส, ทิฎฺฐธมฺมนิพฺพานํ วุตฺตํ ภควตา นิปฺปริยาเยนา’’ติฯ ทสมํฯ
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
สามญฺญวโคฺค ปญฺจโมฯ
Sāmaññavaggo pañcamo.
ตสฺสุทฺทานํ –
Tassuddānaṃ –
สมฺพาโธ กายสกฺขี ปญฺญา,
Sambādho kāyasakkhī paññā,
อุภโตภาโค สนฺทิฎฺฐิกา เทฺว;
Ubhatobhāgo sandiṭṭhikā dve;
นิพฺพานํ ปรินิพฺพานํ,
Nibbānaṃ parinibbānaṃ,
ตทงฺคทิฎฺฐธมฺมิเกน จาติฯ
Tadaṅgadiṭṭhadhammikena cāti.
ปฐมปณฺณาสกํ สมตฺตํฯ
Paṭhamapaṇṇāsakaṃ samattaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕-๑๐. สนฺทิฎฺฐิกธมฺมสุตฺตาทิวณฺณนา • 5-10. Sandiṭṭhikadhammasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๑๐. สมฺพาธสุตฺตาทิวณฺณนา • 1-10. Sambādhasuttādivaṇṇanā
