| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. ទិដ្ឋធម្មនិព្ពានសុត្តំ
10. Diṭṭhadhammanibbānasuttaṃ
៥១. ‘‘‘ទិដ្ឋធម្មនិព្ពានំ ទិដ្ឋធម្មនិព្ពាន’ន្តិ, អាវុសោ, វុច្ចតិ។ កិត្តាវតា នុ ខោ, អាវុសោ ទិដ្ឋធម្មនិព្ពានំ វុត្តំ ភគវតា’’តិ?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘ឥធាវុសោ, ភិក្ខុ វិវិច្ចេវ កាមេហិ …បេ.… បឋមំ ឈានំ ឧបសម្បជ្ជ វិហរតិ។ ឯត្តាវតាបិ ខោ, អាវុសោ, ទិដ្ឋធម្មនិព្ពានំ វុត្តំ ភគវតា បរិយាយេន …បេ.…។
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘បុន ចបរំ, អាវុសោ, ភិក្ខុ សព្ពសោ នេវសញ្ញានាសញ្ញាយតនំ សមតិក្កម្ម សញ្ញាវេទយិតនិរោធំ ឧបសម្បជ្ជ វិហរតិ, បញ្ញាយ ចស្ស ទិស្វា អាសវា បរិក្ខីណា ហោន្តិ។ ឯត្តាវតាបិ ខោ, អាវុសោ, ទិដ្ឋធម្មនិព្ពានំ វុត្តំ ភគវតា និប្បរិយាយេនា’’តិ។ ទសមំ។
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
សាមញ្ញវគ្គោ បញ្ចមោ។
Sāmaññavaggo pañcamo.
តស្សុទ្ទានំ –
Tassuddānaṃ –
សម្ពាធោ កាយសក្ខី បញ្ញា,
Sambādho kāyasakkhī paññā,
ឧភតោភាគោ សន្ទិដ្ឋិកា ទ្វេ;
Ubhatobhāgo sandiṭṭhikā dve;
និព្ពានំ បរិនិព្ពានំ,
Nibbānaṃ parinibbānaṃ,
តទង្គទិដ្ឋធម្មិកេន ចាតិ។
Tadaṅgadiṭṭhadhammikena cāti.
បឋមបណ្ណាសកំ សមត្តំ។
Paṭhamapaṇṇāsakaṃ samattaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៥-១០. សន្ទិដ្ឋិកធម្មសុត្តាទិវណ្ណនា • 5-10. Sandiṭṭhikadhammasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. សម្ពាធសុត្តាទិវណ្ណនា • 1-10. Sambādhasuttādivaṇṇanā
