| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. දිට්‌ඨධම්‌මනිබ්‌බානසුත්‌තං
10. Diṭṭhadhammanibbānasuttaṃ
51. ‘‘‘දිට්‌ඨධම්‌මනිබ්‌බානං දිට්‌ඨධම්‌මනිබ්‌බාන’න්‌ති, ආවුසො, වුච්‌චති. කිත්‌තාවතා නු ඛො, ආවුසො දිට්‌ඨධම්‌මනිබ්‌බානං වුත්‌තං භගවතා’’ති?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘ඉධාවුසො, භික්‌ඛු විවිච්‌චෙව කාමෙහි …පෙ.… පඨමං ඣානං උපසම්‌පජ්‌ජ විහරති. එත්‌තාවතාපි ඛො, ආවුසො, දිට්‌ඨධම්‌මනිබ්‌බානං වුත්‌තං භගවතා පරියායෙන …පෙ.….
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘පුන චපරං, ආවුසො, භික්‌ඛු සබ්‌බසො නෙවසඤ්‌ඤානාසඤ්‌ඤායතනං සමතික්‌කම්‌ම සඤ්‌ඤාවෙදයිතනිරොධං උපසම්‌පජ්‌ජ විහරති, පඤ්‌ඤාය චස්‌ස දිස්‌වා ආසවා පරික්‌ඛීණා හොන්‌ති. එත්‌තාවතාපි ඛො, ආවුසො, දිට්‌ඨධම්‌මනිබ්‌බානං වුත්‌තං භගවතා නිප්‌පරියායෙනා’’ති. දසමං.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
සාමඤ්‌ඤවග්‌ගො පඤ්‌චමො.
Sāmaññavaggo pañcamo.
තස්‌සුද්‌දානං –
Tassuddānaṃ –
සම්‌බාධො කායසක්‌ඛී පඤ්‌ඤා,
Sambādho kāyasakkhī paññā,
උභතොභාගො සන්‌දිට්‌ඨිකා ද්‌වෙ;
Ubhatobhāgo sandiṭṭhikā dve;
නිබ්‌බානං පරිනිබ්‌බානං,
Nibbānaṃ parinibbānaṃ,
තදඞ්‌ගදිට්‌ඨධම්‌මිකෙන චාති.
Tadaṅgadiṭṭhadhammikena cāti.
පඨමපණ්‌ණාසකං සමත්‌තං.
Paṭhamapaṇṇāsakaṃ samattaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-10. සන්‌දිට්‌ඨිකධම්‌මසුත්‌තාදිවණ්‌ණනා • 5-10. Sandiṭṭhikadhammasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සම්‌බාධසුත්‌තාදිවණ්‌ණනා • 1-10. Sambādhasuttādivaṇṇanā
