| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. དིཊྛདྷམྨནིབྦཱནསུཏྟཾ
10. Diṭṭhadhammanibbānasuttaṃ
༥༡. ‘‘‘དིཊྛདྷམྨནིབྦཱནཾ དིཊྛདྷམྨནིབྦཱན’ནྟི, ཨཱཝུསོ, ཝུཙྩཏི། ཀིཏྟཱཝཏཱ ནུ ཁོ, ཨཱཝུསོ དིཊྛདྷམྨནིབྦཱནཾ ཝུཏྟཾ བྷགཝཏཱ’’ཏི?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི …པེ॰… པཋམཾ ཛྷཱནཾ ཨུཔསམྤཛྫ ཝིཧརཏི། ཨེཏྟཱཝཏཱཔི ཁོ, ཨཱཝུསོ, དིཊྛདྷམྨནིབྦཱནཾ ཝུཏྟཾ བྷགཝཏཱ པརིཡཱཡེན …པེ॰…།
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི། ཨེཏྟཱཝཏཱཔི ཁོ, ཨཱཝུསོ, དིཊྛདྷམྨནིབྦཱནཾ ཝུཏྟཾ བྷགཝཏཱ ནིཔྤརིཡཱཡེནཱ’’ཏི། དསམཾ།
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
སཱམཉྙཝགྒོ པཉྩམོ།
Sāmaññavaggo pañcamo.
ཏསྶུདྡཱནཾ –
Tassuddānaṃ –
སམྦཱདྷོ ཀཱཡསཀྑཱི པཉྙཱ,
Sambādho kāyasakkhī paññā,
ཨུབྷཏོབྷཱགོ སནྡིཊྛིཀཱ དྭེ།
Ubhatobhāgo sandiṭṭhikā dve;
ནིབྦཱནཾ པརིནིབྦཱནཾ,
Nibbānaṃ parinibbānaṃ,
ཏདངྒདིཊྛདྷམྨིཀེན ཙཱཏི༎
Tadaṅgadiṭṭhadhammikena cāti.
པཋམཔཎྞཱསཀཾ སམཏྟཾ།
Paṭhamapaṇṇāsakaṃ samattaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༡༠. སནྡིཊྛིཀདྷམྨསུཏྟཱདིཝཎྞནཱ • 5-10. Sandiṭṭhikadhammasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སམྦཱདྷསུཏྟཱདིཝཎྞནཱ • 1-10. Sambādhasuttādivaṇṇanā
