| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. ദിട്ഠധമ്മനിബ്ബാനസുത്തം
10. Diṭṭhadhammanibbānasuttaṃ
൫൧. ‘‘‘ദിട്ഠധമ്മനിബ്ബാനം ദിട്ഠധമ്മനിബ്ബാന’ന്തി, ആവുസോ, വുച്ചതി. കിത്താവതാ നു ഖോ, ആവുസോ ദിട്ഠധമ്മനിബ്ബാനം വുത്തം ഭഗവതാ’’തി?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘ഇധാവുസോ, ഭിക്ഖു വിവിച്ചേവ കാമേഹി …പേ॰… പഠമം ഝാനം ഉപസമ്പജ്ജ വിഹരതി. ഏത്താവതാപി ഖോ, ആവുസോ, ദിട്ഠധമ്മനിബ്ബാനം വുത്തം ഭഗവതാ പരിയായേന …പേ॰….
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘പുന ചപരം, ആവുസോ, ഭിക്ഖു സബ്ബസോ നേവസഞ്ഞാനാസഞ്ഞായതനം സമതിക്കമ്മ സഞ്ഞാവേദയിതനിരോധം ഉപസമ്പജ്ജ വിഹരതി, പഞ്ഞായ ചസ്സ ദിസ്വാ ആസവാ പരിക്ഖീണാ ഹോന്തി. ഏത്താവതാപി ഖോ, ആവുസോ, ദിട്ഠധമ്മനിബ്ബാനം വുത്തം ഭഗവതാ നിപ്പരിയായേനാ’’തി. ദസമം.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
സാമഞ്ഞവഗ്ഗോ പഞ്ചമോ.
Sāmaññavaggo pañcamo.
തസ്സുദ്ദാനം –
Tassuddānaṃ –
സമ്ബാധോ കായസക്ഖീ പഞ്ഞാ,
Sambādho kāyasakkhī paññā,
ഉഭതോഭാഗോ സന്ദിട്ഠികാ ദ്വേ;
Ubhatobhāgo sandiṭṭhikā dve;
നിബ്ബാനം പരിനിബ്ബാനം,
Nibbānaṃ parinibbānaṃ,
തദങ്ഗദിട്ഠധമ്മികേന ചാതി.
Tadaṅgadiṭṭhadhammikena cāti.
പഠമപണ്ണാസകം സമത്തം.
Paṭhamapaṇṇāsakaṃ samattaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൫-൧൦. സന്ദിട്ഠികധമ്മസുത്താദിവണ്ണനാ • 5-10. Sandiṭṭhikadhammasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സമ്ബാധസുത്താദിവണ്ണനാ • 1-10. Sambādhasuttādivaṇṇanā
