| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
д̣̇идтаавигаммаваг̇г̇аван̣н̣анаа
Diṭṭhāvikammavaggavaṇṇanā
425. д̣̇идтаавигаммаваг̇г̇з – д̣̇идтаавигаммаад̇и д̣̇идтийнам̣ аавигаммаани; лад̣̇д̇хиббагаасанаани аабад̇д̇ид̣̇зсанаасан̇каад̇аанам̣ винаяагаммаанамзд̇ам̣ ад̇хиважанам̣. анаабад̇д̇ияаа д̣̇идтим̣ аави гарод̇ийд̇и анаабад̇д̇имзва аабад̇д̇ийд̇и д̣̇зсзд̇ийд̇и ад̇т̇о . ад̣̇зсанааг̇ааминияаад̇и г̇аругаабад̇д̇ияаа д̣̇идтим̣ аавигарод̇и; сан̇гхаад̣̇исзсан̃жа баарааж̇иган̃жа д̣̇зсзд̇ийд̇и ад̇т̇о. д̣̇зсид̇ааяаад̇и лахугаабад̇д̇ияааби д̣̇зсид̇ааяа д̣̇идтим̣ аавигарод̇и; д̣̇зсид̇ам̣ буна д̣̇зсзд̇ийд̇и ад̇т̇о.
425. Diṭṭhāvikammavagge – diṭṭhāvikammāti diṭṭhīnaṃ āvikammāni; laddhippakāsanāni āpattidesanāsaṅkhātānaṃ vinayakammānametaṃ adhivacanaṃ. Anāpattiyā diṭṭhiṃ āvi karotīti anāpattimeva āpattīti desetīti attho . Adesanāgāminiyāti garukāpattiyā diṭṭhiṃ āvikaroti; saṅghādisesañca pārājikañca desetīti attho. Desitāyāti lahukāpattiyāpi desitāya diṭṭhiṃ āvikaroti; desitaṃ puna desetīti attho.
жад̇уухи бан̃жахи д̣̇идтинд̇и яат̇аа жад̇уухи бан̃жахи д̣̇идти аавигад̇аа ход̇и, звам̣ аавигарод̇и; жад̇д̇ааро бан̃жа ж̇анаа згад̇о аабад̇д̇им̣ д̣̇зсзнд̇ийд̇и ад̇т̇о. маномаанасзнаад̇и манасан̇каад̇зна маанасзна д̣̇идтим̣ аавигарод̇и; важийбхзд̣̇ам̣ агад̇ваа жид̇д̇знзва аабад̇д̇им̣ д̣̇зсзд̇ийд̇и ад̇т̇о.
Catūhi pañcahi diṭṭhinti yathā catūhi pañcahi diṭṭhi āvikatā hoti, evaṃ āvikaroti; cattāro pañca janā ekato āpattiṃ desentīti attho. Manomānasenāti manasaṅkhātena mānasena diṭṭhiṃ āvikaroti; vacībhedaṃ akatvā citteneva āpattiṃ desetīti attho.
наанаасам̣ваасагассаад̇и лад̣̇д̇хинаанаасам̣ваасагасса ваа гамманаанаасам̣ваасагасса ваа санд̇игз д̣̇идтим̣ аавигарод̇и; аабад̇д̇им̣ д̣̇зсзд̇ийд̇и ад̇т̇о. наанаасиймааяаад̇и самаанасам̣ваасагассааби наанаасиймааяа тид̇асса санд̇игз аавигарод̇и. маал̣агасиймааяа хи тид̇зна сийманд̇аригааяа тид̇асса сийманд̇аригааяа ваа тид̇зна авиббаваасасиймааяа тид̇ассааби аабад̇д̇им̣ д̣̇зсзд̇ум̣ на ваддад̇и. абагад̇ад̇д̇ассаад̇и угкид̇д̇агасса ваа, яасса ваа убосат̇абавааран̣аа табид̇аа хонд̇и, д̇асса санд̇игз д̣̇зсзд̇ийд̇и ад̇т̇о.
Nānāsaṃvāsakassāti laddhinānāsaṃvāsakassa vā kammanānāsaṃvāsakassa vā santike diṭṭhiṃ āvikaroti; āpattiṃ desetīti attho. Nānāsīmāyāti samānasaṃvāsakassāpi nānāsīmāya ṭhitassa santike āvikaroti. Māḷakasīmāya hi ṭhitena sīmantarikāya ṭhitassa sīmantarikāya vā ṭhitena avippavāsasīmāya ṭhitassāpi āpattiṃ desetuṃ na vaṭṭati. Apakatattassāti ukkhittakassa vā, yassa vā uposathapavāraṇā ṭhapitā honti, tassa santike desetīti attho.
430. наалам̣ огаасагаммам̣ гаад̇унд̇и на барияад̇д̇ам̣ гаад̇ум̣; на гаад̇аб̣б̣анд̇и ад̇т̇о. ид̇хааби абагад̇ад̇д̇о угкид̇д̇аго жа табид̇аубосат̇абавааран̣о жа. жааванаад̇хиббааяод̇и саасанад̇о жаавзд̇угаамо.
430.Nālaṃ okāsakammaṃ kātunti na pariyattaṃ kātuṃ; na kātabbanti attho. Idhāpi apakatatto ukkhittako ca ṭhapitauposathapavāraṇo ca. Cāvanādhippāyoti sāsanato cāvetukāmo.
432. манд̣̇ад̇д̇аа момуухад̇д̇аад̇и манд̣̇абхаавзна момуухабхаавзна виссаж̇ж̇ид̇амби ж̇аанид̇ум̣ асамад̇т̇о, гзвалам̣ ад̇д̇ано момуухабхаавам̣ багаасзнд̇оязва бужчад̇и уммад̇д̇аго вияа. баабижчод̇и ‘‘звам̣ мам̣ ж̇ано самбхаавзссад̇ий’’д̇и баабигааяа ижчааяа бужчад̇и. барибхаваад̇и барибхавам̣ ааробзд̇угаамо худ̇ваа бужчад̇и. ан̃н̃аб̣яаагаран̣зсуби зсзва наяо. сзсам̣ саб̣б̣ад̇т̇а уд̇д̇аанамзваад̇и. ад̇д̇аад̣̇аанаваг̇г̇з жа д̇худ̇ан̇г̇аваг̇г̇з жа яам̣ вад̇д̇аб̣б̣ам̣ сияаа, д̇ам̣ саб̣б̣ам̣ хздтаа вуд̇д̇амзва.
432.Mandattāmomūhattāti mandabhāvena momūhabhāvena vissajjitampi jānituṃ asamattho, kevalaṃ attano momūhabhāvaṃ pakāsentoyeva pucchati ummattako viya. Pāpicchoti ‘‘evaṃ maṃ jano sambhāvessatī’’ti pāpikāya icchāya pucchati. Paribhavāti paribhavaṃ āropetukāmo hutvā pucchati. Aññabyākaraṇesupi eseva nayo. Sesaṃ sabbattha uttānamevāti. Attādānavagge ca dhutaṅgavagge ca yaṃ vattabbaṃ siyā, taṃ sabbaṃ heṭṭhā vuttameva.
д̣̇идтаавигаммаваг̇г̇аван̣н̣анаа нидтид̇аа.
Diṭṭhāvikammavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 4. д̣̇идтаавигаммаваг̇г̇о • 4. Diṭṭhāvikammavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
